Morgunblaðið - 24.04.2004, Qupperneq 10

FRÉTTIR
10 LAUGARDAGUR 24. APRÍL 2004 MORGUNBLAÐIÐ
DAVÍÐ Oddsson forsætisráðherra
sagði á Alþingi í gær að það væri ekk-
ert óvenjulegt við það að ríkisstjórnin
hefði svonefnda fjölmiðlaskýrslu á
sínu borði í hálfan mánuð áður en hún
yrði sett út í opinbera umræðu. Sagði
hann út í hött að gera það tortryggi-
legt. „Þetta mál er til meðferðar í rík-
isstjórn og ég á ekki von á öðru en að
ríkisstjórnin vilji að það fái þinglega
meðferð.“
Davíð sagðist gera ráð fyrir að slíkt
frumvarp yrði lagt fram og ef það
gerðist myndi þingið afgreiða það og
taki sér til þess þann tíma sem það
þyrfti.
Kristinn H. Gunnarsson, þingmað-
ur Framsóknarflokksins, sagði að ef
ætlunin væri að setja löggjöf um
eignarhald í atvinnulífinu þyrfti að
vega það og meta á hvaða sjónarmið-
um reisa ætti slíka löggjöf. „Ég vil
[...]vara við því að menn fari af stað í
löggjöf af þessu tagi á grundvelli ann-
arra sjónarmiða en málefnalegra og
almennra. Við getum ekki stjórnast
af afstöðu okkar til einstakra fyrir-
tækja.“ Sagði hann þingmenn flokks-
ins ekki hafa séð fjölmiðlaskýrsluna
Tilefni þessara ummæla var fyrir-
spurn Össurar Skarphéðinssonar,
formanns Samfylkingarinnar, til
Davíðs Oddssonar um fyrrgreinda
fjölmiðlaskýrslu og frumvarp for-
sætisráðherra um eignarhald á fjöl-
miðlum. Skýrslan, sem samin var af
nefnd menntamálaráðherra um eign-
arhald á fjölmiðlum og frumvarpið
voru kynnt á ríkisstjórnarfundi á
þriðjudag. „Hér er um að ræða
grundvallaratriði sem skiptir miklu
máli að fái góða umfjöllun af hálfu
háttvirts Alþingis,“ sagði Össur og
benti á að aðeins örfáir dagar væru
eftir af þinginu. Spurði hann for-
sætisráðherra hvenær hann hygðist
leggja fram frumvarpið og ennfrem-
ur hvort sátt væri um það innan
stjórnarflokkanna.
Þingið taki sinn tíma
Í svari Davíðs við fyrirspurn Öss-
urar kom fram, eins og áður sagði, að
skýrslan væri til meðferðar í ríkis-
stjórninni. Beindi hann síðan spjótum
sínum að Samfylkingunni og sagði
hún væri þeirrar náttúru að geta
fjallað um skýrslur sem þessar, upp á
180 síður, án þess að hafa séð þær.
Sagði hann í þessu sambandi að
Bryndís Hlöðversdóttir, þingmaður
Samfylkingarinnar, hefði til að
mynda sagt í fjölmiðlum að nefnd um
eignarhald á fjölmiðlum hefði koll-
varpað málflutningi stjórnarflokk-
anna um nauðsyn lagasetningar.
„Þann 15. apríl getur fyrrverandi for-
maður þingflokks Samfylkingarinnar
tjáð sig í bak og fyrir um skýrslu sem
hún hefur aldrei séð,“ sagði Davíð.
