Morgunblaðið - 25.05.2003, Blaðsíða 3
MORGUNBLAÐIÐ SUNNUDAGUR 25. MAÍ 2003 B 3
anna á efnisskrá Fanfare Ciocarlia
fyrir það að þau eru leikin. Iv-
ancea segir að þegar þeir félagar
byrjuðu að spila hafi þeim gengið
allt í haginn í heimahéraðinu en
lengri tíma hafi tekið að vinna íbúa
annarra héraða Rúmeníu á þeirra
band. „Þegar við vorum að byrja
og fórum til dæmis til Búkarest að
spila skildi fólk hvorki upp né nið-
ur í þessu. Það hafði aldrei heyrt
svona músík enda var hún meira
og minna bönnuð þegar Ceaucescu
var við völd. Í dag má segja að
meirihluti manna kunni að meta
músík okkar og fleiri álíka hljóm-
sveita, en gamla fólkið vill margt
halda sig við það sem það ólst upp
við fyrir langa löngu,“ segir Iv-
ancea og kímir. Hann segir að þó
þeir séu að leika þjóðlega tónlist,
sumt í nútímalegum útsetningum,
sé margt af þjóðararfinum að týn-
ast. „Við gleymum líka þó við
séum að spila þessa tónlist. Þó ég
sé ekki gamall maður þá er Rúm-
enía dagsins í dag allt önnur en
þegar ég var ungur, gamlar hefðir
hverfa óðum og siðvenjur gleym-
ast nema menn telji sig geta grætt
á þeim,“ segir Ivancea og bætir
við eftir smá umhugsun, „líklega
er helsta ástæðan fyrir því hve
fólk leggur litla rækt við uppruna
sinn að lífið er svo erfitt, það er
lítið um vinnu og öll orka fer í að
sjá sér og sínum farborða, þannig
að það er ekkert eftir til annars.“
Fanfare Ciocarlia leikur aðal-
lega þjóðlega tónlist eins og getið
er en ef það var eitthvað eitt sem
varð til þess að gera hljómsveitina
eins fræga og raun ber vitni þá var
það sú heillahugmynd að spila tón-
list frá öllum héruðum Rúmeníu,
en ekki bara það sem tíðkaðist í
sveitinni. Ivancea vill skrifa það á
Helmut Neumann, segir að hann
hafi stungið upp á því að þeir
gerðu efnisskrána fjölbreyttari og
legðu áherslu á austræn áhrif.
„Við breytum lögunum talsvert
þegar við erum að útsetja þau og
sum eru svo breytt að þau hljóma
nánast sem ný lög, enda erum við
tólf í hljómsveitinni og hver hefur
sína skoðun á því hvernig best er
að gera hlutina,“ segir Ivancea og
skellir uppúr.
Lifað góðu lífi
Ivancea segir að víst sé erfitt að
vera á ferðalagi fimm til sex mán-
uði á ári, að þvælast um allan
heim, en hann segist lifa góðu lífi,
ekki síst í ljósi þess hvernig það
var áður en Fanfare Ciocarlia kom
til. „Í dag á ég peninga og gefur
augaleið að það er betra en að eiga
ekkert,“ segir hann og brosir.
„Það er líka mikils virði að fá að
fara um heiminn og kynnast nýju
fólki, leika fyrir nýja áheyrendur.
Sem tónlistarmaður finnst mér
líka mikils um vert að fá að kynn-
ast öðrum tónlistarmönnum og
leika með þeim, til dæmis í Síg-
aunalestinni sem fór um Evrópu,
en í henni vorum við meðal annars
að leika með löndum okkar í Taraf
De Haïdouks, tónlistarmönnum frá
Indlandi og Spáni sem var mjög
lærdómsríkt.“ Aðspurður hvort
hann eigi sér draum um að leika
með einhverjum ákveðnum tónlist-
armönnum hugsar hann sig vel um
og segir svo: „Ég er saxófónleikari
og fyrir mér er mesti saxófónleik-
ari í heimi Ferus Mustafov [frá
Makedóníu]. Ég myndi samt ekki
vilja leika inn á plötu með honum
því ég yrði mér til skammar, hann
er svo miklu betri en ég,“ segir Iv-
ancea og hnyklar brýnnar en svo
glaðnar yfir honum, „ég myndi aft-
ur á móti vilja spila með Madonnu,
ef hún er að lesa þetta bið ég hana
að hafa samband,“ segir hann og
hlær hjartanlega.
