Morgunblaðið - 06.03.2002, Blaðsíða 11
FRÉTTIR
MORGUNBLAÐIÐ MIÐVIKUDAGUR 6. MARS 2002 11
Heimsferðir selja nú síðustu sætin um páskana þar sem þú getur
valið um sól og strönd á Kanarí, Benidorm eða Costa del Sol, eða
heillandi menningarviku í Prag, þessari fegurstu borg heimsins. Í
öllum tilfellum er beint flug á áfangastað og þar taka reyndir farar-
stjórar Heimsferða á móti þér til að tryggja þér ánægjulega dvöl í
fríinu og bjóða þér spennandi kynnisferðir.
Skógarhlíð 18, sími 595 1000. www.heimsferdir.is
Verð frá kr. 57.805
Verð fyrir manninn m.v. hjón með 2
börn, 2–11 ára, El Pinar.
Almennt verð kr. 60.695.
Innifalið í verði: Flug, gisting, skattar.
Verð kr. 69.900
M.v. 2 í stúdíó, Aguamarina.
Alm. verð kr. 73.395.
Skattar kr. 3.350, ekki innifaldir.
Síðustu sætin um
páskana
með Heimsferðum
Costa del Sol
27. mars – 11 nætur
Verð frá kr. 59.705
Verð fyrir manninn m.v. hjón með 2
börn, 2–11 ára, El Faro.
Innifalið í verði: Flug, gisting, skattar.
Verð kr. 69.000
M.v. 2 í íbúð, El Faro.
Skattar kr. 3.350, ekki innifaldir.
Benidorm
27. mars – 14 nætur
Verð frá kr. 73.562
Verð fyrir manninn m.v. hjón með 2
börn, 2–11 ára, Green Sea.
Alm. verð kr. 77.240.
Innifalið í verði: Flug, gisting, skattar.
Verð kr. 88.850
M.v. 2 í stúdíó, Green Sea.
Alm. verð kr. 93.293.
Innifalið í verði: Flug, gisting, skattar.
Kanarí
28. mars – 2 vikur
Verð frá kr. 36.900
Flugsæti fyrir manninn.
Flugvallarskattar, kr. 3.550, bætast við
fargjald.
Verð kr. 57.700
Flug og hótel, m.v. 2 í herbergi, Quality
með morgunmat. Skattar kr. 3.550, ekki
innifaldir.
Prag
28. mars – Vikuferð
FYRSTU hátíðirnar í tengslum við
Stóru upplestrarkeppnina í 7. bekk
grunnskóla á landinu voru haldnar
í gær í Garðabæ og Þorlákshöfn.
Skáld keppninnar að þessu sinni
eru tvö, Halldór Laxness og Ingi-
björg Haraldsdóttir. Upplesararnir
í 7. bekk flytja brot úr Heimsljósi
Laxness og ljóð eftir Ingibjörgu,
auk ljóða að eigin vali.
Upplestrarkeppnin í 7. bekk er
nú haldin í sjötta sinn og nær í
fyrsta skipti til landsins alls. 4.500
nemendur í 145 skólum taka þátt í
keppninni eða um 95% árgangsins.
Nemendur hafa frá degi íslenskrar
tungu, hinn 16. nóvember, æft upp-
lestur og framburð reglulega
Morgunblaðið/Golli
Einbeittir áheyrendur hlýða á upplestur 7. bekkinga í Garðaskóla í gær.
Upplestur
7. bekkinga
HÉR fer á eftir í heild bréf Sam-
keppnisstofnunar til Kristjáns Lofts-
sonar, stjórnarformanns Olíufélags-
ins hf., vegna ákvörðunar félagsins
um að ganga til samstarfs við stofn-
unina um að upplýsa meint brot fé-
lagsins á samkeppnislögum. Bréfið
er dagsett í gær, 5. mars, og undir
það ritar Georg Ólafsson, forstjóri
Samkeppnisstofnunar.
