Íslendingaþættir Tímans - 11.05.1972, Blaðsíða 23
80 ára
Jóhanna Kristjánsdóttir
Hinn 6. janúar siðastliðinn átti frú
Jóhanna Kristjánsdóttir 80 ára
afmæli. I tilefni þess langar mig til að
senda henni kveðjur og árnaðaróskir
með von um að viö, sem höfum kynnzt
henni, fáum að njóta samvista við
hana sem allra lengst.
Á æskuárum minum kynntist ég
henni vel og heimili hennar norður i
Siglufirði, en i nokkur ár áttum við
heima i sama húsi. Þar kynntist ég
yngsta syni hennar, Hilmari, en viö
urðum góðir vinir, og var ég daglegur
gestur heima hjá honum. Þar var oft
glatt á hjalla og margt brallað, sem
stráka er siður, en öllu tók Jóhanna
með mesta umburðarlyndi. Þar
kynntist ég dugnaði Jóhönnu og fórn-
fýsi vegna barna sinna. Það er ekki
svo litið þrek, sem þarf til að koma 13
börnum jafnvel til manns og henni
tókst með guðs hjálp, og sá hluti ævi
hennar gæti orðið efni i stóra bók, en
börnin sjálf og afkomendur Jóhönnu
og Þorkels manns hennar vitna bezt
um það sjálf, en öll eru þau dugnaðar-
og atorkufólk og öörum til fyrir-
myndar.
Jóhanna fæddist i Aðalvik i Sléttu-
hreppi. Foreldrar hennar voru hjónin
Hansina Finnsdóttir og Kristján
Jóhannesson. Arið 1910 giftist hún Þor-
keli Sigurðssyni Svarfdal skipstjóra.
Fyrstu þrjú árin bjuggu þau á
æskuslóðum Þorkels á Dalvik, en flutt-
ust þá til Siglufjarðar. Þar gerði Þor-
kell út og var skipstjóri i fjölda mörg
ár, fengsæll og dugnaðarmaður, mjög
vel látinn af öllum, sem honum kynnt-
ust og mörgum harmdauði er hann féll
frá á bezta aldri. Mér verður hann ætið
minnisstæður, vegna þess hvað hann
var barngóður og alltaf kátur og létt-
ur, söng oft hástöfum, er hann var að
undirbúa sig i róðra.
Jóhanna missti mann sinn árið 1939,
hefur það orðið henni mikið áfall, þvi
þau hjón voru mjög samhent um upp-
eldi barna sinna. Það hefur þurft mik-
inn kjark og dugnað til þess að koma
svo stórum barnahópi upp eftir að
eiginmaðurinn var fallinn frá. Ekki
voru þá tryggingar til hjálpar eins og
þær siðar urðu. Jóhanna hefur ætið
verið glæsileg kona, frið sýnum og
tiguleg i framkomu. Það veit ég, að
það sem veitir henni mesta gleði i lif-
inu i dag er gott gengi barna hennar og
islendingaþættir
barnabarna. Aldur sinn hefur Jóhanna
ætið borið það vel, aö ég hefi alltaf
álitið hana miklu yngri en kirkjubækur
segja til um.
Ég vil þakka þér, Jóhanna, alla
gestrisni og góðvild, er ég varð ætið
aðnjótandi á heimili þinu, og óska þér
og þinum alls velfarnaðar á ókomnum
árum.
Um fjölda ára hefur Jóhanna verið
hjá dóttur sinni Hansinu og tengda-
syni, Einari ólafssyni, Fifuhvamms-
vegi 31 i Kópavogi. Þau hafa reynzt
hennivelog Einar verið henni ágætur
tengdasonur.
