Morgunblaðið - 15.11.2001, Qupperneq 19

Yfir 21 milljón afgreiðslustaða um allan heim
Á beinu brautinni!
KRABBI er lítið borðaður á Íslandi enda veiðist
ætur krabbi hér í afar takmörkuðum mæli,
kannski vegna þess að lítið sem ekkert er í hann
sótt. Krabbann má matreiða á margvíslegan
hátt eins og annan skelfisk og fer það reyndar
eftir því hvort hann er ferskur eða niðursoðinn. Í
þessari uppskrift er um niðursoðinn krabba að
ræða og hann er hægt að nálgast í flestum mat-
vörubúðum. Hið sama á við um kræklinginn sem
einnig er notaður í uppskriftinni, sem er fengin af heimasíðu Rf og er
ætluð fyrir 4 til 5. Slóðin á veraldarvefnum er www.rf.is.
UPPSKRIFTIN
Sjóðið hrísgrjónin í söltu
vatni. Hitið ofninn í 200°C.
Setjið hrísgrjónin í eldfast
mót. Setjið kræklinga og
krabbakjöt yfir hrísgrjónin.
Hellið 1 dl rjóma yfir. Þeyt-
ið 11⁄2 dl rjóma, bragðbæt-
ið með karrý. Breiðið
þeytta rjómann yfir réttinn.
Stráið rifnum osti yfir
rjómann. Bakið í u.þ.b. 10
mín. Berið fram salat og
brauð með.
Krabbahrísgrjón
S O Ð N I N G I N
AÐFERÐIN
1 dós krabbakjöt (200 g)
21⁄2 dl rjómi
1⁄2 tsk karrý
11⁄2 dl rifinn ostur
2 dl hrísgrjón
4 dl vatn
1 tsk salt
1 dós kræklingur (225 g)
MORGUNBLAÐIÐ FIMMTUDAGUR 15. NÓVEMBER 2001 C 19

















































































































NFÓLK

SAMEINING Samkaupa og Matbæjar er
nú á lokastigi og hefur nýtt skipurit fyrir
sameinað félag verið samþykkt. Breyt-
ingar á hlutverkaskipan stjórnenda taka
gildi í dag, 15. nóvember. Eignarhald
þessara félaga hefur verið sameiginlegt
frá sl. áramótum, en reksturinn aðskilinn
þar til nú. Eigendur að félaginu eru KEA og
Kaupfélag Suðurnesja, auk um 300 ein-
staklinga.
Í fréttatilkynningu kemur fram að heild-
arvelta félagsins verður á þessu ári rúm-
lega 8 milljarðar króna og starfsmenn eru
um 500 talsins. Félagið rekur í dag 24
verslanir undir nöfnunum Nettó, Úrval,
Samkaup, Sparkaup, Strax og Kaskó. Að
auki rekur félagið Valgarð, kostverslun á
Akureyri, og kjötvinnsluna Kjötsel í Reykja-
nesbæ.
Sameinað verður félagið þriðja stærsta
fyrirtækið á matvörumarkaðnum, en um
leið langminnst þeirra þriggja stóru.
Stærðarmunur fyrirtækja á matvörumark-
aðnum hefur verið að aukast að und-
anförnu og þeir stærstu, þ.e. Baugur og
Kaupás, hafa verið að stækka mikið.
Sókn þeirra hefur ekki hvað síst verið á
þeim svæðum sem Samkaup og Matbær
hafa verið að starfa, en þessi félög hafa
hingað til einkum verið með starfsemi á
landsbyggðinni.
Á síðustu mánuðum hefur verið unnið í
endurskoðun á helstu kostnaðarþáttum í
félaginu og hagrætt á ýmsum sviðum.
M.a. verður yfirstjórn félagsins einfaldari
og mun ódýrari en áður.

Framkvæmdastjóri er
Guðjón Stefánsson. Í
stjórn Samkaupa hf. eru
Jón Sigurðsson formað-
ur, Halldór Jóhannsson,
Magnús Haraldsson,
Rögnvaldur Skíði Frið-
björnsson og Ólafur
Gunnlaugsson.

Starfsmannastjóri er
Skúli Þorbergur Skúla-
son. Skúli, sem er 45
ára, hefur starfað hjá
Samkaupum og KSK
síðustu 16 ár, nú síðast
sem fulltrúi fram-
kvæmdastjóra. Hans
starfssvið verður
starfsþróun og starfsmannastjórnun auk
þess að hafa yfirumsjón með gæða- og ör-
yggismálum. Þá mun Skúli sjá um al-
mannatengsl Samkaupa hf. Skúli er
menntaður kennari en hefur lokið rekstr-
arfræðinámi frá Endurmenntunarstofnun
Háskóla Íslands. Eiginkona Skúla er Inga
Lóa Guðmundsdóttir forstöðumaður og
eiga þau þrjú börn, Maríu Rós, 24 ára,
Berglindi, 20 ára, og Guðmund Inga, 14
ára.

Rekstrarstjóri er
Hannes Karlsson.
Hannes er 42 ára og
hefur starfað hjá KEA sl.
10 ár, fyrst sem fram-
kvæmdastjóri Sam-
lands sf. og deild-
arstjóri matvörudeildar
KEA til loka árs 1999.
Síðan þá hefur hann verið deildarstjóri
Nettó-verslananna. Hannes verður rekstr-
arstjóri Nettó/Kaskó verslananna, sem
staðsettar eru á Akureyri, í Reykjavík, á
Akranesi og í Keflavík. Hannes útskrif-
aðist sem stúdent frá Samvinnuskólanum
á Bifröst 1981. Hann er giftur Rósu Njáls-
dóttur nema og eiga þau þrjár dætur.

