Morgunblaðið - 14.11.2003, Side 14

14 | FÓLKIÐ | FÖSTUDAGUR 14|11|2003 MORGUNBLAÐIÐ
Hvað segja þeir?

„Á nokkrar með myndum. Í uppáhaldi
eru banananærbuxurnar og teknimynd-
anærbuxurnar, verst að þær eru í box-
erstílnum. Klæðist þeim heima við þeg-
ar ég er í íþróttagallanum. Eða bara
einum og sér, sonum mínum til mikillar
skelfingar!“

„Joe Boxer – víðum.“

„Litríkar eru í fínu lagi í bland við tein-
óttar og fínköflóttar. Það sem helst ber
að varast eru ljótir og óheppilegir litir.
Svo fremi sem þeir eru fallegir, þá gildir
allt eins að „more is better“!“

„Ég kaupi þær sjálfur, gjarnan í næsta
stórmarkaði.“

„Konan mín kaupir þær í Ameríku.“

„Boxerinn er bestur.“

„Aðsniðnum boxer úr 100% bómull og
ekkert annað.“

„Að minnsta kosti ekki boxer. Flækjast
í buxunum þegar maður klæðir sig í og
stundum of heitar. Kýs frekar það sem á
ensku kallast briefs.“

„Kvenmanns G-streng? Ekki svona al-
mennt, en einn og einn dagur ætti varla
að skaða. Myndi t.d. ekki vilja fara í
þeim í sund eða á álíka opinbera staði
samt.“

„Einfaldar eru bestar, þó ekki hvítar.“

„Engin spurning. Þröngum boxers,
flestar úr bómull, einar á ég úr satíni,
ágætar líka.“

„Boxer, þröngum.“

„Efnið og sniðið skipta mig mestu.“

„Einfalt og stíhreint best. Fíla þó
ekki hvítar, frekar dökkar (gráar,
svartar). Mega þó vera til dæmis tví-
litar.“

„Ég og konan kaupum þær jöfn-
um höndum, myndi ég segja. Þar
sem hún er flugfreyja gerast kaupin
jafnan erlendis í verslunum eins og
H&M og Gap. Þar er „verð/gæði“-
hlutfallið sérstaklega hagstætt, fjórar á
verði þriggja og þess háttar. Ef þær eru
ekki úr 100% bómull er óþarfi að skoða
þær frekar, nema um satínbuxur sé að
ræða.“

„Ég fæst ekki til að nota annað en
boxer shorts, eða boxers eins og þær
eru líka kallaðar. Mér finnast svokallaðar
kroppanærbuxur með Y-klauf dæmalaust
búralegur nærfatnaður.“

„Að óreyndu finnst mér g-strengur
ekki spennandi kostur. Bæði held ég að
karlmaður í g-streng líti frekar perralega
út (sbr. Steinn Ármann í Veggfóðri) og
svo held ég að strengurinn myndi æra
mig yfir daginn. Að því sögðu fagna ég
því að konan noti „G“.“

„Ég verð að segja að mér finnst g-
strengur alveg út úr myndinni – of kven-
legt eitthvað! Ég á engan kall en mér
finnst þeir fínastir í boxernærum, svona í
víðari kantinum.“

„Einföldum boxernærbuxum, og nær-
buxur verða að vera flottar, skiptir miklu
máli!“

„Ég vil bara sjá karlmenn í boxernær-
buxum.“

„Ég keypti það sem hann vildi helst, –
heilar, klaufarlausar gamaldags bómull-
arnærbuxur, – ekki boxers.“

„Einfaldar boxarabuxur sem eru hvorki
útvíðar né munstraðar.“

„Ég kýs helst þröngar boxer-nærbuxur.
Þessar víðu boxer-nærbuxur eru svo sem
allt í lagi en þá verða þær að vera úr ein-
hverju almennilegu efni, ekki köflóttu bóm-
ullarefni og ekki svona þunnu joggingefni.“

„Mér finnst að strákar sem eru með
flottan rass eigi að vera óhræddir við að
ganga í g-streng. Það er bara kúl og
myndi koma manni skemmtilega á
óvart.“

„Ég kaupi alltaf nærbuxurnar fyrir minn
mann – enda er honum mikið í mun að mér
finnist þær sexý og flottar. Þægindin fyrir
hann skipta minna máli. Oftast er þó reynt
að kaupa flottar boxer en samt ekki með
of víðum skálmum.“

„Boxer, boxer, boxer! Það er ekkert
eins ósexý og þröngar, litlar karl-
mannsnærur. G-strengur er hræðileg-
ur!“

„Ég kýs þröngar, svartar skálm-
anærbuxur! Frá einhverju almennilegu
merki.“

„Mér finnst frekar mömmulegt að
kaupa nærföt á manninn. Hef samt gert
það.“

„Þoli reyndar ekki hvítar nærbuxur með
breiðri teyju. Hlébarðaskýlur eða rauðar
nærbuxur eru ekki heldur málið.“

„Ætli boxerbuxur séu ekki bara skást-
ar, þær eru hlutlausastar.
Efst af öllu er að þær séu hreinar, ekki
teygðar yfir rassinn með gömlum blettum
sem ekki nást úr.“

