Morgunblaðið - 21.07.2002, Side 18

18 SUNNUDAGUR 21. JÚLÍ 2002 MORGUNBLAÐIÐ
Í MÝVATNSSVEIT eru uppihugmyndir um að reisamyndarlega baðaðstöðu íanda gamla tímans og hillirundir að þær vangaveltur
áhugamanna um jarðböð gangi nú
eftir. Upphafið má rekja aftur til
ársins 1995 þegar nokkrir heima-
menn í sveitinni fengu þá grillu í
kollinn að koma í sveitinni upp
náttúrlegu gufubaði, eins og tíðk-
aðist hér á árum áður. Ári síðar
var byggt tilraunagufubað, sem
reynst hefur mjög vel og rómað er
af öllum þeim, sem reynt hafa, að
sögn Péturs Snæbjörnssonar, for-
seta Baðfélags Mývatnssveitar,
sem stofnað var árið 1998 og er
hlutafélag í eigu áhugamanna um
jarðböð í Mývatnssveit. Hluthafar
eru um 35 talsins, en stærsti ein-
staki hluthafinn er ríkisvaldið, sem
lagði hluta af söluandvirði Kísiliðj-
unnar í félagið svo koma mætti til
móts við atvinnuuppbyggingu í
sveitinni.
„Björtustu vonir gera ráð fyrir
að hægt verði að hefjast handa
með haustinu og að aðstaðan verði
tilbúin næsta vor. Ef á hinn bóginn
kemur í ljós að framkvæmdin þarf
að undirgangast umhverfismat
munu allar áætlanir tefjast sem
þeim ferli nemur, svo ekki sé nú
talað um kostnaðaraukann sem
einn og sér gæti leitt til þess að
verkefnið falli dautt niður,“ segir
Pétur. Landið, sem baðaðstaðan
mun rísa á, er í eigu Voga í Mý-
vatnssveit og er nú verið að ganga
frá landleigusamningi við eigendur
vegna fyrirhugaðrar uppbyggingar
í svokölluðum Jarðbaðshólum. Lóð-
in er mjög eftirsóknarverð enda
eru nægjanleg náttúruleg gufuupp-
streymi þar. Hún er næsta lóð við
fyrirhugaða Bjarnarflagsvirkjun
og á henni eru túfstabbar, móg-
bergssetlög sem urðu til í Hver-
fjallsgosinu, sem okkur finnst mjög
mikilvægt að gera aðgengileg fyrir
gesti sveitarinnar. Nokkrar at-
hugasemdir bárust þegar Skútu-
staðahreppur auglýsti breytingar á
aðal- og deiliskipulagi svæðisins,
en frestur til að gera athugasemdir
rann út í júnílok. Beðið er afstöðu
Skipulags ríkisins til athugasemd-
anna ogum hvort verkefnið þurfi
að fara í umhverfismat eða ekki. Á
meðan er unnið að því að teikna
mannvirki, sem ætlunin er að rísi á
svæðinu. Arkitekt er Halldór
Gíslason í Mosfellsbæ sem jafn-
framt er deildarstjóri hönnunar-
deildar Listaháskólans.
Vonir bundnar við
norðlenska burðarása
Gert er ráð fyrir að verkefnið
muni í heild kosta 100 til 130 millj-
ónir króna. Búið er að leggja fram
15 milljóna króna byrjunarhlutafé
og binda félagsmenn vonir við að
norðlenskir sjóðir og stofnanir
komi inn sem burðarásar. Stefnt er
að því að kynna hugmyndina fyrir
fjárfestum á næstu vikum. „Það
eru nokkrir burðugir aðilar á
Norðurlandi tilbúnir til að leggja
fé í þetta skemmtilega verkefni og
komum við til með að kynna ít-
arlegar hugmyndir og útreikninga
fyrir þeim á næstunni. Við ætlum
okkur að fjármagna alla uppbygg-
inguna fyrir eigið fé. Helsta vanda-
málið við mörg ferðamannaverk-
efni hefur verið að svigrúm er lítið
sem ekkert þegar kemur að sjálf-
um rekstrinum vegna ónógs eigin
fjár og of mikillar skuldasöfnunar
við fjárfestingar og ónógs undir-
búningsstarfs. Við höfum því
ákveðið að byggja upp aðstöðuna
fyrir eigið fé og eiga inni svigrúm í
bankakerfinu fyrir reksturinn þeg-
ar þar að kemur.
Það koma um 200 þúsund er-
lendir ferðamenn til Íslands yfir
sumartímann og við vitum að í Mý-
vatnssveit koma 56% þeirra. Sam-
an með innanlandsmarkaði gerir
þetta um 200 þúsund manns sem
koma á svæðið þegar í dag og fer
sá fjöldi vaxandi. Af öllum þessum
fjölda erlendra ferðamanna fara
um 67% í bað í Bláa lóninu og líkar
harla vel. Við teljum því að þau
56% erlendra ferðamanna, sem
heimsækja Mývatnssveit, væru
tilbúin að kaupa aðgang að nátt-
úrubaði hér í sveitinni þar sem
gestir komast hvað næst tengingu
við sjálf náttúruöflin á ferð sinni
um landið. Ekki myndi það nú
skemma fyrir ef gestir gætu keypt
sér far norður um leið og lent væri
á landinu. Væri það mögulegt
myndi landslag á íslenskum ferða-
markaði umsnúast á örfáum árum.
Það þýðir að markaðsleg staða
sveitarinnar til að byggja hér upp
baðaðstöðu er mjög sterk auk þess
sem við þyrftum ekki að leggja út í
eins mikla markaðssetningu er-
lendis og ella því Bláa lónið á
Reykjanesi er búið að ryðja þá
braut fyrir okkur. Við njótum þess.
Þá er ég að meina þá ímynd, sem
þeim fyrir sunnan hefur tekist að
skapa Íslandi sem áfangastað til
náttúrubaða. Baðaðstaðan mun
jafnframt gera það að verkum að
fyrirtækin hér munu eiga auðveld-
ara með að markaðssetja aðra árs-
tíma en blásumarið,“ segir Pétur.
Nýta þarf fjárfestinguna
árið um kring
„Hugmyndin með þessum fram-
kvæmdum er ekki síst sú að lengja
nýtingartíma fjárfestinga í ferða-
þjónustu í sveitinni, en hér eins og
víða annars staðar á landsbyggð-
inni blasir það stóra vandamál viðFramtíðarsýn Halldórs Gíslasonar um uppbyggingu náttúrubaðstaðar í Mývatnssveit.
Teikning/Halldór Gíslason
Hugmyndin er að baðstaðurinn verði í svonefndum Jarðbaðshólum, sem eru í landi Voga.
Morgunblaðið/Þorkell
Pétur Snæbjörnsson, hótelstjóri og forseti Baðfélags Mývatnssveitar.
Baðfélag Mývatns-
sveitar hefur uppi stór
áform um uppbyggingu
náttúrubaða með lón-
um og gufuböðum í
sveitinni í anda gamla
tímans. Jóhanna
Ingvarsdóttir spurði
Pétur Snæbjörnsson,
forseta félagsins, út í
hugmyndirnar, sem nú
hillir loks undir að
verði að veruleika.
Jarðböð hluti af
mývetnskri menningu