Morgunblaðið - 11.06.2002, Page 45

FRÉTTIR
MORGUNBLAÐIÐ ÞRIÐJUDAGUR 11. JÚNÍ 2002 45
Þeir fiska sem róa
Bátarnir frá Creek Company eru komnir
15% kynningarafsláttur á „Belly“- bátum til 17. júní.
Þeir eru að fá'ann á Þingvallavatni í bátum frá Creek Company.
Veiðihornið hefur umboð fyrir Creek Company á Íslandi og
býður úrval báta frá þessum stærsta framleiðanda „Belly“- báta
í Bandaríkjunum.
Creek Company U-laga bátur. Vinsælasti báturinn
okkar. 2 lofthólf, 420 denier nælon í ytra byrði.
3 geymsluhólf, D-hringir, stangafestingar og svunta.
Vegur aðeins 3,5 kg. Lífstíðarábyrgð frá verksmiðju.
Verð kr. 18.900. Við bjóðum frábært tilboðsverð til
17. júní, aðeins kr. 15.995.
Creek Company O-laga bátur. Ódýr og vinsæll bát-
ur. 2 lofthólf, 420 denier nælon í ytra byrði.
3 geymsluhólf, D-hringir, stangafestingar og svunta.
Vegur aðeins um 3 kg. Lífstíðarábyrgð frá verk-
smiðju. Verð kr. 15.500. Við bjóðum frábært til-
boðsverð til 17. júní, aðeins kr. 12.995.
Creek Company Sub 714 bátur. Stór, 7 feta U-laga
bátur þar sem þú situr hátt. 3 lofthólf, 3 geymslu-
hólf. 840 denier nælon ytra byrði. Innan við 10 kg.
Loftdæla og árar fylgja. Lífstíðar ábyrgð frá verk-
smiðju. Verð aðeins kr. 34.500.
Flaggskipið frá Creek Company. ODC 816 er
8 feta tvíbytna, byggð á sterkri álgrind og gerð
jafnt fyrir stöðuvötn sem straumvatn.
840 denier nælon í ytra byrði. 2 stór
geymsluhólf og farangurspallur fyrir aftan sæti.
Vegur aðeins um 20 kg. Loftdæla og árar fylgja.
Lífstíðarábyrgð frá verksmiðju.
Verð aðeins kr. 74.000.
Hafnarstræti 5 - sími 551 6760 - Síðumúli 8 - sími 568 8410
www.veidihornid.is
Veiðihornið er opið alla daga vikunnar
Veiðihornið, Hafnarstræti 5 Veiðihornið, Síðumúla 8
Í Veiðihorninu færðu líka sundfit, loftdælur, rekakkeri, netpoka undir aflann o.fl. frá
Creek Company. Einnig Vac Rac stangafestingar á bílinn á aðeins kr. 8.995.
Varstu búinn að ná þér í bækling Veiðihornsins? Þar sérð þú gott úrval
okkar og mörg frábær tilboð sem Veiðihornið býður í sumar.
Veiðihornið býður alltaf meira úrval og betra verð.
Kíktu í heimsókn og láttu sannfærast. Við tökum vel á móti þér.
EFTIRLIT var með um-
ferð úr Grafarvogi um
Gullinbrú og hjáleið vegna
lokunar á Víkurvegi og
gekk hún eins og smurð vél.
Um helgina voru tíu ökumenn
grunaðir um ölvun við akstur og alls
voru 68 ökumenn stöðvaðir vegna
hraðaksturs. Á Vesturlandsvegi
mældist hraði einnar bifreiðarinnar
120 km/klst. og hraði annarrar á
Breiðholtsbraut 118 km/klst. en
þarna er hámarkshraði 70 km/klst.
Fimm ökumenn voru stöðvaðir fyrir
að hafa farið yfir á rauðu ljósi og 15
fyrir að hafa ekki virt stöðvunar-
skyldu. Enn eru nokkrir á nagla-
dekkjum og voru fimm ökumenn
stöðvaðir vegna þess.
