Morgunblaðið - 07.04.2003, Side 26

26 MÁNUDAGUR 7. APRÍL 2003 MORGUNBLAÐIÐ



     





       




   

 BRÉF
TIL BLAÐSINS
Kringlunni 1 103 Reykjavík
Sími 569 1100

Símbréf 569 1329
Netfang bref@mbl.is
ÞRIÐJUDAGINN 18. mars birtist í
Morgunblaðinu grein eftir Kristján
G. Arngrímsson blaðamann undir
fyrirsögninni Vonduríkin og Írak. Í
greininni er sagt að svo virðist sem
stríðsandstæðingarnir hafi gleymt
um hvað málið snerist, hin meinta
andstaða hafi oft í rauninni virst
andstaða gegn Bandaríkjunum en
ekki gegn því sem þau eru að gera
núna, þ.e. að fara í stríð viðÍrak.
Ég er búinn að vera virkur í and-
stöðu gegn þessu stríði í allan vetur,
nær allir sem ég þekki eru á móti
þessu stríði, ég hef fylgst með vef-
síðum stríðsandstæðinga víða um
heim, ég hef verið á alþjóðlegum
tölvupóstlistum og lesið fjölmargar
greinar gegn þessu stríði. Ég þykist
því þekkja nokkuð vel til viðhorfa
þeirra sem hafa verið virkir og í for-
ystu í andófshreyfingunni gegn
þessu stríði.
Vissulega hefur mátt greina
áherslumun hjá þessum hópi, en
hann hefur þó verið frekar lítill. Ég
þykist geta fullyrt það að afstaða
þeirra sem hafa verið í forystu í
þessari andófshreyfingu hefur ekki
byggst á almennri andstöðu gegn
Bandaríkjunum. Andstaðan gegn
þessu stríði er miklu útbreiddari en
andstaðan við árásirnar á Afganist-
an og Júgóslavíu. Þessi andstaða
byggist fyrst og fremst á eftirfar-
andi: Ekki hefur verið sýnt fram á
að Bandaríkjunum né öðrum ríkjum
stafi hætta af Írak, tengsl Íraks við
hryðjuverkamenn hafa ekki sann-
ast, ekki hefur verið sýnt fram á að
Íraksstjórn búi yfir gereyðingar-
vopnum og þó svo að Íraksstjórn
hafi ekki verið samvinnuþýð og
sýna megi fram á að hún hafi brotið
gegn ályktunum Öryggisráðsins, þá
er ekki eins og slíkt sé einsdæmi og
hefur verið bent á hvernig Ísr-
aelsstjórn hefur komist upp með
slíkt refsingarlaus. Í ljósi þessa
hafa stríðsandstæðingar sagt að
ekki séu nægar ástæður til árásar á
Írak, lögmæti hennar sé hæpið,
jafnvel þótt Öryggisráðið sam-
þykkti hana, en fyrst og fremst sé
ekki hægt að réttlæta þær hörm-
ungar sem stríð muni valda almenn-
um borgurum í Írak. Andstæðingar
stríðs hafa auðvitað reynt að skýra
hvað raunverulega búi að baki þess-
um hernaðaraðgerðum, þegar þau
rök sem fyrir þeim eru færð virðast
ekki gild, og þá hefur verið m.a. ver-
ið horft til heimsvaldastefnu Banda-
ríkjanna og síendurtekins yfirgangs
þeirra gagnvart öðrum ríkjum, og
þegar horft er á þetta samhengi er
enn frekari ástæða til vera á móti
þessu stríði.
Grín á kostnað Bush forseta er
svo eðlileg aukaafurð í þessu andófi
enda hefur hann gefið ómælt tilefni
til þess með innantómum frösum
sínum. En að þær tugmilljónir sem
hafa mótmælt þessu stríði á und-
anförnum mánuðum séu að notfæra
sér Íraksdeiluna til að koma höggi á
Bandaríkjamenn – nei, það gengur
ekki upp. Það var reyndar í Banda-
ríkjunum sem fyrst var farið að
skipuleggja mótmæli gegn stríðs-
áformum Bandaríkjastjórnar.
EINAR ÓLAFSSON,
