Morgunblaðið - 24.05.2002, Page 29

ERLENT
MORGUNBLAÐIÐ FÖSTUDAGUR 24. MAÍ 2002 29
ÞEGAR Chandra Levy hvarf spor-
laust hinn 30. apríl 2001 var enn
skammt um liðið síðan Bill Clinton
hvarf úr Hvíta húsinu en samband
hans við starfsstúlkuna Monicu Lew-
insky hafði mjög sett svip sinn á síð-
ustu ár hans í forsetaembætti. Hvarf
Levy vakti upp minningar um Lew-
insky-mál forsetans vestra enda hafði
Levy, sem var tuttugu og fjögurra
ára, átt vingott við þingmann Repú-
blikanaflokksins frá Kaliforníu, Gary
Condit. Batt málið enda á stjórn-
málaferil hans.
Lögregla í Washington hefur nú
staðfest að líkamsleifar, sem fundust
á útivistarsvæði í borginni, Rock
Creek Park, væru af Levy. Líkið fann
maður sem var á ferð um garðinn
ásamt hundi sínum. Hundurinn hafði
tekið að róta á tilteknum stað, sem að
mestu var hulinn trjám, og fann mað-
urinn höfuðkúpu Levy er hann tók að
grennslast fyrir um hvað það væri,
sem vekti áhuga hundsins.
Lögreglu tókst að bera kennsl á lík
Levy með því að bera tennur þess við
gögn, sem fjölskylda hennar hafði af-
hent fyrir um ári, þegar leitin að
Levy stóð sem hæst. Sagði Charles
H. Ramsey, lögreglustjóri í Wash-
ington, ekkert liggja fyrir um það,
hvert var banamein Levy, né heldur
hvort líklegt væri að líkið hefði legið á
þessum stað, frá því að hún dó, eða
hvort það hefði verið fært þangað síð-
ar. Hlýtur grunur manna þó að bein-
ast að því, að Levy hafi verið myrt.
Staðurinn sem lík Levy fannst á er
ekki fjarri heimili hennar. Þá er ekki
langt í Klingle-húsið í Rock Creek
Park, en þar leitaði lögregla að Levy
eftir að hún hvarf í fyrra enda sýndi
rannsókn á tölvu hennar að hún hafði
skoðað heimasíðu Klingle-hússins 1.
maí í fyrra. Var það hið síðasta sem til
Levy spurðist en síðast sást hún hins
vegar á lífi daginn áður, 30. apríl
2001.
Svæðið þar sem lík Levy fannst
verður nú afmarkað og þar hyggst
lögregla leita af sér allan grun í von
um vísbendingar um það hvernig
dauða hennar bar að.
Líkið hafði ekki verið grafið í jörð-
ina heldur lá einfaldlega innan um öll
trén, sem þarna eru. Telur lögregla
að trjálauf og annað rusl hafi á end-
anum hulið líkið sýnum en það var
auk þess, sem fyrr segir, ekki á stað
sem auðvelt var að komast að vegna
trjágróðurs.
Líkið var afar illa farið og gat lög-
regla sér þess til að það væri af völd-
um dýra í skóginum.
„Þetta eru fréttir sem ég hafði von-
ast til að þurfa aldrei að flytja for-
eldrum Levy,“ sagði Billy Martin,
lögmaður Roberts og Susan Levy.
Sagði hann að engrar yfirlýsingar frá
þeim væri að vænta þar sem Susan
Levy væri miður sín vegna tíðind-
anna.
Condit sagði þau Levy
einungis hafa verið vini
Hvarf Levy vakti á sínum tíma
mikla athygli í Bandaríkjunum vegna
þess sambands sem hún hafði átt við
þingmanninn Gary Condit, sem var
frá Kaliforníu eins og Levy.
Levy kom til Washington haustið
2000 til að starfa sem lærlingur hjá
Fangelsismálastofnun. Mun hún hafa
sagt frænku sinni frá því, skömmu
eftir að hún kom til Washington, að
hún ætti nýjan ástvin, þingmanninn
frá heimabæ hennar, Modesto.
Þá sagði Levy leigusala sínum frá
því í janúar 2001 að hún myndi hugs-
anlega flytja úr húsnæðinu til að
hefja búskap með kærasta sínum. Í
næsta mánuði á eftir sagði hún hins
vegar, að af þessu yrði ekki, enda
hefði sambandið ekki þróast sem
skyldi.
