Morgunblaðið - 25.11.2001, Blaðsíða 13

Umdeilt at í
Andalúsíu
Daginn áður var ekki
fjallað um nautaatið
á íþróttasíðum dag-
blaða, heldur menn-
ingarsíðum.

FRÉTTABRÉF Lonely Planet greinir frá því að
risavaxið „pohutukawa“-tré á Spáni hafi hrundið af
stað deilum um það hvort hvaða Evrópumenn hafi
komið fyrstir til Nýja Sjálands. „Pohutukawa“-tréð
er einnig kallað nýsjálenskt jólatré vegna skær-
rauðra blóma sem skjóta upp kollinum á aðvent-
unni og vex einkum á Nýja-Sjálandi. Spænska tréð
er sömu gerðar og sverja heimamenn að það sé 4-
500 ára gamalt. Reynist það rétt er hugsanlegt að
Spánverjar hafi verið fyrri til að heimsækja Nýja-
Sjáland en Abel Tasman árið 1642 og jafnframt
komið til landsins löngu áður en Cook skipstjóri
sigldi þangað í fyrsta sinn árið 1769. Umrætt „poh-
utukawa“-tré er stolt La Corrunna á Spáni, höf-
uðborgar Galisíu, og þótt margir leggi trúnað á að
Spánverjar hafi verið fyrstir Evrópubúa til landsins
eru aðrir þeirrar hyggju að Cook skipstjóri hafi tek-
ið ýmis sýnishorn úr plönturíkinu með sér tilbaka
frá Nýja-Sjálandi. Landkönnuðurinn Alessandro
Malaspina kom við á Suðureyju árið 1793 en ef ald-
ur trésins á Spáni kemur heim og saman við það
sem heimamenn vilja halda fram voru aðrir Spán-
verjar á undan honum 200 árum áður. „Pohutuk-
awa“-tré vaxa ágætlega í strandhéruðum Galisíu
sem sögð er laus við skordýraplágur og loftkulda.
„Pohutukawa“-tréð í La Corrunna nýtur enn-
fremur slíkrar velþóknunar að það er partur af
skjaldarmerki borgarinnar, segir að síðustu í frétta-
bréfi Lonely Planet.
Ný-sjálenskt „jólatré“ á Spáni
veldur ágreiningi um landafundi

SVENSKA Dagbladet greinir
frá því að leiguflugfélagið Brit-
annia, ferðaskrifstofan Fri-
tidsresor og þarlend flug-
málastjórn séu með á
prjónunum heimasíðu fyrir
flughrædda á Netinu þar sem
meðal annars verði kleift að
bera upp spurningar.
Fram kemur að kannanir
bendi til þess að um fjórði hver maður þjáist af ein-
hvers konar flugkvíða og í 10% tilvika komi hræðsla
alfarið í veg fyrir ferðalög með flugvélum. Svenska
Dagbladet heldur því líka fram að flughræðsla hafi
færst í vöxt eftir tíð flugslys að undanförnu.
Sænsk heimasíða í bígerð
fyrir flughrædda

FAKTORSHÚSIÐ í Hæstakaupstað á
Ísafirði hefur verður opnað aftur nú
um mánaðamótin eftir miklar end-
urbætur. Húsið er um það bil 230 ára
gamalt og er nú í upprunalegri mynd
að mestu leyti og hið glæsilegasta að
sjá, segir
Rúnar Óli
Karlsson at-
vinnumála-
fulltrúi Ísa-
fjarðarbæjar.
Í húsinu
verður alvöru
kaffihús, segir
Rúnar Óli
ennfremur, og veitingaaðstaða auk
þess sem íbúð verður til leigu á efri
hæð. „Húsið er afar fallegt og segja má
að endurnýjun þess hafi kostað blóð,
svita og tár,“ segir hann
Faktorshúsið verður opnað um mán-
aðamótin og segir Rúnar Óli líta út fyr-
ir að vinsælt verði í jólaösinni að setj-
ast þar niður og fá sér heita hressingu.
Auk þess er búið að leggja inn fjölda
pantana fyrir minni fundi og sauma-
klúbba, segir hann að endingu.
Faktorshúsið í
Hæstakaupstað opnað
eftir endurbætur
Faktorshúsið í Hæsta-
kaupstað á Ísafirði er um
230 ára gamalt.

