Morgunblaðið - 30.10.2003, Qupperneq 1

PRENTSMIÐJA MORGUNBLAÐSINS FIMMTUDAGUR 30. OKTÓBER 2003 Á netinu mbl.is/vidskipti BLAÐ B
Bankaútibú í þínu fyrirtæki
Fyrirtækjabanki Landsbankans
Þú stundar öll bankaviðskipti fyrirtækisins á einfaldan og þægilegan
hátt á Netinu – hvenær sem þér hentar.
Í Fyrirtækjabanka Landsbankans býðst þér m.a. að:
• Framkvæma allar almennar bankaaðgerðir (millifæra, sækja yfirlit, greiða reikninga o.s.frv.).
• Safna greiðslum saman í greiðslubunka sem hægt er að greiða strax eða geyma til úrvinnslu síðar.
• Framkvæma greiðslur með því að senda inn greiðsluskrár úr t.d. bókhaldsforritum.
• Stofna og fella niður innheimtukröfur.
• Greiða erlenda reikninga (SWIFT).
Nánari upplýsingar um Fyrirtækjabankann getur þú fengið í næsta útibúi Landsbankans,
í Þjónustuveri bankans í síma 560 6000 eða á vefsetri bankans, www.landsbanki.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
L
BI
2
20
51

08
/2
00
3
ALÞJÓÐAVÆÐING reikningsskila með
tilkomu nýrra alþjóðlegra reikningsskila-
staðla á EES-svæðinu er afar mikilvæg ís-
lenskum fyrirtækjum, að mati Þórðar Frið-
jónssonar forstjóra Kauphallar Íslands.
„Þetta er nokkuð sem við þurfum að gera
og eigum að gera vel. Við eigum að vera
framsækin í hugsun, gera þetta fljótt og vel
og vera í hópi þeirra þjóða sem gera þetta
best, sem er kannski helmingur þjóðanna á
Evrópska efnahagssvæðinu. Einhverjar
þjóðir verða með seinni skipunum með sam-
hæfingu og aðlögun. Við eigum ekki að vera
í þeirra hópi,“ segir Þórður.
Fyrirtækjasamstæðum sem eru með
hlutabréf sín skráð í kauphöllum innan
EES-svæðisins verður skylt, samkvæmt til-
skipun Evrópusambandsins, að birta
samstæðureikningsskil sín samkvæmt al-
þjóðlegum reikningsskilastöðlum frá 1. jan-
úar 2005. Þórður segir þó vera síðustu for-
vöð að koma saman efnahagsreikningi 1.
janúar 2004 til samræmis við alþjóðlegu
reikningsskilastaðlana til að fjárhæðir í
reikningsskilum 2005 verði samanburðar-
hæfar við árið 2004.
Eftirspurnin mun aukast
Hann telur tvímælalaust að alþjóðlegu
reikningsskilin verði til mikilla bóta.
„Ástæðan er einföld. Það er verið að gera
mælikvarða á afkomu fyrirtækja á öllu Evr-
ópska efnahagssvæðinu sambærilega. Þann-
ig geta fjárfestar á öllu þessu svæði skoðað
og metið fyrirtæki á grundvelli samskonar
upplýsinga og á grundvelli samskonar mæl-
inga og í trausti þess að um sambærilega
meðferð talna sé að ræða. Fyrir fyrirtækin á
íslenskum markaði er þetta afar brýnt og
mun væntanlega leiða til þess að eftirspurn
eftir hlutabréfum í umræddum fyrirtækjum
mun aukast, þar sem verður mun breiðari
aðgangur og áhugi á slíkum fyrirtækjum.“
Þórður sér enga galla á hinum nýju reikn-
ingsskilaaðferðum sem staðlarnir boða. „Það
eru engin rök sem mæla gegn þessu. Ef við
skoðum þetta í sögulegu ljósi þá vorum við
framan af síðustu öld með grunnreiknings-
skil sem höfðu það að markmiði að fullnægja
skattyfirvöldum. Síðar var tekin upp flóknari
