Morgunblaðið - 06.03.2002, Síða 13
HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 6. MARS 2002 13
MÁLEFNI miðborgarinnar voru til
umræðu á fyrsta hverfisfundi Ingi-
bjargar Sólrúnar Gísladóttur borgar-
stjóra sem haldinn var í Listasafni
Reykjavíkur í Hafnarhúsinu á mánu-
dagskvöld. Er stefnt að því að slíkir
fundir verði haldnir í öllum átta hverf-
um borgarinnar á næstu vikum eins
og gert hefur verið undanfarin ár.
Ingibjörg fór á fundinum yfir al-
menn atriði varðandi uppbyggingu
borgarkerfisins og meginverkefni
borgarinnar sem sveitarfélags. Þá
kynnti hún helstu skipulagsmál sem
eru í brennidepli á miðborgarsvæðinu
og umhverfis það.
Að lokinni kynningu svaraði borg-
arstjóri fyrirspurnum fundargesta.
Fyrsta spurningin varðaði spor-
bundnar samgöngur í Reykjavík og
innti fyrirspyrjandi eftir því hvort
kæmi til greina að einhver af þeim
undirgöngum, sem fyrirhuguð eru í í
framtíðinni, myndu nýtast fyrir lest-
ar- eða sporbundnar samgöngur.
Svaraði Ingibjörg því til að lestar-
samgöngur hefðu verið til skoðunar í
borgarkerfinu og þá ekki síst í sam-
bandi við hugsanlegan flutning innan-
landsflugsins úr Vatnsmýrinni til
Keflavíkur. Meðal annars hefði verið
skoðað hvort hægt væri að koma
sporbundinni umferð fyrir í Hlíðar-
fæti, fyrirhuguðum göngum sem
liggja eiga í gegn um Öskjuhlíðina.
Þessu væri haldið opnu í dag en at-
huganir hefðu leitt í ljós að lestarsam-
göngur yrðu of dýrar til að sá mann-
fjöldi, sem er á höfuðborgarsvæðinu,
stæði undir þeim. Hins vegar þyrfti
ekki að vera langt í að mannfjöldinn
yrði nægilegur til þess.
Grjótaþorp og hótel í Aðalstræti
Íbúar í Grjótaþorpi gagnrýndu hót-
elbyggingu sem fyrirhuguð er í Að-
alstræti og var spurt hvort til stæði að
minnka umfang hennar en upphafleg-
ar hugmyndir gerðu ráð fyrir minni
byggingu. Spurt var hvort borgar-
stjóra þætti eðlilegt að sami hönnuð-
ur stæði að deiliskipulagi Grjóta-
þorpsins og hönnun hótelsins. Eins
var gagnrýnt að svör við athugasemd-
um íbúa vegna deiliskipulagsins hefðu
borist seint eða ekki. Lýst var yfir
áhyggjum af flutningsleiðum að hót-
elinu. Þá var gagnrýnt að gamall
hlynur, sem stendur við Túngötuna,
þurfi að víkja vegna hótelsins.
Í svari Ingibjargar kom fram að
lengi hefði verið gert ráð fyrir hóteli í
deiliskipulagi svæðisins. Stærsti hluti
endurbóta í miðborginni hefði verið
kostaður af opinberu fé og því hefði
borgaryfirvöldum þótt fengur að því
að fá einkaaðila til að byggja upp hót-
el á þessum stað og var unnið út frá
því. Afleiðing þessarar ákvörðunar
hafi verið fornleifauppgröfturinn í
Aðalstræti og þegar minjarnar hafi
komið í ljós hafi forsendur hótelsins
breyst. Stækka hafi þurft hótelið til
að koma þeirri starfsemi, sem átti að
rúmast í kjallara þess, fyrir annars
staðar. Sagði Ingibjörg ekki hægt að
leysa þetta með góðum hætti nema að
hækka húsið.
Ingibjörg lagði áherslu á að hönn-
un deiliskipulags Grjótaþorpsins væri
undir handleiðslu Borgarskipulags
Reykjavíkur og samþykkt af Skipu-
lags- og bygginganefnd. Hún tæki
þær ákvarðanir sem máli skiptu varð-
andi skipulagið. Hvort sami hönnuður
væri fenginn af öðrum aðilum til að
hanna hótel væri þeirra mál.
Ingibjörg harmaði að svör við at-
hugasemdum íbúa hefðu borist seint
og illa og sagðist skyldu athuga það
mál. Varðandi aðflutningsleiðir að
hótelinu sagði hún að skoða þyrfti
þann þátt sérstaklega við skipulagn-
ingu svæðisins. Loks sagði hún að
ekki stæði til að hlynurinn í Túngötu
hyrfi enda væri hann friðaður.