ANTOR Travelguide
greinir frá því að
Norðmenn heimsæki
nágranna sína Finna í
síauknum mæli. Fjöldi
norskra ferðamanna
jókst um tæp 12% í
Finnlandi yfir sumarmánuðina og Norðmenn áttu
131.000 gistinætur í landinu á sama tímabili.
„Norðmenn eru því í þriðja sæti þegar tekinn er
saman fjöldi erlendra sumargesta í Finnlandi, sam-
kvæmt nýjum tölfræðilegum upplýsingum. Ný úttekt
leiðir einnig í ljós að helsta aðdráttaraflið á sumrin
fyrir þúsundir norskra barnafjölskyldna er Múm-
ínland, finnskar sólarstrendur og önnur fjöl-
skylduafþreying. Fleiri ástæður eru finnsku gufu-
baðshótelin sem eru um 100 talsins.“
Einnig segir að þótt sumarið sé vinsælasti tíminn
leggi fjöldi Norðmanna leið sína í helgarferðir sem
munu fyrir vikið hafa aukist um 25% fyrstu átta
mánuði ársins. „Rannsóknir leiða jafnframt í ljós að
helsta ástæða þess að Norðmenn velja Helsinki sem
áfangastað er sú að þeir sjá borgina sem nýjan og
framandi valkost. Menningarlífið laðar einnig marga
en færri kjósa Helsinki einvörðungu til þess að
skemmta sér.
Kannanir sýna nefnilega fram á að gestir í Helsinki
eru ekki einvörðungu dæmigerðir stórborg-
arferðamenn því þriðjungur þeirra tekur alla fjöl-
skylduna með sér,“ segir að síðustu í Antor Travel-
guide.
Helsinki er vinsæll áfangastaður
hjá norskum fjölskyldum
HEIMSSAMTÖK
ferðaþjónustunnar,
World Tourism Org-
anisation, hafa sent frá
sér frétt þar sem
hermt er að greinin
muni rétta úr kútnum
fyrr en margir hafi
ætlað. Sem kunnugt er
hafa hryðjuverkin í
Bandaríkjunum 11.
september og átökin í
Afganistan orðið til
þess að draga úr ferða-
lögum, en nú er því
spáð að búast megi við
auknum vexti í ferða-
þjónustunni á seinni
helmingi næsta árs. Nokkrir tug-
ir sérfræðinga í ferðaþjónustu og
fulltrúar greinarinnar í 35 lönd-
um hittust á þriggja daga um-
ræðufundi í Pisa á Ítalíu fyrr í
mánuðinum og fyrrgreind spá er
niðurstaða hans. „Bandaríski
markaðurinn hefur orðið verst
úti, sem vonlegt er, bæði í ferðum
til og frá landinu, en þrátt fyrir
það er ekki búist við að samdrátt-
ur í ferðalögum Bandaríkja-
manna til útlanda verði nema 2%
í allt árið 2001 og að þau muni
aukast um 1% á ný á næsta ári.
Búist hafði verið við 4% aukn-
ingu í ferðalögum til Evrópu,
sem ekki gengur eftir þar sem
markaðurinn stendur í stað, en á
næsta ári er ráð fyrir gert að þau
muni vaxa um 2%,“ segir í frétt-
inni.
Rússar ferðast enn til Egyptalands
Þá kemur fram að ferðalög frá
Rússlandi muni aukast í framtíð-
inni en Rússar eru sagðir ein fárra
þjóða sem ekki hafa dregið úr
heimsóknum til Egyptalands eftir
að hryðjuverkin voru framin, að-
allega vegna mikils afsláttar hjá
ferðaskrifstofum sem selja ferðir
þangað. „Því var spáð að aukning
á ferðalögum Ástrala yrði 4% á
þessu ári en hún verð-
ur 1%. Á næsta ári er
hins vegar gert ráð
fyrir 4% aukningu á
ný, einkum vegna
batnandi efnahags-
ástands í Ástralíu.“
Kínverjar hafa
ferðast í ár sem aldrei
fyrr og munu fara í
sex milljónir ferðalaga
á þessu ári, segir enn-
fremur, en helstu
áfangastaðir þeirra
eru Hong Kong, Mac-
aú og Taívan.
Loks segir að
breytingar á ferða-
hegðun séu ótrúlega svipaðar á
mörkuðum víða um heim. Meðal
þess sem orðið hefur vart við er
aukin áhersla á öryggi, fleiri
ferðalög innanlands og til kunn-
uglegri staða nær heimahögun-
um, meiri sókn í samgöngur á
jörðu niðri, fleiri heimsóknir til
ættingja og vina, minni eftir-
spurn eftir ævintýra- og
skemmtiferðum, aukinn áhugi á
stuttum borgarferðum til minni
borga og að síðustu ríkari krafa
um ferðalög sem skilja eitthvað
eftir sig, sem og menningar-
tengda afþreyingu og návígi við
náttúruna á áfangastað.
Búist við að ferðalög muni
aukast aftur á næsta ári
