Morgunblaðið - 13.11.2003, Blaðsíða 2
2 B FIMMTUDAGUR 13. NÓVEMBER 2003 MORGUNBLAÐIÐ
NFRÉTTIR MP Fjárfestingarbanki hf. Skipholti 50d Sími 540 3200 Fax 540 3201 mottaka@mp.is www.mp.is
Hafðu samband við okkur í síma 540 3200
Fjölbreytt fjármálafljónusta
4
-
%
))
)
))
) 3
))
)
/
-
+
,
! " #
#$ #
%
-
%
.
#
&
'
(
)# #
"
&
*
-
%
.
3
4 3
3,
3
3
3 ,
3 + 3
+"
,$
$
-"
&
&
./
&
0 )# &
&
1
3 /
BÚLGARSKA ríkissímafyrirtækið er stærsti
keppinauturinn á símamarkaðnum þar í landi með
yfir helmingsmarkaðshlutdeild ef miðað er við
tekjur. Verið er að einkavæða fyrirtækið og einn
stærsti fjárfestirinn í þeim hópi sem líklega mun
kaupa fyrirtækið er Björgólfur Thor Björgólfs-
son. Eins og fram kom í Morgunblaðinu í gær er
Landssími Íslands einnig að skoða þann mögu-
leika að fjárfesta í fyrirtækinu.
Fyrirtækið hefur haft einkaleyfi til talsímaþjón-
ustu og um síðustu áramót var einkaleyfið að
hluta til framlengt um tvö ár. Samkeppni er nú
heimil á ákveðnum sviðum, svo sem í þráðlausri
þjónustu og helsti keppinautur símafyrirtækis
ríkisins er farsímafyrirtækið Mobiltel. Farsíma-
notendum hefur fjölgað mjög hratt að undanförnu
og frá miðju ári 2001 fram á mitt ár 2002 fjölgaði
til að mynda um nær eina milljón notenda. Í fyrra
voru um 35% af átta milljón íbúum landsins orðnir
farsímanotendur.
Fastlínukerfið nær um allt landið en þykir ekki
gott tæknilega og áform eru meðal annars uppi
um að eyða umtalsverðum fjármunum í uppbygg-
ingu þess, þar með talið að efla stafræna þjónustu.
Velta búlgarska símans á síðasta ári var um 47
milljarðar króna og jókst um 9% milli ára. Hagn-
aðurinn jókst um 6% og nam um 12 milljörðum
króna. Heildareignir fyrirtækisins voru um síð-
ustu áramót um 56 milljarðar króna.
Á síðasta ári ákvað ríkið að bjóða til sölu 65% af
hlut sínum í fyrirtækinu og af stað fór söluferli
sem ekki sér enn fyrir endann á. Ríkið ætlar að
eiga 35% áfram, en þess má geta að tvisvar áður,
árin 1996 og 1999, hefur staðið til að einkavæða
símafyrirtækið í Búlgaríu. Þrír buðu upphaflega í
hlutinn, en tveir hafa aðallega keppt um að kaupa
hann, annars vegar hópur fjárfesta undir forystu
Viva Ventures, en Björgólfur Thor Björgólfsson
er meðal stærstu þátttakenda í þeim hópi og hefur
meðal annars átt í viðræðum við stjórnvöld í Búlg-
aríu vegna sölunnar. Hins vegar er um að ræða
búlgarska iðnfyrirtækið Koc Holding í samstarfi
við tyrkneska símafyrirtækið Turk Telecom.
Pólitísk andstaða
Í byrjun október á þessu ári ógilti dómstóll í Búlg-
aríu ákvörðun ríkisstjórnarinnar frá því í maí um
að selja Koc Holding 65% hlutinn. Dómstóllinn
taldi stjórnina hafa farið út fyrir valdsvið sitt með
því að semja við Koc Holding, en það fyrirtæki
hafði átt lægra tilboð en Viva Ventures. Viva
Ventures hafði boðið 208 milljónir dala, um 16
milljarða króna og upphaflega hafði einkavæðing-
arnefnd Búlgaríu lýst því yfir að tilboðinu hefði
verið tekið. Pólitísk andstaða kom hins vegar upp
við að selja Viva Ventures hlutinn og áttu mót-
mæli verkalýðsfélaga vegna fyrirhugaðra upp-
sagna starfsmanna þátt í þeim óróa sem skap-
aðist. Annað sem gagnrýnt var er verðið. Vegna
þessa hafa báðir bjóðendur hækkað boð sín tölu-
vert frá upphaflegu boði og boð Viva Ventures var
hækkað í um 25 milljarða króna í ágúst síðast-
liðnum.
Ríkisstjórnin hefur lýst því yfir að hún muni
ekki áfrýja fyrrnefndum dómsúrskurði og í fram-
haldi af því hefur verið haft eftir stjórnanda fjár-
festingarfélagsins Advent International, stærsta
eiganda Viva Ventures, að hann sé vongóður um
að búið verði að undirrita samninga um kaupin
fyrir áramót.
Fleiri fjárfestingar í skoðun
Í viðtali við Björgólf Thor Björgólfsson í búlg-
örsku dagblaði fyrir nokkrum dögum segir hann
meðal annars frá hugmyndum sínum um að búlg-
arska símafyrirtækið geti orðið leiðandi fyrirtæki
á sínu sviði á svæðinu, þ.e. bæði í Búlgaríu og í
næstu ríkjum. Hann segist vera að skoða fleiri
tækifæri til fjárfestinga í fjarskiptageiranum í
Mið-Evrópu og sé nú að vinna að einu slíku í öðru
Evrópulandi sem liggi ekki að Búlgaríu. Hann
segir þá fjárfestingu vera stærri en í búlgarska
símafyrirtækinu og að frá henni verði líklega
gengið fyrir lok næsta árs.
Í viðtalinu gagnrýnir Björgólfur einkavæðing-
arferlið og segir það óljóst. Hann segir fjárfesta-
hópinn sem hann er í óþreyjufullan að taka við
stjórn fyrirtækisins, enda hefði það átt að gerast
fyrir löngu miðað við ferlið sem gengið var út frá í
upphafi. Hann segir að hópurinn hafi jafnvel
hækkað tilboð sitt nýlega til að liðka fyrir að hægt
væri að ljúka samningum.
Yfir helmingsmarkaðs-
hlutdeild í Búlgaríu
Björgólfur Thor Björgólfsson vinnur að frekari fjárfestingum í fjarskiptafyrirtækjum í Mið-Evr-
ópu og segir eina þeirra vera stærri en fjárfestinguna í búlgarska ríkissímafyrirtækinu
Morgunblaðið/Kristinn
Björgólfur Thor Björgólfsson
BAUGUR hefur keypt um helm-
ingshlut í blómafyrirtækinu Blóma-
verkstæði Binna, en fyrirtækið rek-
ur blómaverslanir undir heitinu
Blómaverkstæði Binna við Skóla-
vörðustíg, í Kringlunni og Smára-
lind.
Skarphéðinn Steinarsson, yf-
irmaður innlendra fjárfestinga hjá
Baugi, sagði í samtali við Morg-
unblaðið að Baugur hefði keypt um
helmingshlut í fyrirtækinu, en vildi
ekki nefna aðra fjárfesta sem þátt
taka í verkefninu. Hann sagði að
kaupverð væri heldur ekki gefið
upp, en um litla fjárfestingu væri
að ræða fyrir Baug, eins og hann
orðaði það.
Skarphéðinn sagði að fyrrum
eini eigandi félagins, Binni, eða
Hendrik Berndsen eins og hann
heitir fullu nafni, eigi áfram óveru-
legan hlut í félaginu.
„Við höfum áhuga á að taka þátt í
því að útvíkka Blómaverkstæði
Binna, sem hefur gengið vel, og
færa það nafn á fleiri blómabúðir,“
sagði Skarphéðinn.
Hann sagði að Binni myndi áfram
vera við stjórnvölinn hjá félaginu.
„Við ætlum að sjá hvernig þetta
gengur. Við erum að veðja á þetta
vörumerki, sem er þekkt á blóma-
markaðnum.“
Spurður hvort Baugur ætti hlut í
öðrum sambærilegum fyrirtækjum
benti Skarphéðinn á að Baugur
væri stór hluthafi í Húsasmiðjunni,
sem aftur ætti fyrirtækið Blómaval.
