Morgunblaðið - 23.06.2004, Blaðsíða 18

MINN STAÐUR
18 MIÐVIKUDAGUR 23. JÚNÍ 2004 MORGUNBLAÐIÐ
FURUVELLIR
Vorum að fá í sölu glæsilegt einbýli á
einni hæð með innbyggðum bílskúr á
góðum stað á Völlum í Hafnarfirði. Húsið
er 195,1 fm og bílskúrinn 54,9 fm, samtals
250 fm. Möguleiki á fimm svefnherbergj-
um. Húsið skilast fullbúið að utan (klætt
með Steni) og rúmlega fokhelt að innan, þ.e. búið að einangra og plasta. Þetta er
skemmtilegt hús innst í botnlanga. Verð 21,9 millj.
SUÐURNES
Grindavík | Hráefnin í heilsuvörurnar sem
kenndar eru við Bláa lónið eru unnin þar en
vörurnar eru framleiddar og þeim pakkað í
verksmiðju í Frakklandi. Mikil breyting
verður á aðstöðu til hráefnavinnslunnar
þegar nýtt framleiðsluhús verður tekið í
notkun við Bláa lónið en bygging þess er
hafin.
Heilsuvörurnar hafa verið þróaðar í rúm-
an áratug og kom fyrsta varan á markað ár-
ið 1995. Nú eru um fjörutíu vörur í Blue
lagoon-vörulínunni. Allar eru heilsuvörurnar
byggðar á virkum hráefnum frá Bláa lón-
inu, kísli, salti, blágrænþörungi og jarðsjó.
Dótturfyrirtæki Bláa lónsins, Bláa lónið
heilsuvörur ehf., sér um vinnslu hráefnanna
og hefur það aðstöðu á gamla baðstaðnum.
Hráefni fyrir verksmiðju í Frakklandi
Rannveig Jóhannsdóttir framleiðslustjóri
segir að miklir möguleikar skapist þegar
nýtt 1.500 fermetra framleiðsluhús kemst í
gagnið í byrjun næsta árs. Í húsinu verða
einnig skrifstofur og aðstaða fyrir viðhalds-
deild. Hægt verði að auka gæði hráefnanna
og auka framleiðsluna eftir því sem mark-
aðurinn þróist. Aðstaða verður til að geyma
birgðir af hráefni og fullunnum vörum. Þá
segir hún að vinnuaðstaða starfsfólks batni
til mikilla muna. Loks skapist möguleikar
til þess að vinna hráefnið meira hér heima
en mögulegt hafi verið til þessa. Að sögn
Rannveigar stendur ekki til að flytja fram-
leiðslu heilsuvaranna hingað heim. Um svo
lítið magn sé að ræða að ekki svari kostnaði
að fjárfesta í nauðsynlegri þekkingu og
framleiðslutækjum. Kísillinn er nú grafinn
upp úr námu í hrauninu, hreinsaður og
sendur til verksmiðjunnar í Frakklandi. Í
hálft annað ár hefur verið unnið að til-
raunaverkefni sem gengur út á að skilja
kísilinn beint úr heita vatninu frá orku-
verinu. Rannveig segir að það hafi gefið
góða raun og út úr því komi gott hráefni.
Saltið er nú eimað í sérstökum kerum
sem komið hefur verið upp við gamla bað-
staðinn og í næsta nágrenni við orkuver
Hitaveitu Suðurnesja í Svartsengi. Saltinu
er mokað upp á nokkurra daga fresti, það
þurrkað og malað og síðan sent út til
Frakklands. Það salt sem selt er hér á landi
er pakkað í neytendaumbúðir hjá Bláa lón-
inu.
Blágrænþörungurinn sem litar Bláa lónið
er ræktaður úr jarðsjó hjá fyrirtækinu.
Þörungurinn er tekinn úr tönkunum á
nokkurra daga fresti og er efnið meðhöndl-
að nokkuð áður en það fer til verksmiðj-
unnar úti. Loks er það Bláa lóns jarðsjór-
inn, hann er sendur út á brúsum til
notkunar við framleiðsluna.
Nýir markaðir í athugun
Sala á húðvörunum frá Bláa lóninu hefur
aukist ár frá ári. Mest hefur salan verið í
heilsulindinni sjálfri en töluvert er einnig
selt í lyfjabúðum og öðrum verslunum hér
innanlands. Þá hefur markaður opnast í
Þýskalandi og segir Rannveig að hann lofi
góðu. Fleiri möguleikar eru í athugun.
„Við erum að selja gæðavöru og það tek-
ur sinn tíma að byggja markaðinn upp,“
segir Rannveig Jóhannsdóttir framleiðslu-
stjóri.
