Morgunblaðið - 02.06.2002, Blaðsíða 58

EIN helsta hljómsveit Íslandssíðustu ár er Stilluppsteypa,sem hefur þó aðallega starf-að erlendis, enda hafa liðs-
menn hennar stundað nám ytra. Það
vakti eðlilega talsverða athygli fyrir
skemmstu þegar Heimir Björgúlfs-
son, einn stofnenda Stilluppsteypu,
sagði skilið við sveitina til að snúa
sér að öðru, en hann er nú í mast-
ersnámi í myndlist í Hollandi. Þrátt
fyrir námið er Heimir þó ekkert að
slá af í afköstum því hann opnaði
sýningu á listaverkum eftir sig í Gall-
eríi Hlemmi í gær, 1. júní, vænt-
anlegur er diskur með nýrri hljóm-
sveit hans, sem er þó ekki
hljómsveit, skammt er síðan hann
sendi frá sér tólftommu, væntanleg
er samstarfsplata og hann er á kafi í
upptökum á nýrri sólóskífu.
Heimir er staddur hér á landi í
stuttri heimsókn, rúma viku, til að
setja upp sýningu á verkum sínum í
Galleríi Hlemmi. Þar sýnir hann eitt
stórt verk sem hann kallar: Allt sem
glitrar er ekki illt. Einnig er hann
með vídeóverk, teikningar og fleiri
skúlptúra. Heimir segir að mynd-
listin hafi einmitt haft sitt að segja
með að hann hætti í Stilluppsteypu,
enda sé hún æ stærri þáttur í lífi
hans, tónlistin hefur þurft að láta
undan síga. „Ég vildi leggja meiri
áherslu á myndlistina og það er ekki
tími til að gera allt sem ég vil gera,
ég þurfti einfaldlega að gera upp á
milli.“ Heimir segir þó að hann muni
aldrei leggja tónlistina á hilluna,
þetta sé bara spurning um hvað hann
sé að fást við hverju sinni.
Kænska og fríkuð lög
Þótt tónlistin hafi þokast í annað
sætið í forgangsröðinni hjá Heimi
um þessar mundir er hann fráleitt
hættur að fást við tónlist og á næstu
dögum kemur út ytra fyrsta plata
The Vacuum Boys, sem Heimir skip-
ar með þeim Guy Amitai, Gert-Jan
Prins og Dan Armstrong, en FIRE
gefur plötuna út og Staalplaat dreif-
ir. Platan heitir því skemmtilega
nafni The Vacuum Boys Play Songs
from the Sea of Love, en á henni
sigla þeir félagar um haf ástar og
hættu, ljóstra upp leyndarmáli
spænsku galeiðunnar, finna skelk-
aðan páfagauk og bjarga deginum
með kænsku og fríkuðum lögum, eða
svo er því að minnsta kosti lýst á
kynningarblaði sem espar óneit-
anlega mjög hjá mönnum löngum til
að heyra skífuna.
Heimir segir hálf afsakandi að
The Vacuum Boys sé rokk-
hljómsveit, enda er hann þekktur
fyrir flest annað en rokk, í það
minnsta síðan Stilluppsteypa lagði
rokkið á hilluna snemma ferilsins.
Heimir segist titlaður gítarleikari og
söngvari á plötunni, en félagar hans í
hljómsveitinni eru úr ýmsum áttum.
Guy Amitai er frá Ísrael, honum
kynntist Heimir í den Haag, en hann
er góður vinur þeirra Still-
uppsteypufélaga til margra ára, að
því Heimir segir. Dan Armstrong
segist Heimir hafa kynnst í gengum
Staalplaat; „hann tók við mig viðtal
og við urðum góðir vinir í framhaldi
af því“. Gert-Jan Prins segist Heimir
síðan hafa þekkt svo lengi að hann
muni ekki lengur hvernig þeir
kynntust.
