Lesbók Morgunblaðsins - 31.08.2002, Blaðsíða 15

LESBÓK MORGUNBLAÐSINS ˜ MENNING/LISTIR 31. ÁGÚST 2002 15
ob hafi verið drjúgur málari gerði sonurinn
til muna betur, sem ekki var jafnaðarlega
tilfellið er listgáfan erfðist. Dordrect er ekki
stór borg né listasafnið mikilfenglegt, en
hvort tveggja sannarlega heimsóknar virði,
eins og svo margar smærri borgir Hollands.
Í tilefni menningarnætur í Antwerpen fór
ég með gestgjöfum mínum í dagsferð þang-
að og dokuðum við í upphafi drjúga stund í
viðamiklum höggmyndagarði í útjaðri borg-
arinnar. Honum komið á laggirnar þegar
Antwerpen var menningarborg Evrópu 1995
og virðist stöðugt verið að bæta við lista-
verkum í hann. Að reika um garðinn er lík-
ast kennslustund í höggmyndalist lungans
úr síðustu öld. Þar næst var hverfi í æsku-
stílnum skoðað, þ.e. Art Nouveau, sem að
mestu hefur verið gert upp eftir að hafa
drabbast niður. Það sama hefur víða gerst
þar sem æskustíllinn festi rætur, m.a. um
eitt nýuppgert hús á Vesturbrúargötu 34 í
Kaupmannahöfn. Hinn lífræni æskustíll
gengur þannig í nýja lífdaga, þó helst í því
formi að bjarga byggingum frá blómaskeiði
stílbragðanna, sem voru rökkuð niður af
fræðingum á tíma strangflatalistarinnar og
eftirkomendum. Hið lífræna er aftur komið
upp á yfirborðið og hefur verið einna mest
áberandi í verkum Franks Gehrys, sem er
töframaður með hátæknina. Tölvan hefur
þannig stuðlað að því að lyfta andstæðu
sinni á stall og um leið gera fyrrum nær
óframkvæmanlega hluti mögulega. Undar-
legt að stefna öllum þessum listþyrsta múg
til borgarnnar, loka þó bæði söfnum og
kirkjum frá fimm til níu, en hafa svo allt op-
ið til miðnættis. Vorum komin rétt fyrir níu
að húsi Rubens, hvar nýopnuð var spenn-
andi sýning, Meistarateikningar frá Hiero-
nymus Bosch til Jan van Eyck, en þar var
þá fyrir hundrað metra löng biðröð og
streymdi fólk hvaðanæva að, svo hún lengd-
ist með hverri sekúndu. Lagði ég þá til að
við slepptum henni og færum í kirkjuna með
Rubensmálverkunum, enda rýmið innan
hennar vafalítið hundraðfalt, sem fékk góð-
an hljómgrunn. Kirkjan var raunar einnig
troðfull af fólki sem komið var í sama til-
gangi, en listaverkin yfirleitt hátt uppi
þannig að þau fóru ekki framhjá neinum,
þótt það tæki tímann sinn að nálgast þau
sum hver.
Konunglega
listasafnið í Brussel
Ekki gat ég fengið gestgjafa mína ofan af
því að aka mér til Brussel, sem var næsti
áfangastaður minn, jafnvel ekki þótt helli-
rigndi þegar að því kom. Ferðin í ausandi
rigningunni nokkurt ævintýri, einkum fyrir
útsýnið, helst hraðbrautir á alla vegu og
varnargarða beggja vegna, mislæg gatna-
mót, leiðbeininga- og kílómetraskilti og svo
sjálf hrikaleg umferðina. Hins vegar sást
lítið af sjálfri náttúrunni og búsmalanum í
friðsælu umhverfi flatlendisins. Skildu þeir
ekki við mig fyrr en ég var í góðum höndum
á Ibis-hóteli beint fyrir framan Midi-járn-
brautarstöðina, en þaðan fara hraðlestirnar
til London.
Öðrum megin við járnbrautarstöðina búa
Tyrkir en hinum megin múslimar frá öðrum
löndum að mér sýndist og húsin þar á kafla
hrá og skuggaleg.
Er ég uppgötvaði að morgni eins dagsins,
að faðir minn hefði orðið 105 ára, tók ég
mér frí frá almennum söfnum, en fór í þess
stað í firnalangan göngutúr að víðfrægu
húsi Victors Horta (1861–1947), á horni Rue
Africaine og Rue Americaine. Sá var mik-
ilvægasti fulltrúi æskustílsins í arkitektúr,
prófessor við konunglega fagurlistaskólann
1912 og forstöðumaður 1927. Húsið, sem er
einstakt, líkt og allt innvolsið, var í nið-
urníðslu er því var bjargað en er nú safn
sem margir sækja heim. Er ég var þar voru
gestir frá Austurlöndum fjær áberandi.
Meginveigurinn í heimsókninni til Brussel
var þó að skoða Konunglega listasafnið, en
gamla og nýja safnið hafa verið sameinuð í
eitt, þó í tveimur aðskildum byggingum með
tengiálmu á milli, báðar deildirnar frábær-
ar. Var von bráðar kominn þangað og tveim-
ur dögum síðar til Brugge, menningarborg-
ar Evrópu 2002. Segi nánar frá
hvorutveggja, væntanlega einnig húsi Vict-
ors Horta.
