Morgunblaðið - 02.06.2002, Blaðsíða 30

LISTIR
30 SUNNUDAGUR 2. JÚNÍ 2002 MORGUNBLAÐIÐ
Traust menntun í framsæknum skóla
Á listnámsbraut, almennri hönnun, í Iðnskólanum í Reykjavík fá nemendur
undirstöðumenntun í teikningu, grafík, efnisfræði, lita- og formfræði
og listasögu. Þannig fæst undirbúningsnám fyrir hönnun og arkitektúr.
Unnið er út frá óljósum hugmyndum upp í fullhannaðan og teiknaðan hlut.
Kennarar deildarinnar eru viðurkenndir fagmenn á sínu sviði, útskrifaðir
frá skólum víða um lönd. Ef þú stefnir á skapandi starfsvettvang er
listnámsbrautin kjörinn upphafsreitur
IÐNSKÓLINN Í REYKJAVÍK
Skólavörðuholti • 101 Reykjavík • Sími 522 6500
www.ir.is • ir@ir.is
Hönnunarsvið
Blundar í þér
snillingur?
TILBOÐ ÓSKAST
Í Subaru Forester árgerð 1999 sjálfskiptur,
ABS (ekinn 28 þús. mílur),
Chevrolet Step Van árgerð 1987
og aðrar bifreiðar, er verða sýndar að
Grensásvegi 9 þriðjudaginn 4. júní kl. 12-15.
TJÓNABIFREIÐ
Tilboð óskast í Chevrolet Astro
LS 4x4 árgerð 1996 (ekinn 59 þús. mílur)
7 manna, skemmdur eftir veltu.
TJALDVAGN
Ennfremur óskast tilboð í Combi Camp Family
tjaldvagn árgerð 1992.
Tilboðin verða opnuð á sama stað kl. 16.
UMSÝSLUSTOFNUN VARNARMÁLA
SALA VARNARLIÐSEIGNA
TVÆR stöllur sem rýnirinn
þekkir lítið til, Dröfn Guðmunds-
dóttir myndhöggvari og Hrönn Vil-
helmsdóttir textílhönnuður, hafa
tekið sig saman um sýningu í hin-
um vistlegu húsakynnum í kjallara
tízkuverslunarinnar Man. Og vissu-
lega er ýmislegt skylt með verk-
unum þótt grunnur þeirra sé af
ólíkum toga, annars vegar harður
en hins vegar mjúkur.
Dröfn Guðmundsdóttir útfærir
hluti sína frjálslega í gler og þeir
eru iðulega á mörkum þess að hafa
notagildi, í sumum tilvikum, eins
og matarsetti, hafa þeir að sjálf-
sögðu fullkomið notagildi, en svo
eru önnur frjáls mótunarlist út í
fingurgóma. Ekki gott að segja
hvað vegur þyngra í listsköpun
Drafnar, en verkið Þríbroti (5) tek-
ur af allan vafa um hæfileika henn-
ar í frjálsri mótun. Í heild um afar
vönduð og nákvæm vinnubrögð að
ræða sem undirstrika að hér hefur
íslenzkri glerlist bætzt góður liðs-
maður sem vænta má mikils af.
Textílar Hrannar Vilhelmsdóttur
hafa hins vegar oftar en ekki ótví-
rætt notagildi, þótt stásslegt
skreytigildið hafi drjúgu hlutverki
að gegna í úrvinnslunni. Stundum
gengur Hrönn full langt hvað sett-
legt skreyti snertir, en slík vinnu-
brögð bera einnig vott um fjöl-
þætta sköpunargleði og vilja til
þreifinga til margra átta. Telja má
það góðan kost í upphafi ferils,
þótt ekki séu slík vinnubrögð í
tísku nú um stundir. Satt að segja
þykja mér verk hennar þeim betri
sem útfærslan er hreinni og ein-
faldari, skreyti er nefnilega afar
vandmeðfarið en getur verið hrif-
mikið í hinum ýmsu myndum,
krefst þó ekki síður mikillar þjálf-
unar en einfaldleikinn, hér ræður
hin þjálfaða kennd úrslitum.
