Morgunblaðið - 25.11.2001, Blaðsíða 6

6 B SUNNUDAGUR 25. NÓVEMBER 2001 MORGUNBLAÐIÐ
É
G FINN eftirlýstan –
Björgvin Halldórsson –
uppi á þriðju hæð í hús-
næði Iðunnar við Selja-
veg. Þar situr hann
hinn rólegasti ásamt
Gísla Rúnari Jónssyni
nánast í miðri hrúgu af myndum, úr-
klippum og minnisblöðum inni á
skrifstofu hjá Jóni Karlssyni. „Hvað
er um að vera?“ segi ég. „Nú, við er-
um bara að ljúka við að búa til bók,“
segja þeir og rísa að svo mæltu upp
úr hrúgunni og bjóða mér kaffi. Ég
elti Björgvin, eða Bo eins og sumir
kalla hann, fram á kaffistofu.
Meðan við skundum fram ganginn
sé ég Björgvin í anda eins og hann
var þegar hann var kallaður Bjöggi
af aðdáendum sínum og brosti til
þeirra með brotna aðra stóru fram-
tönnina. Þá var Björgvin rengluleg-
ur unglingur með sítt hár og
hneykslaði hálfpartinn eldra fólkið í
landinu. Það hefði líklega ekki orðið
eins hneykslað hefði það séð aðeins
fram í tímann – séð t.d. hve mynd-
arlega Bo ferst úr hendi að skola af
bolla fyrir mig og láta svo kaffivél-
ina búa til fyrir mig mjólkurkaffi að
ítölskum hætti.
„Eftirlýstur er fyrsta sólóplatan
mín í ein fjórtán ár,“ segir Björgvin
þegar við höfum sest með kaffið inn í
fundarherbergi til þess að ræða
saman í ró og næði.
„Ég hef hins vegar staðið að, verið
viðriðinn eða komið fram á fjölda
platna í áratugi – líklega einum 150
til 160 plötum og hljóðrituð lög með
mér eru orðin um 500.
Þegar maður var að byrja í þess-
um bransa þá datt manni ekki í hug
að maður ætti eftir að hljóðrita fleiri
lög en kóngarnir á þeim tíma, þeir
Haukur Morthens, Raggi Bjarna og
Alfreð Clausen,“ bætir hann við og
hlær.
Lög sem mótuðu
Það er sitthvað skemmtilegt við
að hitta fólk sem hefur sett svip á
samtíð sína í eins ríkum mæli og
Björgvin hefur gert. Ekki aðeins er
gaman að hitta hann sjálfan heldur
líka þá fortíð sem stendur nánast á
bak við hann og tekur myndbreyt-
ingum í samræmi við frásögn hans.
Söngvarar og skemmtikraftar eru
öðrum fremur í því hlutverki að
bregða upp speglinum fyrir okkur
hin.
„Á þessari plötu eru mörg af þeim
lögum sem mótuðu mig mest, hún er
fyrir sitt leyti á svipuðu róli og bókin
hans Gísla Rúnars sem geymir ágrip
af lífssögu minni,“ segir Björgvin.
„Við vildum gera þessa plötu með
„gamla laginu“ – reyna að fá í hana
hljómsveitarhljóm. Nú gegnir tölv-
an svo stóru hlutverki, allt er tekið
upp stafrænt og í tölvu. Við reynd-
um að gera eins og menn gerðu áður
fyrr – ákváðum lögin og stilltum
þeim upp. Svo komu hljóðfæraleik-
ararnir og spiluðu. Það var gaman
að gera þetta eins og í gamla daga.
Ég fékk mæta menn í lið með mér
og vinnan gekk fljótt, við vorum
fimm vikur að taka lögin upp og
ganga frá þeim. Þrjú lög eru eftir
mig, tvö eftir Megas – Spáðu í mig,
sem við í Brimkló ætluðum að taka í
gamla daga, og lagið hans Tvær
stjörnur, sem er eitt hið fallegasta
lag sem hér hefur verið samið. Þá er
nýtt lag eftir Guðmund Jónsson í
Sálinni og lag eftir Rolling Stones.
Ég var á vissan hátt að velja
„uppáhaldslögin“ mín, lög sem hafa
mótað mig. Textarnir eru allflestir
eftir Jónas Friðrik – Stefán Hilm-
arsson gerði einn texta og svo eru
það textar Megasar, einnig eru tveir
textar á ensku, annað er Magic mo-
ments.“
Alæta á tónlist
Ég spyr Björgvin á hvers konar
tónlist hann hlusti helst.
„Ég er alæta á tónlist – hlusta á
alla góða tónlist og kaupi enn plötur,
er að endurnýja vínylsafnið mitt.
Ég fylgist með því sem er að ger-
ast í poppheiminum og tónlistarlíf-
inu hér og úti, ekki síður hjá unga
fólkinu. Það geri ég að hluta til í
gegnum börnin mín, Svölu og Odd
Hrafn, þau eru bæði að fást við tón-
list – mjög ólíka tónlist. Hann er í
harðri jaðarmúsik en hún meira
„mainstream“.“
Er ekki skemmtilegt þegar marg-
ir í sömu fjölskyldu lifa og hrærast í
tónlist?
„Fólk ímyndar sér það – „það er
ábyggilega mjög gaman hjá þeim –
alltaf syngjandi saman tónlist“,“
segir hann og hlær. „Jú, vissulega
höfum við gaman af þessu – en kon-
unni minni, Ragnheiði B. Reynis-
dóttur, finnst stundum nóg um. Það
snýst raunar allt hjá okkur um tón-
list og kettina þrjá – við eigum
persakött, dvergkött sem er síams-
Tónlist heldur manni
Eftirlýstur heitir ný sóló-
plata Björgvins Halldórs-
sonar eða Bo eins og bók
um hann heitir sem einnig
er að koma út núna. Guðrún
Guðlaugsdóttir fékk að
heyra eitt og annað um gerð
plötu og bókar og skoðanir
Björgvins á ýmsu í fortíð og
nútíð.
Hljómsveitin Ævintýri með tónleika í Húsafelli.