George Segal: The Hustle, gifs, tré, plast og málmur, 1980. Nútímalistasafnið, Brussel.
Albert Cyup: Farþegabáturinn, olía á striga, um 1650. Safn Elísabetar II í Buckinghamhöll.
Morgunblaðið/Bragi
Mauritushuis og turninn þar sem forsætisráðherra Hollands hefur aðsetur. Að mér var
sagt sæti þar nú líkast til Pim Fortuyn, ef hann hefði ekki verið myrtur.
Í húsi Victors Horta, Brussel.
MYNDLIST
Gallerí Fold, Rauðarárstíg: Ljós-
myndir Jóns Kaldals. Til 7.9.
Gallerí Skuggi: Berglind Björnsdótt-
ir og Holly Hughes. Til 8.9.
Gerðarsafn: Gerður Helgadóttir, Jó-
hannes Jó-
hannesson og
Valgerður
Hafstað. Til
8.9.
Gerðuberg:
Við – öðruvísi
samtímaheim-
ildir. Til 22.9.
Hafnarborg:
Jón Thor
Gíslason. Til
9.9.
Hús málaranna, Eiðistorgi: Einar
Hákonarson. Til 1.9.
i8, Klapparstíg 33: Helgi Þorgils
Friðjónsson/Kristinn G. Harðarson.
Til 12. okt. Undir stiganum: Arnfinn-
ur Amazeen og Bryndís Erla Hjálm-
arsdóttir. Til 6.9.
Listasafn Akureyrar: Nútímalist frá
arabaheiminum. Til 8.9.
Listasafn ASÍ: Guðrún Hrönn Ragn-
arsdóttir, Ásmundarsal. Gryfja:
Kristveig Halldórsdóttir. Til 22.9.
Listasafn Borgarness: Karl Kristján.
Til 11.9.
Listasafn Einars Jónssonar: Opið alla
daga kl. 14–18, nema mánudaga.
Listasafn Reykjavíkur –Ásmundar-
safn: Listin meðal fólksins. Til 31.
des.
Listasafn Reykjavíkur – Hafnarhús:
MHR-30 – afmælissýning Mynd-
höggvarafélags Íslands. Til 6. okt.
Listasafn Reykjavíkur – Kjarvals-
staðir: Þrír arkitektar, Arno Led-
erer, Jórunni Ragnarsdóttur og Mark
Oei: Ljósmyndir og líkön af bygg-
ingum. Til 27. okt.
Listasafn Sigurjóns Ólafssonar: Hin
hreinu form. Til 1.9.
Ljósmyndasafn Reykjavíkur, Grófar-
húsi: Blaðaljósmyndir. Til 1.9.
Norræna húsið: Götulistaverk Kajols.
Til 22.9. Clockwise – Ný norræn sam-
tímalist. Til 20. okt.
Norska húsið, Stykkishólmi: Lista-
konur í Sneglu. Hafið.
Nýlistasafnið, Vatnsstíg 3B: Grasrót
2002. Til 29.9.
Safnahús Borgarfjarðar, Borgar-
nesi: Skógasýning, myndlist og hand-
verk. Til 1.9.
Safnasafnið, Svalbarðsströnd: Átta
sýningar á alþýðulist. Til 15.9.
Sjóminjasafn Íslands: Rebekka
Gunnarsdóttir. Til 8.9.
Skálholtsskóli: Benedikt Gunnarsson.
Til 1. okt.
Slunkaríki, Ísafirði: Þóroddur
Bjarnason. Til 8.9.
Þjóðarbókhlaða: Yfirlitssýning á
verkum Halldórs Laxness. Til 31.
des.
Þjóðmenningarhúsið: Landafundir.
Ljósmyndir úr Fox-leiðangrinum.
Vestur-íslenskar bókmenntir. Skák-
einvígi aldarinnar.
Upplýsingamiðstöð myndlistar:
www.umm.is undir Fréttir.
TÓNLIST
Sunnudagur
Hallgrímskirkja:
Afmælistónleikar
Mótettukórs Hall-
grímskirkju. Kl.
20.
Tónleikasalur
FÍH, Rauðagerði
27: Klarínettuhá-
tíð. Kl. 14.
Þriðjudagur
Norræna húsið:
Gary West
sekkjapípuleikari.
Kl. 20.
LEIKLIST
Borgarleikhúsið: Með vífið í lúkun-
um, lau.
Hafnarfjarðarleikhúsið: Sellófan,
mið., fim., fös.
Upplýsingar um listviðburði sem ósk-
að er eftir að birtar verði í þessum
dálki verða að hafa borist bréflega
eða í tölvupósti fyrir kl. 16 á mið-
vikudögum merktar: Morgunblaðið,
menning/listir, Kringlunni 1, 103
Rvík. Myndsendir: 5691222. Netfang:
menning@mbl.is.
MENNING
LISTIR
N Æ S T U V I K U
Frá sýningunni
í Geraðarsafni.
Hörður
Áskelsson