„Það er afskaplega góður eiginleiki í
stjórnmálaflokki að geta gert þetta
með þessum hætti. Hann þarf ekki að
fá neina skýrslu. Við í ríkisstjórninni
erum hins vegar háð þeim annmarka
að við þurfum að lesa skýrslur af
þessu tagi og síðan þurfum við að
semja frumvörp í kjölfarið ef þess er
þörf. Ég get upplýst það hér fyrst um
er spurt að nefndin telur þess fulla
þörf að það verði gert. Ég geri ráð
fyrir að slíkt frumvarp verði lagt
fram og ég geri ráð fyrir því að þingið
afgreiði það ef það kemur fram og
taki sér til þess þann tíma sem það
þarf.“
Mörður Árnason, þingmaður Sam-
fylkingarinnar, kom næstur í pontu
og sagði svör forsætisráðherra ein-
kennileg. „Nefndin hefur skilað áliti
sínu, það hefur legið hjá ráðherran-
um og ráðherrunum, hæstvirtum öll-
um, nú í hálfan mánuð, rúmlega það.
Það hefur lekið út af því nánast þann-
ig að manni finnst eins og um skipu-
legan leka sé að ræða.“ Sagði hann
síðan að fjölmiðlaskýrslunni og frum-
varpsdrögum ráðherra væri skipu-
lega haldið frá umræðu í landinu.
Össur kom einnig aftur í pontu og
sagði að forsætisráðherra hefði ekki
getað svarað spurningum sínum um
skýrsluna og frumvarpið. Sagði hann
það varpa ákveðinni birtu á vinnu-
brögð ráðherra í málinu. „Það hefur
berlega komið fram að það er mikil
ólga innan hins stjórnarflokksins
vegna vinnubragða hæstvirts for-
sætisráðherra,“ sagði Össur. „Hæst-
virtur forsætisráðherra hefur unnið
þetta fram hjá Framsóknarflokkn-
um. Ráðherrar Framsóknarflokksins
hafa ekki fengið að sjá þessa skýrslu
áður en frumvarpið verður lagt fram.
Háttvirtur þingmaður Kristinn H.
Gunnarsson sem hér er staddur í
salnum hefur sagt í fjölmiðlum að það
sé alls ekki víst að þingmenn Fram-
sóknarflokksins muni veita afbrigði
til að hægt sé að vinna þetta frum-
varp.“
Síðan sagði Össur: „Það sem skipt-
ir þó mestu máli, herra forseti, er
sómi og virðing Alþingis. Hér er um
að ræða mál sem varðar grundvall-
aratriði um aðkomu löggjafans að at-
vinnulífinu og það hlýtur að vera
frumréttur og krafa hins háa Alþing-
is að það fái nægan tíma til að leita
samráðs og til að kanna jafndjúptækt
mál og þetta.“ Spurði hann síðan
hvort ríkisstjórn ætlaði enn einu sinni
að beita ofbeldi til að ná fram vilja
sínum í þessu máli. „Mig langar líka
til að spyrja, herra forseti, af því að
hér eru margir þingmenn Framsókn-
arflokksins: Ætlar Framsóknar-
flokkurinn virkilega að láta beygja
sig til hlýðni enn einu sinni, líka í
þessu máli ofan á önnur?“
Ekkert kemur á óvart
Eftir þessi ummæli kom Davíð aft-
ur í ræðustól. Benti hann m.a. á að
framkvæmdastjóri þingflokks Fram-
sóknarflokksins, Pétur Gunnarsson,
hefði átt sæti í fjölmiðlanefndinni
„þannig að eitthvert tal um að ekki
hafi verið tengsl við hinn stjórnar-
flokkinn, þegar framkvæmdastjóri
sjálfs þingflokksins situr í nefndinni,
er auðvitað algjörlega út í hött.“
Davíð beindi síðan spjótum sínum
aftur að Samfylkingunni. „Það sem
hefur hins vegar komið mér á óvart
er að Samfylkingin, án þess að hafa
séð málið; kynnt sér skýrslu upp á
180 síður, skuli bersýnilega leggjast
svona gegn málinu fyrir fram. Ég
hlustaði, að vísu úr fjarlægð, á brot úr
stefnuræðu Samfylkingarinnar fyrir
