Morgunblaðið - 05.04.2004, Blaðsíða 13
ERLENT
MORGUNBLAÐIÐ MÁNUDAGUR 5. APRÍL 2004 13
STUÐNINGSMENN sjíamúslíma-
klerksins Muqtada al-Sadr, sem er
einarður andstæðingur hersetu
Bandaríkjamanna og bandamanna
þeirra í Írak, réðust á bækistöðvar
hersveita undir forystu Spánverja í
borginni Najaf í gær, með þeim af-
leiðingum að a.m.k. 20 manns féllu,
þ. á m. 15 Írakar, einn salvador-
ískur hermaður og einn bandarísk-
ur, í átökum sem brutust út. Yfir
200 manns særðust.
Árás stuðningsmanna al-Sadrs
kom í kjölfar þess, að þeir söfn-
uðust saman við bækistöðvar her-
liðsins í Najaf til að mótmæla því
að einn aðstoðarmanna klerksins
hefði verið handtekinn. Hersetuliðið
bannaði fyrir rúmri viku útgáfu
fréttablaðs í eigu al-Sadrs, og hafa
stuðningsmenn hans mótmælt því
banni daglega síðan.
Að sögn talsmanns spænska her-
liðsins hófu stuðningsmenn klerks-
ins skothríð að bækistöðvunum, og
svöruðu spænsku hermennirnir í
sömu mynt.
Paul Bremer, yfirmaður herafla
Bandaríkjamanna í Írak, fordæmdi
atburðina og sagði að þótt Írakar
nytu tjáningarfrelsis væri ábyrgð-
arlaust af þeim að grípa til ofbeldis.
Hersetuliðið myndi ekki láta slíkt
líðast.
600 bandarískir
hermenn fallnir
Tveir bandarískir hermenn féllu í
fyrradag í átökum sem brutust út í
Anbar-héraði, sem liggur að jórd-
önsku og sýrlensku landamærunum
vestur af Bagdad. Nú hafa 600
bandarískir hermenn fallið í Írak
frá því að stríðið þar hófst í mars í
fyrra.
Þá greindi íraska lögreglan frá
því gær, að þrír íraskir hermenn og
þrír óbreyttir borgarar hafi fallið í
tveim sprengingum norður af
Bagdad.
Um 20 féllu í
átökum í Najaf
Najaf, Kufa. AP, AFP.