Lesbók Morgunblaðsins - 05.07.2003, Blaðsíða 13

LESBÓK MORGUNBLAÐSINS ˜ MENNING/LISTIR 5. JÚLÍ 2003 13
TÓNLISTARHÁTÍÐIN í Reykholti verður
haldin í sjöunda sinn dagana 25.–27. júlí næst-
komandi í Reykholtskirkju. Stjórnandi hátíð-
arinnar er sem fyrr Steinunn Birna Ragnars-
dóttir píanóleikari.
Að þessu sinni flytja tónlistina Brindisi-tríóð
frá Englandi og Eþos-kvartettinn íslenski.
Brindisi-tríóið er skipað Jackie Shave, Car-
oline Palmer og Michael
Stirling en Eþos-kvart-
ettinn skipa Auður Haf-
steinsdóttir, Greta Guðna-
dóttir, Guðmundur
Kristmundsson og Bryndís
Halla Gylfadóttir. Þá mun
Jens Krogsgaard frá Kon-
unglega leikhúsinu í Kaup-
mannahöfn koma fram á
ljóðatónleikum ásamt Stein-
unni Birnu Ragnarsdóttur.
Á fyrstu tónleikum hátíð-
arinnar, föstudaginn 25. júlí
kl. 21, verða eingöngu flutt
verk eftir Franz Schubert.
Flytjendur eru Ásdís Valdi-
marsdóttir víóla, Steinunn
Birna Ragnarsdóttir, píanó
og Eþos- kvartettinn.
Tvennir tónleikar verða á
laugardeginum: Ljóðatón-
leikar kl. 15, fyrir sópran og
píanó, þar sem Jens
Krogssgaard tenór ásamt
Steinunni Birnu flytja hefð-
bundin ljóð auk norrænna verka. Seinni tón-
leikarnir verða kl. 21. Þá mun Brindisi-tríóið
flytja tríó í d-moll op. 120 eftir Gabriel Fauré,
eftir Mozart í G-dúr K 564 og eftir Brahms í B-
dúr op 8. Lokatónleikarir verða sunnudaginn
27. júlí kl. 16. Frumflutt verður nýtt íslenskt
verk eftir Hildigunni Rúnarsdóttur við texta
eftir Snorra Sturluson. Verkið er fyrir sópran,
píanó og selló. Einnig verður flutt píanótríó
eftir Joseph Haydn, strengjatríó eftir
Dohnányi auk píanókvartetts í c-moll eftir
Brahms.
Flytjendur eru Hulda Björk Garðarsdóttir
sópran, Auður Hafsteinsdóttir, Bryndís Halla
Gylfadóttir, Steinunn Birna Ragnarsdóttir.
Ásdís Valdimarsdóttir og Brindisi-tríóið.
Brindisi-tríóið
og fleiri á Reyk-
holtshátíðinni
Steinunn Birna
Ragnarsdóttir
Hildigunnur
Rúnarsdóttir
SAUTJÁNDA starfsár Sumartónleika í Akur-
eyrarkirkju er að hefja göngu sína og verða
fyrstu tónleikarnir á sunnudag. Tónleikarnir
verða fimm talsins og eru haldnir kl. 17 alla
sunnudaga í júlí og fyrstu helgina í ágúst.
Fluttar verða ýmsar tegundir tónlistar allt frá
miðaldatónlist til útsetninga á þjóðlögum og
dægurlögum. Allir tónlistarmennirnir eru ís-
lenskir nema einn sem kemur frá Danmörku.
Tónleikarnir standa í eina klukkustund án hlés
og hefur aðgangur alltaf verið ókeypis
Voces Thules á fyrstu tónleikunum
Á fyrstu tónleikunum kemur fram sönghóp-
ur Voces Thules með Björn Steinar Sólbergs-
son sér við hlið og flytja bæði samtíma- og mið-
aldatónlist. Þeir fluttu svipaða efnisskrá hjá
Listvinafélagi Hallgrímskirkju í apríl sl.
Voces Thules hafa undanfarið tekið virkan
þátt í þeirri leit, sem nú fer fram í tengslum við
„týnda“ tónlist sem leynist innan um ritaðan
texta íslensku handritanna og hafa þeir unnið
að því að hljóðrita Þorlákstíðir úr handriti um
1400, þar sem sungið er um eina dýrling Ís-
lendinga, Þorlák biskup Þórhallsson. Hér er
um fjóra geisladiska að ræða sem líta dagsins
ljós í hátíðarbúningi í lok árs 2003.
Páll og Monika flytja nýja efnisskrá
Aðrir tónleikarnir verða haldnir 13. júlí og
þá munu þau Páll Óskar Hjálmtýsson og Mon-
ika Abendroth hörpuleikari leika og syngja
nýja efnisskrá. Þau munu einnig verða í
Reykjahlíðarkirkju við Mývatn laugardaginn
12. júlí.
Næstur er organistinn Lars Frederiksen
sem kemur frá Frúarkirkjunni í Óðinsvéum í
Danmörku. Hann mun leika verk eftir Buxteh-
ude, Raasted, Langgaard og Reger. Lars mun
einnig leika á Sumarkvöldi við orgelið í
Hallgrímskirkju. Síðustu helgina í júlí mun
Björn Steinar Sólbergsson leika öll orgelverk
Páls Ísólfssonar en í október eru liðin 110 ár
frá fæðingu Páls. Björn Steinar mun hljóðrita
öll orgelverk hans á haustdögum og verður
hún tilbúin á geislaplötu fyrir jólin. Þessa efn-
isskrá mun Björn Steinar einnig leika í Hall-
grímskirkju og Selfosskirkju í september.