Þegar viðtalinu er lokið og ég
býst til að fara spyr Ivancea hvort
hann megi ekki nota þetta tæki-
færi til að koma smá skilaboðum á
framfæri: „Ég kynntist íslenskri
stúlku í Prag sem mig langar til að
bjóða á tónleikana, Tanja, ef þú
lest þetta ertu velkomin.“
Vel útilátið stuð
Að loknu þessu spjalli sem fram
fór á staðnum Etnorama á Norð-
urbrú í Kaupmannahöfn var komið
að því að sjá sveitina spila á þeim
ágæta stað. Uppselt var á tón-
leikana og reyndar talsverð biðröð
af fólki fyrir utan sem freistaði
þess að komast inn, fá kannski
keypta miða tónleikagesta sem
voru ekki fullvissir um að þeir
vildu sjá tónleikana. Inni var
pakkað af fólki og mikil eftirvænt-
ing í loftinu.
Þeir Fanfare-félagar byrjuðu
tónleikana á löngum aðdraganda,
þar sem menn voru kynntir til sög-
unnar og stemmningin keyrð upp
smám saman. Eftir því sem fjölg-
aði á sviðinu jókst líka stuðið og
þegar sveitin var fullskipuð var
sett í fluggírinn. Eins og getið er
er Fanfare Ciocarlia ekki síst fræg
fyrir það hve liðsmenn hennar eru
fimir á hljóðfæri sín, geta spilað
hratt, nákvæmt og kraftmikið og
þeir svikust ekki um að gera það.
Tónleikadagskráin var vel sam-
sett, ört skipt um dansstíla til að
fæturnir fengju sífellt nýja takta
til að spreyta sig á, og síðan komu
sönglög á stangli þar sem þeir fé-
lagar skiptust á að syngja. Frábær
var elsti meðlimur sveitarinnar,
sem leikur öðru hvoru á klarínett
og smávegis slagverk, en hann var
með afskaplega tilfinningaríka
tregaskotna rödd. Einn trompet-
leikara sveitarinnar var lítt síðri
söngvari, ekki eins mæddur þó, og
einnig sýndi flygelhornleikari
hennar ekki bara góðan söng held-
ur líka skemmtileg þjóðleg dans-
spor. Mest bar þó á Ioan Ivancea
sem vonlegt er, enda er hann leið-
togi sveitarinnar. Hann er firna
góður saxófónleikari sem spilaði af
smekkvísi og fimi á milli þess sem
hann blikkaði stelpurnar í fremstu
röð og reyndi að fá þær upp á svið.
Eftir klukkutíma keyrslu var
farið að draga nokkuð af áheyr-
endum enda dönsuðu allir eins og
þeir ættu lífið að leysa. Þá tóku
þeir Fanfare-liðar sér stutt hlé,
hurfu af sviðinu aftur í um fimm-
tán mínútur en tóku svo til
óspilltra málanna með viðlíka stuð
og í fyrri hlutanum og ekki voru
þeir að slá neitt af, spiluðu í
klukkutíma til viðbótar áður en
þeir fóru af sviðinu og létu svo
klappa sig upp. Vel útlilátið stuð.
Það er ákveðnum erfiðleikum
háð að lýsa fyrir þeim sem ekki
hafa heyrt hvernig tónlist Fanfare
Ciocarlia leikur, ekki síst þar sem
allir vita hvernig lúðrasveit hljóm-
ar. Hugsanlega má grípa til orða
eins og kletzmer og sígaunatónlist
en það nær þó ekki nema rétt að
gefa nasasjón af stuðinu sem er á
þeim félögum þegar þeir eru
komnir vel af stað. Ef að líkum
lætur eiga þeir eftir að smekkfylla
Nasa 25. júní næstkomandi, en þá
er líka eins gott að það sé nóg
pláss á dansgólfinu því það er
ógerningur að sitja á sér.
arnim@mbl.is
Hljómsveitin spilar hratt og af mikilli nákvæmni, sem er enginn hægðarleikur
þegar menn eru að blása í túbur og saxófóna.
