Morgunblaðið - 18.08.2003, Side 18

HESTAR
18 MÁNUDAGUR 18. ÁGÚST 2003 MORGUNBLAÐIÐ
Þ
RÓUN og framfarir hafa
verið miklar í rúmlega
þrjátíu ára sögu mót-
anna þótt auðvitað hafi
inn á milli þurft að leið-
rétta stefnuna í ýmsum þáttum. En
hvað segja kunnáttumenn um stöð-
una í dag?
„Í mínum huga stendur upp úr á
mótinu sýning Jóhanns R. Skúlason-
ar á Snarpi frá Kjartansstöðum í
töltkeppninni,“ sagði Þórarinn Ey-
mundsson, sem kalla má fulltrúa
ungu kynslóðarinnar í hópi þeirra
sérfræðinga sem hér leggja orð í
belg. „Ég tel að þessi sýning þeirra
verði hið óopinbera viðmið næstu ár-
in um það hvernig hin fullkomna út-
færsla í töltkeppni gæti litið út en að
mínu mati var þarna um að ræða
nánast gallalausa sýningu,“ hélt
Þórarinn áfram.
Um reiðmennskuna í heild sinni
fannst Þórarni Þjóðverjar skera sig
allnokkuð úr með sinn stíl þar sem
honum fannst vanta meira flot í út-
færslur þeirra en mátti sjá hjá Ís-
lendingum og öðrum þjóðum.
Söfnunin af hinu góða
„Þá held ég að söfnunin sé enn að
aukast sem ég tel út af fyrir sig góða
þróun en menn verða eigi að síður
að gæta sín á því að safna hestum
ekki það mikið að þeir tapi mýkt og
fjaðurmagni. Í þessum efnum virð-
ast eiga sér stað miklar þreifingar
og þróun. Með aukinni söfnun er að
sjálfsögðu verið að leggja meira á
hrossin en að sama skapi verða þau
sterkari, losnar um þau að framan
og útfærsla hraðabreytinga verður
til að mynda auðveldari bæði fyrir
knapa og hest,“ hélt Þórarinn
áfram.
Hvað varðar umræðu um hægara
hægatölt og gangandi afturfóta-
hreyfingar sagðist Þórarinn vona að
sú umræða héldi áfram því þar
þyrftu menn að komast að sameig-
inlegri stefnu varðandi þrístuðning á
hægu tölti. Þar á Þórarinn við það
þegar hestar tölta það hægt að þeir
ganga að aftan og hestur stendur í
þrjá fætur augnablik í hreyfinga-
ferlinu. „Menn þurfa að komast að
raun um hvort þetta sé jákvætt eða
neikvætt. Sjálfur sé ég ekkert nei-
kvætt við þetta en ég varpa fram
þeirri spurningu hvort ekki sé tíma-
bært að skilgreina hægatöltið upp á
nýtt. Það hvort hestar ganga að aft-
an eða ekki fer svolítið eftir hesta-
gerðum og eins hraðanum en þetta
segir líka allnokkuð um það hvað
hesturinn er kominn langt í þjálfun
og uppbyggingu,“ bætir Þórarinn
við.
Þá nefnir hann það sem hann kall-
ar frábæra útfærslu hjá Peter
Häggberg í gæðingaskeiðinu á Aski
frá Håkansgården. „Hann notar þar
ásetuna mjög skemmtilega, hallar
sér vel fram þegar hann skiptir yfir
á stökk, sest í hnakkinn við niður-
tökuna og hallar sér fram á sprett-
inum og síðan vel aftur í niðurhæg-
ingunni. Mér finnst hann sýna mjög
góða stjórnun á afkastamiklum
viljahesti. Þá vakti það athygli mína
að knapar voru í smávandræðum
með brokkið í úrslitum fimmgangs
sem leiddi hugann að svipuðum hlut-
um í A-flokki á landsmótinu á síð-
asta ári. Finnst mér það spurning
hvort huga þurfi eitthvað að röðun
gangtegundanna í úrslitum eða fyr-
irkomulag,“ sagði Þórarinn að end-
ingu.
