Íslendingaþættir Tímans - 26.01.1980, Blaðsíða 16

Íslendingaþættir Tímans - 26.01.1980, Blaðsíða 16
80ára Jónas Jóhannsson Það má segja að 20. öldin hafi heilsað islensku þjóðinni sem sólbjartur sumar- morgunn. Hugur þjóðarinnar var heillað- ur af eftirvæntingu, vissi að nýja öldin myndi koma með fangið fullt af fyrirheit- um, sem henni bæri að fagna með heilla- skeytum og leggja fram sitt lið til sigurs. 1 þessu andrúmslofti fæddist Jónas Jóhannsson í Skógum, 18. des. 1899. Jólin voru I nánd og ný öld á næsta leiti. For- eldrar Jónasar voru merkishjónin Jóhann Jónasson og Júliana Sigmundsdóttir. Þau bjuggu allan sinn búskap i Skógum, yfir 50 ár. Þau eignuðust 10 bórn og Jónas er þeirra næst elstur. Heimiliö i Skógum var rótgróið regluheimili, ekki auðugt en allt- af veitandi: vinnan I ehðri höfð og bók- fræðsla ekki siöur. Fyrsta áriö sem ég var hér í sveit, minnist ég þess, að einn dag voru margir bændur úr hreppnum komnir saman i stofunni á Breiðabólsstaö. Ungur maður var að halda þar fyrirlestur. Það var Jónas i Skógum, liðlega tvitugur að aldri, nýútskrifaður búfræðingur frá Hvann- eyri. Hann var þarna að miðla bændum af þeim fróöleik, sem hann hafði aflað sér. Mér fannst til um þetta. En þannig hefur Jónas alltaf verið, ekki legið á liði sinu, en með áhuga og ósérplægni lagt fram krafta sina i félagsmálum sem til heilla horfði. Fyrst sem unglingur gekk hann i ung- mennafélagið „Dögun" og starfaði þar lengi sem formaður. Siðar hlóðust á hann ýmis störf i hreppsnefnd, i búnaðarfélagi o.fl. Fyrir lestrarfélag hreppsins hefur hann mikiö unnið. Þegar sem ungur bú- fræðingur var xJónas ráðinn sem plæg- ingarmaður hjá Búnaðarfélagasamb. Snæfellsnes og Dala; fór hann þá viða með plóg sinn og hesta. Siðar þegar drátt- arvélar komu til nota, var Jónas meö þeim fyrstu, sem keyptu eina og vann með henni mörgum bændum til gagns. Arið 1952 staðfesti Jónas ráð sitt: hann kvæntist ágætri konu, Guðbjörgu Andrés- dóttur og hófu þau búskap á Valþúfu. Þau bættu þar húsakost og ræktun jarðarinn- ar. Árin liðu I ró og farsæld. Þau eiga tvo sonu, Andra, lyfjafræðing i Reykjavik, hann er giftur Hellen Benónýsdóttur, þau eiga ungan son og Rúnar, sem nú hefur tekið við búskap á Valþúfu. Hann er gift- ur Hrefnu Ingibersgsdóttur og þau eiga 3 ungar dætur. Þó að Jónas sé hættur að búa, mun hann ekki algjörlega setjast I helgan stein held ur, meðan heilsan leyfir, leggja hönd aö verki þar sem þörf er. Jónas héfur átt sin hugðarefni og haft ánægju af að hugsa og skrifa. Fyrir fáum áruirí keypti hann sér ritvél. Nú, þegar timi gefst, mun Jónas sitja við ritvélina sina og skrifa niður frumsamdar stökur og ljóð og fróðleiksmola aldamótamanns- ins. Með þakklæti fyrir margra ára góð kynni, óska ég þeim hjónum Guðbjörgu og Jónasi langra lifdaga og að ókomin ár verði þeim björt og hlý. St.Þ- Kolbeinn Fétursson stofnandi og f ram kvæmdastjóri málningaverksmiðjunnar Atlantis, f. 11. jiill 1925, d. 16. ágiist 1978 Sumargesta á langar leiðir leggja á vængjum flokkar hljóðir. Heldur kólnar, haustið breiðir húmsins blæju á noröurslóðir. Svo var það á sumri og vetri: sér það heldur aldrei leyndi, aö hann reyndist ávallt betri eftir þvi sem meir á reyndi. Sakna ég fleira en sumarsmildi: svona þetta tiöum gengur, kveðja þeir sem vist ég vildi að væru i okkar samfylgd lengur. Þegar skuggar loppur lengja, lýist dáð af brostnum vonum geymi ég minning mætra drengja mér til yls á frostnóttunum. Kolbeins var min kynning þannig: hvergi brást hann minum vonum. Þeir sem albest þekktu manninn þvi munu seinast gleyma honum. Hlýjar kenndir hugann gleðja: handtök siðust,ljúf I minni. Enginn veit nær vinarkveöja veitist manni hinsta sinni. Islendingaþættir

x

Íslendingaþættir Tímans

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Íslendingaþættir Tímans
https://timarit.is/publication/303

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.