„Samkeppnisstofnun vísar til bréfs
yðar, dags. 1. mars sl., þar sem upp-
lýst er að fram séu komnar vísbend-
ingar um að ákveðnir þættir í starf-
semi Olíufélagsins hf. hafi á
undanförnum árum að einhverju
leyti stangast á við ákvæði sam-
keppnislaga. Í bréfinu kemur fram
að þetta byggi á rannsókn á þeim
gögnum sem Samkeppnisstofnun
lagði hald á 18. desember 2001. Í
bréfi yðar kemur einnig fram að
stjórn Olíufélagsins hf. hafi falið lög-
manni félagsins að ganga til við-
ræðna og/eða samstarfs við Sam-
keppnisstofnun um að upplýsa meint
brot félagsins á samkeppnislögum til
fulls. Er í bréfinu jafnframt sett fram
ósk stjórnar Olíufélagsins hf. um
slíkt samstarf og samvinnu við stofn-
unina. Að höfðu samráði við sam-
keppnisráð vill Samkeppnisstofnun
til svars við bréfi yðar taka eftirfar-
andi fram:
Eins og yður er kunnugt hefur
Samkeppnisstofnun hafið rannsókn á
því hvort Olíufélagið hf., Skeljungur
hf. og Olíuverslun Íslands hf. hafi
haft með sér ólögmætt samráð um
m.a. verð, markaðsskiptingu og gerð
tilboða og brotið þar með gegn 10. gr.
samkeppnislaga nr. 8/1993. Leiði
rannsókn þessi í ljós að umrædd fyr-
irtæki hafi brotið gegn ákvæðum
samkeppnislaga má búast við því að
samkeppnisráð birti rökstudda
ákvörðun í málinu og beiti heimildum
sínum skv. 52. gr. laganna og leggi á
stjórnvaldssektir.
Í 2. mgr. 52. gr. samkeppnislaga
segir að samkeppnisráð geti við
ákvörðun fjárhæðar sektar m.a. haft
hliðsjón af samstarfsvilja hins brot-
lega fyrirtækis. Ákvæði þetta kom
inn í samkeppnislög með lögum nr.
107/2000. Í athugasemdum með
frumvarpi til laga um breytingu á
samkeppnislögum segir að þessi
breyting tryggi að samkeppnisráð
geti við álagningu sekta lagt til
grundvallar svipuð sjónarmið og
gilda í EES-samkeppnisrétti. Bæði
Eftirlitsstofnun EFTA og fram-
kvæmdastjórn EB hafi gefið út regl-
ur þar sem við það er miðað að fyr-
irtækjum sé umbunað ef þau gefa sig
fram og upplýsa um þátttöku í ólög-
mætu samráði. Reynslan hefur sýnt
að reglur af þessum toga eru mik-
ilvægur þáttur í að uppræta skaðlegt
samráð fyrirtækja.
Samkeppnisráð mun við beitingu
52. gr. samkeppnislaga hafa hliðsjón
af þeim sjónarmiðum sem fram koma
í nýrri tilkynningu framkvæmda-
stjórnar EB um að leggja ekki á eða
lækka sektir í samráðsmálum. Til-
kynning þessi var birt í stjórnartíð-
indum EB 19. febrúar sl. (O.J. C 45/
03) og gildir á EES-svæðinu þegar
framkvæmdastjórn EB beitir sam-
keppnisreglum EES-samningsins,
sbr. 56. gr. EES-samningsins. Þar
sem samkeppnisyfirvöld hafa þegar
undir höndum margvísleg gögn sem
gefa ólögmætt samráð Olíufélagsins
hf., Olíuverslunar Íslands hf. og
Skeljungs hf. til kynna getur ekki
komið til álita í máli þessu að fella
niður sektir Olíufélagsins hf. ef meint
brot teljast sönnuð. Hins vegar verða
sektir sem hugsanlega verða lagðar á
Olíufélagið hf. lækkaðar ef eftirfar-
andi skilyrði eru uppfyllt:
1. Til þess að njóta lækkunar sektar
verður fyrirtækið að láta Sam-
keppnisstofnun í té sönnunargögn
sem að mati stofnunarinnar eru
mikilvæg viðbót við þau sönnunar-
gögn sem stofnunin hefur þegar í
fórum sínum. Þá verður fyrirtækið
einnig að hætta þátttöku sinni í
hinu meinta ólögmæta samráði.
2. Hugtakið „mikilvæg viðbót“ vísar
til þess að hve miklu leyti sönn-
unargögn þau sem fyrirtækið læt-
ur Samkeppnisstofnun í té, með
tilliti til eðlis gagnanna og ná-
kvæmni, hjálpa til við að upplýsa
staðreyndir málsins. Samkeppnis-
ráð mun almennt séð líta svo á að
skrifleg sönnunargögn sem stafa
frá þeim tíma er meint brot áttu
sér stað hafi ríkari gildi heldur en
gögn eða upplýsingar sem koma til
síðar. Jafnframt hafa bein sönnun-
argögn meiri þýðingu heldur en
þau sem tengjast málinu með
óbeinum hætti.
