Íslendingaþættir Tímans - 26.01.1980, Blaðsíða 5

Íslendingaþættir Tímans - 26.01.1980, Blaðsíða 5
Björn Bessason F. 5/3. 1916. D. 9/7. 1979. Það hefir margsinnis hvarflað að mér að skrifa fáein minningarorð um fornvin minn Björn Bessason frá Kýrholti i Við- vikursveit, Skagafirði, sem lézt þann 9. júli sl. Vildi ég með þvi reyna að bregða ljósi yfir einn þátt i Hfi þess mæta manns. Við vorum samtiða i Menntaskólanum á Akureyri. Var Björn hvers manns hug- ljúfi i skóla sakir prúðmennsku og dreng- skapar. Sérstaka athygli vakti frábær þekking hans á náttúrufræðum. Hún var með slikum ágætum, að hann skar- aði langt fram Ur öðrum nemendum og gekk jafnan frá prófborði með hæstu eink- unnir. Mér er minnisstætt, að i 4. bekk, þegar við hinir námum ögn i jaröfræði og veðurfræði hjá Steindóri Steindórssyni frá Hlöðum, varð Björn sér jafnframt úti um 1200 siöna bók um bakteriufræði, sem hann las spjaldanna á milli. Sumarið eftir (1935) vorum við báðir i atvinnuleit á Siglufirði. Það var raunar sildarleysisár, litið að gera og enn minna um peninga. En Björri lét sér ekki verk úr hendi falla. Hann grannskoðaði gróðurihn á staðnum. Dag nokkurn kom hann til min og kvaðst hafa fundið jurt, sem hann kynni ekki að greina. Mun það hafa verið harla sjaldgæft. Hann taldi sig vita um hollenzka konu þar á Siglufirði, er væri hálærð i plöntufræði og myndi Hklega geta leyst úr vanda hans. Væri hún gift Snæ- fellingi, sem ég bæri e.t.v. kennsi á. Þetta reyndist rétt vera. Maðurinn var Þorsteinn Loftsson, ættaður úr Dölum vestur, siðar garðyrkjumaður og bóndi að Reykholti i Biskupstungum, þar sem hann reisti nýbýli. Hann hafði nokkrum árum áður gengið að eiga unga konu, sem kom hingað með nemendahóp frá Hollandi. Heitir hún Vilhelmina Theodora Tymstra og var þá þegar orðin doktor i náttúruvis- indum með plöntufræði að sérgrein. Við Björn drápum á dyr hjá þessum hjónum, sem bjuggu nefnt sumar á Siglu- firði. Þau tóku okkur vel og buöu til stofu. Brátt var rjúkandi kaffi á borðum. Björn og frú Vilhelmina hófu óðar samtalið og ræddu langa-lengi. Umræðuefnið fór að mestu fyrir ofan garö og neðan hjá mér. Þegar upp var staðið, fylgdi frúin okkur til dyra og kvaddi Björn með þessum orð- um: „Verið þér sælir dr. Bessason." Af orðum dr. Vilhelmínu mátti ráða, að hún hafi álitið Björn Bessason, þá 19 ára að aldri, vera jafningja sinn i fræöigrein- t 2. tbl. tslendingaþátta var birt grein um Gisla Þórarinsson að Neðrabæ i Borgarhöfn. Mcft greininni fylgdi mynd af Glsla og tveim bræðrum hans en nöfn þeirra fylgdu ekki með myndinni, en þeir eru talio frá vinstri, Jón, Stefán og GIsli Þórarinssynir. Islendingaþættir inni, nema hún hafi talið hann eiga opna leið að hennar menntagráðu og mælt svo þess vegna. Segir þetta sina sögu um kunnáttu hans þegar á unglingsárum. Sannleikurinn er sá, að Björn var búinn kostum til mikilla afreka á' þessu sviöi. Fyrir undarlegan leik örlaganna átti þó ekki fyrirhonum að liggja að halda áfram á braut náttúrufræði. Hann kvæntist eftir- lifandi konu sinni Þyri Eydal. Réðst hann til endurskoðunarstarfa hjá Kaupfélagi Eyfirðinga á Akureyri ogkann fátækt aö hafa valdið ákvörðun hans. Þau störf ann- aðist hann til æviloka af þeirri skyldu- rækni, samvizkusemi og tryggð, sem hon- um var i blóð borin. Vinir hans, sem þekktu hann gjörla, harma, aö honum gafst ekki tækifæri til aö verða visindamaður og nýtast með þeim hætti landi og lýð eins og bezt var á kosiö. Ég vænti þess, aö hann stefni i hinum nýju heimkynnum á þau mið, sem hugur- inn stóð til. Aðstandendum Björns votta ég djúpa samúð, og sjálfum honum bið ég allrar blessunar. Magni Guðmundsson.

x

Íslendingaþættir Tímans

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Íslendingaþættir Tímans
https://timarit.is/publication/303

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.