Ioan Ivancea fór fyrir liði sínu eins og herforingi.
HÁSKÓLI ÍSLANDS
Inntökupróf í læknadeild Háskóla Íslands fyrir
nám í læknisfræði og sjúkraþjálfun verður
haldið í Reykjavík dagana 23. og 24. júní
2003. Staður og stund verða tilkynnt þegar
fjöldi þátttakenda liggur fyrir.
Þátttakendur þurfa að skrá sig til inn-
tökuprófsins fyrir 5. júní 2003. Skráning
fer fram í Nemendaskrá Háskóla Íslands á
sérstöku eyðublaði sem þar liggur frammi en
það er einnig að finna á netinu (www.hi.is/
stjorn/nemskra/umsoknareydublod.). Við
skráningu þarf að leggja fram kvittun fyrir
greiðslu próftökugjalds kr. 8.500,- inn á
bankareikning 0137-26-000085. Kennitala HÍ
600169-2039. Leggja þarf fram staðfest afrit
af stúdentsprófsskírteini við skráningu. Þeir
sem útskrifast á tímabilinu 5.-17. júní skili
staðfestu afriti eigi síðar en 19. júní.
Inntökuprófið er eitt próf sem tekur tvo daga,
með þremur tveggja tíma próflotum hvorn
daginn, eða 12 klst. alls. Niðurstaða prófsins
birtist í einni einkunn sem verður reiknuð
með tveimur aukastöfum.
Samkvæmt reglum um inntökupróf (sjá
www.hi.is/nam/laek) er það haldið einu sinni
á ári í júnímánuði. Inntökuprófið er sam-
keppnispróf þar sem nemendur keppa
innbyrðis um efstu sætin, sem veita aðgang
að náminu. Því er lögð rík áhersla á að
jafnræðis sé gætt í hvívetna, þ.e. að allir
nemendur taki samtímis eitt og sama prófið
við sambærilegar aðstæður. Af því leiðir að
ekki verða haldin s.k. endurtöku- eða
sjúkrapróf.
Tiltekinn fjöldi þeirra nemenda sem bestum
árangri ná í prófinu, fær rétt til náms í lækna-
deild Háskóla Íslands – nú 48 nemendur í
læknisfræði og 20 í sjúkraþjálfun. Nemandi
sem öðlast rétt til náms í læknadeild, að loknu
inntökuprófi, skal skrá sig í Háskóla Íslands
og greiða skrásetningargjald ekki síðar en
20. ágúst og hefja námið á haustmisseri 2003.
Að öðrum kosti hefur hann fyrirgert rétti
sínum til náms í læknadeild á grundvelli þessa
inntökuprófs, en þann rétt öðlast þá sá
nemandi sem næstur var því að öðlast rétt
til náms á grundvelli sama inntökuprófs. Þeir
sem ekki öðlast rétt til náms í læknadeild,
eiga þess kost að skrásetja sig, innan sömu
tímamarka, í aðrar deildir gegn greiðslu
skrásetningargjalds skv. reglum Háskóla
Íslands.
Nánari upplýsingar um inntökuprófið og
dæmi um prófspurningar má finna á
heimasíðu læknadeildar Háskóla Íslands
www.hi.is/nam/laek.
Læknadeild Háskóla Íslands
INNTÖKUPRÓF Í LÆKNADEILD HÁSKÓLA ÍSLANDS
SJÚKRAÞJÁLFUNARSKOR OG LÆKNISFRÆÐISKOR
Þvottastöðin með bílnum á þakinu,
Bíldshöfða 8.
Sumarþvottur: fólksbíll 1.290.
Jeppar/stærri bílar allt að 35“ 1.590.
Seljum 10 tíma afsláttarkort.
Þrífum einnig bílinn að innan og utan:
Lítill bíll 3.000.-Stór bíll 5.000.-
Fagmenn veita aðstoð við að gera
bílinn seljanlegri.
Frúin hlær í hreinni bíl.