aðferð til að ná betur utan um raunverulega
afkomu og stöðu fyrirtækis með svoköll-
uðum verðbólgureikningsskilum. Núna erum
við einfaldlega byrjuð á næsta ferli í þróun-
inni sem er alþjóðavæðing reikningsskila.“
Hann segir enga ástæðu að óttast það að
fyrirtæki grípi til þess að afskrá hlutabréf
sín af markaði til þess að komast hjá upp-
töku staðlanna. „Það er auðvitað ekki búið
að ganga nákvæmlega frá því hvort þetta
muni ná til minnstu fyrirtækjanna líka, sem
ekki eru með samstæðureikningsskil. Þetta
ætti því ekki að breyta ýkja miklu fyrir þau.
Reyndar eru mjög fá fyrirtæki í Kauphöll-
inni sem ekki gera samstæðureikningsskil.
Stóru félögin sem eru þungamiðjan í mark-
aðnum þurfa hvort sem er að fullnægja þess-
um kröfum. Fyrirtæki sem vilja láta taka sig
alvarlega á markaði hér heima og á alþjóð-
legum markaði þurfa að uppfylla staðlana.“
Frumvarp í undirbúningi
Sigurður Þórðarson, formaður Reiknings-
skilaráðs, segir stefnt að því að frumvarp til
laga um innleiðingu alþjóðlegu reiknings-
skilastaðlanna hér á landi verði lagt fyrir Al-
þingi ekki síðar en næsta haust. „Auðvitað
væri ákjósanlegast ef hægt væri að afgreiða
þessi lög á vorþingi næstkomandi til þess að
gefa mönnum tækifæri á að undirbúa sig.“
Hann segir að vinna við þýðingu alþjóð-
legu staðlanna sé hafin. Í kjölfarið sé gert
ráð fyrir að endurskoðunarskrifstofur taki
að sér að yfirfara drögin til að tryggja sam-
ræmi hins faglega þáttar málsins. „Það mun
því nokkuð stór hópur vinna að því að koma
þessu í gegn.“
Gildissvið laganna segir Sigurður annan
lið í þessu verkefni. Það er hvort alþjóða-
reikningsskilastaðlarnir skuli ná til annarra
fyrirtækja en skylt er og hverju þurfi að
breyta í núgildandi lögum um ársreikninga
vegna þessa máls.
„Bæði Norðmenn og Svíar hafa unnið mik-
ið í þessu og fara ekki sömu leiðina. Í Sví-
þjóð geta fyrirtækin valið hvort þau nota al-
þjóðastaðlana eða viðkomandi ársreikn-
ingalög, en það verður að vera annað hvort.
En í Noregi eiga einungis þau fyrirtæki sem
eru skyldug til að taka upp staðlana að gera
það. Hin fara eftir ársreikningalögum þar í
landi. Það má ætla að með þessu vilji þeir
vernda smærri fyrirtækin gagnvart íþyngj-
andi vinnu við gerð reikningsskilanna,“ segir
Sigurður og telur samræmingu reiknings-
skilanna nauðsynlega.
„Eigum að vera í hópi þeirra
þjóða sem gera þetta best“
Forstjóri Kauphallarinnar segir alþjóðavæðingu reikningsskila afar mikilvæga og muni auka eftirspurn eftir hlutabréfum
í íslenskum fyrirtækjum. Lagafrumvarp um innleiðingu alþjóðlegra reikningsskilastaðla hér á landi er í undirbúningi.
Morgunblaðið/Sverrir
Þórður Friðjónsson

Nýjar/B8
Sigurður Þórðarson
VIÐSKIPTABLAÐ MORGUNBLAÐSINS
S É R B L A Ð U M V I Ð S K I P T I , E F N A H A G S M Á L O G A T V I N N U L Í F Á S A M T S J Á V A R Ú T V E G S B L A Ð I
Ársfundur FME
Aukið gegnsæi Fjármálaeftirlitsins 6
Kínamúrar fyrirtækja
Virka kínamúrar fjármálafyrirtækjanna? 10
NÝJAR UPPGJÖRSAÐFERÐIR
HJÁ SKRÁÐUM FÉLÖGUM