Morgunblaðið - 06.03.2002, Page 2

FRÉTTIR
2 MIÐVIKUDAGUR 6. MARS 2002 MORGUNBLAÐIÐ
Pires skaut Arsenal
á toppinn / B2
Grétar Hjartarson verður
í byrjunarliðinu í Brasilíu / B1
Fylgstu
með
nýjustu
fréttum
www.mbl.is
4 SÍÐUR
Sérblöð í dag
FIMM af sjö núverandi bankaráðs-
mönnum í Íslandsbanka gefa kost á
sér til áframhaldandi setu, en alls gefa
átta menn kost á sér til setu í ráðinu,
sem skipað er sjö manns. Framboðs-
frestur rann út í gær en aðalfundur
Íslandsbanka fer fram nk. mánudag,
11. mars. Ljóst virðist að átök séu
framundan um meirihluta í banka-
ráðinu.
Jón Ólafsson hefur ákveðið að gefa
ekki kost á sér til áframhaldandi setu
í bankaráðinu sem aðalmaður, en gef-
ur hins vegar kost á sér sem varamað-
ur. „Ástæða þess er sú að ég hef
ákveðið að selja hlutabréf mín í bank-
anum um leið og viðunandi verð
býðst. Hafandi tekið þá ákvörðun tel
ég eðlilegt að draga mig í hlé frá
stjórnarstörfum á næsta aðalfundi,“
segir í fréttatilkynningu sem Jón
sendi frá sér í gær.
Þeir sem gefa kost á sér til áfram-
haldandi setu í ráðinu eru þeir Krist-
ján Ragnarsson, formaður bankaráðs
Íslandsbanka, Víglundur Þorsteins-
son, stjórnarformaður BM Vallár,
Einar Sveinsson, framkvæmdastjóri
Sjóvár-Almennra, Helgi Magnússon,
framkvæmdastjóri Hörpu-Sjafnar,
og Jón Ásgeir Jóhannesson, forstjóri
Baugs. Þrír gefa að auki kost á sér,
þeir Gunnar Jónsson, lögmaður Jóns
Ólafssonar, Hreggviður Jónsson,
fyrrverandi forstjóri Norðurljósa, og
Þorsteinn Már Baldvinsson, forstjóri
Samherja.
Tveir núverandi stjórnarmanna
gefa ekki kost á sér í aðalstjórn, þeir
Jón Ólafsson, stjórnarformaður
Norðurljósa, og Einar Örn Jónsson,
framkvæmdastjóri fjárfestingar-
félagsins Saxhóls, en hann tók sæti
Eyjólfs Sveinssonar, framkvæmda-
stjóra Frjálsrar fjölmiðlunar, sem
sagði af sér bankaráðssetu í febrúar
sl.
Sem varamenn bankaráðs gefa
kost á sér þeir Einar Örn Jónsson,
Eiríkur S. Jóhannsson, kaupfélags-
stjóri KEA, Friðrik Jóhannsson,
framkvæmdastjóri Burðaráss, Guð-
mundur B. Ólafsson, lögfræðingur
VR, Gunnar Felixson, forstjóri
Tryggingamiðstöðvarinnar, Jakob
Bjarnason, stjórnarformaður
Vinnslustöðvarinnar, Jón Ólafsson og
Örn Friðriksson, formaður Samiðnar.
Kosið verður í bankaráðið með svo-
kallaðri margfeldiskosningu en þá er
kosið á milli einstaklinga. Gildi hvers
atkvæðis er margfaldað með fjölda
þeirra stjórnarmanna sem kjósa skal
og má hluthafi skipta atkvæðamagni
sínu þannig reiknuðu í hverjum þeim
hlutföllum sem hann sjálfur kýs á
jafnmarga menn og kjósa skal eða
færri. Ef ekki er á atkvæðaseðli getið
skiptingar atkvæða á milli þeirra sem
þau eru greidd skal þeim skipt að
jöfnu.
Fulltrúi hins
almenna hluthafa
Hreggviður Jónsson segir í samtali
við Morgunblaðið að hann gefi kost á
sér „sem sjálfstæður stjórnarmaður
fyrir hönd hins almenna hluthafa“.
Hann segist hafa verið beðinn að gefa
kost á sér en vill ekki tjá sig um hver
bað hann um það.
Gunnar Jónsson segir í samtali við
Morgunblaðið að hann gefi kost á sér
að beiðni Jóns Ólafssonar.
„Eins og fram hefur komið er Jón
að leitast við að selja bréf sín í bank-
anum en sú sala er ekki um garð
gengin. Hann á því enn talsverðra
hagsmuna að gæta. Hann bað mig því
að gefa kost á mér sem sinn fulltrúi.
Ég varð við þeirri beiðni hans, en
gerði honum um leið grein fyrir því að
ef ég næði kosningu væri hlutverk
mitt í stjórn bankans að vinna að
hagsmunum bankans til heilla fyrir
alla hluthafa, ekki einstaka eigendur,
í samræmi við þær skyldur sem
stjórnarmenn í hlutafélögum almennt
bera,“ segir Gunnar.
Stærstu hluthafar Íslandsbanka
voru í desember sl. FBA Holding, Líf-
eyrissjóður verslunarmanna, Lífeyr-
issjóðurinn Framsýn, Íslandsbanki-
FBA og Tryggingamiðstöðin, Sjóvá-
Almennar tryggingar, Burðarás, Líf-
eyrissjóður sjómanna, Fjárfestingar-
félagið Straumur og Lífeyrissjóðir
Bankastræti 7.
Hreinn Loftsson, stjórnarfor-
maður Tryggingamiðstöðvarinnar,
eins stærsta hluthafa Íslandsbanka,
segist reikna með að atkvæði Trygg-
ingamiðstöðvarinnar í stjórnarkjöri
Íslandsbanka verði meðal annarra
mála sem rædd verði á stjórnarfundi
Tryggingamiðstöðvarinnar á fimmtu-
dag. Hreinn vildi að öðru leyti ekki tjá
sig um málið. Eignarhlutur Trygg-
ingamiðstöðvarinnar í Íslandsbanka
er 4,34%.
Kristján Ragnarsson, formaður
bankaráðs Íslandsbanka, vildi ekki
tjá sig um framboð til ráðsins þegar
Morgunblaðið leitaði álits hans í gær.
Átta gefa kost á sér í bankaráð Íslandsbanka, en bankaráðsmenn eru sjö
Þrír nýir aðilar bjóða sig fram
Byggt á
Eimskipa-
félagsreit
í haust
GERT er ráð fyrir að fram-
kvæmdir á svokölluðum Eim-
skipafélagsreit í Skuggahverf-
inu hefjist næstkomandi
haust.
Þetta kom fram í máli Ingi-
bjargar Sólrúnar Gísladóttur
borgarstjóra á fundi hennar
með íbúum miðborgar á
mánudagskvöld. Sagði hún
fyrirhugað að byggja á lóðinni
250 íbúðir og er áætlað að fólk
flytji inn í þær árið 2004.
Eins og Morgunblaðið hef-
ur greint frá gerði upprunaleg
tillaga að deiliskipulagi efri
hluta hverfisins, milli Lindar-
götu og Hverfisgötu, ráð fyrir
talsverðu niðurrifi húsa sem
fyrir eru á svæðinu. Sagði
borgarstjóri að vegna mikillar
andstöðu við þær tillögur
hefði verið fallið frá þeim. Nú
væri verið að vinna deiliskipu-
lag út frá tillögum sem gerðu
ráð fyrir mun minni breyt-
ingum.
KAUPMÁTTUR dagvinnulauna
rýrnaði að meðaltali um 2,3% milli
fjórða ársfjórðungs ársins 2001 og
jafnlengdar ársins á undan eftir að
hafa aukist undanfarin misseri.
Dagvinnulaun hækkuðu á tíma-
bilinu að meðaltali um 5,9%, en á
sama tíma hækkaði vísitala neyslu-
verðs um 8,4%.
Í frétt frá kjararannsóknanefnd
af þessu tilefni kemur fram að
launahækkun flestra starfsstétta
var á bilinu 4,4–8,2%. Þá hækkuðu
laun kvenna um að meðaltali 6,2%
en karla um 5,8% og laun á höf-
uðborgarsvæðinu hækkuðu um
7,0% en laun utan höfuðborgar-
svæðisins hækkuðu um 4,8%.
Launahækkun einstakra starfs-
stétta var með þeim hætti að iðn-
aðarmenn hækkuðu um 4,4%, þjón-
ustu- og afgreiðslufólk um 6,9%,
skrifstofufólk um 5,2%, tæknar og
sérmenntað starfsfólk einnig um
5,2% og sérfræðingar um 8,2%.
Laun hærri á höfuð-
borgarsvæðinu
Á fjórða ársfjórðungi í fyrra voru
dagvinnulaun verkafólks að meðal-
tali á landinu öllu 128.900 kr., iðn-
aðarmanna 210.100 kr., þjónustu-,
sölu- og afgreiðslufólks 155.800 kr.
skrifstofufólks 158.400 kr., tæknar
og sérmenntað starfsfólk voru með
243.900 kr. og sérfræðingar með
338.100 að meðaltali í dagvinnu-
laun.
Fram kemur að karlmenn eru
með hærri laun en konur og að laun
bæði karla og kvenna á höfuðborg-
arsvæðinu eru í nær öllum tilvikum
hærri en laun sömu starfsstétta á
landsbyggðinni.
Samanburður kjararannsóknanefndar á fjórða ársfjórðungi 2000 og 2001
Kaupmáttur rýrnaði um 2,3%
Í ÁTTA manna úrslitum í gærkvöld
á atskákmótinu í Ráðhúsinu sem
haldið er til minningar um Dan
Hansson sigraði Ivan Sokolov Hol-
lendinginn Jan Timman, Tomas
Oral sigraði Vladimir Malakhov, Jó-
hann Hjartarson vann Nick de
Firmian en Hannes Hlífar tapaði
fyrir Tékkanum Jan Votova. Mikil
spenna hefur verið í mörgum skák-
unum og áhorfendur haft gaman af
þegar skákmennirnir hafa glímt við
klukkuna ekki síður en andstæðing-
inn.
Votova hefur komið einna mest á
óvart á mótinu og sigraði hann m.a.
stigahæsta keppandann, hollenska
stórmeistarann Loek van Wely, í
báðum atskákunum. Votova hefur
fæst skákstig keppendanna í undan-
úrslitum. Þá hefur Jóhann Hjart-
arson einnig teflt mjög sannfærandi
á mótinu og sigraði m.a. í báðum at-
skákunum gegn enska undra-
barninu Luke McShane. Ein mest
spennandi skákin í gær var á milli
Jaan Ehlvest og Hannesar Hlífars.
Hannes vann fyrri skákina en varð
mát í þeirri síðari. Voru þá tefldar
tvær hraðskákir og vann Hannes þá
fyrri eftir að hafa fengið mjög erf-
iða stöðu en síðan þá síðari mjög
sannfærandi.
Í undanúrslitum sem hefjast kl. 17
í dag teflir Jóhann gegn Jan Votova
og Ivan Sokolov gegn Tomas Oral.
Morgunblaðið/Árni Sæberg
Jóhann
áfram en
Hannes
Hlífar úr leik

Fjórir Íslendingar/35