Morgunblaðið - 02.11.2003, Blaðsíða 9
blaðsins, þau vopn, sem hafi dugað í þeim
átökum.
Þegar Morgunblaðið birti grein um
Jónas Jónsson frá Hriflu þegar 100 ár
voru liðin frá fæðingu hans, var Leifi nóg
boðið og hann skrifaði grein af því tilefni
um Jónas frá Hriflu frá sjónarhóli sjálf-
stæðismanns. Hann rifjar einnig upp rit-
deilu þeirra Páls Kolka og segir að þá
hafi hann átt erfitt með að sitja á strák
sínum.
Leifur segir, að fjárhagsstaða Morg-
unblaðsins hafi verið erfið, þegar faðir
hans kom að útgáfu blaðsins. Hvorki hafi
verið til peningar fyrir launum né öðrum
útgjöldum. Þá hafi það orðið að sam-
komulagi, að Sigfús Jónsson, sem þá var
framkvæmdastjóri blaðsins, kæmi með
allt sem inn hafði komið þann daginn til
Sveins í Völundi í lok vinnudags, sem síð-
an tók ákvörðun um ráðstöfun þeirra
fjármuna. Þegar lítið kom inn var þungt
yfir Sveini en hann var léttari, þegar
meira var, segir Leifur.
Á þessum tíma sagði Sveinn M.
Sveinsson við Sigfús: Það er eitt að í
rekstri Morgunblaðsins, Sigfús.
Hvað er það, spurði Sigfús.
Þér hafið alltof lágt kaup, sagði Sveinn.
Þessum orðaskiptum gleymdi Sigfús
aldrei, að sögn Leifs.
Samskipti við helztu forystumenn í
stjórnmálum á undanförnum áratugum í
tengslum við Morgunblaðið eru Leifi
minnisstæð. Geir Hallgrímsson fór við-
urkenningarorðum um greinar hans en
Leifur blandaði sér í átök forystumanna
Sjálfstæðisflokksins á þeim árum til
stuðnings Geir en þeir höfðu þekkzt frá
barnæsku.
Bjarni Benediktsson sagði við Leif,
einhverju sinni, þegar honum þótti hann
of fyrirferðarmikill í umræðum:
Þú ert góður og greindur maður, Leif-
ur, en láttu okkur um að stjórna, sem er-
um vanir því.
Morgunblaðið í 90 ár 1913 ∼ 2003 ∼ 9
É
g fór að fara á fund Sigfúsar
Jónssonar, framkvæmda-
stjóra Morgunblaðsins, árið
1940, en þá um vorið fór
faðir minn til Bandaríkj-
anna og ég tók við hans málum hér
heima,“ segir Bergur G. Gíslason.
Faðir Bergs, Garðar Gíslason, var
einn af stofnendum Árvakurs hf. 4. sept-
ember 1919 og var þá kjörinn endur-
skoðandi félagsins. Á framhalds-
aðalfundi 1922 var hann kosinn
aðalmaður í stjórn og stjórnarformaður
var hann 1928 - 34.
Það fylgdi því að taka við málum
Garðars, að Bergur sótti aðalfund Ár-
vakurs hf. og sat hann þá 57 talsins.
„Ég sat fyrst aðalfund 1941 og sótti þá
alla þar til ég hætti í stjórninni,“ segir
Bergur.
„Um það leyti sem ég settist í stjórn-
ina fór ég Kaupmannahafnar og þá
bankaði ég þar upp á hjá stóru blöðunum
og fékk að skoða prentverkið hjá þeim.
Þeir voru þá komnir með nýja tækni;
þá sömu og við fluttum inn í Morg-
unblaðshúsið við Aðalstræti1956.“
Í stjórnartíð Bergs byggði Morg-
unblaðið tvisvar yfir starfsemi sína; í Að-
alstræti 6 og Kringlunni 1. Bergur segir
að miklum tíma hafi verið varið í véla-
kaup og húsnæðismál.
„Ég var náttúrlega gamall vélakarl og
hafði áhuga á þeim hlutum en ég vann
líka í húsnæðismálunum; tók virkan þátt
í hvoru tveggja.“
Bergur segir margt annað hafa drifið
á daga stjórnarinnar en vill þar hvorki
greina frá mönnum né málefnum - utan
eins atviks.
Skrifaði einn undir
Þótt um flest hafi náðst góð samstaða
með mönnum, gátu komið upp misjafnar
aðstæður í stjórninni.
„Ég get nefnt til dæmis, að ég var sá
eini sem setti nafnið mitt á fyrsta samn-
inginn þegar við tókum að okkur prent-
un DV. Menn voru í sjálfu sér ekki á
móti málinu en áttu misauðvelt með að
leggja nafn sitt við hlutina. En við mátt-
um til að fá þessa peninga upp í véla-
kaupin. Þetta var svo mikið maskínerí
sem við settum upp.
Þetta fyrirkomulag um prentun DV,
hefur svo haldizt fram á þennan dag.“
En það kemur fleira upp í huga Bergs
en vélar og hús þegar Morgunblaðið er
annars vegar.
„Ég var harður talsmaður þess að
tryggja sjálfstæði blaðsins sem bezt og
berjast gegn því að pólitíkin fengi að
leika um það lausum hala. Ég vildi að
sem flestir hefðu ástæðu til að kaupa
blaðið og lesa það.
Ég var líka sísuðandi um það að blaðið
þyrfti að koma út snemma á morgnana
og sem mest út á land. Ég var alveg gall-
harður á þessu.
Það er ekki nóg að prenta blað ef eng-
inn fær það í hendur fyrr en eftir dúk og
disk.“
Hlutabréfin til fyrirtækjanna
Bergur segist líta ákaflega sáttur um
öxl og telur vel hafa tekizt til um Morg-
unblaðið.
„Þetta var afskaplega skemmtilegur
tími. Það var í svo mörgu að snúast. En
mest met ég nú að hafa haft samband við
allt þetta góða fólk, samstarfsmenn mína
í stjórn Árvakurs, ritstjóra og aðra
starfsmenn Morgunblaðsins.
Haraldur Sveinsson, stjórnarformað-
ur Árvakurs hf., segir að Bergur Gísla-
son hafi auk alls annars gert eigendum
Morgunblaðsins ákaflega mikinn greiða
með einni tillögu á stjórnarfundi. „Hann
flutti um það tillögu að menn seldu fyr-
irtækjum sínum hlutabréfin í Morg-
unblaðinu en þau voru þá prívateign.
Það varð ofan á og þetta fyrirkomulag
skapaði festu í félaginu, en stundum
hafði verið hætta á að það splundraðist.“
Morgunblaðið hefur haldið áfram að
breytast eftir að Bergur hvarf úr stjórn
Árvakurs. En hann fylgist með eftir
föngum og er einn af dyggustu lesendum
blaðsins.
„Ég er afskaplega ánægður með
mánudagsútgáfuna, það er dásamlegt að
fá Morgunblaðið alla daga.
En ég er ekki búinn að sætta mig við
blönduðu forsíðuna!“
Vildi að sem flestir
keyptu og læsu blaðið
Bergur G. Gíslason sat alla að-
alfundi Árvakurs hf. frá 1941
til 1998. Hann tók sæti í vara-
stjórn félagsins í ársbyrjun
1953 og átti sæti í aðalstjórn
1963 til 1998.