Morgunblaðið - 03.01.2004, Síða 15

ÚR VERINU
MORGUNBLAÐIÐ LAUGARDAGUR 3. JANÚAR 2004 15
SJÓMANNAFÉLAG Reykjavíkur mótmælir fyr-
irætlun stjórnvalda að leggja niður sjómanna-
afslátt. Aðalfundur félagsins var haldinn 30. des-
ember síðastliðinn og þar var ennfremur
mótmælt vinnubrögðum Alþingis og lagt til að
kannað yrði hvort rétt væri að bjóða út rekstur
Lífeyrissjóðs sjómanna.
Í ályktun fundarins um sjómannaafsláttinn
segir meðal annars svo: „Sjómannafélag Reykja-
víkur hefur um langt árabil háð harða baráttu til
að viðhalda íslenzkri sjómannastétt. Sama bar-
átta er háð í nágrannalöndunum og þar hafa
stjórnvöld gripið til mismunandi skattaúrræða
hin síðari ár. Slík úrræði hafa falið í sér ýmsar
lausnir sem fela í sér skattaívilnanir til útgerða.
Verstu úrræðin hafa falizt í aukaskipaskrám sem
hafa gert sjómenn þessara þjóða atvinnulausa,
þar sem farmenn frá láglaunalöndum hafa komið í
staðinn.
Þó svo að slíkar láglaunalausnir hafi sums stað-
ar þótt í takt við tímann, þá hefur Sjómannafélag
Reykjavíkur alfarið hafnað þeirri leið. Sjómanna-
félagið telur sjómannaafsláttinn vera mun ódýrari
leið fyrir íslenzkt samfélag í heild til að viðhalda
íslenzkri sjómannastétt og telur stjórnvöld taka
mikla og afdrifaríka ábyrgð með því að hrófla við
núverandi fyrirkomulagi.
Aðalfundur Sjómannafélagsins lýsir því yfir að
verði frumvarpið að lögum mun félagið beita sér
fyrir því að sjómenn sigli í land.“
Þá mótmælti fundurinn „harðlega þeim vinnu-
brögðum Alþingis að ákveða sjálftöku lífeyrisrétt-
inda ráðherra og kjara einstakra þingmanna.
Fundurinn bendir á að meðan fjöldi lífeyrissjóða í
landinu getur ekki staðið við skuldbindingar sínar
og lífeyrissjóðsþegar búa við skert eftirlaun, þá
tryggja þessir menn kjör sín sjálfir og senda
skattgreiðendum reikninginn. Slíkar aðfarir leiða
hugann að gamla sovétinu.“
Loks samþykkti fundurinn að kannaðir verði
möguleikar á að bjóða út rekstur Lífeyrissjóðs
sjómanna með það fyrir augum að draga úr
rekstrarkostnaði hans. „Aðalfundurinn varar við
vaxandi rekstrarkostnaði og hvetur stjórn sjóðs-
ins til að draga úr þessum kostnaði með öllum
mögulegum ráðum og felur henni einnig að kanna
möguleika á sameiningu sjóðsins við aðra öfluga
sjóði með það fyrir augum að lækka rekstrar-
kostnað og tryggja réttindi sjóðsfélaga. Jafn-
framt krefst fundurinn þess að eingöngu verði
fulltrúar sjómanna í stjórn sjóðsins.“
Sjómenn hóta að sigla í land
LOÐNUVERTÍÐIN nú í ársbyrjun
hefst með skipulagðri leit 11 skipa
sem spannar svæðið vestan úr Vík-
urál norður og austur með landinu.
Gert er ráð fyrir að í skaplegu veðri
ætti ekki að taka nema tvo sólar-
hringa að ljúka þessari yfirferð.
Samkomulag er um að hefja ekki
veiðar fyrr en að leitinni lokinni.
Fjögur skip fara frá Austfjörðum
þriðja janúar, Hólmaborg, Jón
Kjartansson, Börkur og Beitir.
Örninn fer svo þann fjórða.
Frá Akureyri fara tvö skip þann
þriðja janúar, Guðmundur Ólafur
og Júpiter.
Af Faxaflóasvæðinu koma Vík-
ingur, Ingunn, Bjarni Ólafsson og
Árni Friðriksson.
Þorsteinn Kristjánsson á Hólma-
borginni hefur tekið að sér að halda
utan um Austfjarðaflotann og Jón
Axelsson mun gegna sama hlut-
verki varðandi norðursvæðið. Leið-
angursstjóri sér um afganginn auk
þess að vera í sambandi við alla
bátana a.m.k. tvisvar á dag.
Skipin frá Akureyri munu taka
svæði fyrir Norðausturlandi og þau
tvö skip sem fyrst leggja af stað af
Faxaflóasvæðinu munu halda norð-
ur um og taka svæðið fyrir Norð-
vesturlandi.
Hin skipin taka Vestfjarðasvæðið
ef hægt er vegna veðurs. Það er
einhver ís vestur í Sundi og þess
vegna verður fljótlegt að afgreiða
þetta svæði. Ef ekki verður hægt að
afgreiða Vestfirðina strax, verður
það gert síðar á Árna Friðrikssyni,
utan þessarar áætlunar.
Leiðangursstjóri er Hjálmar Vil-
hjálmsson.
Ljósmynd/Friðþjófur Helgason
Skipulögð loðnuleit hefst í dag og
verða engar veiðar stundaðar fyrr
en henni lýkur.
Skipulögð
loðnuleit
hafin
NÝJAR rannsóknir bandarískra vís-
indamanna sýna að fólk, sem borðar
mikið af fiski, geti dregið úr hætt-
unni á að fá ákveðna geðsjúkdóma.
Það eru Joseph R. Hibbeln, við
bandarísku heilbrigðisstofnunina og
Simona Noaghiul, við Columbia há-
skólann í New York sem rannsökuðu
tíðni ýmissa geðsjúkdóma, t.d. geð-
klofa, í nokkrum löndum. Niðurstöð-
urnar voru síðan bornar saman við
opinbera neyzlu sjávarafurða í við-
komandi löndum. Niðurstaðan er sú,
að eftir því sem fiskátið er meira
verða geðsveiflur minni. Á hinn bóg-
inn komu engin tengsl fram milli
fiskáts og tíðni geðklofa, en niður-
stöðurnar voru kynntar í tímaritinu
American Journal of Psychiatry.
Áður hefur verið sýnt fram á að
Omega 3 fitusýrur sem er að finna í
miklum mæli í feitum fiski og öðru
sjávarfangi, hafa dregið úr áhætt-
unni á að fá ýmsa geðræna sjúk-
dóma. Þannig geti neyzla sjávaraf-
urða þrisvar í viku helmingað
hættuna á því að eldra fólk fái Alz-
heimer. Omega 3 fitusýrurnar eru
einnig taldar geta minnkað hættuna
á þunglyndi af ýmsu tagi.
Fiskát getur
dregið úr
geðröskunum
♦♦♦