Það er ekki einasta um samsýn-
ingu að ræða heldur einnig sam-
vinnuverk í formi dúkaðs borðs,
Góða veislu gjöra skal (7), sem
óneitanlega leiðir hugann að list
notagildis. Borðdúkur Hrannar úr
bómullardamaski, en matarstellið
verk Hrannar, og er hér afar
smekklega að verki staðið. Borðið
setur sterkan og heimilislegan svip
á sýninguna, en ekki gott að segja
nema að athyglin beinist helst til
mikið að notagildi hlutanna á
kostnað listrænu útfærslunnar.
Fjölþætt sýning sem verð er
fyllstu athygli, en upplýsingar
mjög af skornum skammti.
Dröfn Guðmundsdóttir: Þríbroti, glerverk.
Hrönn Vilhelmsdóttir: Og samfarir þeirra urðu góðar,
þrykkt rúnaletur á flauel.
Heimilislegt
MYNDLIST
Sýningarsalurinn Man
Opið alla daga á tíma tískuverslunar-
innar. Laugardaga frá 10–18 og sunnu-
daga 14–18. Til 4. júní.
GLER/TEXTÍLL
DRÖFN GUÐMUNDSDÓTTIR
HRÖNN VILHELMSDÓTTIR
Bragi Ásgeirsson
Alveg dýrlegt land er eftir Frank
McCourt, höfund skáldsögunnar
Aska Angelu sem kom út fyrir
nokkrum árum. Árni Óskarsson
þýddi. Bókin hefst þar sem Aska
Angelu endar, en er sjálfstætt fram-
hald þeirrar bókar. Frank McCourt
hlaut Pulitzer-
verðlaunin fyrir
bókina Aska
Angelu.
Haustið 1949
brýtur Frank af
sér fjötra fátækt-
arinnar, kveður
heimaborgina
Limerick á Ír-
landi, nítján ára
gamall, og held-
ur til New York.
Hann hefur frá engu að hverfa
nema móður sinni Angelu og bræðr-
unum þremur, en handan við hafið
bíður hans „alveg dýrlegt land“. Í
New York kynnist hann stéttskipt-
ingu hins „stéttlausa þjóðfélags“
og kemst að raun um að með sinn
írska arf, brunnar tennur og gulan
gröft í sýktum augum, er honum
skipað skör lægra en þeim innflytj-
endum sem aumastir þykja.
En Frank berst áfram af þraut-
seigju og oftar en ekki verður skop-
skynið honum til bjargar í baslinu
uns hann vinnur þann sigur sem
hann þráir. Hann sem hraktist úr
skóla fjórtán ára tekst eftir þrot-
lausa baráttu að ljúka háskólanámi
og gerast kennari.
Útgefandi er Mál og menning.
Bókin er 480 bls., í kiljubroti, prent-
uð í Danmörku. Kápuhönnun: Björg
Vilhjálmsdóttir. Verð: 1.799 kr.
Skáldsaga
ÞAÐ er alltaf ákveðinn spenning-
ur sem fylgir því að heyra í nýjum
söngvurum; heyra nýjar raddir og
hvernig þær falla bæði að okkar
eigin söngarfi og þeim sem tilheyrir
heimsmenningunni. Elín Halldórs-
dóttir sópransöngkona er ein af
þeim fjölmörgu sem stundað hafa
söngnám erlendis, en er nú komin
heim til að kynna sig, áður en hún
heldur í frekari landvinninga á er-
lendri grund.
Elín er fjölmenntuð tónlistar-
kona og hefur auk söngmenntunar
náð sér í próf í píanóleik.
Elín Halldórsdóttir hefur margt
það til að bera sem söngvarar þurfa
að hafa; fyrst og fremst mikla rödd.