síðustu kosningar í Borgarnesi frá
sjálfu forsætisráðherraefninu mikla
og þar var auðvitað ákveðið að það
ætti að skipa sérstakan verndarhring
í kringum þrjú fyrirtæki, fyrirtæki
Jóns Ólafssonar, Baugs og Kaup-
þings þannig að það er ekkert sem
kemur manni á óvart í viðbrögðum
Samfylkingarinnar.“
Bíði með afstöðu til málsins
Einn þingmaður Framsóknar-
flokksins, Kristinn H. Gunnarsson,
blandaði sér inn í umræðuna og sagði
að sér fyndist það ekki vera stóra
málið að forsætisráðherra hefði
kynnt drög að frumvarpi um fjöl-
miðla í ríkisstjórn. „Það er út af fyrir
sig eðlilegur gangur að ríkisstjórnin
taki upp mál og ræði þau í sinn hóp,“
sagði hann. „Það er ekki stóra málið,“
bætti hann við. „Ég vil hins vegar láta
það koma fram, vegna þess að hér var
sagt frá því að fulltrúi Framsóknar-
flokksins í nefndinni hefði verið og
væri skrifstofustjóri þingflokks
Framsóknarflokksins, að hann situr
ekki í nefndinni sem fulltrúi þing-
flokksins. Þingmenn hafa ekki fengið
að sjá þessa skýrslu og voru ekki
hafðir með í ráðum við að gera þessa
skýrslu svo mér sé kunnugt um. Ég
hef ekki séð hana og veit ekkert um
hana annað en það sem í fjölmiðlum
hefur birst ef það er á annað borð rétt
sem þar hefur komið fram. Fulltrúi
Framsóknarflokksins í nefndinni var
fulltrúi ríkisstjórnarinnar, vann fyrir
ráðherra okkar í ríkisstjórninni og
skilar af sér gagnvart þeim.
Ég tel eðlilegt að bíða með afstöðu
til málsins almennt þar til maður hef-
ur upplýsingarnar sem eiga að vera
grundvöllur málefnalegrar umræðu.
Við þurfum auðvitað, ef við erum að
íhuga það á háttvirtu Alþingi að setja
löggjöf um tiltekið málefni, mikils-
vert málefni eins og eignarhald í at-
vinnulífinu, að vega það og meta á
hvaða sjónarmiðum við eigum að
reisa slíka löggjöf. Það verður ekki
kastað til þess á nokkrum dögum að
hrófla saman einhverri löggjöf um
það efni.“
Kristinn spurði síðan hvort ástæða
væri til að taka eitt svið atvinnulífsins
út úr og skilja önnur eftir. „Það er
mikið eftir órætt í þessu máli, herra
forseti, ef og þegar málið kemur til
kasta þingsins á þessu vori. En ég
kvíði því ekki að góðar umræður geti
ekki orðið um það mál í fyllingu tím-
ans. Ég vil hins vegar vara við því að
menn fari af stað í löggjöf af þessu
tagi á grundvelli annarra sjónarmiða
en málefnalegra og almennra. Við
getum ekki stjórnast af afstöðu okkar
til einstakra fyrirtækja,“ sagði Krist-
inn.
Davíð Oddsson forsætisráðherra á Alþingi í umræðum um fjölmiðlaskýrsluna
Geri ráð fyrir að lagt
verði fram frumvarp
Morgunblaðið/Jim Smart
Davíð Oddsson forsætisráðherra vísaði gagnrýni Össurar Skarphéðins-
sonar formanns Samfylkingarinnar á málsmeðferðina algerlega á bug.
UM þrjátíu bændur stunda nú
selveiðar árlega en þeim fer held-
ur fækkandi, að því er fram kem-
ur í skriflegu svari Guðna
Ágústssonar landbúnaðarráð-
herra við fyrirspurn Ástu R. Jó-
hannesdóttur, þingmanns Sam-
fylkingarinnar. Kemur þar
sömuleiðis fram að um 200 til 300
haustkópar af útsel hafi verið
veiddir undanfarin ár og jafn-
framt að um 250 til 500 kópar af
landsel séu veiddir á ári, en veið-
ar á landselskópum hófust aftur
árið 1990 eftir tíu ára hlé.