Í umræðu um bréfasendingar íbúa
og svartregðu Borgarskipulags benti
einn íbúanna á að lagaumhverfi borg-
arinnar væri orðið ærið flókið og
spurði hvort ekki væri ástæða til að
setja á laggirnar embætti umboðs-
manns borgarbúa sem þeir gætu leit-
að til teldu þeir brotið á sér í borg-
arkerfinu. Svaraði Ingibjörg því til að
þegar lögum um umboðsmann Al-
þingis var breytt hefði verið sett inn
ákvæði um að hann hefði einnig með
stjórnsýslu sveitarfélaga að gera.
Íbúar sveitarfélaga hefðu því aðgang
að honum.
Bílastæði og umferð
Bílastæðamál voru nokkuð til um-
ræðu á fundinum og sagði íbúi við
Bragagötu að á kvöldin neyddist hann
til að leggja bíl sínum ranglega þegar
hann kæmi heim sem kallaði svo aftur
á að hann þyrfti að færa bílinn í bítið
morguninn eftir ætti hann ekki að fá
sekt fyrir rangstöðuna. Spurði við-
komandi hvort ekki væri hægt að sjá í
gegn um fingur sér með rangstöður í
íbúðargötum þar sem bílastæði skorti
og bifreiðar íbúa trufluðu ekki versl-
un eða þjónustu.
Sagði Ingibjörg að alls staðar í
borginni, frá Vesturbænum og allt að
Elliðaám, brynni umferð og bíla-
stæðamál á íbúum. Þetta kæmi til þar
sem þessi hverfi væru ekki skipulögð
með tilliti til jafnmikillar bílaeignar
og er í dag. Við þetta yrði alltaf erfitt
að eiga. „Hitt er svo annað mál hvort
ekki megi biðja hina ágætu og vinnu-
sömu starfsmenn bílastæðasjóðs og
lögreglunnar að hugsa aðeins um það
hvort bílar, sem lagt er ólöglega,
trufli eða trufli ekki,“ sagði borgar-
stjóri en bætti við að vissulega væri
þetta mismunandi og oft væri bílum
lagt þannig að aðrir vegfarendur
kæmust ekki leiðar sinnar. Á hinn
bóginn benti hún á að borgin gæti ein-
ungis reynt að hafa taumhald á
starfsmönnum bílastæðasjóðs en lög-
reglan væri ekki á forræði borgaryf-
irvalda og því gætu þau ekki skipt sér
af því hvernig hún brygðist við bílum
sem lagt er ólöglega.
Íbúi í Þingholtunum lýsti yfir
áhyggjum af uppbyggingu Lands-
spítala og óttaðist að hún gæti valdið
aukinni umferð á íbúasvæðinu. Taldi
hann að umferðin myndi fara eftir
sem áður inn á svæðið eftir flutning
Hringbrautarinnar. Eins spurði hann
hvort íbúar, sem væru tilbúnir til að
rýma fyrir einkabílastæðum á sínum
lóðum, fengju fyrirgreiðslu í borgar-
kerfinu, t.d. með flutningi brunahana
eða á annan hátt, svo að hægt væri að
koma innkeyrslu að bílastæðunum
fyrir. Loks innti hann eftir afstöðu
borgaryfirvalda til veitingar heimilda
fyrir gistiheimilum og orlofsíbúðum í
íbúðahverfum, en að sögn íbúans er
töluvert um að íbúðarhúsnæði í Þing-
holtunum sé keypt upp í þeim til-
gangi.
Svaraði borgarstjóri því til að ekki
væri undarlegt að fólk hefði áhyggjur
af stækkun Landspítala og færslu
Hringbrautarinnar þar sem um mikl-
ar framkvæmdir væri að ræða. Verið
væri að skoða hvernig koma mætti
umferð af Snorrabrautinni á slaufu
inn á Hringbrautina og það væri m.a.
vegna þessa úrlausnaratriðis sem
færsla Hringbrautarinnar hefði frest-
ast. Ekki mætti gleyma að tilgang-
urinn með flutningnumværi að miklu
leyti sá að beina umferð frá byggð í
Þingholtunum. Varðandi fyrir-
greiðslu vegna bílastæða inni á lóðum
fólks sagði Ingibjörg þetta ekki eins
einfalt og það virtist þar sem oft
þyrfti að leggja niður bílastæði við
götu til að búa til aðkeyrslur. Hún
sagði reglur varðandi gistirými vera
þær að sækja þyrfti um leyfi ef gisti-
rýmið færi yfir ákveðna stærð. Erf-
iðara væri að eiga við það sem kalla
mætti minni heimagistingu.