3. Samkeppnisráð mun í ákvörðun
sinni skera úr um:
a) Hvort sönnunargögn sem fyrir-
tækið lét í té hafi á þeim tíma-
punkti er það gerðist haft veru-
lega þýðingu með tilliti til þeirra
sönnunargagna sem þá lágu þegar
fyrir.
b) Uppfylli fyrirtæki skilyrðin fyrir
lækkun sektar mun sektin lækka
eftir neðangreindum reglum:
– fyrsta fyrirtækið sem uppfyllir
skilyrðin fyrir lækkun sektar getur
fengið sektarupphæðina lækkaða um
30 til 50%;
– annað fyrirtækið sem uppfyllir
skilyrðin fyrir lækkun sektar getur
fengið sektarupphæðina lækkaða um
20 til 30%;
– önnur fyrirtæki sem á eftir koma
og uppfylla skilyrðin fyrir lækkun
sektar geta fengið allt að 20% lækk-
un á sektarupphæðinni.
4. Þegar metið er hversu mikla lækk-
un á sektarfjárhæðinni fyrirtæki
hlýtur er tekið tillit til þess á hvaða
tímapunkti fyrirtækið lagði fram
sönnunargögnin og hversu mikla
þýðingu þau höfðu fyrir rannsókn
málsins. Einnig hefur samkeppn-
isráð hliðsjón af samstarfsvilja fyr-
irtækisins eftir að það lagði fram
sönnunargögnin.
5. Ef fyrirtæki lætur Samkeppnis-
stofnun í té sönnunargögn sem
varpa ljósi á áður óþekktar stað-
reyndir í málinu og hafa beina þýð-
ingu varðandi mat á alvarleika
hins meinta ólögmæta samráðs og
hversu lengi það hefur varað þá
mun samkeppnisráð ekki nota þær
upplýsingar til að hækka sektina
hjá viðkomandi fyrirtæki.
Ef meint brot Olíufélagsins hf. á
samkeppnislögum teljast sönnuð
getur fyrirtækið samkvæmt framan-
greindu vænst 30–50% lækkunar á
sekt ef það uppfyllir öll framan-
greind skilyrði. Þess er vænst að lög-
maður Olíufélagsins hf. hafi sem
fyrst samband við Samkeppnisstofn-
un svo unnt sé að skipuleggja upplýs-
ingagjöf félagsins til samkeppnisyf-
irvalda.“
Bréf Samkeppnisstofnunar til Olíufélagsins vegna erindis þess um samstarf við samkeppnisyfirvöld
30–50% lækkun
sektar að uppfylltum
öllum skilyrðum
VEGNA FRÉTTAR um jólaverslun
á höfuðborgarsvæðinu á blaðsíðu 2 í
Morgunblaðinu í gær vilja bæði
Gallup og Reykjavíkurborg taka
skýrt fram að ekki hafi verið um
veltutölur í jólaverslun að ræða.
Bjarni Reynarsson hjá Þróunar-
sviði Reykjavíkurborgar segir að
vegna mistaka hafi upprunaleg
skýrsla Gallup ekki fylgt með sam-
antekt Reykjavíkurborgar sem
kynnt var á hverfafundi miðborgar
á mánudagskvöldið. Í skýrslu Gall-
up komi skýrt fram að fólk hafi verið
spurt um megininnkaup á gjafavöru
annars vegar og matvöru hins veg-
ar. Þóra Ásgeirsdóttir, stjórnandi
viðhorfsrannsókna hjá Gallup, segir
að niðurstöður úr könnuninni megi
alls ekki túlka sem veltutölur í mat-
vöru- og gjafavöruverslun fyrir jól-
in. Fólk hafi verið spurt hvar það
hafi gert megininnkaup sín og töl-
urnar endurspegli auðvitað svör við
þeirri spurningu. Þetta tákni að lík-
lega sé hlutur minni verslunar-
kjarna vanmetinn þar sem það sé
auðvitað mjög líklegt að megininn-
kaupin fari fram í stóru verslunar-
kjörnunum.
Viðhorfskönnun Gallup á jólaverslun
Ekki veltutölur