Á besta raddsviði hennar hljómar
röddin voldug og kraftmikil.
Vandinn er hins vegar sá að röddin
er enn mjög ójöfn milli raddsviða,
og besti hluti hennar enn á of tak-
mörkuðu raddsviði. Það vantar
meiri hljóm bæði á efstu tónana, en
þó enn tilfinnanlegar á neðsta radd-
sviðið.
Elín þarf að
vinna talsvert
betur í að fá
meiri fókus í
röddina; – aga
hana og jafna.
Þindarstuðning-
ur þarf að vera
jafnari, þannig
að hendingar
hefjist ekki á
glæsilegum og
þéttum hljóm sem er svo búinn
löngu áður en hendingin er á enda,
eins og gerðist alloft á tónleikunum.
Betri fókus í röddinni myndi líka
hjálpa til við skýrari framburð; en
Elín átti í vandræðum bæði með
sérhljóða og samhljóða. Sérhljóðar,
eins og e og ö, voru nánast bornir
fram sem i og u og samhljóðar voru
óskýrir.
Efnisskrá Elínar var sett saman
af íslenskum sönglögum, ljóða-
söngvum og óperuatriðum.
Það sem best var á tónleikunum
voru sönglög Jóns Þórarinssonar,
Íslenskt vögguljóð á hörpu og Fugl-
inn í fjörunni, sem Elín söng mjög
fallega. Því miður voru ljóðasöngv-
arnir eftir Schubert, Schumann og
Strauss ekki góðir. Þar vantaði
fyrst og fremst næmi fyrir orðsins
list og túlkun. Styrkleikabreytingar
voru víða mjög fallega mótaðar, en
það dugði ekki til, þegar tilfinningin
fyrir innihaldi ljóðanna var ekki
fyrir hendi og maður fann ekki fyrir
lýrískri framvindu laganna. Það er
djarft að tefla fram ljóðum eins og
Morgen, Allerseelen og Die Lotos-
blume og Gretchen am Spinnrade á
fyrstu einsöngstónleikum, og ef til
vill hefði verið ákjósanlegra að ráð-
ast fyrst í viðráðanlegri verk.
Pie Jesu úr Sálumessu eftir Sig-
urð Sævarsson var forvitnileg tón-
smíð, einföld en mjög falleg. Óperu-
aríurnar voru misgóðar í flutningi
Elínar. Porgi amor úr Brúðkaupi
Fígarós og Draumur Elsu úr
Lohengrin voru bestar.
Þrátt fyrir ágalla í tæknilegri og
músíkalskri úrvinnslu söngsins hef-
ur Elín Halldórsdóttir ýmislegt sér
til tekna. Eins og áður sagði er það
fyrst og fremst mikil rödd, en ekki
síður hlýja og mikil útgeislun á
sviði. Þetta eru þættir sem eru ekki
öllum söngvurum gefnir og mikils
virði fyrir þá sem ætla sér að feta
þessa braut.
Richard Simm lék með Elínu á
píanóið; afskaplega vel. Gott dæmi
er leikur hans í Morgen eftir
Strauss; dæmalaust fallegur; brot-
hættur, glitrandi og gegnsær í senn
og fullkomlega í anda þessa við-
kvæma ljóðs. Hann hafði íslensku
lögin í hendi sér og óperuaríurnar
hristi hann fram úr erminni með
glæsibrag.
Mikil rödd en óbeisluð
TÓNLIST
Söngtónleikar
Elín Halldórsdóttir söng íslensk söng-
lög, ljóðasöngva eftir Schubert, Schu-
mann og Strauss og óperuaríur eftir
Mozart, Wagner, Verdi, Puccini og
fleiri. Meðleikari á píanó var Richard
Simm. Sunnudag kl. 20.00.
TÓNLISTARSKÓLI GARÐABÆJAR
Bergþóra Jónsdóttir
Elín
Halldórsdóttir