Morgunblaðið - 10.11.2001, Page 51

HESTAR
MORGUNBLAÐIÐ LAUGARDAGUR 10. NÓVEMBER 2001 51
ÍSHESTAR ehf. bjóða upp á styttri
og lengri hestaferðir auk þess sem
þeir reka nýlega hestamiðstöð í
Hafnarfirði þar sem m.a. er boðið
upp á útreiðartúra og námskeið.
Fyrirtækið hefur sett sér umhverf-
isstefnu og reynt að vera umhverf-
isvænt í öllum sínum rekstri.
Einar Bollason segir að starfsfólk
Íshesta sé stolt af þessari viður-
kenningu. Mikið hafi verð lagt í að
móta umhverfisstefnu fyrirtækisins,
bæði tíma og peninga. Íshestar
fengu Stefán Gíslason umhverfis-
stjórnunarfræðing til liðs við sig til
að umhverfisvæða fyrirtækið. Einn-
ig hefur hann gert námsefni fyrir
starfsfólk og haldið námskeið fyrir
það.
Erlendir farþegar
opnuðu augu okkar fyrir
umhverfisvernd
– En hvað varð til þess að Íshest-
ar ákváðu að setja sér umhverf-
isstefnu?
„Ég skammast mín ekki fyrir það
að viðurkenna að það voru farþegar
í hestaferðum á okkar vegum fyrir
20 árum sem opnuðu augu okkar
fyrir mikilvægi þess að ganga vel
um þá staði sem við fórum um,“
sagði Einar.
Einar segir að erlendir farþegar í
hestaferðum hafi stundum haft orð
á því að þeir skilji ekki þjóð sem
býr í svo fallegu landi og gengur
ekki betur um það.
„Þjóðverjar og Norðurlandabúar
voru langt á undan okkur Íslend-
ingum að átta sig á mikilvægi þess
að vernda umhverfið og ganga vel
um landið. Ég viðurkenni það fús-
lega að þeir voru kannski skelegg-
ustu verndarar íslenskrar náttúru á
sínum tíma.
Þá er eiginkona mín, Sigrún Ing-
ólfsdóttir, á undan sinni samtíð og
hafði strax tilfinningu fyrir mikil-
vægi umhverfisverndar og nú hefur
yngri kynslóðin tekið við. Dætur
mínar og vinir þeirra líta á góða
umgengni og umhverfisvernd sem
sjálfsagðan hlut. Þetta fólk hefur
svo sannarlega opnað augu mín fyr-
ir þessum hlutum.“
Einhæf og neikvæð umfjöllun
um umgengni hestamanna
Einar segir að auðvitað ráði við-
skiptasjónarmið líka töluverðum
hluta þess að fyrirtækið tók þessa
stefnu. Hann segir að vegna þess að
farþegar í hestaferðum eru margir
hverjir miklir umhverfissinnar sem
sækjast eftir því að komast á hesta-
bak í íslenskri náttúru þurfi fyr-
irtækið að taka mið af því. Skipu-
legar hestaferðir mundu missa
vinsældir og ólíklegt væri að þetta
fólk kæmi aftur ef fyrirtækið sem
það beinir viðskiptum sínum til sýn-
ir ekki lit í umhverfismálum. Sterk
ímynd Íshesta á þessu sviði skapar
því heilmikil viðskipti.
„Umfjöllun um umgengni hesta-
manna um landið hefur verið allt of
einhæf og neikvæð,“ segir Einar.
„Yfirleitt er aðeins fjallað um þau
örfáu skipti sem eitthvað hefur far-
ið úrskeiðis og einhver hópur hesta-
manna hefur ekki gáð að sér. Ég er
nefnilega viss um að hestamenn séu
yfir höfuð umhverfissinnar og hafi
mikla tilfinningu fyrir umhverfi
sínu og vilji vernda það og bera yf-
irleitt virðingu fyrir náttúrunni.
Eins og í öllum öðrum hópum eru
til svartir sauðir sem ganga illa um
og eyðileggja gífurlega mikið fyrir
hinum.
Ég hef lengi saknað þess að þessi
mál séu ekki til umræðu á árs-
þingum Landssambands hesta-
mannafélaga. Ég tel að þau snerti
fleiri hestamenn en keppnisreglur
sem eilíflega er verið að karpa um.
