NT - 11.05.1984, Blaðsíða 1

Kvótasölur
bannaðar
- Óheimilt að færa
humarkvóta milli skipa
■ Færslur humarkvóta milli
báta verða ekki leyfðar nema í
sérstökum undantekningartil-
vikum, og þá þarf samþykki
sjávarútvegsráðuneytisins að
koma til. Þetta kemur fram í
fréttatilkynningu sem ráðuneyt-
ið sendi frá sér í gær.
NT sneri sér til Halldórs Ás-
grímssonar sjávarútvegsráð-
herra og spurði um ástæðuna
fyrir þessu banni.
Halldór kvað meginástæðuna
vera þá að úthlutað hefði verið
öllu meira magni en reiknað
væri með að veiða. Auk þess
hefði ekki verið talin ástæða til
að úthluta kvótum sem einungis
yrðu notaðir til yfirfærslu á
önnur skip.
Það gæti hins vegar komið
fyrir, sagði Halldór að skip
biluðu og gætu ekki stundað
veiðarnar og færa þyrfti kvóta á
milli skipa af þvílíkum or-
sökum. Slík tilvik yrðu að sjálf-
sögðu tekin til meðferðar.
„Við vitum um skip sem vilja
ekki stunda humarveiði, vegna
þess að það er um mjög lítinn
kvóta að ræða,“ sagði Halldór,
„en vilja hins vegar gjarna fá
annan afla og við teljum það
miklu heppilegra, að við leysum
þeirra mál beint, í stað þess að
þeir þurfi að vera að leita fyrir
sér um slík mál um land allt.“
Ráðuneytið úthlutaði nú
samtals 2.600 tonnum til 102
báta en 109 höfðu sótt um leyfi
til humarveiða. Þess má geta að
2.700 lestir veiddust í fyrra, en
Hafrannsóknastofnun hafði
mælt með að veiddar yrðu 2.400
lestir í ár.
Reagan ver stefnu sína í Mið-Ameríku
■ Alþjóðadómstóllinn í Haag hvatti Bandaríkjastjórn í gær til að
hætta hernaðarstuðningi við uppreisnarmenn sem berjast gegn
Nicaragua-stjórn. Reagan kvikar samt ekki frá stefnu sinni í
málefnum Nicaragua. I gær flutti hann ræðu þar sem hann varði
stefnu sína og hvatti menn til að berjast gegn kommúnisma í
Mið-Ameríku. Fulltrúadeild bandaríska þingsins samþykkti svo
síðar um daginn 1,3 milljarða dollara stuðning við stjórnir
Mið-Ameríku þrátt fyrir niðurstöðu Alþjóðadómstólsins og nýjar
upplýsingar um greiðslur CIA til flokka í Mið-Ameriku.
Símamynd POLFOTO
[ Sjá erlendar fréttir bls. 23-25. |
Baráttan fyrir frjálsum
innflutningi á kartöflum:
Undirskriftar-
söfnun hefst
í búðum í dag
■ í dag verður ýtt af stokk-
unum tveggja daga undir-
skriftarsöfnun á vegum Neyt-
endasamtakanna í höfuð-
borginni þar sem skorað er á
stjórnvöld að gefa frjálsan
innflutning á kartölfum og
grænmeti á þeim tíma sem
innlend gæðaframleiðsla ann-
ar ekki eftispurn. Undir-'
skriftarlistar munu liggja
frammi í flestum matvöru-
verslunum í dag og á morgun,
en síðdegis á laugardag verð-
ur listunum safnað saman og
þeir afhentir ráðherra.
Undirskriftarsöfnunin fer
fram á vegum Neytendasam-
takanna, en auk þess nýtur
hún stuðnigs Húsmæðra-
félags Reykjavíkur, kaup-
mannasamtaka íslands, Mat-
vörukaupmanna. Manneldis-
félags íslands ög Verslunar-
ráð íslands.
■ Húsfyllir var í Há-
skólabíói í gærkvöldi,
þegar Pólýfónkórinn,
Sinfóníuhljómsveit
íslands, og fjórir ítalsk-
ir einsöngvarar Daniela
Mezzola, Claudia
Clarich, Paolo Barba-
cini og Carlo de Bortoli
undir stjórn Ingólfs
Guðbrandssonar fluttu
þrjár perlur tónbók-
menntanna, Ave Ver-
um eftir Mozart, Te
deum eftir Verdi og
Stabat Mater eftir
Rossini. Flytjendur
voru ákaft hylltir í lok
tónleikanna sem verða
endurteknir kl. 14.00 á
morgun.
NT-mynd Ámi Sæberg.
Þröngt setinn bekkurinn í Háskólanum:
Kennt á sunnudög
um næsta vetur?
■ Svo getur farið, að nem-
endur í raungreinum við Há-
skóla íslands þurfi að axla
skólatöskur sínar á sunnu-
dögum á vetri komanda.
Verkfræði- og raunvísinda-
deild Háskólans býrvið þröng-
an húsakost og þar er nú kennt
alla daga frá kl. 08 til 19.
Einhver kennsla hefur einnig
farið fram á laugardögum. Það
sem veldur er mikil aukning
nemenda undanfarin ár, eink-
um í tölvunarfræði. Kennslu-
rými hefur aftur á móti ekki
aukist.
Að sögn Þorsteins Vil-
hjálmssonar háskólakennara í
eðlisfræði verður reynt að
komast hjá því að kenna á
sunnudögum næsta vetur, en
það gæti farið eftir því hvort
hið nýja hugvísindahús verður
komið í notkun.
En það er ekki bara húsnæð-
isskortur, sem hrjáir þá raun-
greinamenn, heldur einnig
kennaraskortur, og sagði Þor-
steinn, að nú vantaði um tíu
stöðugildi. Fastir kennarar
sinna aðeins 30% af kennslu í
deildinni, en ef vel ætti að vera
þyrfti það að vera 60-70%.
Þorsteinn' var spurður hvort
hann sæi fram á þessa fjölgun
kennara.
„Nei, ekki í bili. En við
erum aldir upp við þolin-
mæði,“ sagði Þorsteinn Vil-
hjálmsson.
Sjónvarps- og símatruf lanirnar:
Rannsóknarlögreglan kvödd til?
■ Símamenn vísa með
öllu á bug þeim orðrómi
að þeir hafi truflað útsend-
ingu sjónvarpsfrétta í
fyrrakvöld, en hljóð datt
út fyrstu 35 sekúndur út-
sendingarinnar. Tækni-
menn sjónvarpsins kunna
enga skýringu á orsökum
þess. Miklar truflanir voru
einnig á símakerfi Reykja-
víkur í gær.
„Verði frekari truflanir
verður rannsóknarlögregl-
an kvödd til“, segir Jón
Skúlason póst- og síma-
málastjóri í samtali við
NT í dag.
Sjá bls. 2