Morgunblaðið - 25.11.2001, Blaðsíða 20

20 B SUNNUDAGUR 25. NÓVEMBER 2001 MORGUNBLAÐIÐ
bílar
Jeep Liberty, arftaki Jeep Cherokee,
er kominn hingað til lands á vegum
Netsölunnar í Garðabæ. Í Evrópu
mun þessi bíll áfram heita Cherokee
en þeir bílar sem hingað koma á veg-
um Netsölunnar eru fluttir inn frá
Kanada og heita Liberty. Þeir eru án
verksmiðjuábyrgðar en að sögn Lúð-
víks Hraundal sölustjóra er veitt
tveggja ára ábyrgð á bílunum sam-
kvæmt íslenskum kaupalögum. Þjón-
ustu veitir bílaverkstæðið Bíljöfur.
Nýr bíll í stað Cherokee
Þrátt fyrir að vera fluttir inn frá
Kanada virðist sem bílarnir séu í
flestu samkvæmt Evrópustöðlum.
Boðið er upp á þrjár gerðir af þessum
bíl hérlendis, þ.e. handskiptan Lib-
erty Sport með 2,4 lítra, fjögurra
strokka, 150 hestafla vél sem kostar
3.390.000 kr., sjálfskiptan Liberty
Sport með 3,7 lítra V6, 210 hestafla
vél, og Liberty Limited Edition með
sömu vél sem er hlaðinn búnaði. Við
prófuðum síðastnefnda bílinn á dög-
unum.
Það var líklega orðið tímabært hjá
Jeep að skipta út Cherokee sem kom
fyrst á markað 1983 sem 1984 árgerð.
Hann hefur lítið breyst í gegnum tíð-
ina og var orðinn hálfgerð risaeðla í
samanburði við nýrri jeppa. Útlits-
breytingarnar eru mjög miklar. Lib-
erty er ávalari, með kringlóttar fram-
lugtir og stórt, áberandi grill. Bíllinn
virðist við fyrstu sýn minni en í raun
er hann 22,5 sm lengri og svipaður á
breidd. Hann er með öðrum orðum
lengri en helstu keppinautarnir, þ.e.
Toyota RAV4, Grand Vitara og Ford
Escape en rúmum 10 sm styttri en
Honda CR-V og rúmum 27 sm styttri
en Grand Vitara XL-7.
Feikilega aflmikil V6-vél
Hugnist mönnum bíllinn að utan
ættu þeir einnig að vera hrifnir af inn-
réttingunni þar sem sportleg og
glæsileg hönnun ræður ríkjum. Stýr-
ið er leðurklætt með fjórum pílárum,
kannski frekar grannt þegar gripið er
um það, en áferðarfallegt. Hraðastill-
ir er innbyggður í stýrið. Stýringin er
nákvæm í bílnum en í utanvegaakstri
vill tannstangarstýrið kippa dálítið á
móti í verstu fyrirstöðunum.
Í Limited-gerðinni er 3,7 lítra, V6
vélin staðalbúnaður. Í fyrstu verður
þessi gerð einungis fáanleg með sjálf-
skiptingu en síðar með fimm gíra
beinskiptingu. Bíllinn er verulega
sprettharður með þessari 210 hest-
afla vél, sem er ný frá Jeep. Hún
hljóðlát og togar mikið. Sem dæmi
má nefna að með sjálfskiptingunni
hefur bíllinn það af að draga 2.268 kg.
Kostur við sjálfskiptinguna er að hún
hefur sama gírhlutfall í fyrsta gír og
bakkgír sem gefur bílnum meira tog
þegar verið er að bakka með þyngsli
aftan í. Fjórhjóladrifbúnaðurinn er
Selec-Trak sem hefur millikassa fyrir
lágt drif. Við góðar aðstæður í borg-
inni er ekið í afturdrifi en skipt í ann-
að hvort fjórhjóladrif sem kemur inn
þegar þörf er á því (part-time 4wd),
eða sítengt aldrif með lítilli stöng við
hlið sjálfskiptingarinnar. Ekki þarf
að stöðva bílinn þegar skipt er milli
drifa nema þegar lága drifið er valið.