Afkomendur Jóhönnu og Þorkels
munu vera á annað hundrað. Börn
þeirra eru: Elinora hjúkrunarkona,
gift Hjörleifi Magnússyni fulltrúa, bú-
sett á Siglufirði, Margrét, gift dönsk-
um manni, búsett i Danmörku,
Kristján vélstjóri, kvæntur Rannveigu
Kristjánsdóttur, búsettur i Kópavogi,
Páll prentari, kvæntur Svövu Ara-
dóttur, búa þau i Reykjavik, Axel skip-
stjóri, kvæntur Jóninu Hansen, einnig
búsett i Reykjavik. Albert bakara-
meistari, kvæntur Sigriði Guð-
mundsdóttur, búa i Borgarnesi, Sig-
urður prentari, kvæntur Kristrúnu
Jóhönnu Ásgeirsdóttur, búsett
i Hafnarfirði, Július skipstjóri,
kvæntur Mariu Einarsdóttur, eiga
heima á Siglufiröi, Hansina, gift Ein-
ari Ólafssyni verzlunarstjóra, búa i
Kópavogi, Hilmar bakarameistari,
kvæntur Sigriöi Guðlaugsdóttur,
einnig i Kópavogi, Inga, var gift
Hilmari Guðlaugssyni prentara, bú-
sett i Reykjavik, Elisabet, gift banda-
riskum manni, eiga þau heima á
Flórida i Bandarikjunum, Jóhanna
gift Páli Jónssyni verkstjóra, eru þau
búsett á Akureyri.
Karl Einarsson.
Sveinn
Framhald af bls. 24
verður það að teljast illa farið. Má vis-
lega ætla, að t.a.m. Sauðárkróksbær
hafi farið mikils á mis að fá eigi notið,
við stjórnsýslu bæjarins, framsýni og
hygginda svo hárglöggs athafna-
manns. Er og sizt hætta á, að hann
hefði sleppt sinni styrku hendi af K. S.,
þótt komið hefði við sögu einnig á ööru
sviði.
Sveinn er kirkjuvinur og kristins
dóms. Fyrir fáum árum var hann
kjörinn i sóknarnefnd Sauðárkróks-
safnaðar og tók þegar við forystu. Mun
kunnugum þykja sem þar hafi verið
tekið til hendi, hið aldna og virðulega
kirkjuhús endurbætt og endurnýjað að
búnaði og er nú hið veglegasta
musteri, þar sem hverjum gesti er gott
að vera.
Ég veit til víss, að Sveinn
Guðmundsson hefði getað valið um
störf og stöður i hinum stóra fjármála-
heimi og borið meira úr býtum fjár-
hagslega, mörgum sinnum meira, en
kaupfélagsstjórinn á Sauðárkróki.
Hann kaus hins vegar þann kostinn að
hverfa heim til æskustöðva og helga
skagfirzkum samvinnumálum og
Kaupfélagi Skagfiröinga starfsorku
sina alla og óskipta á bezta skeiði
ævinnar. Fyrir það eigum við Skag-
firðingar honum þakkir að gjalda -
meiri og stærri en margir okkar gera
sér ef til vill ljóst. Sú þakkarskuld
verður þvi aðeins goldin, að við, skag-
firzkir samvinnumenn, stöndum
öruggan vörð um Kaupfélag Skag-
firðinga, þá stofnun, sem hann hefur
borið fyrir brjósti og vakað yfir hverja
stund i meira en fjórðung aldar.
Sveinn Guðmundsson hefur nú tekið
þá ákvörðun aðláta af kaupfélags-
stjórn senn hvað liður. Mun flestum
þykja verr fariö og ekki laust við, að
hjá sumum gæti nokkurs uggs. - Fyrir
löngu kenndi hann þráláts sjúkdóms,
sem að lokum leiddi til þess, að gerð
var á honum hættuleg skurðaðgerð
fyrir nokkrum árum. Gat þá mjög
brugðið til beggja vona um það, hvort
hann rnætti lifi halda. Ég held, að ekki
sé ofmælt, að þá hafi miklum óhug
slegið á margan mann. Man ég gerla,
hve mönnum létti - og einnig þeim
sumum, er verið höfðu Sveini i ýmsu
andstæðir, er það fréttist, að hann
myndi hjarna við og geta enn um hrið
gegnt forystuhlutverki sinu heima i
héraði. Þessar staðreyndir segja fyllri
sögu um manninn, um kaupfélags-
stjórann, en unnt væri með orðmælgi.
Nú, á sextugsafmæli Sveins Guð-
mundssonar, vil ég, i nafni félags-
stjórnar og félagsmanna Kaupfélags
Skagfirðinga, færa honum einlægar
þakkir fyrir þau ómetanlegu störf,
sem hann hefur unnið fyrir félagið,
fyrir þetta hérað. Persónulega þakka
ég þeim hjónum fyrir allar þær
óteljandi ánægjustundir, alla þá
fölskvalausu alúð og hlýju, sem ég hef
notið á heimili þeirra um árabil. Megi
blessun Guðs fylgja þeim við hvert fót-
mál á ókomnum árum.
Gisii Magnússon
23