Levy lauk störfum hjá Fangelsis-
málastofnun 23. apríl 2001 og und-
irbjó ferðalag heim til Kaliforníu.
Skildi hún um þetta leyti eftir skila-
boð á símsvara frænku sinnar, að hún
hefði „mikil tíðindi“ að færa.
Lögreglan bandaríska sagði
aldrei að Condit lægi undir
grun varðandi hvarf Levy og
raunar voru meira en eitt
hundrað manns yfirheyrðir í
málinu. Hins vegar var á sínum
tíma framkvæmd húsleit á
heimili Condits í Washington
og þá var hann yfirheyrður fjór-
um sinnum vegna málsins.
Láku þær fréttir út að hann
hefði gengist við því við yfir-
heyrslur að hafa átt í ástarsam-
bandi við Levy.
Condit viðurkenndi hins veg-
ar aldrei opinberlega að hann
hefði átt í ástarsambandi við
Levy, og sagði hann þau ein-
ungis hafa verið vini.
Foreldrar Levy ekki sátt
við framkomu Condits
Tengsl Condits við málið –
einkum og sér í lagi ásakanir á
hendur honum um að hann
hefði ekki sagt allan sannleik-
ann um samband sitt við Levy í
upphafi, og að hann hefði þannig
hugsanlega tafið rannsókn málsins –
voru meginorsök þess að hann tapaði
í forvali sem Demókrataflokkurinn
hélt nú í mars vegna væntanlegra
þingkosninga í Kaliforníu, en Condit
hafði verið þingmaður ríkisins frá
1989.
Fyrir gráglettni örlaganna höfðu
foreldrar Levy verið í sjónvarpsvið-
tali hjá hinum vinsæla þáttastjórn-
anda Opruh Winfrey á miðvikudag,
einungis fáeinum klukkustundum áð-
ur en lík Levy fannst. Þar sögðust
þau afar reið vegna hegðunar Con-
dits, sem þau sögðu hafa hugsað
meira um pólitísk örlög sín en afdrif
Levy. „Ég tel að hann viti mun meira
[um hvarf Chandra Levy] en hann
hefur viðurkennt,“ sagði Susan Levy
þá.
Líkið illa farið af völdum dýra
Lík Chandra Levy fundið á
útivistarsvæði í Washington en hvarf
hennar fyrir ári batt enda á
stjórnmálaferil Garys Condits
Chandra Levy
Washington. AFP, The Washington Post.
NANCY Crick, tæplega sjötug
kona, sem haldin var banvænu
krabbameini, stytti sér aldur í
fyrradag á sumarleyfisstaðnum
Gold Coast í Queensland í Ástr-
alíu. Gerði hún það að viðstödd-
um 21 vini sínum og ættingja.
Eiga þeir nú yfir sér málssókn
fyrir að hafa aðstoðað hana með
óbeinum hætti.
Hefur þessi atburður kynt
undir umræðunni um líknar-
morð í Ástralíu og dr. Philip
Nitschke, sem berst fyrir því,
að það verði leyft, sagði í fyrra-
dag, að þetta væri í fyrsta sinn,
sem svona stór hópur hefði
sýnt borgaralega óhlýðni í þágu
málefnisins. Áströlsk lög banna
ekki sjálfsmorð en aðstoð við
það getur varðað lífstíðarfang-
elsi.
Margaret Tighe, formaður
samtakanna Réttar til lífs, sem
berjast gegn líknarmorðum,
fordæmdi fjölmiðlauppákom-
una í kringum dr. Nitschke og
sagði, að koma ætti í veg fyrir,
að hann gæti endasenst lands-
horna á milli við að ráðleggja
veiku fólki að stytta sér aldur.
Crick, sem kvaddi lífið með
því að taka inn of stóran lyfja-
skammt, var með sína eigin
heimasíðu um þessi mál. Þar
sagði hún, að það væri út í hött,
að hún mætti fyrirkoma sjálfri
sér en yrði að gera það ein og
yfirgefin. Þvert á móti teldi hún
sig hafa rétt til að loka augun-
um hinsta sinni í návist ástvina
sinna.
Sjálfs-
morð í
vinahópi
Sydney. AFP.