Morgunblaðið - 24.05.2002, Blaðsíða 12

HÖFUÐBORGARSVÆÐIÐ
12 FÖSTUDAGUR 24. MAÍ 2002 MORGUNBLAÐIÐ
SKIPULAGSSTOFNUN tel-
ur að umferð um Álftanes- og
Vífilsstaðaveg muni hafa
töluverð neikvæð áhrif á
hljóðstig í Gálgahrauni og
leiða til þess að útivistargildi
svæðisins rýrni til muna,
t.a.m. mun gildi þess til
fuglaskoðunar og berjatínslu
skerðast verulega. Þetta
kemur m.a. fram í niðurstöðu
úrskurðar stofnunarinnar um
mat á umhverfisáhrifum nýs
Álftanesvegar og lengingar
Vífilsstaðavegar í Garðabæ,
en fyrirhugað er að reisa
íbúðasvæðið Garðahverfi við
Álftanesveg.
Í matskýrslu eru bornir
saman tveir kostir, A og B, á
legu Álftanesvegar við þriðju
leiðina, D, sem er meginkost-
ur framkvæmdaraðila. Skipu-
lagsstofnun telur að lenging
Vífilsstaðavegar og þeir þrír
kostir á legu Álftanesvegar
sem kynntir eru í skýrslunni
skerði allir heildarmynd
Gálgahrauns. Niðurstaða
stofnunarinnar er hins vegar
sú að fyrirhuguð lenging Víf-
ilsstaðavegar og lagning
Álftanesvegar samkvæmt
leiðum A, B eða D muni ekki
hafa í för með sér umtalsverð
umhverfisáhrif. Leið B er
samkvæmt áliti stofnunarinn-
ar ótvírætt besti kosturinn
og veldur minnstri skerðingu
verndarsvæðisins. Leið B sé
einnig ásættanlegust með
hliðsjón af útivistargildi og
muni ótvírætt hafa minnst
áhrif á umhverfið.
Í úrskurðarorðum er fallist
á fyrirhugaða lengingu Vífils-
staðavegar og lagningu Álfta-
nesvegar samkvæmt leiðum
B, D og A. Ekki er talið unnt
að gera upp á milli mismun-
andi kosta vegarins til að ná
fram því markmiði fram-
kvæmdarinnar að bæta sam-
göngur og auka umferðarör-
yggi.
Áhrif á gróðurfar
frekar lítil
Í niðurstöðum segir að
stofnunin telji að áhrif Vífils-
staðavegar og framlagðra
kosta Álftanesvegar á vatna-
far og grunnvatnsmengun
séu ekki líkleg til að verða
umtalsverð og að áhrif á
gróðurfar verði frekar lítil.
Skipulagsstofnun bendir á
að samkvæmt lögum um
náttúruvernd njóta sjávar-
fitjar, leirur og eldhraun á
borð við Gálgahraun sér-
stakrar verndar og skal forð-
ast röskun þeirra eins og
kostur er. Gálgahraun, fjörur
umhverfis allt Álftanes,
Skógtjörn og Lambhúsatjörn
eru jafnframt á náttúru-
minjaskrá.
Kæra má úrskurð Skipu-
lagsstofnunar til umhverfis-
ráðherra og er kærufrestur
til 28. júní nk.
Álftanesvegur mun ekki hafa
umtalsverð umhverfisáhrif



 

 

 




  
  

  







 


 


 


  

   
Garðabær
BORGARRÁÐ hefur sam-
þykkt að skipuð verði nefnd
á vegum borgarinnar til að
fara yfir þau atriði sem snúa
að frekari framkvæmdum
og uppbyggingu Laug-
ardalsvallar og gera tillögur
til borgarráðs og stjórnar
Knattspyrnusambands Ís-
lands, KSÍ, fyrir 1. ágúst nk.
um áframhaldandi uppbygg-
ingu og rekstur Laugardals-
vallar.
Nefndin, sem í eiga sæti
fulltrúar Reykjavíkurborgar
og KSÍ, mun vinna að áætlun
um nýjar stúkur á Laug-
ardalsvellinum þannig að
völlurinn rúmi 10-12.000
áhorfendur á leik. Þá mun
hún vinna að áætlunum um
nýja þjónustubyggingu á
vellinum sem hýsi skrif-
stofur og fræðslusetur KSÍ
og endurnýjun á leikvell-
inum sjálfum.
Í bréfi Steinunnar V. Ósk-
arsdóttur formanns ÍTR og
Ómars Einarssonar fram-
kvæmdastjóra, sem lagt var
fyrir borgarráð, er enn-
fremur lagt til að áætlanir
verði gerðar um endurbætur
á flóðlýsingu þannig að hún
uppfylli kröfur UEFA.
„Tekið verði mið af því að
gerður verði nýr samstarfs-
samningur til allt að 25 ára,
KSÍ fjármagni nýjar fram-
kvæmdir á vellinum gegn
föstu árlegu framlagi
Reykjavíkurborgar til fram-
kvæmda og rekstrar og að
fjárstyrkur til KSÍ frá FIFA
nýtist til þessara fram-
kvæmda,“ segir í bréfinu.
Nefnd mun fara yfir þau atriði sem snúa að frekari fram-
kvæmdum og uppbyggingu Laugardalsvallar.
Áætlun um stækkun
stúkubyggingar
Laugardalsvöllur
Morgunblaðið/Þorkell
EF ÞÚ sérð hópa fólks eða
einstaklinga ganga hugsandi
og athugandi um Hafnarfjörð
og nágrenni skaltu ekki strax
draga þá ályktun að eitthvað
sé bogið við hegðun þeirra.
Þau eru sennilega öll þátttak-
endur í skemmtilegum ratleik
sem Upplýsingamiðstöð Hafn-
arfjarðar stendur fyrir. Rat-
leikurinn stendur í allt sumar
og er tilgangur hans að hvetja
almenning til að njóta þeirrar
náttúru sem við bæjardyrnar
er. „Að þessu sinni eru leiðirn-
ar í ratleiknum aðallega í Und-
irhlíðum,“ segir Jón Halldór
Jónasson, ferðamálafulltrúi
Hafnarfjarðar. „En árlega er
boðið upp á nýjar leiðir enda er
alltaf ákveðinn hópur fólks
sem tekur þátt og leggur
metnað sinn í að leysa leik-
þrautirnar. Stöðugt bætast ný-
ir og nýir þátttakendur í hóp-
inn.“
Leitað að spjöldum
á felustöðum
Þetta er í sjöunda sinn sem
Upplýsingamiðstöðin stendur
fyrir Ratleiknum og sem fyrr
er það Pétur Sigurðsson, járn-
smiður og útivistarkempa, sem
skipuleggur leikinn, sem felst í
því að leita að spjöldum á felu-
stöðum sem merktir eru inn á
sérstakt ratleikskort, sem fæst
ókeypis í Upplýsingamiðstöð
Hafnarfjarðar á Vesturgötu 8.
Til að sem flestir geti tekið
þátt í útivistarleiknum er hon-
um tvískipt: Annars vegar er
létti leikurinn sem hugsaður er
fyrir byrjendur, en er jafn-
framt kjörið verkefni fyrir fjöl-
skyldur eða hópa. Hins vegar
er það garpaganga sem reynir
meira á úthald þátttakenda og
hæfni við að nota landakort.
Ekki er um kapphlaup við tím-
ann að ræða og kjósa margir
að krydda gönguferðir fjöl-
skyldunnar með þessum
skemmtilega leik allt sumarið.
Lausnir verða að berast fyr-
ir 20. september og eru vegleg-
ir vinningar í boði. Ratleikur-
inn hefur tekið breytingum ár
frá ári. Meðal nýjunga í ár er
að merktar hafa verið göngu-
leiðir á kortið ásamt leiðalýs-
ingum Jónatans Garðarsson-
ar, leiðsögumanns. Kortið
nýtist þannig jafnframt sem
almennt útivistarkort. Ratleik-
skortið fæst í Upplýsingamið-
stöð Hafnarfjarðar á Vestur-
götu 8 og þar er opið kl. 9-18 og
kl. 10-16 um helgar.
Ratleikur-
inn hafinn
Hafnarfjörður
Kort/Lovísa Ásbjörnsdóttir
Ganga í kringum Hvaleyrarvatn tekur um klukkustund.
HVALEYRARVATN ofan
Hafnarfjarðar er í fallegri
kvos sem er umlukt lágum
hæðum á þrjá vegu. Að
norðan er Vatnshlíð, aust-
anvert stendur Húshöfði og
Selhöfði að sunnan. Vestan
vatnsins er Selhraun sem
lokar fyrir afrennsli þess úr
kvosinni. Áður fyrr höfðu
Hvaleyrarbændur í seli við
vatnið og sjást tóftir undir
Selhöfða þar sem selstöðin
mun hafa verið.
Þegar komið er að Hval-
eyrarvatni frá Kaldársels-
vegi er ekið yfir Beitarhúsa-
háls þar sem
Skógræktarfélag Hafn-
arfjarðar hefur stundað
trjárækt frá 1956, fyrst við
Húshöfða, en síðar í Höfða-
landi. Húshöfði dregur nafn
sitt af gömlu beitarhúsi eða
seli frá Jófríðarstöðum og
eru tóftir þess enn sýnilegar
við höfðann.
Á síðustu árum hefur
Skógræktarfélagið lagt
göngustíga um Höfðaskóg
og komið upp trjásýnireit
sem áhugavert er að skoða.
Hægt er að hefja gönguna
með því að feta sig eftir stíg
sem liggur frá útigrillinu við
eystri vatnsendann og upp í
trjásýnireitinn. Síðan er
auðvelt að þræða sig áfram
eftir stígunum þar sem þeir
liggja vítt og breitt um hlíð-
ina og Beitarhúsahálsinn.
Ganga kringum Hvaleyr-
arvatn ætti að reynast auð-
veld því göngustígur hefur
verið lagður umhverfis það.
Gangan hefst á sandströnd-
inni við Norðausturendann
og er gengið réttsælis. Fyrst
er komið að útigrillinu og
blasir þá skáli St. Georgs
gildisskáta við. Gengið er
framhjá skálanum þar til
komið er að hálfgerðu nesi
sem skagar út í vatnið undir
Selhöfða. Þar er komið að
tóftarbrotum Ássels sem er
innar og Hvaleyrarsels sem
er utar. Það mótar enn fyrir
seltóftunum og auðvelt að
glöggva sig á húsaskipan.
Það er fremur létt að ganga
upp á Selhöfðann og fæst þá
góð sýn yfir svæðið. Við
vesturenda vatnsins blasir
Selhraun við í nokkrum
fjarska, en nær vatninu
stendur þjónustuhús og þar
nærri er útigrill fyrir al-
menning. Þá tekur Vatns-
hlíðarskarð við, sem er
áberandi kennileiti í hlíðinni
og þar næst er skógrækt-
arreitur Hákonar Bjarna-
sonar. Göngunni lýkur þeg-
ar komið er aftur að eystri
vatnsendanum. Það tekur
um klukkustund að ganga
hringinn.
Gönguleið um Hval-
eyrarvatn og Höfðaskóg
Ferðamálanefnd Hafnarfjarðar fundaði utandyra í tilefni
af útkomu ratleikskortsins. Á myndinni eru (f.v.) Sigurgeir
Ólafsson, Bergur Ólafsson, Sigríður Þórðardóttir, Hafrún
Dóra Júlíusdóttir og Helga Ragnheiður Stefánsdóttir.
Útdráttur úr texta Jónatans Garð-
arssonar.
Birt með leyfi Upplýsingamiðstöðvar
Hafnarfjarðar.
Samningur
um land-
græðslu-
skóg
GUÐRÚN Hafsteinsdóttir,
formaður Skógræktarfélags
Mosfellsbæjar, og Jóhann Sig-
urjónsson bæjarstjóri hafa
undirritað samning um rækt-
un landgræðsluskóga á
ákveðnum svæðum í eigu Mos-
fellsbæjar. Svæðin sem um
ræðir er í hlíðum Lágafells
meðfram Skarhólabraut ásamt
norður hlíðum Úlfarsfells, í
suðurhlíðum Mosfells, hluti
Norður - Reykja og Æsustaða-
fjall, land frá Varmalandi. Get-
ur félagið úthlutað þeim til ein-
staklinga, stofnana, félaga og
starfshópa. Öll umrædd svæði
verða ætluð til útivistar fyrir
bæjarbúa.
Mosfellsbær
Bæjarverkfræðingur Garða-
bæjar hefur ritað bréf til lóð-
arhafa og forráðamanna fyr-
irtækja í Molduhrauni vegna
frárennslismála í hverfinu.
Var bréfið samþykkt á fundi
bæjarráðs í vikunni. Í bréfinu
kemur fram að með hliðsjón
af úttekt á frárennsli sem
Verkfræðistofan Línuhönnun
vann hyggjast bæjaryfirvöld
bregðast við á þann hátt að
flýta undirbúningi byggingar
dælustöðvar fyrir hverfið og
tengingar skolplagnakerfis-
ins við Hafnarfjörð.
Í skýrslu Línuhönnunar
kom fram að víða eru vanda-
mál með frárennsli og við
hönnun rotþróa hefur ekki
alltaf verið tekið tillit til nauð-
synlegrar stærðar miðað við
þá starfsemi sem síðar varð í
viðkomandi húsum.
Byggingu
dælustöðv-
ar flýtt
Garðabær