Lesbók Morgunblaðsins - 20.01.2001, Blaðsíða 18

18 LESBÓK MORGUNBLAÐSINS ˜ MENNING/LISTIR 20. JANÚAR 2001
Fyrir skömmu birtust í ljósvakamiðlum og á Netinu tveir gamlirkarlar og ræddu vandamál sín. Þetta voru eigandi Himnaríkisehf. og eigandi Helvítis hf. Annar pikkaði með staf sínum ígólfið dálítið æstur, en hinn klóraði sér í höfðinu og tók í nef-
ið. Þeir hafa lengi rekið sitt fyrirtækið hvor í sömu starfsgrein, þ.e.
móttöku fólks eftir dauðann. Handan tjaldsins stóra hafa svo lengi
sem vitað er verið tvær hraðbrautir og hefur önnur legið upp en hin
niður. Báðir kvörtuðu þeir undan erfiðum rekstri og nefndi annar
m.a. áróðurskostnað en hinn einkum hátt orkuverð.
Nú hafa þær fregnir verið staðfestar að eigandi Himnaríkis ehf. og
eigandi Helvítis hf. hafi ákveðið að sameina fyrirtækin undir nafninu
Helvítis ríkið hf. Eiga þeir sinn helminginn hvor í fyrirtækinu og
verður eigandi Himnaríkis ehf. stjórnarformaður hins nýja fyr-
irtækis og eigandi Helvítis hf. verður framkvæmdastjóri. Haft er eft-
ir þeim að sameiningin hafi í för með sér mikinn sparnað og hagræð-
ingu einnig fyrir viðskiptavinina. Hér eftir getur fólk sparað sér
blessunarorð öll og bölbænir og eftirleiðis verður aðeins ein braut að
baki tjaldinu mikla og liggur hún beint inn. Sérstaka áherslu leggja
þeir á það báðir að með þessari breytingu losni þeir undan hinu erf-
iða oki samkeppninnar.
HIÐ ENDANLEGA
MARKMIÐ
Ö R S A G A
E F T I R J Ó N F R Á PÁ L M H O LT I