Trönuhjalla 13, Kópavogi, liðs-
maður í Átaki gegn stríði.
Erum við þá bara foj
út í Bandaríkin?
Frá Einari Ólafssyni:
OPIÐ bréf til Hrafnkels A. Jónsson-
ar.
Ágæti félagi og starfsbróðir!
Tilefni þessara skrifa minna er
greinarkorn sem þú fékkst birt í
Morgunblaðinu miðvikudaginn 26.
mars sl . Þar sýnir þú fram á ágæti ut-
anríkisráðherrans okkar og flettir of-
an af sviksemi Frakka við baráttu
okkar ágætu frelsara í vestri fyrir til-
veru okkar bæði fyrr og nú. Ég vona
að fregnir um slátrun hundruð rétt-
dræpra í Írak muni ekki valda þér
hugarangri í önnum flokksþingsins
sem þú nú situr. Enginn íslenskur
veiðimaður mun geta hælt sér af jafn
mörgum rjúpum í skoti. Það var
vissulega mál til komið að fara að
hirða aftur af óþekktarorminum
Saddam leikföngin sem honum voru
fengin fyrir hálfum öðrum áratug til
þess að klekkja á réttum óvinum þá.
Slæmt ef hann er búinn að eyðileggja
þau öll eða týna. Hugur minn reikar
um 35 ár aftur í tímann þegar frels-
ararnir voru að verja okkur fyrir al-
heimskommúnismanum. Daglega
bárust fréttir um fjölda flugvéla og
tonnaígildi TNT-sprengiefnis sem þá
var dælt yfir Norður-Vietnam. Lýs-
ing á virkni napalm- og flísasprengja
fylgdi oft með sem bragðgóður eft-
irréttur. Þá voru Bandaríkjamenn að
ljúka verkefni sem Frakkar höfðu
gefist upp við rúmum áratug fyrr.
Skrítið að þú skulir ekki hafa minnst á
þetta dæmi um sviksemi þeirra. Ég,
ungur framagosi í Framsóknar-
flokknum þá, taldi að þarna væri að-
eins gömul menningarþjóð að losa sig
undan oki nýlenduvelda. Þar sem þú
varst þá efnilegur ungliði í nýstofn-
uðu Alþýðubandalagi þykir mér ekki
ólíklegt að þú hafir gengið þann sama
gönustíg. Ungir Sjálfstæðismenn
studdu gerðir Bandaríkjamanna þá af
fullri einurð. Þeir hinir sömu halda nú
um stýri þjóðarskútunnar og hafa
samþykkt skipan okkur í sveit hinna
staðföstu ríkja. Frelsun Vietnama til
vestræns lýðræðis mistókst þó ein-
hverra hluta vegna. Við lá að okkar
ágæti forsætisráðherra væri svolítið
skömmustulegur þegar hann kom úr
heimsókn frá starfsbróður sínum þar
fyrir nokkru. Þessi er lífsins gangur.
Einum má bjarga meðan annar geng-
ur lengra villtur á vegi. Hlutskipti
mitt varð að ganga í Alþýðubandalag-
ið og er því flokkslegur munaðarleys-
ingi nú. Þig tókst hins vegar að frelsa
og það er eðli hinna frelsuðu að lof-
syngja af sannfæringu ágæti hins
nýja sannleika. Ég vona þó að frelsun
þín nái aldrei svo langt að þú skipir
þér í þá sveit guðs útvalinna sem
berst fyrir tilverurétti sínum í Palest-
ínu. Berst þar, með dyggum stuðningi
frelsara okkar í vestri, gegn hirð-
ingjaþjóð sem það land hefur nýtt í
þúsund ár þrátt fyrir að Jahve hafi
helgað það Ísraelum.
Að lokum þetta. Mér varð það á að
stuðla fyrirsögnina og sé mig því til-
neyddan að ljúka því verki.
Dýru verði sál er seld
sjóði flokksins góða.
Stríðsins núna á hún eld
og auð staðfastra þjóða.
BJÖRN PÁLSSON,
héraðsskjalavörður við Héraðs-
skjalasafn Árnesinga á Selfossi.
„Dýru verði sál
er seld“
Frá Birni Pálssyni: