Morgunblaðið - 27.10.2002, Blaðsíða 9

MORGUNBLAÐIÐ SUNNUDAGUR 27. OKTÓBER 2002 B 9
bílar
LEXUS er lúxusbílaarmur Toyota og
hefur herjað á bandaríska neytendur
með góðum árangri undanfarin ár. Í
Evrópu er uppskeran eitthvað rýrari
en fyrirtækið er þó eini japanski fram-
leiðandinn sem veitir þýsku eðalbíl-
unum Mercedes-Benz, Audi og BMW
harða samkeppni og þá ekki síst verð-
samkeppni. Hérlendis hefur Lexus
verið vel tekið og salan farið fram úr
væntingum umboðsaðilans. Lexus er
þó ekki fjöldasölubíll frekar en BMW
eða Audi en það athyglisverðasta við
bílinn er hagstætt verð miðað við bún-
að og gerð.
Bætt við úrvalið
Lexus hefur stöðugt verið að bæta
við framleiðslulínuna. Núna framleiðir
fyrirtækið bíla í millistærðarflokki,
stóra fólksbíla, sportbíl og jeppa. Fyrir
rúmu ári bættist við langbakurinn
IS300 SportCross og núna nýlega
einnig IS200 SportCross. Bíllinn var
prófaður á dögunum.
Eins og nafnið gefur til kynna er hér
ekki um hreinræktaðan langbak að
ræða þar sem áherslurnar eru helst á
flutningsgetu og hagnýtt gildi. Hér er
miklu fremur um að ræða blöndu af
sportbíl og langbak. Útlitinu svipar til
IS200 að því undanskildu að aftur-
hlutinn er ekki með stalli heldur hall-
andi afturhlera eins og hlaðbakur.
Annað sem breytist er lengri og ögn
breiðari yfirbygging en hjólhafið er hið
sama, 2.670 mm. Farangursrýmið er
hins vegar 220 lítrum meira en í stall-
baknum, alls 620 lítrar.
Ein minnsta 6 strokka vélin
Bíllinn er að mestu leyti hannaður í
vindgöngum með það að markmiði að
draga sem mest úr loftmótstöðunni.
Við prófuðum IS300 SportCross fyrir
einu ári. Sá bíll er með feiknaöflugri,
þriggja lítra, sex strokka VVTi-vél sem
skilar 213 hestöflum. IS200 Sport-
Cross er á hinn bóginn með einni
minnstu sex strokka línuvél sem fáan-
leg er. Slagrýmið er 1.988 lítrar og vél-
in skilar að hámarki 155 hestöflum.
Þetta er drjúgt afl og dugar bílnum vel
en mikill munur er þó á hröðuninni í
honum og IS300 bílnum. Báðar eru
með VVTi-tækni sem breytir opnun á
inntaksventlum eftir vélarsnúningi og
álagi á vél, sem leiðir til betri nýtingar
á eldsneyti og aflaukningar. Engu að
síður er upptakið í tveggja lítra vélinni
vel viðunandi, 9,5 sekúndur, en milli-
hröðunin er ennþá skemmtilegri.
Aðeins handskiptur
Bíllinn var prófaður í Sport-útfærslu
sem felur í sér m.a. sóllúgu, tvílitt leð-
urstýri, álpedala, hljómkerfi með átta
hátölurum og fleira. Staðalbúnaður er
ríkulegur en þar er m.a. að finna 16
tommu álfelgur, (17 tommur á IS300
SportCross), spólvörn, ABS-hemla
með EBD-dreifingu, aflmikil hljómtæki
og rafdrifnar rúður og spegla. Verðið
er síðan þægilegt; 3.330.000 kr. fyrir
bílinn með sex gíra handskiptingu.
Hann verður ekki boðinn með sjálf-
skiptingu með tveggja lítra vélinni.
Samkeppnisbílar eru m.a. BMW
320i Touring og Mercedes-Benz
C200 eða C240.
Morgunblaðið/Kristinn
Langbakurinn af Lexus IS er kominn með tveggja l vél.
Farangursrýmið er 220 l stærra en í
stallbaknum.
Lexus Sport-
Cross með
minni vél
gugu@mbl.is
Sportlegir mælar og innrétting er í Sport Cross.