Morgunblaðið - 24.04.2004, Síða 1

STOFNAÐ 1913 111. TBL. 92. ÁRG. LAUGARDAGUR 24. APRÍL 2004 PRENTSMIÐJA ÁRVAKURS HF. mbl.is
Allt fyrir
frægðina
Jónsi býr sig undir Evróvisjón
og Fame Fólk í fréttum
Lesbók | Lykilhlutverk Níundu sinfóníunnar
Hrafnkell, Freud
og heimilið
Paul Auster og ósýnilegi faðirinn Börn | Einu
sinni skáti, ávallt skáti
Ævintýri indíánadrengsins Jakarí
Opið
10 - 18 í dag
Franskir dagar
21. - 25. apríl
Lesbók og Börn í dag
ARIEL Sharon, forsætisráðherra Ísraels,
hafði í gær í hótunum við Yasser Arafat,
leiðtoga Palestínumanna, og sagði að hann
væri ekki lengur friðhelgur.
„Ég lofaði George W. Bush Bandaríkja-
forseta fyrir þremur árum að ráðast ekki á
Arafat, en ég er ekki lengur bundinn af því
loforði og Arafat nýtur ekki lengur frið-
helgi,“ sagði Sharon í sjónvarpsviðtali.
Hann kvaðst hafa skýrt Bush frá þessu á
fundi þeirra í Washington í vikunni sem
leið.
Sharon standi við loforðið
Háttsettur embættismaður í Hvíta hús-
inu í Washington sagði að Bandaríkjastjórn
hefði hvatt Sharon til að standa við loforðið
eftir yfirlýsinguna í gær. „Loforð er loforð,“
sagði embættismaðurinn. Hann bætti við að
Bush hefði einnig áréttað á fundinum með
Sharon að Bandaríkjastjórn væri andvíg því
að Ísraelar gerðu árás á Arafat eða rækju
hann í útlegð.
Arafat óskar eftir aðstoð
Yfirlýsing Sharons er skýrasta vísbend-
ingin til þessa um að ísraelsk stjórnvöld
kunni að fyrirskipa árás á Arafat sem hefur
ekki getað farið út úr höfuðstöðvum sínum í
Ramallah á Vesturbakkanum í rúm tvö ár
vegna umsáturs Ísraelshers.
Arafat hringdi í gærkvöldi í leiðtoga
arabalanda og Evrópuríkja og óskaði eftir
aðstoð þeirra.
„Sharon hefur þegar ákveðið að gera árás
á Arafat,“ sagði Saeb Erakat, aðalsamn-
ingamaður Palestínumanna. „Það myndi
leiða til enn meira ofbeldis og blóðsúthell-
inga.“
Arafat rak 20 herskáa Palestínumenn úr
höfuðstöðvum sínum í fyrradag þar sem
hann óttaðist að Ísraelar væru að undirbúa
árás á bygginguna.
Reuters
Sharon forsætisráðherra og Yasser Arafat.
Arafat „nýt-
ur ekki leng-
ur friðhelgi“
Sharon kveðst ekki bund-
inn af loforði við Bush um
að hlífa Arafat við árás
Jerúsalem. AFP, AP.
NEFND sem menntamálaráðherra skipaði til
að fjalla um eignarhald á fjölmiðlum, kemst að
þeirri niðurstöðu að íslenski fjölmiðlamarkaður-
inn beri ýmis óæskileg einkenni samþjöppunar
og mælir með að brugðist verði við með löggjöf.
Tillögur nefndarinnar byggjast m.a. á ákvæðum
Mannréttindasáttmála Evrópu og tilmælum
Evrópuráðsins, sem nefndin segir að leggi þjóð-
réttarlegar skyldur á íslensk stjórnvöld að leita
leiða til að tryggja fjölbreytni í fjölmiðlum.
Efa að fjölbreytni sé nægilega tryggð
Í greinargerðinni segir að í ljósi þessara
skuldbindinga og tilmæla virðist eignarhald á
fjölmiðlafyrirtækjum og eignatengsl vera þann-
ig að draga megi í efa að fjölbreytni í fjölmiðlum
sé nægilega tryggð hér til lengri tíma litið.
„Það er því skoðun nefndarinnar að af fram-
angreindum viðhorfum Evrópuráðsins og al-
mennum viðhorfum um vernd pólitískrar og
menningarlegrar fjölbreytni leiði, að það hljóti
að teljast afar æskilegt að löggjafinn bregðist
við þessu með lagasetningu, einkum þannig að
settar verði reglur sem miði að því að hamla
gegn óæskilegum áhrifum samþjöppunar sem
þegar er til staðar á fjölmiðlamarkaði og einnig
til að hamla frekari samþjöppun á þessum
markaði í framtíðinni,“ segir í greinargerðinni.
