Pressan - 01.06.1989, Blaðsíða 24

24
,-f infi nr)tMdqigM rr,1,i-júfrt i .1989
segir Gróa „Bílar sem eru vinsælir núna eru
Porsche, BMW, Benz og sumir virka meira
traustvekjandi á stórum jeppum.“ Jóhann
nefnir Benzinn og BMW-inn „og alls konar
litlir, svartir bílar, til dæmis Volkswagen
Golf GT“, en Þorgils Óttar segir að flottast
sé að vera á litlum, sparneytnum bílum:
„Það þykir ekki fínt að vera á dýrum bílum
sem menn eiga ekki fyrir,“ segir hann. Þau
segja að það fari víst aldrei úr tísku að vera
í fötum frá ákveðnum tískuhönnuðum, en
þó sé smartara að láta ekki sjást hvaðan föt-
in eru: „Það er komið úr tísku að vera
„merktur" segir Jóhann. „Álafoss-úlpurnar
eru það eina sem ég er viss um að er „out“,“
segir Þorgils Óttar og Gróa segir að þeir sem
fylgist með séu þeir sem geti raðað saman
fatnaði eftir eigin stíl: „Það er langmest
„in“ að vita hvaða föt passa saman,“ segir
hún. Jóhann bendir á að karlmaður í fínum
jakkafötum og íþróttasokkum með blárri
og rauðri rönd sé púkó: „Gallafatnaður er í
tísku svo fremi sem menn eru þá í blaz-
er-jakka við gallabuxurnar. Þeir verða líka
að vera með fínt slifsi og dýrt úr, annars eru
þeir ekki „in“.“ Þorgils Óttar segist telja að
mestu skipti að vera klæddur í sígildan, lát-
lausan fatnað og Gróa segir að allur druslu-
gangur sé úr sögunni.
í stuttu máli: Þú leggur Porschínum þín-
um fyrir utan ferðaskrifstofu, kaupir ferð
með skemmtiferðaskipi um Karabíska haf-
ið, lítur á dýra úrið þitt og sérð að við erum
of sein í tveggja tíma kokkteilboðið. Ef við
náum ekki hittumst við og fáum okkur for-
rétt, dreypum svo á kampavíni og förum
heim fyrir miðnætti. Ef við viljum vera al-
gjörlega „in“ verðum við komin út að
trimma snemma næsta morgun meðan allt
þetta ,,out“ fólk í kringum okkur er að
skrölta heim úr partíi sem byrjaði eftir ballið
sem endaði klukkan þrjú. Við getum svo
fengið okkur Perrier-vatn meðan við klipp-
um út myndirnar af Jóni Óttari og Bryndísi
til að líma inn í myndaalbúmið sem geymir
bara myndir af þeim sem við þekkjum per-
sónulega. Síðdegis væri bráðsniðugt að setj-
ast inn á kaffihús, þú með Wall Street
Journal eða Financial Times, ég með Vogue
eða annað erlent tískurit. Hvað ætli við
þurfum svosem að tala saman? Við, sem er-
um svo „in“ . . .
Þeir sem fylgjast með vita að það
er ekki sama á hvernig bíl ekið er.
Mercedes Benz er í tísícu þó að litl-
ir, svartir sportbílar séu meira
„in" um þessar mundir.
kynlifsdálkurinn
Bréf til kynlífsdálksins má skrifa undir dulnefni.
Utanáskriftin er: PRESSAN — kynlífsdálkurinn, Ár-
múla 36, 108 Reykjavík.
KYNFERÐISLEG VELLÍÐAN
Ég fjallaði um það í síðasta
pistli hvert væri í raun og veru
markmið nútímakynfræðslu.
Kynfræðsla á að koma til móts við
og leiðrétta óformlegu kynfræðsl-
una og stuðla að kynferðislegri
heilbrigði einstaklinga. Síðara
markmiðið er alveg í samræmi við
yfirlýsingu WHO eða Alþjóða
heilbrigðismálastofnunarinnar
um „Heilbrigði til handa öllum
árið 2000“. Sjálf verð ég þá orðin
fertug og sonur minn fjórtán ára
unglingur. Vonandi mun það
verða gæfa hans að hljóta betri
formlega og óformlega kyn-
fræðslu en þá, sem ég hlaut í upp-
vexti mínum.
Furðufuglar
Þegar ég ræði á námskeiðum
eða fyrirlestrum um hvað ein-
kenni kynferðislega heilbrigða
einstaklinga nefni ég þá stundum
„furðufugla“, vegna þess að þetta
virðist vera svo fjarlægt ástand
mannverunnar, ef við lítum í
kringum okkur eða í eigin barm.