Tilkynnt var um að kviknað hefði í
bifreið snemma á föstudagsmorgun
við verslunina Nóatún við Hátún.
Starfsmenn Smith og Norland
slökktu eldinn og hlaut einn þeirra lít-
ilsháttar brunasár við slökkvistarfið.
Talið er að kviknað hafi í út frá leiðslu
að rafgeymi.
Á föstudag var óskað eftir aðstoð
lögreglu um kl. 14:30 við að leita að
fimm ára gömlum dreng sem hafði
farið að heiman um kl. 11:00 á föstu-
dagsmorgun. Drengurinn sem býr í
Grafarvogi kom í leitirnar um kl.
16:00 þá heill á húfi.
Unglingspiltar stálu úr bíl
Farið var inn í bifreið í austurborg-
inni og tveimur ferðageislaspilurum
stolið ásamt 13 geisladiskum. Í þessu
sambandi er við hæfi að brýna enn
einu sinni fyrir fólki að vera ekki með
sýnileg verðmæti á lausu í bifreiðum
sínum, það er meiri freisting fyrir þá
sem brjótast inn í bifreiðar.
Aðfaranótt laugardags, rétt eftir
miðnætti, var tilkynnt um þrjá mjög
ölvaða unga menn í vesturbænum
sem gerðu sér það að leik að sparka
öskutunnum niður og í allt sem á vegi
þeirra varð. Voru þeir farnir er lög-
reglan kom á staðinn. Einnig var til-
kynnt um ungling sem væri ofurölvi
að ganga í veg fyrir bifreiðar á Miklu-
brautinni. Sá var farinn er lögreglan
kom.
Lögreglan stöðvaði bifreið í mið-
borginni um svipað leyti og voru tveir
handteknir grunaðir um sölu á fíkni-
efnum. Í kjölfarið var farið í húsleit og
var einn maður handtekinn þar til við-
bótar.
Lögreglan fór í nokkur hávaðaút-
köll um helgina í heimahús bæði
vegna ágreiningsmála og gleðskapar.
Greiðlega gekk að eiga við fólk í flest-
um tilvikum.
Um þrjúleytið sá eigandi bifreiðar í
Grafarvogi, út um glugga heima hjá
sér, unglingspilta standa fyrir utan
bifreið sína. Hann fór út og voru þeir
þá á bak og burt. Búið var að brjótast
inn í bifreið hans og stela geislaspil-
ara og hafði verið reynt að fara inn í
aðra bifreið þar við hliðina. Gaf hann
lögreglunni lýsingu á piltunum og
voru þeir handteknir í hverfinu
skömmu síðar og farið með þá á lög-
reglustöð.
Um sjöleytið kom öryggisvörður að
manni sofandi innandyra á veitinga-
stað einum í austurborginni, svo virð-
ist sem staðurinn hafi verið ólæstur.
Var hann fluttur á lögreglustöð til yf-
irheyrslu en hann var mjög ölvaður.
Rétt fyrir tvö á laugardag barst til-
kynning um konu sem hefði slasast í
göngu á Esjuna. Þarna höfðu vinnu-
félagar verið í skemmtiferð. Konan
var að renna sér niður snjóskafl en
náði ekki að stöðva sig og lenti á
grjóti. Var hún með eymsl á höfði og
brjósti og átti erfitt með öndun. Kon-
an var flutt með þyrlu á slysadeild í
Fossvogi.
Rétt fyrir sex á laugardag datt
maður af reiðhjóli á Miklubrautinni
og slasaðist hann á höfði.
Skömmu síðar hringdi kona og
sagði að hún hefði axlarbrotnað við
það að detta um misfellu á gangstétt á
Skólavörðustíg en hún hafði farið sjálf
á slysadeildina í Fossvogi í skoðun.
Skömmu eftir miðnætti aðfaranótt
sunnudags fékk lögreglan tilkynn-
ingu um mann á gangi í miðborginni í
nærbuxum og sokkum einum klæða.