Rekstrarstjóri er Gísli
Gíslason. Gísli er 48
ára. Hann var fram-
kvæmdastjóri hjá J.S.
Helgasyni ehf. í Reykja-
vík í 19 ár. Hann starf-
aði sem innkaupastjóri
hjá Samlandi, Akureyri,
frá 1996 til loka ársins
1999. Frá árinu 2000 hefur hann síðan
starfað sem deildarstjóri innkaupa hjá
Matbæ ehf., Akureyri. Gísli verður rekstr-
arstjóri verslanakeðjanna Samkaupa,
Sparkaupa, Úrvals og Strax, sem eru stað-
settar víða um land, auk kostverslunar-
innar Valgarðs á Akureyri. Hann útskrif-
aðist frá Samvinnuskólanum á Bifröst árið
1976. Gísli er giftur Láru Stefánsdóttur
deildarstjóra upplýsingatæknideildar
Menntaskólans á Akureyri og á hann fjög-
ur börn.

Fjármálastjóri er Óm-
ar Valdimarsson. Ómar
er 36 ára rekstrarfræð-
ingur frá Samvinnuhá-
skólanum á Bifröst.
Hans starfssvið verður
fjármálastjórn. Ómar
hefur starfað hjá Kaup-
félagi Suðurnesja og
Samkaupum hf. frá árinu 1996, fyrst sem
verslunarstjóri á Ísafirði og síðan í mark-
aðs- og þjónustudeild. Eiginkona Ómars
er Sigurrós Helgadóttir og eiga þau tvo
syni, Ólaf Valdimar, 12 ára, og Óskar
Smára, 6 ára.

Forstöðumaður upp-
lýsingamála er Axel Að-
algeirsson. Axel er 32
ára og hefur starfað hjá
Matbæ ehf. í tæpt ár
sem aðstoðarmaður
framkvæmdastjóra. Þar
áður var hann versl-
unarstjóri Húsasmiðj-
unnar á Húsavík. Hans starfssvið verður
innra eftirlit og eftirlit með upplýsingakerfi
fyrirtækisins. Hann er iðnrekstrarfræð-
ingur frá Háskólanum á Akureyri. Hann er í
sambúð með Ragnheiði Lilju Bjarnadóttur
kennara og eiga þau einn son, Aðalgeir, 2
ára.

Innkaupastjóri er
Sturla Eðvarðsson.
Sturla er 37 ára rekstr-
arfræðingur frá Sam-
vinnuháskólanum á Bif-
röst. Hans starfssvið
hefur með að gera inn-
kaup og samningamál
ásamt markaðsmálum.
Hann starfaði sem verslunarstjóri hjá
Kaupfélagi Steingrímsfjarðar á Hólmavík
1992-1994 og síðan sem verslunarstjóri
hjá Samkaupum í Njarðvík frá 1994 en
síðustu tvö ár hefur hann starfað sem
rekstrarstjóri Samkaupa. Maki er Sig-
urlaug Reynisdóttir bókari hjá Flugleiðum
og dætur Erla María og Svava Rún.
Samkaup hf.
og Matbær ehf.
ljúka samein-
ingarferli

SIGURÐUR Ingvars-
son hefur verið ráðinn
forstöðumaður Til-
raunastöðvar Háskóla
Íslands í meinafræði á
Keldum og prófessor
við læknadeild Háskóla
Íslands. Á Tilraunastöð-
inni fara fram grunn-,
hagnýtar og þjónusturannsóknir á dýra-
sjúkdómum.
Sigurður lauk BS-prófi í líffræði frá Há-
skóla Íslands árið 1979, viðbótarnámi
(BS 120) árið 1980 og prófi í kennslu-
fræði 1981, einnig frá Háskóla Íslands.
Á árunum 1981–1984 starfaði hann við
krabbameinsrannsóknir á frumu-
líffræðideild Rannsóknastofu Háskólans
í meinafræði á Landspítala. Hann stund-
aði framhaldsnám í sameinda- og
krabbameinslíffræði við krabbameins-
líffræðideild Karolinska Institutet í Stokk-
hólmi árin 1984–1989 og lauk þaðan
doktorsprófi (dr. med. sc.) árið 1989.
Hann vann síðan að rannsóknum við
sameindalíffræðideild sömu stofnunar
1989–1991. Rannsóknir hans í Svíþjóð
beindust að krabbameinsgenum og
hvernig örvun þeirra leiðir til æxlismynd-
unar.
Árin 1991–1995 starfaði Sigurður sem
sérfræðingur við læknadeild Háskóla Ís-
lands á frumulíffræðideild Rann-
sóknastofu Háskólans í meinafræði og á
sömu deild sem starfsmaður Landspít-
alans frá 1995. Frá því að hann kom til
Íslands hefur hann unnið að rannsóknum
á sameindalíffræði og erfðafræði krabba-
meina í mönnum, einkum brjósta- og rist-
ilkrabbameins. Hann varð dósent við
læknadeild Háskóla Íslands árið 1998,
en hafði áður verið stundakennari við líf-
fræðiskor í nokkur ár.
Sigurður er kvæntur Þórunni M. Lár-
usdóttur, hjúkrunardeildarstjóra á líkn-
ardeild Landspítala – háskólasjúkrahúss,
og eiga þau þrjú börn; Lárus, Tinnu og
Val.
Nýr forstöðumaður
Tilraunastöðvar
Háskóla Íslands