Breytt ferðahegðun sýnir sig meðal annars í auknum
kröfum um öryggi og fleiri ferðalög á heimaslóðum.
SKRIFSTOFA ferðamála í Arm-
eníu hélt sína fyrstu kynningu á
landinu fyrir ferðaheildsölum á
alþjóðlegu ferðasýningunni í
London sem lauk á dögunum.
Útgangspunkturinn í markaðs-
setningu landsins er hin „tíma-
lausa og óþekkta Armenía“ en
meðal áhugaverðra fyrirbæra
þar eru forsögulegir stein-
drangar tengdir fornum stjörnu-
fræðiathugunum við Karaho-
unge (Stonehenge þeirra
Armena) og 1.700 ára saga
kristinnar trúar. Armenía var
þýðingarmikill viðkomustaður á
hinni miklu Silkileið frá miðöld-
um fram á 19. öld og nokkurs
konar sólarparadís og vetr-
arleyfisstaður á Sov-
éttímanum. Armenía
er eitt af fáfarnari
svæðum sunnan Kák-
asus og fullt af fágæt-
um fjársjóðum að
mati heimamanna.
„Listalíf, byggingarlist,
fornleifafræði, menn-
ing, trúarbragðasaga
og náttúrufegurð gera
Armeníu að valkosti
hins kröfuharða ferða-
manns sem leitar eftir
vitsmunalegri, and-
legri og menningarlegri upplifun,
sem og ótroðnum slóðum,“ seg-
ir í samantekt frá Skrifstofu
ferðamála í Armenínu. Þess má
einnig geta að búið er að opna
upplýsingaskrifstofu fyrir ferða-
menn í Jerevan.
Klaustur frá miðöldum í Sanahin í norður-
hluta Armeníu.
Tímalaus
og óþekkt
Armenía
RÁÐAGERÐIR munu
vera uppi um að reisa
samskonar brú í Banda-
ríkjunum og nýlega var
tekin í notkun í Noregi, en
þar er um að ræða göngu-
brú úr tré í grennd við Aas
skammt frá Ósló sem
byggð var eftir teikning-
um Leonardos da Vinci,
samkvæmt Scoop, frétta-
bréfi Lonely Planet.
Forsaga málsins er sú
að árið 1502 velti soldáninn Ba-
jaze II því fyrir sér að ráðast í
gerð brúar yfir Gullna horn, lítinn
fjörð sem gengur inn úr Hellu-
sundi og myndar innri höfnina í
Istanbúl, en Hellusund tengir
saman saman Marmara- og
Svartahaf. Hönnuður brúarinnar
var Leonardo da Vinci en soldán-
inn lagði áformin á hilluna. Hefði
af framkvæmdinni orðið hefði
brúin, sem ráðgerð var 346 metr-
ar, orðið lengsta brú í heimi á
þeim tíma. „Da Vinci hefði sjálf-
sagt kæst við hefði hann vitað að
brúin yrði að veruleika, þótt ekki
væri yfir Gullna horn heldur E18-
þjóðbrautina í Noregi, rétt sunn-
an við Ósló, og lítill gim-
steinn í krúnu norsku vega-
gerðarinnar.“
Brúin, sem nefnd hefur
verið „Móna Lísa brúnna“
var opnuð á dögunum en
um er að ræða mannvirki
eilítið smærra í sniðum en
upphafleg hugarsmíð da
Vincis, 100 metrar á lengd.
Hún er límd saman úr furu,
sem ekki er heldur í sam-
ræmi við upprunalega
hönnun, þar sem ráð var fyrir því
gert að brúin yrði úr steini. Hún
hvílir á undirstöðum úr límtré
sem draga eiga dám af þremur
spenntum samhliða bogum, og er
miðað við að bandaríska brúin
verði úr steini, líkt og da Vinci
hafði sjálfur hugsað sér, þótt dýr-
ara sé.
„Móna Lísa brúnna“ hugsan-
lega gerð í Bandaríkjunum líka
Norska brúin er skammt sunnan Óslóar.
Nánari upplýsingar um Armeníu: Á Netinu: www.armeniainfo.am þar sem meðal annars er vísað á
heimasíðu með upplýsingum um armenska matargerðarlist: www.cilicia.com/armo_cookbook.html.
Netfang upplýsingaskrifstofu: help@armeniainfo.am
Bílaleigubílar
Sumarhús
í Danmörku
Ódýrari bílaleigubílar
fyrir Íslendinga
Bílar frá dkr. 1.845 á viku.
Innifalið í verði: ótakmarkaður akstur,
allar tryggingar. (Allt nema bensín og
afgr.gjöld á flugvöllum.)
Aðrir litlir og stórir bílar,
minibus og rútur.
Sumarhús og íbúðir.
GSM- símakort
með dönsku símanúmeri.
Nú einnig bílaleigubílar frá
Kaupmannahöfn og Hamborg sem
má aka um Austur-Evrópu.
Heimasíðan, www.fylkir.is
fjölbreyttar upplýsingar.
Fylkir Ágústsson
Fylkir — Bílaleiga ehf.
Sími 456 3745
Netfang fylkirag@snerpa.is .
Heimasíða www.fylkir.is .