Ekki eiginleg hljómsveit
The Vacuum Boys er ekki eiginleg
hljómsveit að því Heimir segir, frek-
ar að menn hittast og skemmta sér
og taka síðan það upp sem hljómar
vel. „Við erum með ákveðna hug-
mynd um hvernig hljómsveitin eigi
að vera svo þetta er ekki alveg
stefnulaust. Reyndar var engin slík
hugmynd til þegar við tókum upp
þessa plötu, en eftir á varð til æv-
intýri um það sem gerist á plötunni
eins og lýst er á dreifimiðanum til að
kynna hana. Næsta plata er break-
dansplatan okkar, heitir Space
Breakdance Challenge, og á henni
biður forseti jarðarinnar okkur um
að berjast við geimverur í break-
dansi.
Það er gaman að fást við annars-
konar tónlist en ég hef verið í und-
anfarið,“ segir Heimir, en hann er
ekki bara að fást við rokk, á næst-
unni sendir hann fá sér skífu sem
hann vinnur með sænskum tónlistar-
manni, Jonas Olsson, sem hann segir
að sé í diskóanda. Platan kallast
Unspoken Word Tour, tekin upp í
hljóðveri í Nijmegen í ágúst og sept-
ember á síðasta ári og Staalplaat
gefur hana út, en að sögn Heimis átti
hún að vera komin út fyrir allöngu.
Það er meira í gangi hjá Heimi, því
ekki er langt síðan út kom í Þýska-
landi plata sem hann gerði með Ólafi
Elíassyni myndlistarmanni. Platan
kom út á vegum þýsku útgáfunnar
Bottrop-Boy á undirmerki hennar,
EN/OF, sem er helgað því að flétta
saman tilraunakenndri raftónlist og
myndlist. Þannig varð plata þeirra
Heimis og Ólafs, að helmingur um-
slagsins var mynd eftir Ólaf, silki-
þrykk með hitanæmu bleki, og þann-
ig sást myndin ekki nema menn
legðu lófa á myndina og hituðu þann-
ig blekið um stund. Í hinum helm-
ingnum var tólftomma með tónlist
eftir Heimi byggð á vatnshljóðum.
Sýningar í Hollandi
Heimir hefur því alltaf nóg að gera
að vanda, ekki síst eftir að hann sneri
sér að myndlistinni af meiri krafti og
þannig er hann ekki bara að sýna hér
á landi, því sl. þriðjudag var opnuð
sýning hans í Hollandi, sem hann
hafði ekki tíma til að vera við opnun
á, og rétt um það leyti sem hann snýr
heim til Hollands opnar hann enn
eina sýninguna.
„Ég vinn myndlist og tónlist frá
sama grunninum og það er ákveðin
glíma hjá mér að samtvinna þetta
tvennt sem best,“ segir Heimir.
„Stundum er niðurstaðan eins og
þetta sé tvennt aðskilið, þ.e. mynd-
list sem ég geri og tónlist sem ég
sem, en það er ekki svo í hausnum á
mér, fyrir mér er þetta nátengt og
samtvinnað. Ég vil gjarna að mörkin
þar á milli hverfi og það er í sjálfu
sér spennandi vandamál að fást við,
það væri verra ef ég gengi um göt-
urnar og hristi hausinn af því ég
fengi engar hugmyndir.“
Aldrei aftur Stilluppsteypa
Þótt Heimir sé hættur með Still-
uppsteypu á enn eftir að koma út
sitthvað sem hann tók upp með
hljómsveitinni. Væntanleg er sjö-
tomma þar sem hann er með, DVD
safndiskur sem sveitin tók upp er
enn óútkominn og síðan eru þeir sem
eftir eru í sveitinni, Helgi Þórsson og
Sigtryggur Berg Sigmarsson, að
vinna nýja plötu og Heimir er með í
megninu af þeim upptökum. Heimir
leggur áherslu á að þótt hann hafi
orðið leiður á Stilluppsteypu sé hann
langt í frá orðinn leiður á fyrrum fé-
lögum sínum í sveitinni, þeir séu enn
allir góðir vinir og eigi eflaust eftir
að vinna einhverja tónlist saman síð-
ar. „Það verður þó ekki sem Still-
uppsteypa, aldrei sem Stillupp-
steypa aftur, það er búið. Mér fannst
þetta ágætt, ég var búinn að vera í
sveitinni í tíu ár og það var kominn
tími til að fara að gera eitthvað ann-
að. Hvað samstarf varðar við þá
Helga og Sigtrygg erum við Helgi til
dæmis að fara að spila með ástralska
tónlistarmanninum Pimmon í októ-
ber.“
Heimir er að vinna að nýrri sóló-
skífu og fær ýmsa til liðs við sig, en
hann segir að hún verði talsvert frá-
brugðin því sem hann hefur áður
gert, mun meira um ákveðinn takt á
henni og fjöldi gesta, meðal annars
hollenskur plötusnúður. „Hún hefur
verið að þróast í nokkurn tíma og ég
hef gefið mér ágætan tíma til að
vinna hana og ekki sett mér nein
tímamörk, en ég reikna þó með að ég
komi henni frá mér í haust.“
Myndlistin í forgang
Heimir Björgvinsson er nú staddur hér á landi að
opna myndlistarsýningu, en hann er einnig í þann
mund að senda frá sér skífu með nýrri hljómsveit.