Sá kunni kappi, Sigurbjörn Bárð-
arson, sagði að það sem fyrst kæmi
upp í hugann væri aukin breidd,
fleiri góðar og tæknilega fram-
kvæmdar sýningar og það eitt væri
mikið fagnaðarefni og kannski
mesta fagnaðarefnið að loku góðu
móti.
Kynbótahrossin út
„Þá sannfærðist ég endanlega um
að kynbótahrossin hefðu ekkert
þarna að gera. Þetta stefnir í keppni
milli landa og þar er að sjálfsögðu
um mjög ójafnan leik að ræða og
nægir þar að líta á fædd folöld í
hverju landi þar sem Ísland hefur
mikið forskot svo dæmi sé tekið.
Mér finnst hinsvegar mjög jákvætt
að taka ungmennin inn á mótið og
gefa þeim kost á að afla sér nýrrar
reynslu og komast fyrr í alvöru-
keppni. Þá finnst mér ör þróun í
reiðmennskunni,“ sagði Sigurbjörn
en benti á menn yrðu að fara var-
lega í að ríða hrossum með felldan
háls. Það hefði sýnt sig að hross fá
góðar tölur þótt ekki sé riðið með
velfelldan háls og höfuð í lóð. „Í
þessum efnum má ekki ganga of
langt og verðum við að gæta var-
úðar í eftiröpun á klassískri reið-
mennsku. Líkamsbygging íslenskra
hesta býður ekki alltaf upp á slíka
stillingu og hentar því ekki í heild
sinni. Þetta er gott í hófi þar sem
það á við,“ bætir hann við.
„Mér fannst útfærsla skeiðsins í
úrslitum fimmgangs með miklum
ágöllum. Flestir hestanna fóru upp á
krossstökk í enda hvers spretts og
þarna finnst mér vanta nokkuð á
tæknina,“ sagði Sigurbjörn en taldi
þó ekki ástæðu til að fara með skeið-
ið á beina braut eins og gert er í
gæðingakeppni.
„Alls ekki þörf á slíku. Það er al-
veg hægt að bæta útfærslurnar en
það útheimtir meiri list og færni
knapanna og á það eiga menn að
stefna,“ sagði Sigurbjörn staðfastur
í skoðun sinni á þessu máli. Hvað
skeiðkeppninni viðkemur sagði Sig-
urbjörn að alltof mikið af mistökum
hefðu átt sér stað í gæðingaskeiðinu.
„Það er greinilegt að erlendir dóm-
arar taka alltof vægt á upphafskafla
gæðingaskeiðsins og gefa einkunn
þótt hestur taki einungis tvö-þrjú
stökk áður en hann er tekinn til
kostanna. Mér finnst of lítið lagt upp
úr tæknilegu hliðinni í gæðinga-
skeiðinu. Á þessu var að sjálfsögðu
ein góð undantekning,“ sagði Sig-
urbjörn og átti þar við frábæra út-
færslu Peters Häggberg á Aski.
Síðastur er svo Sigurður Sæ-
mundsson landsliðseinvaldur og
hafði hann ákveðnar skoðanir á hlut-
unum. „Í fyrsta lagi er mér efst í
huga að vel riðnar og tæknilega út-
færðar sýningar borguðu sig vel fyr-
ir knapana. Gott dæmi um það var
hvernig Stian Pedersen tókst að
tryggja sér efsta sætið í forkeppni
fjórgangs á Jarli frá Miðkrika með
frábærlega vel útfærðri sýningu en
að sama skapi fór það út og suður í
úrslitum þar sem hann tapaði efsta
sætinu. Þá nefni ég til sögunnar
Nicole Bergmann með Bruna frá
Súluholti þar sem þessu var öfugt
farið en þau voru í níunda sæti eftir
forkeppni fimmgangs og unnu sig
upp í úrslitum og enduðu í öðru
sæti. Þarna var á ferðinni hestur
með mjög góðar gangtegundir en
með góðri útfærslu vann hún sig
upp í annað sætið og var aðeins
hársbreidd frá sigri. Að sama skapi
má nefna íslensku liðsmennina sem
ekki fóru á límingunum og náðu að
knýja fram sigur þrátt fyrir gríð-
arlegt mótlæti í forkeppninni,“ sagði
Sigurður sem hér var orðinn vel
volgur.
