Morgunblaðið - 05.04.2004, Síða 11

MINNSTAÐUR | VESTURLAND
MORGUNBLAÐIÐ MÁNUDAGUR 5. APRÍL 2004 11
Borgarfjörður | Sameiningarnefnd
sveitarfélaga í Borgarfirði, norðan
Skarðsheiðar, boðaði til þriggja op-
inna funda um sameiningu sveitarfé-
laga í síðustu viku. Var fyrsti fund-
urinn haldinn í félagsheimilinu
Þinghamri á Varmalandi á mánu-
dagskvöld, annar í félagsheimilinu
Brún í Bæjarsveit þriðjudagskvöld
og síðasti fundurinn var haldinn á
Hótel Borgarnesi á miðvikudags-
kvöldið.
Framsögu á fundunum höfðu þeir
Sveinbjörn Eyjólfsson formaður
sameiningarnefndar og Róbert
Ragnarsson verkefnisstjóri sam-
starfsverkefnis félagsmálaráðu-
neytisins og Sambands íslenskra
sveitarfélaga um eflingu sveitar-
stjórnarstigsins. Markmið með
fundunum var að kynna það starf
sem þegar hefur verið unnið í sam-
einingarferli sveitarfélaga en ekki
síður að fá fram skoðanir og tillögur
íbúanna á sameiningarmálunum.
Sveinbjörn fór yfir stöðu mála, en
sameiningarviðræður eru enn á
byrjunarstigi hjá sveitarfélögunum í
Borgarfirði. Í máli hans kom fram að
13. mars 2003 bauð Borgarfjarðar-
sveit fulltrúum hinna sveitarfélag-
anna norðan Skarðsheiðar, þ.e.
Borgarbyggðar, Hvítársíðuhrepps
og Skorradalshrepps, til viðræðna
um sameiningarmál. Nú eiga sæti í
sameiningarnefnd 2 fulltrúar frá
hverju sveitarfélagi auk þess sem
Páll Brynjarsson bæjarstjóri Borg-
arbyggðar situr fundina. Haldnir
hafa verið 4 formlegir fundir auk
óformlegra viðræðna og gestir kom-
ið frá Snæfellsbæ og sveitarfélaginu
Skagafirði til að deila reynslu sinni
af sameiningu hreppa. Auk þess er
unnið að uppsetningu sameiginlegs
reiknings þessara hreppa í samstarfi
við Samtök sveitarfélaga á Vestur-
landi og aðkeyptrar vinnu endur-
skoðunarfyrirtækis.
Háskólinn á Akureyri hefur verið
fenginn til að fara yfir skólamálin, en
þau eru mjög stór liður í rekstri
sveitarfélaganna.
Samstarfsverkefni
um stækkun sveitarfélaga
Í framsögu Róberts Ragnarsson-
ar verkefnisstjóra á vegum félags-
málaráðuneytisins sagði hann það
markmið verkefnisins að efla sveit-
arstjórnarstigið með aukinni vald-
dreifingu sem mótvægi við ríkisvald-
ið. Einnig að stofna heildstæð
atvinnu- og þjónustusvæði, efla sjálf-
stæði sveitarfélaganna og að annast
nærþjónustu við íbúana.
Ástæður þess að farið var af stað
með verkefnið nú sagði hann m.a.
vera að nýbúið væri að breyta kjör-
dæmaskiptingu landsins, verkefna-
skipting ríkis og sveitafélaga væri
víða óskýr og minnstu sveitarfélögin
réðu ekki við verkefni sín. Róbert
telur verkefnið ekki síður byggða-
verkefni en stjórnsýsluverkefni.
Farið var af stað með verkefnið í
október 2003, en áætlað er að 23.
apríl 2005 verði hægt að hafa at-
kvæðagreiðslu um sameiningartil-
lögur sveitarfélaga um allt land.
Líflegar umræður
á fundi í Brún
Hjá fundarmönnum í Brún, þar
sem mæting var góð, voru skólamál-
in, heilsugæslan og atvinnumálin of-
arlega í huga, en einnig spannst líf-
leg umræða um lýðræði, þar sem sitt
sýndist hverjum. Var það álit flestra
að með aukinni yfirfærslu verkefna
frá ríki til sveitarfélaganna yrði að
tryggja nægt fjármagn frá ríkinu, en
þar fannst mönnum hafa verið pott-
ur brotinn, sérstaklega í skólamál-
um.
Færri mættu á fundina í Þing-
hamri og í Borgarnesi, en að sögn
Sveinbjörns Eyjólfssonar voru það
viss vonbrigði. Hann sagði þó ekki
hægt að dæma áhuga íbúanna eftir
mætingunni. Hann hefði orðið var
við vissar efasemdir hjá fólki en
einnig væru margir mjög spenntir
fyrir sameiningu. Ekki sagðist hann
hafa orðið var við að fólk væri alfarið
á móti sameiningunni.
