Pressan - 30.09.1988, Page 16

16
Föstudagur 30. september 1988
Getur maður treyst því að
girnilegu myndirnar utan á
matarumbúðum sýni
raunverulega það sem
leynist í kössunum?
\
________________________________^
4COg<?
Dct lettchldcen
Udát tikaítfétyg tijf faffxsfáfjfa,
Kötturinn i sekknum
microwave
microondes
M
e M yndir utan á mat-
vælaumbúðum eru oft
verulega lokkandi. Annað
væri líka óeðlilegt. Fram-
leiðendurnir vilja auðvitað
selja vöruna, svo það
skiptir miklu máli að neyt-
endum finnist hún girni-
leg í hillum eða frysti-
kistum matvöruverslana.
En stundum reynist raun-
verulegt innihald umbúð-
anna alls ekki líkjast
glansmyndinni utan á
þeim — og maður verður
fyrir vonbrigðum. Pizza,
sem var ekki með færri en
tuttugu sveppum á mynd-
inni, skartar einungis fjór-
um sveppum í raunveru-
leikanum. Einn vesæll og
trénaður aspargusstöngull
leyndist ( súpu, sem virtist
bókstaflega troðfull af
aspargus. Og ostakakan
er bara með örfáum
berjum en ekki heilli glás,
eins og á myndinni.
Margir kannast eflaust við
þessa reynslu, þó auð-
vitað sé þetta ekki algild
regla. Það er raunar oft
íslensk framleiðsla, sem
kemur þægilega á óvart
þegar maturinn er tekinn
úr kassanum. Ástæðan er
sú, að myndirnar á
umbúðunum eru gjarnan
afskaplega óspennandi og
maður býst því ekki við
neinu stórkostlegu.
eir í útlöndum kunna
vel til verka, þegar
umbúðahönnun er annars
vegar. Þar eru viðhafðar
alls kyns aðferðir við
myndatökur, sem hafa
þann tilgang að framkalla
munnvatn hjá hungruðum
viðskiptavinum matvöru-
verslana. Mikið er t.d. um
að myndefnið sé smurt
með olíu til að það glansi
fagurlega. Einnig eru
notuð sérstök kastljós við
gerð auglýsingamynda,
sérstakar myndavélar og
sérstakar linsur — allt til
þess að gera útkomuna
sem glæstasta.
í auglýsingamyndum er
klaki í glösum oft hreint
enginn klaki, heldur plast-
teningar. Og þegar freist-
andi dropahúð er utan á
glösum er ekki endilega
víst að þau séu nýkomin
út úr ísskáp eða vökvinn í
þeim sé jafnískaldur og
lítur út fyrir. Þessu frost-
hrímaða útliti er nefnilega
hægt að ná fram með því
að úða glösin með
glýseróli.
1 að skondnasta I
þessum málum tengist þó
myndatökum á ís. Eins og
skiljanlegt er verður oft
mikill hiti í myndverum
vegna hinna nauðsynlegu
Ijóskastara. Við þær
aðstæður er erfitt að taka
myndir af ís. Þess vegna
grípa menn oft til þess
ráðs að nota kartöflu-
stöppu í staðinn. Hún
hefur reynst Ijómandi
góður ís-tvífari. En einnig
sérhæfa sum myndver sig
f því að Ijósmynda is og
aðrar vörur, sem bráðna.
Þau halda þá t.d. hita-
stiginu í nákvæmlega núll
gráðum og geta boðið upp
á þjónustu, sem önnur
stúdíó geta ekki innt af
höndum.
PRESSAN gerði fyrir
skemmstu litilsháttar
könnun á innihaldi nokk-
urra matvælaumbúða með
tilliti til þess hvernig það
kæmi heim og saman við
Ijósmyndina utan á.
Afraksturinn gefur að líta
hér á síðunni og látum við
lesendum sjálfum eftir að
dæma um það hvort vöru-
tegundirnar gefa tilefni til
ánægju eða vonbrigða.
EFTIR JÓNÍNU LEÓSDÓTTUR MYNDIR: magnús reynir