Morgunblaðið/Sverrir
Tónlist á sunnudegi
Árni Matthíasson
FÓLK Í FRÉTTUM
58 SUNNUDAGUR 2. JÚNÍ 2002 MORGUNBLAÐIÐ
Spennandi tækifæri fyrir
13-14 ára stráka í sumar!
Upplifið skemmtilegt ævintýri í júlí!
Vegna forfalla er laust fyrir 13-14 ára stráka
í unglingaskipti CISV til Hamborgar í Þýskalandi.
Nýttu þér þetta einstaka tækifæri til að kynnast af eigin raun
fjölskyldulífi í öðru landi. Hópurinn, 5 stelpur, 5 strákar
og tveir fararstjórar munu hittast og undirbúa sig saman
svo allir þekkist vel áður en farið verður.
Frekari upplýsingar veita Halldóra í s. 568 9549/899 9549,
Arna í s. 554 6815 og Hildisif í s. 554 00712.
Einnig á heimasíðu félagsins: www.cisv.is
Skógarhlíð 18, sími 595 1000.
www.heimsferdir.is
Verð kr. 58.150
Flug og hótel í 6 nætur, m.v. 2 í herb-
ergi, Expo, 3 stjörnur. Innifalinn
morgunverður, íslensk fararstjórn og
skattar.
Heimsferðir bjóða nú spennandi viku-
ferð yfir Verslunarmannahelgina til þessarar heillandi borgar þann 30.
júlí, í 6 nætur. Hér getur þú kynnst fegurstu borg Evrópu, gamla
bænum, Hradcany kastala, Karlsbrúnni, Wenceslas torginu, og farið í
spennandi kynnisferðir með farar-
stjórum Heimsferða sem gjörþekkja
borgina. Gott úrval hótel í boði.
Verð kr. 40.450
Flugsæti með sköttum.
Aðeins 28 sæti laus
Verslunarmannahelgin í
Prag
30. júlí - 6 nætur
frá kr. 40.450
BANDARÍSKI leikarinn
Clint Eastwood, sem hefur
leikið í ríflega 80 kvik-
myndum og leikstýrt fjölda
mynda, mun sækja þriðju
árlegu Kvikmyndahátíð
Maui í Wailea á Hawaii í
næsta mánuði. Í frétt Reut-
ers segir að þar muni leik-
arinn góðkunni veita Silv-
ersword-verðlaununum
viðtöku, en þau eru mestu
heiðursverðlaun hátíð-
arinnar. Þá mun Eastwood
einnig mæta í viðtal hjá Jo-
el Siegel 14. júní nk. Kvik-
myndahátíðin stendur yfir
12.–16. júní.
Eastwood verður þar
heiðraður fyrir framlag
sitt til „listsköpunar og
ímyndar kvikmyndabrans-
ans“, segir Barry Rivers, stjórn-
andi hátíðarinnar. „Það skipti engu
hvert efni myndarinnar var, Clint
Eastwood lyfti þeim ætíð á hærra
plan,“ segir Rivers ennfremur.
Fyrstu heiðursverðlaun Kvik-
myndahátíðar Maui hlaut leikstjór-
inn Tim Burton. Eastwood er tíður
gestur á Maui.
Eastwood sæmdur heiðursverðlaunum
Lyftir öllu á hærra plan
Clint Eastwood
fyrir framlag sitt til kvikmynda