Þingið væri kjörinn vettvangur til
að ná til hestamanna og hvetja til
góðrar umgengni þeirra sem
ferðast um landið.“
Íshestar eru núna í viðræðum við
þau sveitarfélög sem þeir fara um í
ferðum sínum. Einar segir að verið
sé að leita eftir samvinnu við þau til
að hægt sé að framfylgja umhverf-
isstefnunni í skálum og áningar-
stöðum á vegum sveitarfélaganna.
Hann segir þetta ganga misvel því
hugmyndirnar felast meðal annars í
því að fá sveitarfélögin til að setja
upp sorpgáma. Ekki nóg með það
heldur segir hann að helst þyrfti að
vera hægt að flokka sorp í skál-
unum.
„Við hjá Íshestum vonum að
þessi viðurkenning verði til þess að
hestamenn líti í eigin barm. Fram-
tíðin og aðgengi hestamanna að
landinu veltur mikið á því hvernig
við stöndum okkur í umhverfismál-
um. Ef við stöndum okkur illa gæti
komið til þess að hestamönnum yrði
úthýst af ýmsum stöðum. Ekki vilja
hestamenn að það gerist,“ sagði
Einar Bollason.
Aðgengi hestamanna að landinu
veltur mikið á umgengni þeirra
Á leið austur yfir Skaftá í átt að Tröllhamri.
Morgunblaðið/Ásdís Haraldsdóttir
Við Heklu. Einar Bollason telur að aðgengi hestamanna að landinu velti mikið á því hvernig þeir standi sig í umhverfismálum.
ÍSHESTAR ehf. hafa mikil-
vægu hlutverki að gegna við
að vernda umhverfið komandi
kynslóðum til hagsbóta. Mark-
mið Íshesta er að stuðla að
sjálfbærri þróun náttúru, sam-
félags, menningar og efna-
hags. Þessu markmiði vilja Ís-
hestar ná með því að:
1. Velja reiðleiðir í nánu sam
starfi og fullri sátt við
heimamenn á hverjum stað.
2. Gæta þess að hestar og
menn raski sem minnst við-
kvæmum gróðri og náttúru
landsins.
3. Vinna náið með Land-
græðslu og Náttúruvernd
ríkisins, öðrum stofnunum
sem fjalla um umhverfismál,
og umhverfissamtökum.
4. Leitast af fremsta megni við
að nota endurnýjanlegar
auðlindir í starfsemi sinni
og hafa umhverfissjónarmið
að leiðarljósi við fjárfest-
ingar og innkaup á rekstr-
arvöru.
5. Draga úr myndun úrgangs
og leggja áherslu á end-
urnýtingu og endurvinnslu.
6. Hvetja til ábyrgrar um-
gengni við land og líf.
7. Skapa starfsfólki heilbrigð
og örugg starfsskilyrði.
8. Gefa öllu starfsfólki kost á
fræðslu um umhverfismál
reglulega.
9. Miðla upplýsingum um um-
hverfismál til gesta og ann-
arra viðskiptaaðila.
10. Uppfylla öll ákvæði laga
og reglugerða um umhverf-
ismál og vinna að stöðugum
úrbótum í umhverfismálum
fyrirtækisins.
Umhverf-
isstefna
Íshesta
ehf.
Umræðan um umgengni
hestamanna um landið
hefur verið heldur einhæf
og neikvæð að mati Einars
Bollasonar, stjórnanda Ís-
hesta ehf., sem hefur sett
fram umhverfisstefnu og
hlaut á dögunum Um-
hverfisverðlaun Ferða-
málaráðs Íslands. Hann
sagði Ásdísi Haralds-
dóttur að viðurkenningin
skipti miklu máli fyrir
ímynd fyrirtækisins.
Föstudaginn 16. nóvember
UPPSKERUHÁTÍÐ
HESTAMANNA
Landssambands
hestamannafélaga
og félags hrossabænda.
Kynnir: Flosi Ólafsson.
Hestagaldrar.
Helgi Björnsson,
Jóhann Sigurðsson,
Gunnar Þórðarson.
Dansleikur með BSG.
St
afr
æn
aH
ug
m
yn
da
sm
ið
jan
/3
16
9
Forsala miða og borðapantanir alla virka daga kl. 11-19.
Sími 533 1100 - Fax 533 1110
R A D I S S O N S A S , H Ó T E L Í S L A N D I