Loks spurði íbúi í Skuggahverfi
hvernig til stæði að hátta bílastæða-
málum á Eimskipafélagsreitnum sem
hefja á framkvæmdir á í haust. Sagði
Ingibjörg að kröfurnar í skipulaginu
væru tvö bílastæði á hverja íbúð og
eitt bílastæði á hverja 50 fermetra at-
vinnuhúsnæðis. Gert væri ráð fyrir að
stærsti hluti þessara bílastæða yrði
neðanjarðar. Svæðið ætti því að anna
eftirspurn eftir bílastæðum.
Opnað fyrir Lækinn?
Einn fundarmanna gerði hnignum
miðbæjarkvosarinnar að umtalsefni
og sagði að oft væri talað um að
miðbæinn skorti bakland. Rætt væri
um Vatnsmýrina í því sambandi en
minna væri talað um möguleika til
uppbyggingar á hafnarbökkunum.
Það sem helst hamlaði því væri Geirs-
gatan en hún skæri hafnarbakkana
frá miðbæjarsvæðinu. Spurði hann
því hvort ekki mætti leggja Geirsgötu
í stokk til að koma í veg fyrir þetta.
Ingibjörg svaraði því til að á sínum
tíma hefði verið rætt um að leggja
Geirsgötu í göng en kostnaður við það
hefði verið talinn of mikill, ekki síst
vegna staðsetningarinnar sem gerði
það að verkum að grafa þyrfti göngin
undir sjávarmál. Eins væri Geirsgat-
an stofnbraut sem væri á forræði rík-
isins og ekki hefði verið lagt í það af
hálfu borgarinnar að setja fram kröf-
ur um að gatan yrði lögð í stokk. Þá
væru áhöld um að lagning brautar-
innar í stokk myndi þjóna tilgangi sín-
um þar sem umferðarstraumurinn
yrði ekki það mikill um hana.
Viðhald innanhúss í Austurbæjar-
skóla var gagnrýnt og sagði viðkom-
andi að það væri borginni til vansa.
Sagði borgarstjóri að þessi gagnrýni
kæmi á óvart því gríðarlegum fjár-
munum hefði verið varið til viðhalds
skólans á síðustu árum og væri þar
örugglega um að ræða á annað
hundrað milljónir króna.
Sami fyrirspyrjandi rifjaði upp
hugmyndir um að opna fyrir Lækinn í
Lækjargötu þannig að hann yrði veg-
farendum sýnilegur og spurði hvort
þær hefðu verið athugaðar. Sagði
Ingibjörg að þetta hefði verið lengi í
umræðunni enda hefðu sambærilegar
framkvæmdir gefið góða raun víða er-
lendis. Taldi hún að hafa ætti þetta í
huga þegar hafist yrði handa við end-
urskipulagningu Lækjargötu og
Lækjartorgs.
Miðborg í brennidepli
Sporbundnar almenn-
ingssamgöngur, opnun
Lækjarins við Lækj-
argötu og bílastæði
og hótelbygging í
Aðalstræti var meðal
þess sem brann á íbúum
miðbæjarsvæðis
Reykjavíkur á fundi
þeirra með borgarstjóra
á mánudag. Morgunblaðið/Golli
Bekkurinn var þétt setinn á fyrsta hverfisfundi borgarstjóra en þar
svaraði hann fyrirspurnum varðandi málefni miðborgarinnar.Miðborg
Borgin hefur farið í átak varðandi hreinsun bílhræja í mið-
borginni. Sagði borgarstjóri á annan tug bílhræja hafa leynst
á ýmsum baklóðum á Laugaveginum en þar sem um einkalóðir
hefði verið að ræða hefði þurft samvinnu við einkaaðila til að
koma þeim í burtu.
Til stendur að lagfæra brúna á Skothúsvegi en að sögn borg-
arstjóra er hún farin að láta á sjá.
Við Austurbæjarskóla er verið að koma upp sparkvelli eða fót-
boltavelli með gervigrasi.Verður hann vel afgirtur og er
stefnt að því að koma upp slíkum völlum í öllum hverfum
borgarinnar.
Búið er að marka þá stefnu að á íbúasvæðum Bílastæðasjóðs
fái hvert heimili tvö íbúakort í stað eins áður.
Punktar
úr miðborginni