Morgunblaðið - 14.05.2002, Qupperneq 54

54 ÞRIÐJUDAGUR 14. MAÍ 2002 MORGUNBLAÐIÐ






 
 
  




 
  


 
 

 

    
 



  







BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ ER fróðlegt að fylgjast með
umræðunni um borgarstjórnar-
kosningarnar í fjölmiðlum og virð-
ingarvert hvað Morgunblaðið gætir
mikils jafnræðis í birtingu aðsendra
greina, þótt um tíma hafi hallast
svolítið á. Margar af greinum stuðn-
ingsmanna D-listans fjalla um smá-
mál sem reynt er að blása upp í
áróðursskyni, en ætti að leysa á
öðrum vettvangi, svo sem bygging
stúku fyrir íþróttafélag. Flestar
greinarnar eru þó endalausar lang-
lokur um ímyndað misferli í fjár-
málum borgarinnar. Svipuð um-
ræða á sér reyndar stað víðar, t.d. í
Hafnarfirði sem mér sýnist ágæt-
lega stjórnað af sjálfstæðismönn-
um. Ég hef ekki minnstu áhyggjur
af að borgarstjórinn í Reykjavík sé
að sólunda fé skattborgaranna, ekki
fremur en bæjarstjórinn í Hafnar-
firði. Þau eru ekki að spila fjár-
hættuspil með peninga almennings
eins og ríkisvaldið leyfir sér að
gera.
Ég hef oft átt í vandræðum með
að kjósa til Alþingis og nota yfirleitt
útilokunaraðferðina. Stundum hefur
lokaákvörðun verið tekin í kjörklef-
anum. Ég er því mjög þakklátur að
í þessum borgarstjórnarkosningum
er valið svo auðvelt. Í fyrsta lagi
ber framboðslisti R-listans af D-
listanum eins og gull af eiri. Í öðru
lagi hugnast mér framtíðarsýn R-
listans í málum borgarinnar, sem er
í senn þjóðleg og alþjóðleg, en D-
listann skortir að mínu mati mark-
tæka framtíðarsýn. Í þriðja lagi er
ég í höfuðatriðum ánægður með ár-
angur R-listans á undanförnum ár-
um. Til dæmis hefur verið gert mik-
ið átak í skólamálum, svo sem í
málum grunnskólans, sem Reykja-
víkurborg og önnur sveitarfélög í
landinu tóku við í forneskjulegu
ástandi úr hendi ríkisins, þ.e.
menntamálaráðherra. Merkur
áfangi hefur náðst í fráveitumálum
sem nú eru loks að komast í nútíma-
horf, en fyrir áratug lék skolpið svo
að segja um fjörur borgarinnar, án
þess það væri forgangsmál að úr
væri bætt. Eins má benda á að fast-
eignagjöldin í borginni hækkuðu
ekki í ár þrátt fyrir hækkun á fast-
eignamati. Ríkisvaldið lét sér hins
vegar sæma að stórhækka eigna-
skatt af húsnæði fólks. Mér er ekki
kunnugt um að eignaskattur sé
hirtur af íbúðarhúsnæði almennings
nokkurs staðar á byggðu bóli nema
hér á landi.
Sá sem þetta ritar hefur aldrei
fyrr tjáð sig opinberlega um póli-
tísk málefni, enda aldrei verið
bundinn neinum stjórnmálaflokki.
En svo má brýna deigt járn að bíti
og nú get ég ekki orða bundist. Svo
mikið er í húfi fyrir Reykjavík, og
raunar landið allt.
HALLDÓR ÞORMAR,
Langagerði 54,
108 Reykjavík.
Umræða
um borgarmál
Frá Halldóri Þormar:
YFIR vofir að kosið verði til sveit-
arstjórna innan fárra vikna. Það er
ekki skelfilegt í sjálfu sér en fjölmiðl-
um tekst með undraverðu móti að
gera þessa tíð næsta óbærilega.
Þeim er ekki einum um að kenna
vegna þess að framboðin hafa úti
ýmsar klær til að þröngva sér inn í
dagskrána.
Einstaklingarnir sem þar um ræð-
ir ráða jafnvel engu, sérþjálfaðir
áróðursmeistarar stýra iðulega
strengjabrúðum í óskemmtilegum
leik.
Í þeirri orrahríð sem nú stendur
er íslenskri þjóð sýndur óhugnanleg-
ur yfirgangur og lítilsvirðing. Vikum
saman eru fjölmiðlarnir fleytifullir –
opna eftir opnu í blöðunum, frétta-
tímar útvarpa, fréttir og samræðu-
þættir sjónvarpsstöðvanna – allir
þessir fjölmiðlar sem beint er að öllu
landinu eru fleytifullir af áróðri,
karpi og jafnvel persónulegu skít-
kasti sem er gersamlega óviðkom-
andi miklum meirihluta landsmanna.
Þetta efni er viðkomandi um það bil
fjórðungi Íslendinga, kjósendum í
kaupstaðnum Reykjavík, en kemur
hinum þremur fjórðungum lands-
manna lítið sem ekkert við. Sand-
kassaleikur tíu til tuttugu Reykvík-
inga veður af þvílíkum mætti yfir
fólk sem ekkert illt á skilið að það
sem eru sannanlega stórmál á Ísa-
firði, í Öngulsstaðahreppi, á Hellu
eða í Fjarðabyggð fær ekki rúm í
þessum fjölmiðlum, sem þykjast
vera á landsvísu.
Það er illt að vera Íslendingur og
veða að þola það líka á þennan hátt
að þjóðarbrotið innan borgarmúr-
anna valti yfir meirihluta lands-
manna eins og það sem innan þess-
ara múra er sé merkilegra en allt
hitt. Fjölmiðlarnir ættu að hafa
manndóm og vald til að brjótast und-
an þessu ofurvaldi áróðursmeistara
og sýna rétta mynd af því landi sem
við lifum í. Og það land er EKKI ein-
göngu Reykjavík. Og ekki heldur
eingöngu Reykjavík og næsta ná-
grenni.
SVERRIR PÁLL
ERLENDSSON,
menntaskólakennari á Akureyri,
Ásvegi 29, Akureyri.
Ótrúlegur
yfirgangur
Frá Sverri Páli Erlendssyni: