Morgunblaðið - 02.12.2001, Blaðsíða 20

20 B SUNNUDAGUR 2. DESEMBER 2001 MORGUNBLAÐIÐ
FJÖLDINN allur af bílum berst
um hylli kaupenda í flokki lítilla
fjölnotabíla. Þar hefur Renault
Scénic haft forystu í Evrópu allt
frá því hann kom á markað 1996,
og hérlendis hefur hann sömuleiðis
sterka stöðu ásamt Opel Zafira.
Mitsubishi hefur gengið skrefinu
lengra og býður nú upp á þrjár
gerðir fjölnotabíla í Space-línunni.
Minnstur er Space Star, 4,03
metra langur, þá Space Runner,
4,29 metrar, og loks Space Wagon,
sem er 4,60 metrar á lengd og
einnig fáanlegur með fjórhjóla-
drifi.
Við prófuðum Space Star á dög-
unum með nýrri 1,6 lítra vél, 98
hestafla, sem brúar bilið milli
þeirra véla sem áður voru í boði,
þ.e. 1,3 lítra, 82 hestafla vélar og
1,8 lítra GDI-vélarinnar, sem er
122 hestöfl. Einnig er bíllinn núna
fáanlegur með nýrri 1,9 lítra sam-
rásardísilvél, DI-D.
Þægilegur í umgengni
Space Star er, eins og málin
sýna, lítill bíll með fremur hefð-
bundið hlaðbakslag. Þetta er fimm
hurða bíll með sæti fyrir fimm.
Sætin eru föst en ekki hægt að
taka úr bílnum, eins og gert er í
Scénic. Space Star er með háa
þaklínu og hátt er til lofts inni í
bílnum. Fyrir vikið er allt aðgengi
með þægilegra móti. Sömuleiðis er
sætastaðan fremur há miðað við
aðra bíla í þessum stærðarflokki.
Að aftan er tvískiptur bekkur,
60/40. Bekkurinn er á sleða og
unnt að færa hann fram þegar
ekki er verið að nota aftursætin og
auka með því farangursrýmið, eða
aftur þegar farþegar eru í aft-
ursætum. Færslan er allt að 15
sm. Einföld en þægileg lausn sem
eykur hagkvæmni bílsins. Sleðar
af þessu tagi eru að koma í stöðugt
fleiri bíla en svo virðist sem jap-
anskir framleiðendur séu þó
fremstir á þessu sviði, sbr. Mazda
323 og Toyota Yaris. Einfalt er
síðan að velta aftursætunum upp
að framsætum og mynda allt að
1.370 lítra farangursrými. Hnakka-
púðar eru við öll fimm sætin og
sömuleiðis þriggja punkta örygg-
isbelti. Miðjuaftursæti nýtist þó
varla fullorðnum nema á styttri
leiðum. Staðalbúnaður er tveir
líknarbelgir ásamt tveimur hliðar-
belgjum og ABS-hemlakerfi með
rafeindastýrðri átaksjöfnun, EBD.
Fjölmargar litlar hirslur bæta
upp lítið hanskahólfið og ofan við
ökumannsdyrnar er meira að segja
gleraugnageymsla. Sætin veita
góðan stuðning og hægra megin í
ökumannssæti er stöng sem lík-
lega er til þess ætluð að hækka
setuna. Setan hækkar hins vegar
ekki að ráði en verður þess í stað
stífari og óþægilegri. Vandaður en
þó ósköp hefðbundinn frágangur
er á mælaborðinu – stýrið er stórt
og sömuleiðis mælar í mælaborði,
en ofan á mælaborðinu er lítill
skjár sem sýnir útihita og tíma.
Frábær sjálfskipting
Nýja 1,6 lítra vélin er ágætt
millistig milli 1,3 l vélarinnar og
1,8 l GDI-vélarinnar, og gefur
ágæta hröðun með INVECS-II
sjálfskiptingunni, 10,3 sekúndur úr
kyrrstöðu í 100 km hraða, gefur
framleiðandi upp. Þessi önnur
kynslóð INVECS, sem er þróuð af
Mitsubishi, er einhver skemmtileg-
asta sjálfskiptingin á markaðnum í
dag. Hún er tölvustýrð og skráir í
minni aksturslag og lærir þannig
að skipta sér eftir óskum hvers og
eins. Þeir sem vilja að hún skipti
sér ekki fyrr en á háum snúningi
fá sínu framgengt þegar skiptingin
hefur lært inn á þá. Skiptingin er
líka handvirk og getur þá ökumað-
ur skipt bílnum upp eða niður án
þess að kúpling sé til staðar.
Space Star liggur vel á vegi og
undirstýring er ekki til vansa.
Undirvagninn er þannig stilltur að
hann veitir öruggan og þægilegan
akstur en ekki sportlegan. Enda er
þetta fyrst og fremst fjölskyldubíll
með mikla möguleika í sætaskipan.
Helstu keppinautar á markaðnum
er hinn nýi Hyundai Matrix, sem
er svipaður að lengd og Renault
Scénic, sem er nokkru lengri.
Verðið er er hins vegar fullhátt,
tæpar tvær milljónir fyrir bílinn
sjálfskiptan og 1.845.000 kr. fyrir
beinskipta bílinn. Verðið er þó í
raun í takt við verðhækkanir sem
orðið hafa á bílum í kjölfar lækk-
unar á gengi krónunnar. Til sam-
anburðar má nefna að afar svip-
aður bíll, Hyundai Matrix, kostar
beinskiptur 1.690.000 kr.
Morgunblaðið/Kristinn
Space Star – lítill bíll
með drjúgu innanrými
Morgunblaðið/Kristinn
Morgunblaðið/Kristinn
gugu@mbl.is
REYNSLUAKSTUR
Space Star
Guðjón Guðmundsson
Skiptingin er handvirk og getur öku-
maðurinn skipt bílnum upp eða niður
án þess að kúpling sé til staðar.
Space Star er lítill bíll með fremur hefðbundið hlaðbakslag, en fjöldinn allur af bílum berst nú um hylli kaupenda í flokki lítilla fjölnotabíla.
Nýja 1,6 lítra vélin er ágætt millistig milli 1,3 l vélarinnar og 1,8 l GDI-vélarinnar
og gefur ágæta hröðun með INVECS-II-sjálfskiptingunni.
Vandaður en hefðbundinn frágangur er á mælaborðinu. Stýrið er stórt og
sömuleiðis mælar í mælaborði.
Space Star liggur vel á vegi og und-
irstýringin er ekki til vansa.
Sætaaðstaða er há miðað við aðra
bíla í þessum stærðarflokki.
Vél: 1.584 rúmsentimetr-
ar, 4 strokkar, 16 ventla.
Afl: 98 hestöfl við 5.000
sn./mín.
Tog: 150 Nm við 4.000
sn./mín.
Gírkassi: INVECS II sjálf-
skipting.
Lengd: 4.030 m.
Breidd: 1.715 m.
Hæð: 1.515 m.
Eigin þyngd: 1.205 kg.
Farangursrými: 370-
1.370 lítrar.
Hámarkshraði: 180 km/
klst.
Hröðun: 12 sekúndur úr
kyrrstöðu í 100 km/klst.
Eyðsla: 7,2 lítrar í blönd-
uðum akstri.
Hemlar: Diskar að framan
og aftan, kældir að fram-
an.
Fjöðrun: McPherson að
framan og fjölliðafjöðrun
að aftan.
Hjólbarðar: 185/65 á 14
tommu stálfelgum.
Verð: 1.965.000 kr.
Umboð: Hekla hf.
Mitsubishi
Space Star 1.6
bílar