Fjörutíu tegundir í Blue lagoon-heilsuvörulínunni
Nota virk hráefni
úr Bláa lóninu
Morgunblaðið/Helgi Bjarnason
Saltmokstur: Halldóra Önundardóttir mokar upp salti sem búið er að eima úr jarðsjónum í
stórum kerum í nágrenni orkuversins. Saltið er notað í heilsuvörur Bláa lónsins.
Blönduós | Þetta grágæsapar með ungana sína 32 spókaði sig í blíðunni á
Blönduósi fyrir skömmu. Gömlu gæsirnar voru ekki hrifnar af því að láta
mynda sig og gáfu það til kynna í orði og æði. Ólíklegt er að parið hafi skil-
að eitt og sér þessum 32 ungum inn í veröldina og líklegast að hjónin hafi
tekið að sér unga annarra gæsa úr nágrenninu og annist þá sem sína eigin.
Vert er að vekja athygli á því að Blönduós er sérlega gæsavænn bær en
gæsirnar ekkert sérstaklega tillitssamar í umferðinni. Kemur það oft og
iðulega fyrir að þær tefji umferð um bæinn, sérstaklega um Norðurlands-
veg. Þannig háttar til að grasið er jafn grænt sunnan og norðan þjóðvegar
og því eru ferðir gæsa með unga tíðar yfir þennan fjölfarna veg milli lög-
reglustöðvar og sjúkrahúss. Þótt það sé ekki einbeittur vilji grágæsanna á
að hægja á umferðinni þá gegna þær sama hlutverki og lögreglan á
Blönduósi – að draga úr umferðarhraða.
Morgunblaðið/Jón Sigurðsson
Stór fjölskylda
LANDIÐ
Eskifjörður | Hann Hákarla-
Guðjón er sjötíu og sjö ára gamall
og lætur sig ekki muna um að fara
á fætur klukkan fimm á hverjum
morgni og beita sex línur í skúrn-
um í striklotu. Guðjón gerir út
trillu ásamt Stefáni syni sínum og
línurnar þurfa að vera klárar fyrir
róður.
Guðjón hefur fengist við hákarla-
veiðar í hálfa öld og þannig varð
nafnið Hákarla-Guðjón til.
Morgunblaðið/Helgi Garðarsson
Hákarla-Guðjón
stendur sína plikt
Selfoss | Lögreglustjórarnir á Suður-
landi – í Vík, á Hvolsvelli og á Selfossi
ætla að auka samstarf milli embætta
sinna í sumar. Löggæsla á hálendinu
verður efld. Samstarf lögreglustjór-
anna þriggja hefur farið vaxandi á
undanförnum árum og miðar að því
að nýta betur mannafla og fé og auka
um leið löggæslu á Suðurlandi.
Megintilgangur með samstarfinu
er að styrkja og efla löggæsluna á
Suðurlandi, bæta nýtingu þeirra fjár-
muna sem varið er til löggæslu á Suð-
urlandi, tryggja enn betur en verið
hefur öryggi íbúanna í Árnes-, Rang-
árvalla- og Vestur-Skaftafellssýslu og
að efla eftirlit á hálendi Suðurlands.
Eftirliti verður sinnt með þeim
hætti að ekki verður hægt að gera ráð
fyrir því á ákveðnum dögum vikunnar
eða ákveðnum tíma dags. Eftirlit
beinist að ástandi ökumanna og öku-
tækja, hraða og utanvegaakstri svo
fátt eitt sé nefnt.
Fylgst verður með þeim stöðum á
hálendinu þar sem búast má við að
fólk safnist saman. Sérstök áhersla er
lögð á að ölvunarakstur er ávallt
bannaður og að auki stórhættulegur,
jafnt á hálendinu sem annars staðar.
Aukin löggæsla
á hálendinu
Ljósmynd/Sigurður Jónsson
Sýslumennirnir á Suðurlandi og næstu yfirmenn kynntu ný markmið um
aukna löggæslu lögregluembættanna á Suðurlandi.
Hveragerði | Metaðsókn er að Garð-
yrkjuskóla ríkisins, Reykjum í Ölf-
usi því um 50 nemendur hafa verið
teknir inn í nám á starfsmennta-
brautum skólans árin 2004–2006.
Á sérstökum nýnemadegi nýver-
ið kom hópurinn saman þar sem
starfsemi skólans var kynnt fyrir
væntanlegum nemendum. Fjallað
var almennt um skólastarfið, farið
yfir reglur varðandi plöntusafnið
og um dagbókina og verknámið.
Flestir nemendurnir eru innritaðir
á garðplöntubrautina, eða tuttugu
talsins, síðan kemur blómaskreyt-
ingabrautin, þá skrúðgarð-
yrkjubrautin og loks ylrækt-
arbrautin. Litlar líkur eru á að
kennt verði á umhverfisbraut og
skógræktarbraut í næsta árgangi
þar sem of fáar umsóknir bárust
um það nám.
Skólastarfið hefst formlega
föstudaginn 3. september.
Aðsókn mikil að Garðyrkjuskólanum