Engar driflæsingar eru í bílnum en
hann er með góða veghæð, 24,4 sm,
og virkilega duglegur utanvega.
ABS ekki meðal staðalbúnaðar
Farnar eru blaðfjaðrirnar sem
jafnan fylgdu Cherokee og komnir
gormar allan hringinn. Fyrir vikið
hefur bíllinn, sem ekki er byggður á
sjálfstæða grind, fengið fína fólksbíla-
eiginleika á malbikinu og sómir sér
þar vel. Alls konar sniðugar lausnir
eru í þessum bílum. Hurðir læsast
t.a.m. sjálfkrafa þegar 30 km hraða er
náð og þegar afturhlerinn er opnaður
opnast rúðan um leið. Ókostur er hins
vegar að hún lokast ekki sjálfkrafa
þegar hleranum er lokað. Athygli
vekur hins vegar að ABS-hemlakerfi
er aukabúnaður í þennan annars vel
búna bíl, sem sýnir kannski í hnot-
skurn mismunandi áherslur milli
Bandaríkjanna og Íslands í búnaði
bíla.
Jeep Liberty er eftirtektarverð og
skemmtileg viðbót við fjölbreytta jep-
paflóruna. Hann býður upp á frábæra
vél, góða aksturseiginleika, jafnt utan
sem innan vegar, djarfa og frísklega
hönnun og ágætan búnað. Verðið er
stíft, eða 4.790.000 kr. fyrir bílinn eins
og hann var prófaður, þ.e. í Limited
Editition, sem er leðurklæddur, sjálf-
skiptur og með ýmsum þægindabún-
aði en þó án ABS og sóllúgu. Suzuki
Grand Vitara XL-7 í Limited út-
færslu, sem er stærri bíll byggður á
sjálfstæða grind en með aflminni V6-
vél, er leðurklæddur og að auki með
sóllúgu, ABS og loftkælingu, kostar
rúmri einni milljón kr. minna. Það er
því að mörgu að hyggja í samanburði
en eitt er víst að Liberty er eftirtekt-
arverður bíll með góða eiginleika.
Morgunblaðið/Sverrir
Jeep Liberty Limited Edition kostar hátt á fimmtu milljón kr.
Glæsilega
hannaður
og aflmikill
Jeep Liberty
Það sem fyrst vekur athygli er stórt og áberandi grillið ásamt kringlóttum lugtunum. Hurðarhúnar úr áli eru stórir og gerðarlegir.
Vandaður frágangur og sportlegt útlit er í nýjum Liberty.
Afturhlerinn opnast til hliðar og afturrúðan um leið. Varadekk er á afturhler-
anum.
gugu@mbl.is
REYNSLUAKSTUR
Jeep Liberty
Guðjón Guðmundsson
Vél: 3,7 lítrar, V6.
Afl: 210 hestöfl við
5.200 sn./mín.
Tog: 319 Nm við
4.000 sn./mín.
Lengd: 4.430 mm.
Breidd: 1.819 mm.
Hæð: 1.801 mm.
Eigin þyngd: 1.750 kg.
Drif: Selec-Trac, afturdrif
með sítengdu eða
hluttengdu fjórhjóladrifi,
lágt drif.
Fjöðrun: Gormar framan
og aftan.
Farangursrými:
821–1.954 lítrar.
Öryggisbúnaður: Tveir
öryggispúðar, fimm
þriggja punkta bílbelti,
fimm hnakkapúðar.
Hemlar: Diskar að framan,
tromlur að aftan.
Staðalbúnaður: Leðurinn-
rétting, skriðstilling,
fjögurra þrepa sjálfskipt-
ing, loftkæling, útvarp/
segulband/geislaspilari,
þokuljós, rafstilling í öku-
mannssæti, álfelgur.
Verð: 4.790.000 kr.
Innflytjandi: Netsalan
ehf., Garðatorgi.
Jeep Liberty
Limited Edition