Spurður að því hvort til greina
kæmi að sameina eða samnýta
starfsemi þessara tveggja fyr-
irtækja með einhverjum hætti sagði
Skarphéðinn að tíminn yrði að leiða
það í ljós. „En það er ekki í neinum
undirbúningi ennþá.“
Um það hvernig rekstur félags-
ins hefði gengið síðustu misseri
svaraði Skarphéðinn því til að
hagnaður hefði ekki verið mikill í
blómaverslun á Íslandi. „En við höf-
um áhuga á að sjá hvort megi snúa
því við,“ sagði Skarphéðinn að lok-
um.
Baugur kaupir helm-
ingshlut í Blóma-
verkstæði Binna
Morgunblaðið/Júlíus
Blómaverkstæði Binna á Kringlutorgi í Kringlunni.
HRAÐFRYSTIHÚSIÐ Gunnvör
var rekið með 250 milljón króna
hagnaði fyrstu níu mánuði ársins en
á sama tímabili í fyrra nam hagn-
aðurinn 560 milljónum króna.
Rekstrartekjur félagsins námu
2.039 milljónum króna samanborið
við 2.586 milljónir króna árið áður.
Rekstrargjöld félagsins námu
1.670 milljónum króna samanborið
við 1.862 milljónir króna árið áður.
Rekstrarhagnaður fyrir afskriftir
nam 369 milljónum króna eða 18% af
rekstrartekjum samanborið við 724
milljónir króna og 28% árið áður.
Árhrif styrkingu krónunnar á
framlegð félagsins hefur veruleg
áhrif þar sem nær allar rekstrar-
tekjur eru í erlendum myntum en
rekstrargjöld eru að stærstum hluta
í íslenskum krónum, að því er fram
kemur í tilkynningu til Kauphallar
Íslands.
Eiginfjárhlutfallið er 28,% og
veltufjárhlutfallið 0,95.
Tap á þriðja ársfjórðungi nam 55
milljónum króna. Helsta ástæða
þess er að hlutdeild í tapi hlutdeild-
arfélaga var 26 milljónir króna,
vinnsluskipið Júlíus Geirmundsson
var frá veiðum í þrjár vikur og bol-
fiskvinnsla var lokuð vegna sumar-
leyfa í mánuð.
Félagið seldi hlutabréfa sín í SH á
tímabilinu fyrir 409 milljónir króna
og er söluhagnaður vegna þessa 235
milljónir króna. Fjárfest var í Kötl-
um ehf. fyrir 74 milljónir króna.
Gunnvör
með 250
milljónir
í hagnað
FRAMKVÆMDASTJÓRN Evr-
ópusambandsins mun úrskurða
írska lággjaldaflugfélaginu Ryanair í
óhag, að sögn forstjóra félagsins, í
deilu sem snýst um niðurgreiðslur til
félagsins vegna flugs þess til Charl-
eroi-flugvallar í Belgíu. Félagið fékk
undanþágu frá eigendum flugvallar-
ins, sem er sunnan við Brussel, á
gjöldum og sköttum en það segir
framkvæmdastjórn ESB jafngilda
ólögmætum ríkisstyrkjum.
Michael O’Leary, forstjóri Ryan-
air, segir að niðurstöðunni verði
áfrýjað til Evrópudómstólsins en til
bráðabirgða muni félagið hætta flugi
til Charleroi. Fjórar flugvélar flug-
félagsins hafa haft aðsetur á flugvell-
inum en félagið flytur um tvær millj-
ónir farþega um flugvöllinn til 12
áfangastaða. ÓLeary hefur áður sagt
að neikvæð niðurstaða málsins
mundi ekki hafa fjárhagsleg áhrif á
félagið þar sem flugvélar þeirra yrðu
einfaldlega fluttar á aðra flugvelli en
félagið hefur þegar átt viðræður við
tvo slíka í Evrópu.
Úrskurður
verður Ryan-
air í óhag
◆