4.000–5.000 krónur á skinn
„Flest skinnanna af þeim útsel
(haustkópum) sem veiddur er
fara til sútunar hjá Skinnaiðnaði
á Akureyri og eru keypt af hand-
verksfólki til frekari vinnslu.
Talsvert af kjöti, spiki og hreifum
af þessum kópum fer til mann-
eldis og er það heldur vaxandi.
Auk þessa hefur Hringorma-
nefnd greitt fyrir veidda full-
orðna útseli,“ segir í svarinu.
„Skinn af landsel (vorsel) hafa
verið nýtt af handverksfólki inn-
an lands og er Eggert Jóhanns-
son feldskeri þeirra umsvifamest-
ur. Meiri hluti vorkópaskinnanna
fer þó til útflutnings. Kjöt, hreif-
ar og spik er nýtt í litlum mæli
en það fer þó vaxandi.“
Aukinheldur kemur fram í
svarinu að verð á skinnum af
haustkópum sé um 4.000 kr.
stykkið til bænda og verð á
vorkópaskinnum um 4 til 5.000
kr. stykkið.
Um 30 bændur
stunda selveiðar
MEÐALTEKJUR 75% öryrkja á
mánuði úr lífeyrissjóðum eru
47.943 krónur á mánuði samkvæmt
skattframtölum árið 2003 fyrir
tekjuárið 2002. Um 53% öryrkja fá
greiðslur úr lífeyrissjóði. Þetta
kemur fram í svari fjármálaráð-
herra, Geirs H. Haarde, við fyr-
irspurn Helga Hjörvars, þing-
manns Samfylkingarinar, um kjör
öryrkja. Svarinu hefur verið dreift
á Alþingi.
Í því kemur jafnframt fram að
alls 5.998 75% öryrkjar hafi ekki
notið tekna úr lífeyrissjóði tekju-
árið 2002.
Meðaltekjur öryrkja
úr lífeyrissjóðum
Tæpar 48
þúsund á
mánuðiMEIRIHLUTI félagsmálanefndarAlþingis hefur lagt fram frumvarp
á þingi um um breytingu á lögum
um tekjustofna sveitarfélaga.
Frumvarpið kveður á um að frestur
sveitarfélaganna til að ljúka ein-
setningu grunnskólanna í landinu
verði framlengdur um eitt ár.
Með lögum frá árinu 2002, um
breytingu á lögum um tekjustofna
sveitarfélaga, var ákveðið að veita
samtals 735 milljónir króna á ár-
unum 2002–2005 úr Jöfnunarsjóði
sveitarfélaga til að ljúka átaki til
einsetningar grunnskólans í sveit-
arfélögum með fleiri en 2.000 íbúa.
„Komið hefur í ljós að enn vantar
tæpar 200 millj. kr. upp á að sveit-
arfélög geti lokið framkvæmdum
sem þau eiga rétt á að fá styrktar
samkvæmt reglum sjóðsins. Er því
lagt til að gildistími ákvæðis til
bráðabirgða IV verði framlengdur
um eitt ár, sem felur í sér að lög-
bundið framlag til Lánasjóðs sveit-
arfélaga verði veitt til verkefnisins
líkt og gert hefur verið undanfarin
ár. Komi 200 millj. kr. til greiðslu á
árinu 2005, í stað 135 millj. kr. sam-
kvæmt gildandi lögum, og 135 millj.
kr. á árinu 2006. Frumvarpið hefur
ekki í för með sér útgjaldaaukningu
fyrir ríkissjóð,“ segir í greinargerð
með frumvarpinu.
Langflest sveitarfélög hafa lokið
einsetningu grunnskólanna, en
þetta verkefni hefur kostað millj-
arða.
Frestur til að ein-
setja skólana
lengdur um eitt ár