Þarna var um erlendan ferðamann að
ræða sem að öllum líkindum hafði
gengið í svefni, var honum ekið að
gististaðnum þar sem hann bjó.
Á sunnudagsmorgun fundu starfs-
menn Sorpu tösku fulla af skotfærum
sem þeir afhentu lögreglu.
Um hádegisbilið fékk erlendur
ferðamaður sér kríu á bekk í mið-
borginni og á meðan hann svaf var
jakkanum hans stolið með öllum skil-
ríkjum og gjaldeyri að andvirði 55
þúsund krónur. Ekki góð landkynn-
ing það.
Lögreglan handtók mann sem
hafði framvísað fölsuðum 5.000 kr.
seðli. Mynd var fengin af grunuðum
úr eftirlitskerfi sem var á staðnum.
Maðurinn var handtekinn skömmu
síðar og seðillinn haldlagður.
Úr dagbók lögreglu – 7.– 10. júní
Útlendur svefn-
gengill á sokkunum
MORGUNBLAÐINU hefur borist
eftirfarandi árétting frá stjórn Fé-
lags íslenskra heimilislækna:
„Stjórn Félags íslenskra heimilis-
lækna áréttar, til að koma í veg fyrir
misskilning, að heilsugæslulæknum
verður greitt fyrir læknisvottorð í
samræmi við úrskurð kjaranefndar
29. apríl sl. Í frétt af dómi héraðs-
dóms Reykjavíkur frá 6. júní sl. í
máli Félags íslenskra heimilislækna
gegn íslenska ríkinu var kröfu fé-
lagsins um ógildingu úrskurðar
kjaranefndar frá 13. mars sl. hafnað.
Stjórn félagsins tekur fram eftirfar-
andi: Deilan um úrskurð kjaranefnd-
ar stóð einungis um hvort ritun
læknisvottorða teldist til aðalstarfs
heilsugæslulækna eða væri auka-
starf.
Málið snérist ekki um heimild til
gjaldtöku fyrir læknisvottorð heldur
hvort heilsugæslulæknum sjálfum
væri heimilt að ákveða þóknun fyrir
þau vottorð sem þeir skrifa eða hvort
það væri á valdsviði kjaranefndar að
ákveða greiðslur fyrir þau.
Niðurstaða héraðsdóms Reykja-
víkur breytir engu um að heilsu-
gæslulæknum verður greitt fyrir
vottorðin í samræmi við úrskurð
kjaranefndar. Hins vegar hafa
heilsugæslulæknar ekkert um það að
segja lengur hvernig gjaldtöku fyrir
vottorð er háttað heldur er það
ákvörðun heilbrigðis- og trygginga-
málaráðherra.
Stjórn Félags íslenskra heimilis-
lækna hefur ekki tekið ákvörðun um
hvort dómi þessum verður áfrýjað til
Hæstaréttar.“
Heilsugæslu-
læknum greitt
fyrir vottorð
SUMARSTARFIÐ í Viðey byrjaði
1. júní, en þá hófust áætlunarferðir
Viðeyjarferju og kaffihúsið í Viðeyj-
arstofu var opnað. Kvöldgöngur
verða farnar á þriðjudagskvöldum í
sumar. Þær hefjast með siglingu yfir
sundið kl. 19.30 og mun fyrsta ganga
sumarsins verða farin í kvöld, þriðju-
daginn 11. júní. Leiðsögnin er endur-
gjaldslaus, aðeins þarf að borga
ferjugjald sem er 500 kr. fyrir full-
orðna og 250 kr. fyrir börn.
Eyjan hefur að geyma marg-
breytilega og langa sögu. Minjar allt
frá 13. öld hafa fundist og eru sýni-
legar í eyjunni. Síðasta mannvirkinu
var komið upp árið 1990, en það er
umhverfislistaverkið Áfangar (Mile-
stones) eftir myndhöggvarann Rich-
ard Serra. Farið verður um lista-
verkið í kvöld, segir í
fréttatilkynningu.
Kvöldganga í Viðey