Morgunblaðið - 25.05.2003, Blaðsíða 13

MORGUNBLAÐIÐ SUNNUDAGUR 25. MAÍ 2003 B 13
ferðalög
ENGINN er svikinn af því að koma
við hjá honum Hildibrandi Bjarna-
syni í Bjarnarhöfn í Helgafellssveit,
sem er miðja vegu milli Grund-
arfjarðar og Stykkishólms. Hildi-
brandur er nefnilega einn frægasti
hákarlabóndi landsins, tekur ferða-
mönnum opnum örmum og býður
meðal annars upp á hárkarl og
söguskoðun um bæjarhlaðið, sem
hefur ásamt öðru að geyma litla og
merkilega timburkirkju frá árinu
1857. Kirkja þessi er ein af fáum
svokölluðum bændakirkjum, sem
eftir eru í landinu, sem þýðir að
kirkjan er í eigu Hildibrands og ber
honum að sjá um hana á meðan
hans nýtur við.
Eftir siðaskiptin kepptust bænd-
ur landsins við að byggja kirkjur og
var Bjarnarhafnarkirkja gerð að
bændakirkju árið 1286. Þrátt fyrir
að sóknin hafi verið stór hér í eina
tíð, er bærinn Bjarnarhöfn nú eini
bærinn í sókninni og teljast sókn-
arbörnin því vera um átta talsins.
„Það má því segja að hér sé nú
orðið enginn ágreiningur innan
sóknarinnar,“ segir Hildibrandur og
hlær.
Merkilegir kirkjumunir
Hildibrandur er uppfullur af sög-
um þegar mætt er í hlaðið. Á með-
an við stöldrum í litlu kirkjunni, er
honum tíðrætt um marga merka
gripi, sem kirkjunni hafa áskotnast
í gegnum tíðina. Nefna má predik-
unarstól frá 1694 með máluðum
myndum af guðspjallamönnunum,
þrjú hundruð ára kertastjaka,
oblátudós í katalónskum stíl úr
gulli, hvítagulli og silfri gerða af
dönskum gullsmið árið 1829, alt-
arisklæði sem gefin voru af ekkju
Páls Melsteð amtmanns árið 1862
og síðast en ekki síst merka alt-
aristöflu, sem fyrst er getið í ann-
álum árið 1640. „Vera má að hún
hafi komið hingað miklu fyrr,“ segir
Hildibrandur, „en þannig var að hol-
lenskir kaupmenn, sem voru að
koma hingað til Kumbaravogs,
lentu í sjávarháska úti fyrir Breiða-
firði og hétu því að þeir skyldu gefa
kirkjunni fallega altaristöflu ef þeir
björguðust. Þeir efndu heit sitt með
þessari mjög svo lifandi altaristöflu,
sem enginn veit hver gerði en talið
er að hún sé frá skóla Rembrandts
komin. Og augu Krists fylgja gest-
um eftir hvar sem þeir eru staddir í
kirkjunni, segir Hildibrandur og
bendir síðan á sæti í kirkjunni sem
snýr baki við altarinu og segir að
þetta sæti hafi breyst í árdaga frá
því að vera „sæti hinnar syndugu
konu“ í að verða „sæti hinnar ólof-
uðu meyjar“.
Hákarl í hávegum
En nú stendur hins vegar mikið
til hjá Hildibrandi því hann er að
stækka verulega við sig vegna
ferðabransans, sem virðist vera að
vinda upp á sig ár frá ári enda læt-
ur nærri að hátt í tíu þúsund
manns sæki hann heim á ári
hverju. Og er hákarlinn auðvitað
þar í hávegum. Eftir söguskoðun í
kirkjunni, býður Hildibrandur í hús
þar sem á borðum er hákarl, harð-
fiskur og íslenskt brennivín, en áð-
ur en nokkur fær að smakka á
veigunum, segir hann að best sé að
dýfa hákarlsbitunum í brennivínið,
telja upp að tíu á meðan hann mar-
inerast og síðan að njóta. Þetta
hugnist útlendingum, sem eru að
smakka íslenskan hákarl í fyrsta
sinn, sérlega vel.
Hildibrandur verkar hákarl allt ár-
ið og segir hann að verkunarferlið
taki allt frá sex til átta mánuði.
Hróður hans hefur borist víða enda
hafa sótt hann heim erlendir frétta-
menn í leit að efni. „Ég tala hins-
vegar bara mína íslensku og hef
ekki lært neitt annað. Í reynd ætl-
aði ég mér aldrei út í neina ferða-
þjónustu, en hlutirnir æxluðust
bara á þennan veg. Faðir minn byrj-
aði á þessu og eftir að hann féll frá
og túristarnir héldu áfram að koma,
var annaðhvort að reka þá í burtu
eða taka á móti þeim. Ég kaus síð-
ari kostinn þrátt fyrir að vera bæði
feiminn og hlédrægur. Og yfir sauð-
burðinn getur verið skemmtilegt
fyrir fólk að koma í fjárhúsin.“
Ný og fín aðstaða
Hildibrandur stendur nú í stór-
framkvæmdum og er að byggja
250 fermetra aðstöðu í tengslum
við ferðaþjónustuna á bænum. Þar
er m.a. anddyri, þrjár snyrtingar, lít-
il setustofa, eldhús og 200 fer-
metra safnahús, sem lagt verður
kastalasteini og fjörugrjóti. „Þessi
aðstaða verður auðvitað tengd há-
karlsverkuninni og safnið búið bát-
um í minni eigu og ýmsu dóti, sem
hér er og gleymdist að henda,“
segir Hildibrandur að lokum.
Hildibrand-
ur hákarla-
bóndi opnar
safnahús
Hildibrandur Bjarnason í Bjarnarhöfn í Helgafellssveit.
Morgunblaðið/JI
Kirkja þessi er ein af fáum bændakirkjum, sem eftir eru á landinu.
Stöðugt hefur fjölgað gestum
hjá Hildibrandi Bjarnasyni, há-
karlabónda í Bjarnarhöfn, sem
nú er að byggja upp mynd-
arlega ferðaþjónustuaðstöðu.
Jóhanna Ingvarsdóttir kom
við hjá Hildibrandi.

Hildibrandur Bjarnason
Bjarnarhöfn
340 Stykkishólmur
Sími: 438 1581 GSM: 864 1581
join@mbl.is
Úrval-Úts‡n
Lágmúla 4: 585 4000 • Hlí›asmára: 585 4100 • Keflavík: 420 6000
Akureyri: 460 0600 • Selfossi: 482 1666 og hjá umbo›smönnum um land allt. www.urvalutsyn.is
á mann í tvíb‡li í 7 nætur me› hálfu fæ›i.
49.970 kr.*
Sta›grei›sluver›
* Innifali›: Flug, flugvallarskattar, gisting m/hálfu fæ›i,
akstur og íslensk fararstjórn.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
RV
2
12
67

05
/2
00
3
Nú er tækifæri a› komast til Krítar og búa á
4ra stjörnu hótelinu Porto Platanias. Fallegt hótel,
me› fyrsta flokks fljónustu og gó›um mat. Hóteli›
stendur vi› ströndina í Platanias í göngufæri
vi› veitingsta›i, verslanir og bari. Herbergi eru
loftkæld me› öllum nútíma flægindum og á
hótelinu er sundlaug, barir og veitingasalur.
Örfá herbergi í bo›i á tilbo›sver›i.