Ég trúi því hins vegar að við séum
á góðri leið — bara ef við förum
að þora að tala um kynferðismál á
aðeins hærra plani en hingað til.
En hver eru einkenni manneskju
sem líður vel kynferðislega?
Hún/hann lítur á kynlíf sem
eðlilegan hlut. Mér finnst alltaf
nokkuð skondið að sjá framan í
fólk, þegar ég bið það að hugsa til
foreldra sinna sem kynvera. Sum-
um finnst það alveg óhugsandi!
En er samlíf ekki eðlilegur hlutur
hjá foreldrum? Kynferðisleg sam-
skipti eiga sér ekki bara stað í
rúminu heldur í mannlegum sam-
skiptum allan daginn, því við lif-
um sem ákveðið kyn tuttugu og
fjóra tíma á dag. Samskipti kynj-
anna á vinnustöðum og í skólum
hafa Iíka heilmikið að segja um
hversu sterk kynferðisleg sjálfs-
birting okkar getur orðið. Eru
samskiptin hefðbundin, þ.e.a.s. er
kynjunum mismunað eftir kyn-
ferði, eða fá persónuleiki og hæfi-
leikar hvers og eins að njóta sín?
Eðlileg umrœða
Hún/hann hefur vilja og getu
til að ræða um kynferðismál.
Þarna verða alltof margir strand,
vegna þess að félagsmótunin hef-
ur svo rækilega kennt okkur að
það megi ekki tala um þessi mál.
Ég skrifaði einu sinni pistil um
þetta í Þjóðviljann og nefndi
hann „Miðilshæfileikar í kynlífi“,
því það er eins og ætlast sé til að
við getum lesið hvert annars hug.
Þarna þarf oft einhvern til að taka
af skarið og þá þora aðrir að tala
eins og fólk, en ekki eins og
skemmtikraftar. Það vekur svo
mikinn kvíða hjá fólki að tala
eðlilega um kynlíf að flestir grípa
til þess ráðs að vera fyndnir. Það
væri efni í könnun að athuga
hvort beint samhengi væri þarna á
milli.
Hún/hann hefur undir hönd-
um allþokkalegan þekkingar-
forða og veit hvar hægt er að nálg-
ast frekari fræðslu. Hafið þið
ekki tekið eftir því hvað það getur
oft reynst erfitt að verða sér úti
um góðar kynlífsbækur? í bóka-
búðum er sjaldnast mikið úrval af
innlendum og erlendum bókum
þar að lútandi. Á bókasöf num eru
þessar bækur í eilífu útláni eða
búið að stela þeim. Þörfin er
greinileg og það þarf mikið átak
hér. Bæði vantar bækur fyrir
skóla og almenning. Ég hef t.d.
oft furðað mig á því hvað lítið hef-
ur verið skrifað fyrir stráka og
karla.
Það var synd að bókin „Þú og
ég“ var bönnuð til kennslu í
grunnskólum Reykjavíkur, vegna
þess að kafli sem heitir „Ekki eru
allir eins“ (um samkynhneigða)
var talinn hættulegur unglingum.
Þó vitum við að kynhneigð breyt-
ist ekki við lestur! Þekkingu
þeirra, sem fjölluðu um bókina,
var hér eitthvað ábótavant. Þessa
ágætu bók má kaupa í bókabúð-
um og lesa á skólabókasöfnum.
Vilji fólksins
Hún/hann er sátt(ur) við lik-
amann sinn. Um þetta er hægt að
skrifa marga pistla. Hér þarf fólk
fyrst og fremst að fræðast um það
að enginn er eins í útliti og því
óraunhæft að steypa alla í sama
mót.
Hún/hann þekkir sínar kyn-
ferðislegu þarfir og veit hvernig
hægt er að uppfylla þær. Forsend-
an hér er sjálfsviðurkenning,
sjálfsþekking og kjarkur til að
sinna sínum þörfum.
Hún/hann þekkirsín eigin við-
horf og getur tekið tillit til ólíkra
viðhorfa hjá öðrum! Hvað ræður
gildismati okkar og hvernig höf-
um við öðlast þau viðhorf sem við
höfum?
Nútímakynfræðsla gengur út
frá því að fólk vilji vera kynferðis-
lega heilbrigt og þá sé sjálfsagt að
koma til móts við þær þarfir.
JÓNA INGIBJÖRG
JÓNSDÓTTIR