Yfirburðaskeiðhestar
Og hann hélt áfram: „Þá vakti at-
hygli mína mikið vel- og markvisst
uppbyggðir skeiðhestar Svíanna,
þeir Þór frá Kalvsvik og Mjölnir frá
Dalbæ hjá Magnúsunum tveimur.
Hef ég aldrei séð svona vel upp-
byggða skeiðhesta á þessum mótum
og greinilega skilaði þessi vinna sér
vel því þetta voru algjörir yfirburða-
hestar í skeiðinu. Töltsýningarnar
eru alltaf að komast nær fullkom-
leikanum. Þar þarf yfirburðaþjálfun
og reiðmennsku og útfærslu í sama
klassa ef menn ætla sér að eiga ein-
hverja möguleika. Karly Zingsheim
hefur til þessa verið talinn kominn
manna lengst í þeim efnum en nú
hitti hann fyrir ofjarl sinn.
Þá er sú spurning orðin áleitin
hversu hægt hægatöltið á að vera.
við gengum í það á mótinu að láta
Jóhann ríða hægatöltið ívið hraðar
en hann hafði gert á æfingum fyrir
keppnina. Hann fór hringinn á 94
sekúndum meðan Hafliði fór hann á
70 sekúndum. Það hafa engir getað
riðið töltið svo hægt í svona mikilli
söfnun sem gert var á þessu móti án
þess að missa fasið, fjöðrunina og
fótaburðinn.
Þá fannst mér fjórgangur og
fimmgangur vera farnir að bera
mikinn keim af gæðingakeppninni,
til dæmis stökk riðið hratt í úrslitum
fjórgangs og einnig tölt-brokk riðið
hraðar en maður hefur átt að venj-
ast. Ég geri ráð fyrir einhverri um-
ræðu um þessi atriði.
Með allt niður um sig
Þá get ég ekki sleppt því að minn-
ast á skeiðkeppnina þar sem þetta
er þriðja mótið í röð þar sem fram-
kvæmd skeiðkeppninnar fer nánast í
vaskinn. Tímatakan klikkar og löng
bið milli spretta eyðileggur alla
stemmingu þannig að áhorfendur
hrökklast frá og tel ég þetta graf-
alvarlegt mál. Þetta er þriðja mótið
þar sem framkvæmdaaðilar standa
með allt niður um sig en auðvitað
stendur upp úr allt það mikla augna-
konfekt sem við urðum aðnjótandi
þarna í Herning,“ sagði Sigurður að
endingu.
Umræðan um stefnur og strauma að loknu HM í Herning að hefjast
Útfærslur
og tækni
stefna í full-
komnun
Morgunblaðið/Vakri
Framundan er mikil umræða um hæga töltið sem fór í gang fyrir ári og snýst um það hvort góðkenna eigi þrí-
stuðning sem hér sést hjá Jóhann og Snarpi í töltkeppninni á HM í Herning á dögunum.
Stefnur og straumar eru eitthvað sem mikið
er spáð í að loknum heimsmeistaramótum
og nú er það spurningin hvort greina hafi
mátt eitthvað nýtt og þá einnig hvert stefnir
í reiðmennskunni. Valdimar Kristinsson
kannaði hug nokkurra valinkunnra manna.
Góð útfærsla hjá Stian Pedersen á Jarli frá Miðkrika færði þeim fyrsta sæt-
ið í forkeppni fjórgangs sem þeir urðu svo að gefa eftir í úrslitum.
Sigurður Sæmundsson telur að skeiðhestar sænska liðsins séu þeir best
uppbyggðu sem sést hafa á þessum vettvangi enda yfirburðahestar.
vakri@mbl.is