Leggur nefndin til að skoðað verði hvort setja
eigi sérstök ákvæði í samkeppnislög sem taki til
fjölmiðla. Í fyrsta lagi að fyrirtækjum í dag-
blaðaútgáfu, hljóðvarps- og sjónvarpsrekstri
verði gert að veita nákvæmar upplýsingar um
eignarhald á þeim og fyrirtækjum og félögum
sem eiga í fyrirtækjum í fjölmiðlarekstri. Þá
nefnir nefndin þann kost að samkeppnisyfirvöld
geti bannað slíkar breytingar leiði þær til sam-
þjöppunar á eignarhaldi eða breytinga á gerð
fjölmiðlamarkaðarins, sem geti gengið gegn
markmiðinu um fjölbreytni. Í þriðja lagi verði
hugað að þeim kosti að samkeppnisyfirvöld fái
heimildir til að setja skorður við því að fyrirtæki
í öðrum rekstri eignist hlut í fjölmiðlafyrirtæki.
Markmiðum ekki náð án afturvirkni
Tekur nefndin fram í umfjöllun um setningu
sérstakra reglna um eignarhald á fjölmiðlum, að
„sé litið til aðstæðna á markaði á Íslandi er ljóst
að markmiðum beinna reglna um takmarkað
eignarhald eða útbreiðslu yrði ekki náð að öllu
leyti nema þær yrðu afturvirkar. Með aftur-
virkni er hér átt við að í þeim þyrfti að gera ráð
fyrir að heimilt yrði samkvæmt reglunum að
gefa fyrirmæli um að uppbygging á íslenskum
fjölmiðlamarkaði yrði brotin upp og fyrirtækj-
um gert að laga sig að þeim takmörkunum sem
beinar reglur um takmarkanir á eignarhaldi
kynnu að fela í sér,“ segir í greinargerðinni.
Brugðist verði við sam-
þjöppun með löggjöf
Fjölmiðlanefnd segir
ríki skylt að þjóðarétti
að tryggja fjölbreytni
í fjölmiðlum
KARLAHÓPUR Femínistafélags
Íslands stendur þessa dagana fyr-
ir átakinu Karlmenn segja NEI
við nauðgunum. Í gær voru þeir
fyrir utan áfengisverslanir og
dreifðu barmmerkjum og ræddu
við karla um nauðganir og
reyndu að virkja krafta þeirra í
baráttu gegn ofbeldi á konum.
Morgunblaðið/Sverrir
Nei við nauðgunum
JOSÉ Luis Rodriguez Zapatero, for-
sætisráðherra Spánar, sagði í gær að
ofbeldi gegn konum væri mesta
„þjóðarskömm“ Spánverja og stjórn
hans boðaði aðgerðir til að vernda
fórnarlömb ofbeldisins.
Stjórn Sósíalistaflokksins sam-
þykkti drög að áætlun um aðgerðir
gegn ofbeldinu. Jesus Caldera fé-
lagsmálaráðherra sagði að nær 600
spænskar konur hefðu dáið af völdum ofbeldis eig-
inmanna eða fyrrverandi maka á síðustu átta árum, þar
af nær 100 í fyrra. Samkvæmt opinberum rannsóknum
mætti gera ráð fyrir að um tvær milljónir kvenna á
Spáni sættu ofbeldi og kúgun.
Caldera skýrði ennfremur frá því að stjórnin hygðist
setja reglur um notkun kvenlíkamans í auglýsingum og
sagði að auglýsingarnar gætu stundum stuðlað að of-
beldi gegn konum. Opinberum stofnunum og kvenrétt-
indahreyfingum verður gert kleift að óska eftir að hætt
verði að sýna auglýsingar sem taldar eru geta stuðlað
að ofbeldi.
Stjórnin hyggst ennfremur skipa sérstaka rannsókn-
ardómara sem eiga að fjalla um ofbeldi gegn konum.
Zapatero
Madríd. AFP, AP.
Ofbeldið „þjóðarskömm“
TALIÐ er að allt að 150
manns hafi látið lífið þegar
lestarvagnar hlaðnir dýna-
míti sprungu í loft upp við
lestastöð í Norður-Kóreu í
fyrradag, að því er bresk
stjórnvöld skýrðu frá í gær-
kvöldi.
Suður-kóreska fréttastofan
Yonhap hafði eftir sjónarvott-
um að allar byggingar innan
500 metra radíuss frá slys-
staðnum hefðu eyðilagst.
Rauði krossinn sagði að yf-
ir 8.000 íbúðir eða herbergi
hefðu eyðilagst eða skemmst
og tólf opinberar byggingar
væru rústir einar.
Sprengingin varð þegar
lestarvagnar hlaðnir dýna-
míti fóru á hliðarspor og rák-
ust á rafmagnslínur.
Stjórnvöld í Norður-Kóreu
óskuðu í gær formlega eftir
aðstoð Sameinuðu þjóðanna
vegna sprengingarinnar.
Allt að 150
fórust í
N-Kóreu
Dandong. AFP.