Síðustu tónleikahelgina um verslunar-
mannahelgina munu þau Magnea Tómasdóttir
sópran og Guðmundur Sigurðsson organisti í
Bústaðakirkju flytja íslensk þjóðlög við
Passíusálma Hallgríms Péturssonar (1614–
1674) og við ljóð annarra höfunda og einnig
verða leiknir stuttir sálmforleikir eftir J.S.
Bach og orgelverkið Veni Creator eftir Nicolas
de Grigny.
Morgunblaðið/Sigurður Jökull
Sönghópurinn Voces Thules kemur fram á fyrstu tónleikum Sumartónleika í Akureyrarkirkju að þessu sinni.
Fjölbreytt efnisskrá á Sumartón-
leikum í Akureyrarkirkju
SUMARÓPERA Reykjavíkur æfir um þessar
mundir óperuna Krýning Poppeu eftir Claud-
io Monteverdi og áætlar frumsýningu 15.
ágúst á Nýja sviði Borgarleikhússins. Þetta er
annað starfsár Sumaróperunnar en hún tók til
starfa í fyrrasumar með sýningum á Dido og
Eneasi eftir Purcell og hlaut fyrir mikið lof
gagnrýnenda. Líkt og í fyrra voru haldin
áheyrnarpróf og að sögn Hrólfs Sæmunds-
sonar barítonsöngvara og stjórnanda Sumar-
óperunnar spreytti stór hópur frábærra
söngvara sig sem gerði valið afar erfitt. Að-
spurður hvað stýri verkefnavali Sumaróper-
unnar segir Hrólfur að reynt sé að plægja
annan akur en t.d. Íslenska óperan, þó vissu-
lega skarist það alltaf eitthvað. „Við viljum
vera með annars konar verk en Íslenska óper-
an, hún hefur t.d. ekki verið mikið í barokk-
inu, og eins í framtíðinni viljum við jafnvel
flytja nútímaverk,“ segir Hrólfur.
Krýning Poppeu var síðasta ópera Monte-
verdis og af mörgum talin hans besta. Segja
má að hún sé hápunktur tónritunar endur-
reisnartímabilsins, en hún var jafnframt
fyrsta óperuverkið sem hafði sögulegar per-
sónur í aðalhlutverkum. Verkið rekur sögu
Nerós Rómarkeisara og ástkonu hans Poppeu.
„Þessi ópera er grundvallarverk í óperusög-
unni. Þetta er ofboðslega falleg tónlist auk
þess sem söguþráðurinn er afar áhugaverður
og höfðar að mínu mati til nútímamannsins.
Hún fjallar um ástir, svik og undirferli og gæti
alveg eins gerst á Kaffibarnum í dag eins og í
Róm til forna. Textinn er óvenjuvel skrifaður
af óperu að vera, en verkið tekur á viðfangs-
efnum af mikilli dirfsku,“ segir Hrólfur og
heldur áfram: „Krýning Poppeu markaði í
raun þáttaskil í óperugerð þar sem þetta er
eiginlega fyrsta alvöru óperan. Þetta er of-
boðslega aðgengileg og falleg tónlist. Óperan
er ekki þung þannig að hún ætti að höfða til
allra, líka þeirra sem ekki eru vanir að sækja
óperur.“ Sýningin verður flutt á frummálinu,
ítölsku, en textanum er komið til skila þannig
að allir skilji. Með þessu vilja aðstandendur
sýningarinnar höfða jafnt til Íslendinga sem
og menningarþyrsta ferðamanna.
Aðspurður um gildi Sumaróperunnar fyrir
unga söngvara svarar Hrólfur því til að bæði
skapi hún fleiri atvinnutækifæri hérlendis auk
þess sem hún breikki flóruna sem fyrir er.
Sumaróperan hefur vakið athygli út fyrir
landsteinana og í júlí-hefti Opera Now, sem er
útbreiddasta óperutímarit heims, má finna
grein eftir Neil Jones þar sem hann fjallar
m.a. um starfsemi Sumaróperunnar. Von er á
grein um Sumaróperuna í tímaritinu Early
Music Review. „Þegar ég hafði samband við
útgefandann til þess að kaupa réttinn af nót-
unum þá fannst honum þessi nálgun okkar svo
áhugaverð að hann vildi ólmur skrifa um
þetta í Early Music Review, tímaritinu sem út-
gáfan gefur út. Það hefur náttúrlega mjög
mikla þýðingu að fjallað sé svona um okkur,
því þetta færir Sumaróperuna á hið al-
þjóðlega kort óperuheimsins,“ segir Hrólfur.
Sjö manna hljómsveit mun sjá um hljóð-
færaleik á sembal, lútu og strokhljóðfæri en
hljómsveitarstjóri verður Edward Jones sem
er einn fremsti barokkóperustjórnandi heims
af sinni kynslóð. Leikstjórnin verður í höndum
Magnúsar Geirs Þórðarsonar en Snorri Freyr
Hilmarsson hannar leikmynd og búninga
ásamt Maríu Ólafsdóttur. Þrettán söngvarar
taka þátt í uppfærslunni og skipta með sér
sautján hlutverkum. Meðal söngvara má
nefna Valgerði Guðnadóttur, sópran, Hrólf
Sæmundsson, baríton, Nönnu Hovmand,
danskan mezzosópran, Ingu Björgu Stef-
ánsdóttur, kontraalt, Owen Willetts, breskan
kontratenór og Hrafnhildi Björnsdóttur, sópr-
an.
Sumarópera Reykjavíkur æfir um þessar mundir Krýningu Poppeu eftir Claudio Monteverdi
Morgunblaðið/Jim Smart
Úr uppfærslu Sumaróperu Reykjavíkur á Dido og Eneasi frá því í fyrra sem hlaut mikið lof gagnrýnenda.
Ástir,
svik og
undirferli