„Ég fila betur þröngar og aðskornar nær-
buxur a körlum. Ég meina aðskornar í
svona í boxerasniði, ekki svona eins og
stelpur ganga í. Annars finnst mér karlar
nú alltaf bestir þegar þeir eru farnir úr nær-
buxunum!“

„Ekki g-strengi! Líklega tiltölulega fyr-
irsjáanleg afstaða.
Frekar boxera, samt ekki sem ná niður að
hnjám og eru víðir eins og pils … Flottur
rass má alveg sjást.“

„Þröngu boxerarnir tala alltaf sínu máli.“
Karlmannanærbuxur er hægt að finna í ekkert minna úrvali en kvenærbuxur. Það eru
til boxernærbuxur, þröngar boxernærbuxur, litlar bikiníbuxur, gömlu og góðu hvítu
buxurnar með klaufinni og g-strengir. Svo er auðvitað eftir spurningin hvort litagleðin
og munstrin taki völdin eða einfeldnin.
Til þess að komast að því hvað leynist undir síðbuxum karlmanna (en ég hef ekki aðgang
að sundklefum borgarinnar þeim megin) gerði ég óformlega skoðanakönnun á því í hverju
karlmenn vilja vera. Betri helmingurinn hefur líka skoðanir á því í hvers konar flík neðri helming-
urinn er svo ég spurði líka konur hvað þeim þætti um undirföt karlmanna.
Það fer þeim sögum af karlmönnum að þeir geti átt erfitt með velja föt á sig sjálfir og láti kon-
urnar sínar um það. Ég á alltaf erfitt með að trúa því þar sem það er alls ekki persónuleg reynsla mín.
Hvað nærfötin varðar þá heyrði ég á kon-
unum í könnunni að það er algengt að þær
kaupi nærbuxur á strákana þó að þeir séu
margir með ákveðnar skoðanir á hverju þeir
vilja klæðast. Strákar eru oft taldir rómantískir
og hugulsamir ef þeir kaupa nærföt á ástina sína en ef stelpan kaupir nærföt á kallinn þá er hún mömmu-
leg. Getur þetta staðist? Er þetta ekki bara úrelt viðhorf?
Tískan kemur líka inn í hvað er vinsælast hverju sinni. Þröngu boxer-nærbuxurnar virtust vera algeng-
asti kosturinn hjá bæði konum og karlmönnum. Það sem kemur á óvart er líka það að karlmennirnir eru
heldur opnari fyrir því að prófa eitthvað nýtt heldur en konurnar telja. Mörgum finnst ekki óhugsandi að láta á það
reyna að vera í g-streng þó að þeir hafi ekki enn prófað það. Þeir eru líka duglegir við kaupa nærbuxurnar sjálfir og
versla í herrafatabúðum, herrafatadeildum, tískuverslunum og í útlöndum.
Þegar litið er á þróunina í stuttbuxum fótboltamanna síðustu ár (en stuttbuxurnar eru nú hálfgerð undirföt) þá
má sjá að núna eru þær mun víðari og síðari en þær voru til dæmis á áttunda áratugnum. Þá hlupu menn um með
enn síðara hár en nú í ofurstuttum buxum. (Ath.: Tala við Viktoríu og biðja hana um að benda Beckham á þetta).
Ef þetta breytist á ný er ekki ólíklegt að skálmarnar í karlmannanærbuxunum styttist á ný. Niðurstaðan úr at-
hugunum mínum er sú að bæði karlar og konur hafa ákveðnar skoðanir á undirfatnaði. Nærföt eru ekkert
feimnismál enda virðist það vera hluti af nútímalífsstíl að hugsa um útlitið og á það líka við um undirfötin.
Flestir eru sammála um að þeim líði betur í fallegum og vel sniðnum nærbuxum. Nærbuxur eru persónu-
legt val og kjörið tækifæri til að láta persónuleikann skína í gegn, þó að það sé bara fyrir sjálfan sig.
|ingarun@mbl.is
„STRÁKAR ERU OFT TALDIR RÓM-
ANTÍSKIR OG HUGULSAMIR EF ÞEIR
KAUPA NÆRFÖT Á ÁSTINA SÍNA “
Hollráð fyrir þá sem eru að leita að skemmtilegum nærbuxum er að líta á sölusíðuna
WebUndies.com. Þar fást fjölmargar gerðir af litríkum boxer-nærbuxum og hinum sí-
vinsælu þröngu boxerum. Hægt er að fá nærbuxur með ýmsustu teiknimyndapersónum á
borð við Hómer Simpson, Kóngullóarmanninn, Ofurmennið og Tomma og Jenna.
Ekki vitlaust fyrir menn, sem þurfa að vera jakkafataklæddir í vinnunni og þá helst í
bláum eða gráum tónum, að lífga upp á daginn með skærlituðum teiknimyndabuxum. Það
þarf enginn að komast að því!
Lífgað upp á daginn
Innlit í undirfataheima
BRÚNIR OG SÆLLEG-
IR KARLMENN Í
NÆRBUXUM FRÁ
CALVIN KLEIN.
Hvað segja þær?