Vísir - 16.08.1980, Blaðsíða 18

Sviðið er íslenskur sveita-
bær í engu frábrugðinn
flestum bæjum um sveitir
landsins nema ef vera
skyldi fyrir myndarskap
og snyrtimennsku. Eina
afgerandi sérstöðu hefur
þessi bær þó því á honum
er vinnumaður sovéski
f lóttamaðurinn Victor
Kovalenko, sem komst
undan félögum sínum í síð-
ustu viku með því að
ílengjast í hljómplötu-
verslun, eins og ítarlega
var rakið í forsíðuviðtaíi
við Victor í Vísi i gær.
Visismenn hittu fyrst
bóndann á bænum að máli
og vísaði hann okkur út í
f jósið, þar sem Kovalenko
var við mjaltir ásamt
fleira heimilisfólki. Hann
var kæddur bláum vinnu-
slopp, vinnuskyrtu, galla-
buxum og stígvélum eins
og þeim, sem borgarbúar
nefna fjósastígvél. Eftir
útliti og klæðaburði gat allt
eins verið um íslenskan
vinnumann að ræða og
handbrögð hans við
mjaltirnar undirstrikuðu
það enn frekar.
Kovalenko er mjög ró-
legur og yfirbragð hans
frekar þungbúið, en þegar
hann minnist á hinn vel
heppnaða flóttá Ijómar
hann eins og tungl í fyll-
ingu.
Rignir of mikið
Hann segist ekki hafa
undan neinu að kvarta á is-
Kovalenko rómaði mjög fslenska gestrisni. Hún lét heldur ekki að sér hæða f þetta
skipti. Húsfreyja hlóð borðið veitingum.
Óskar
Magnússon
blaöamaöur
skrifar:
landi nema auðvitað
tungumálaerfiðleikum. Að
vísu rigni svolítið mikið en
annars finnst honum lofts-
lagið frískandi og bjartar
nætur halda ekki fyrir hon-
um vöku eftir áð hafa
dvalið í Murmansk.
„Maturinn er góður" segir
Kovalenko og svo brosir
hann og segir: „Maður er
bara alltaf að borða, ég
held að maður borði hérna
á tveggja tíma fresti".
Kovalenko segir að það
sem hafi komið sér mest á
óvart hafi verið hversu
mikil tæknivæðing sé hér í
sveitunum. „Heima hjá
mér er miklu meira um
líkamlega vinnu".
„Hvað mér finnst skrítn-
ast á íslandi? Er island
ekki þurrt land, drekka
menn nokkuð vodka hér"
spyr hann hlæjandi. Hon-
um er sagt að landið sé
ekki þurrt, en hins vegar er
Finnst þér ég Ifkur Islendingum? En ég er Ifka búinn að vera hér í heila vikul
honum bent á, hvað
áfengisflaska kosti, og
færist þá undrunarsvipur
yf ir andlit hans.
Hljómlistin
„Tónlistin er mitt helsta
áhugamál og þá helst rokk-
tónlist" segir Kovalenko
„en heima er mjög lítið
hægt að hlusta á slíka tón-
list og alveg tekið fyrir að
hlustað sé á erlendar út-
varpsstöðvar." Á meðal
uppáhaldstónlistar sinnar
nefnir hann Deep Purple.
Hann er spurður um vinn-
una í Sovétríkjunum og
áætlanirnar:
„Það eru gerðar áætlan-
ir um alla mögulega og
ómögulega hluti. Þegar ég
vann í námunni var gerð
áætlun en það var ekkl til
neins að reyna að uppfylla
hana því þá var gerð önnur
enn þá stífari og kaupið
lækkað. Svona er ástandið
hvarvetna í Sovétríkjun-
um, ekki eingönguj námu-
vinnslunni. Kaupið hefur
lækkað gíf urlega sfðastlið-
intíuár", segir Kovalenko.