Morgunblaðið - 13.11.2003, Blaðsíða 14

14 B FIMMTUDAGUR 13. NÓVEMBER 2003 MORGUNBLAÐIÐ
























































































NFÓLK
  
 

  
    

  
  
 
!  "
!

 
  
! 


! #
$% 

  

! 
 ' !
 !
(
 
!)
   

!
 
  ## !
  S
igurður Óli tók nýverið
við starfi fram-
kvæmdastjóra á nýstofn-
aðri skrifstofu Pharmaco
í Connecticut í Banda-
ríkjunum.
Hver verða meginverkefni þín í
hinu nýja starfi?
„Starfið felst einkum í að byggja
og rækta viðskiptasambönd
Pharmaco í Bandaríkjunum.
Pharmaco er nú þegar með sam-
starfssamning um lyfjaþróun við
fyrirtæki í Bandaríkjunum og fyr-
irhugað er að ná fleiri svipuðum
samningum. Við stefnum á að fyrsta
lyfið á Bandaríkjamarkaði fari að
skila tekjum árið 2005. Ég mun
jafnframt leiða uppbyggingu þessa
nýja félags sem vonandi mun
stækka og dafna á næstu árum.“
Hvernig leggst starfið í þig?
„Þetta er virkilega spennandi
starf, enda um uppbyggingu á starf-
semi Pharmaco á stærsta lyfja-
markaði í heimi að ræða. Í Banda-
ríkjunum eru mörg tækifæri sem
við erum að skoða. Samheitalyfja-
iðnaðurinn stendur mjög vel í dag
og búast má við enn frekari vexti á
næstu 5–10 árum vegna lyfja sem
eru að missa einkaleyfisvernd.
Pharmaco er komið í hóp stærstu
samheitalyfjafyrirtækja Evrópu og
er þekkt hjá lyfjafyrirtækjum hér í
Bandaríkjunum fyrir mikið og gott
þróunarstarf.“
Hvernig er það að starfa í Banda-
ríkjunum?
„Það er töluvert öðruvísi að
starfa í Bandaríkjunum en t.d. á Ís-
landi eða Englandi. Stofnun þessa
dótturfélags Pharmaco tók t.a.m.
mikinn tíma og krafðist marg-
víslegra pappíra en við fengum m.a.
stuðning frá viðskiptaskrifstofu ut-
anríkisráðuneytisins í New York til
að afla nauðsynlegra leyfa.
Sem dæmi um mismuninn á
starfsumhverfinu er að það er nær
algilt í Bandaríkjunum að starfs-
menn þurfi að fara í lyfjapróf áður
en þeir hefja störf og yfirmenn í
mörgum fyrirtækjum eru skyldugir
til að taka alls kyns námskeið, m.a.
um hvernig eig að koma í veg fyrir
kynferðislega áreitni á vinnustöð-
um. Það eru því oft meiri form-
legheit en maður vandist í Evrópu
þótt það sé síður en svo af hinu
illa.“
Hvernig lýst þér á möguleika
Pharmaco í Bandaríkjunum?
„Pharmaco hefur mikla mögu-
leika. Markaðurinn fyrir sam-
heitalyf hefur vaxið um u.þ.b. 20% á
ári og það er mikill meðvindur með
samheitalyfjum þessa stundina. Við
tökum auðvitað eitt skref í einu en
stefnum að því að fá lyf samþykkt á
næstu 24 mánuðum. Í dag er
Pharmaco með u.þ.b. 30 lyf í þróun
og á flestum þeirra mun einkaleyfi
renna út á næstu 7 árum. Nýja fé-
lagið mun byggja upp sérþekkingu
á bandarískum lyfjastöðlum og
markaði sem hjálpar okkur enn
frekar að uppfylla þær kröfur sem
gerðar eru til samheitalyfja og gerir
okkur sterkari á alþjóðavísu þegar
einkaleyfi frumlyfsins rennur út.“
Hvað með áhugamálin?
„Ég kom mér upp einu áhugamáli
eftir að ég flutti til Bandaríkjanna
árið 2001. Það var búið að vara mig