Sveinbjörn sagði sameiningu
sveitarfélaganna ekki einkamál
nefndarinnar. Því verður fljótlega
opnað vefsvæði þar sem nefndin og
undirhópar birta fundargerðir og
álitsgerðir. Einnig verður þar spjall-
svæði þar sem hægt verður að hafa
skoðanaskipti. Þannig yrði reynt að
auka almenna þátttöku íbúanna í
sameiningarferlinu.
Opnir fundir
um sameiningu
sveitarfélaga í
Borgarfirði
Skiptar skoðanir: Sr. Geir Waage tekur þátt í skemmtilegum skoðanaskiptum.
Akranes | Byggingarfyrirtækið Stafna á milli
ehf. hefur keypt jörðina Kross í Innri-
Akraneshreppi og að auki gerði fyrirtækið
bindandi samkomulag við eigendur Fögru-
brekku í Innri-Akraneshreppi um kaup á jörð
og húseignum. Landið sem um er að ræða er
rétt utan við bæjarmörk Akraness og segir
Þorgeir Jósefsson, framkvæmda - og fjár-
málastjóri Stafna á milli ehf., að fyrirtækið
hafi hug á því að selja lóðirnar fyrir íbúðar-
húsnæði og telur Þorgeir að fáir staðir við
Faxaflóa séu ákjósanlegri fyrir íbúðar-
húsnæði.
„Við munum kynna okkar hugmyndir um
deiliskipulag fyrir hreppsnefnd í næsta mán-
uði og við teljum að þetta svæði búi yfir mikl-
um töfrum sem verða eftirsóttir af þeim sem
vilja búa á þessu svæði. Við erum ekki búnir
að ganga frá öllum smáatriðum í deiliskipu-
laginu en það má búast við að byggðin taki
við nokkrum fjölda íbúa, nokkur hundruð,“
sagði Þorgeir. Í fyrstu drögum af skipulaginu
er gert ráð fyrir svæði fyrir grunnskóla,
íþróttamannvirkjum og félagslegri þjónustu
en Innri-Akraneshrepppur rekur grunnskóla
við Leirá, Heiðarskóla, í samstarfi við Hval-
fjarðarstrandarhrepp, Skilmannahrepp og
Leirár- og Melahrepp.
„Það hefur verið mikil umræða um samein-
ingu hreppa á þessu svæði án þess að nokkuð
hafi gerst í þeim efnum enn. Við teljum að
einhver sameining muni eiga sér stað á þessu
svæði á næstu árum og kannski sameinast
Akranes og Innri-Akraneshreppur sem
myndi breyta miklu þar sem aðeins nokkrir
metrar eru í austustu byggð Akranesbæjar
frá fyrirhuguðu byggingarlandi,“ sagði Þor-
geir. Rúmlega 120 íbúar eru búsettir í Innri-
Akraneshrepp.
Ákjósanlegur kostur til búsetu
Að mati þeirra sem standa að fyrirhug-
uðum byggingarreit má búast við örum vexti
á næstu árum á þessu svæði þar sem allt að
350 ný störf gætu skapast á svæðinu við
Grundartanga í tengslum við stóriðju á svæð-
inu og sameining hafna á Vesturlandi hafi
það í för með sér að Sundabraut mun fara
fyrr í framkvæmd en ella og stytti þar með
vegalengdina frá höfuðborgarsvæðinu.
„Ég tel að þetta byggingarland sé einstakt,
það eru ekki margar byggingalóðir í dag við
Faxaflóa þar sem hægt er að njóta alls hins
besta við sjávarsíðuna og í aðeins um 20–30
mínútna akstursfjarlægð frá höfuðborg-
arsvæðinu.“ Spurður hvort verðið á lóðunum
verði ekki hærra en gengur og gerist á Akra-
nesi í dag sagði Þorgeir: „Ég ætla rétt að
vona það. Þetta svæði er kostur fyrir marga
sem vilja búa við ströndina á besta stað.“
Gert er ráð fyrir fjölmennri byggð rétt utan við Akranes: Kross liggur neðan Innesvegar frá austri að Leynisvík, sem er í landi Akraness, og land Fögrubrekku er ofan við Innesveg og nær í
norður upp að nýrri hluta golfvallar Leynismanna, meðfram austasta hluta Akranesbæjar þar sem margar nýjar byggingar hafa risið á undanförnum misserum.
Fjölmenn byggð ráðgerð rétt við Akranes
Byggingarfyrirtækið Stafna á milli kaupir Kross og Fögrubrekku í Innri-Akraneshreppi