mikið við að ég myndi bæta á mig
nokkrum kílóum í landi allsnægt-
anna. Þegar stórsteik kostar þriðj-
ung af því sem maður á að venjast á
Íslandi og skammturinn sem er
framreiddur á veitingastöðum ætti
að duga fyrir fjögurra manna fjöl-
skyldu er auðvelt að láta freistast.
Því fór ég að hlaupa. Ég hef tekið
þátt í nokkrum götuhlaupum hér í
Connecticut og stefni á að hlaupa
hálfmaraþon á næsta ári. Það er
sagt að maður eigi að gefa út
yfirlýsingar um svona hluti
fyrirfram, svo ekki verði aftur
snúið.
Þá gáfum við hjónin hvort öðru
golfkennslu í afmælisgjöf á síðasta
ári og stefnum að því að stunda þá
íþrótt áfram.“
Hvernig lýst fjölskyldunni á að vera
í Connecticut?
„Við höfum sem betur fer ekki
þurft að flytja vegna nýja starfsins
hjá Pharmaco. Við búum í litlum bæ
við ströndina sem heitir East Lyme,
mitt á milli Boston og New York.
Þetta gefur okkur tækifæri til að
heimsækja þessar frábæru borgir
án mikillar fyrirhafnar. Sumrin eru
heit en veturnir frekar kaldir. Til að
mynda var 10 gráðu frost hér í gær-
morgun á sama tíma og það var 10
stiga hiti á Íslandi. Það er þó mun
minna rok hér en maður á að venj-
ast heima.
Okkur líður mjög vel. Við höfum
búið erlendis í fimm af und-
anförnum sex árum, fyrst í
Bretlandi í rúm tvö ár og núna í
Bandaríkjunum í tæp þrjú ár. Það
tekur ákveðinn tíma að komast inn í
kerfið hér. Maður þarf t.d. að taka
bílprófið aftur, ekki bara skriflega
hlutann heldur líka akstursprófið
sem er hálfskrítið. Bandaríkjamenn
þrjóskast líka enn við að nota pund,
tommur og gallon sem eftir þessa
dvöl eru að verða okkur töm. En
einnig skiptir miklu máli að það er
mikið félagslíf í boði fyrir krakkana
í bænum þar sem við búum. Eftir
skóla er mikið um að vera, sund,
dans, leiklist og tónlistatímar, svo
fátt eitt sé nefnt. Hér er því gott að
vera.“
Hleypur í landi
allsnægtanna
Sigurður Óli Ólafsson fæddist í Reykjavík árið
1968. Hann lauk stúdentsprófi frá MS 1988
og útskrifaðist sem lyfjafræðingur frá HÍ 1993.
Eftir útskrift starfaði hann í eitt ár hjá Sig-
mundi Guðbjarnarsyni prófessor við rannsóknir
á áhrifum lýsis á magasár í rottum en hóf störf
hjá Omega Farma 1994 og starfaði þar til
1998 er hann réðst til starfa hjá lyfjafyrirtæk-
inu Pfizer í Bretlandi. Árið 2000 starfaði hann
hjá Delta en varð framkvæmdastjóri í þróun-
ardeild Pfizer í Connecticut í Bandaríkjunum
árið 2001. Sigurður Óli er kvæntur Björgu
Harðardóttur, BA í íslensku, og eiga þau tvö
börn, Odd 13 ára og Elísabetu 9 ára.
● MEDCARE Flaga hf., sem fram-
leiðir tæki og hugbúnað til svefn-
rannsókna, birti í gær útboðs- og
skráningarlýsingu sína en fyrirtækið
undirbýr skráningu hlutabréfa félags-
ins í Kauphöll Íslands.
Nýtt hlutafé í fyrirtækinu verður
boðið til sölu á næstu dögum. Í boði
eru á bilinu 128,6 milljónir til 163,6
milljónir hluta í félaginu en útboðs-
gengi bréfanna verður á bilinu 5,5 til
7 krónur á hlut. Stjórn félagsins er
þó heimilt að auka nafnverð útboðs-
ins í 218,2 milljónir króna enda lýsi
fjárfestar yfir verulegum áhuga á
þátttöku í hlutafjárútboðinu á
söfnunartímabili.
Endanlegt útboðsgengi verður
ákveðið þriðjudaginn 18. nóvember
2003 að loknu söfnunartímabili en
það stendur frá 11. til 18. nóvember.
Ákvörðun stjórnar verður byggð á nið-
urstöðu söfnunarinnar.
Í útboðslýsingu segir að útgefanda
sé mikilvægt að fá í hlutahafahópinn
aðila með burði og vilja til að styðja
við félagið í framtíðinni. Útboðinu er
þess vegna beint til stofnana- og fag-
fjárfesta en ekki verður um almennt
útboð að ræða.
Tilgangur útboðsins er sagður
vera að styrkja fjárhagsstöðu Med-
care Flögu og er það m.a. liður í að
ljúka fjármögnun kaupa á starfsemi
Medcare Diagnostics í september
2002. Einnig verður hluta andvirð-
isins varið til greiðslu skamm-
tímalána. Stefnt er að skráningu
hlutafjár Medcare Flögu í Kauphöll
Íslands í vikunni eftir að útboði lýkur.
Útboðsgengi
Medcare á
bilinu 5,5 til 7
● GREIÐSLUKORTAFYRIRTÆKIÐ
Visa fékk í ár World Travel Awards
verðlaunin, sjötta árið í röð, og þar
með nafnbótina „fremsta krítarkort í
heimi“, að því er segir í fréttatilkynn-
ingu frá Visa.
World Travel Awards verðlaunin
eru samkvæmt tilkynningunni virt-
ustu verðlaun sem veitt eru innan
ferðaþjónustunnar, en það eru ferða-
skrifstofur og ferðaþjónustufulltrúar
um allan heim sem standa að verð-
laununum. „Við erum í sjöunda
himni að Visa hafi hlotið þann heiður
að vera tilnefnt fremsta krítarkort í
heimi af World Travel Awards,“ er
haft eftir Tom Shephard, fram-
kvæmdastjóri alþjóðamarkaðssviðs
Visa International í fréttatilkynning-
unni.
Þar er einnig haft eftir honum að
Visa korthafar njóti þæginda og
trausts, ekki síst þar sem fyrirtækið
nýtur alþjóðlegrar viðurkenningar og
tengist fjölda ferða- og afþreying-
artilboða um víða veröld.
World Travel Awards voru stofnuð
árið 1993 og voru verðlaunin núveitt
í tíunda sinn.
Visa fær ferða-
þjónustuverðlaun
● HAGNAÐUR flugfélagsins SAS var
564 milljónir sænskra króna á þriðja
ársfjórðungi, eða 5,5 milljarðar ís-
lenskra króna. Þetta er umtalsvert
lakari afkoma en sérfræðingar á fjár-
málamarkaði höfðu búist við. Á sama
tíma á síðasta ári var hagnaðurinn
meiri, eða 640 milljónir sænskra
króna.
Fyrir árið í heild er búist við tapi upp
á tvo milljarða sænskra króna, eða
tæpa tuttugu milljarða íslenskra
króna.
Samkvæmt frétt FT.com eru lægri
tekjur meginástæða minnkandi hagn-
aðar á þriðja ársfjórðungi. Tekjur á
fjórðungnum voru 14,9 milljarðar
sænskra króna miðað við 16,6 millj-
arða á sama tímabili síðasta árs. „Eft-
ir ýmsa erfiðleika á fyrri helmingi árs-
ins sýnir þriðji ársfjórðungur aukið
jafnvægi,“ segir forstjóri félagsins
Jorgen Lindegaard í frétt FT.com. „Á
sama tíma og eftirspurn er tiltölulega
lítil á markaðnum, er krafan um meiri
lækkun á verði flugmiða áfram sterk,“
bætti Lindegard við.
Afkoma SAS versnar
ll STUTT
◆
◆