NT - 02.09.1984, Qupperneq 17

Sunnudagur 2. september 1984 17
Naeturklúbbadrottn i
meo silkiröddin
nmgin
■ Sade heitir ein vinsælasta
söngkona Breta um þessar
mundir. Hún er nýbúin að gefa
út LP-plötuna Diamond Life
og komst hún fljótlega á topp
breska vinsældalistans. Tón-
listin á þessari plötu er djass-
popp eða soul-tónlist, mjög
áheyrileg og vönduð.
Sade kom til London árið
1977 og var þá 17 ára. Hún
lærði tískuteiknun í þrjú ár
við St. Martins-skólann og
vann síðan í ár við að teikna
föt áður en hún byrjaði að
syngja bakraddir með fönk-
hljómsveitinni Pride.
Sade er frá borginni
Clacton, sem er ekki beinlínis
miðstöð menningarinnar í
Bretlandi. Hún kynntist þó
soul-tónlist þar, í tveimur
klúbbum sem nefndust Gold-
mine og The Lacy Lady. Hún
var aldrei verulega hrifin af
pönki, en metur þó hvað það
breytti vinsældalistunum og
snéri athyglinni að unglingum
á nýjan leik. Julie Burchill var
og er uppáhaldsskríbent
hennar.
Fönk-tónlist Pride hæfði
betur tónlistarsmekk hennar,
og þegar lagið sem hún söng
sóló með hljómsveitinni var
orðið aðalnúmerið gerði hún
sér grein fyrir að hún væri að
fela ljós sitt undir mælikeri og
að hún ætti heima í sviðsljós-
inu.
Næstu mánuði varð Sade
sem sólósöngkona eitt af best
þekktu og mest mynduðu
kvenandlitum Lundúnaborg-
ar.
Þessi mikla umfjöllun og
hve fljótt hún komst í tísku fór
í taugarnar á sumum, en Dia-
mond Life platan sýnir fram á
svo ekki verður um villst að
hún á alla þessa athygli skilið
og hefur hæfileikana til að
standa undir öllu saman. Þótt
nú sé aðeins ágúst og margar
plötur eigi eftir að koma út, þá
verður þetta líklega ein af
bestu plötum ársins.
í viðtali við Sounds sagðist
Sade vera mjög ánægð með
plötuna. „En við ætlum ekki
að vera sjálfsánægð vegna
þess. Ég gaf mig alla í þessa
plötur. Ég fylgdist nákvæm-
lega með gerð hennar frá
upphafi til enda. Ég var ekki
taugastrekkt eða því um líkt,
en ég var mjög upptekin af
plötugerðinni. Mér finnst að ef
maður er mjög krítískur á
sjálfan sig þegar upptökur fara
fram, þá þurfi maður ekki
sífellt að vera að ásaka sjálfan
sig eftir á, þótt manni finnist
alltaf að maður hafi getað
betur.
En af fyrstu plötu að vera er
þetta bara ágætis plata. Það er
ekkert á plötunni sem veldur
því að ég ligg í rúminu á
næturna og hugsa: Ó guð af
hverju gerði ég þetta, eða ó
guð af hverju gerði ég þetta
ekki. Auðvitað held ég að ég
geti bætt mig, og að hljóm-
sveitin geti bætt sig, og að
næsta plata geti orðið betri en
þessi.“
Þetta eru stór orð, það verð-
ur þá verulega góð plata. En
var Sade aldrei hrædd um að
fá of mikla athygli og blaða-
skrif áður en platan kæmi út?
Hafði hún ekki áhyggjur af því
að fólk byggist við of miklu?
„Það hefði getað verið vanda-
mál,“ segir hún, „en ég held að
það sé miklu betra oghafi veríb
miklu betra að fá alla þessa
athygli fremur en alls enga,
því maður þarf á því að halda
að fólk viti að maður er til og
öll umfjöllunin var að vissu
marki eðlileg því að við vorum
búin að spila mikið og víða.
Reyndar vorum við búin að
hljóðrita Your Love Is King og
Smooth Operator áður en við
gerðum plötusamning. Við
komum ekki bara sem þruma
úr heiðskíru lofti, þetta gerðist
frekar smátt og smátt.“
Sade hefur fremur kalda og
elegant ímynd. Það kemur því
á óvart að í viðtölum er hún
hlý, aðlaðandi og vingjarnleg.
„Fólk heldur að ég þekki að-
eins aðal tískupakkið,“ segir
hún og hlær, „en margir af:
mínum bestu vinum eru röff
verkamenn."
Sade fór nýlega til að spila á
Montreaux-djasshátíðinni. Það
gekk fremur illa að komast
þangað, fluginu seinkaði og
það átti ekki að hleypa Sade
inn í landið vegna þess að hún
er með nígerískt vegabréf.
Þegar hún kom loks á hátíðina
var orðið of seint fyrir hljóð-
prufu, en konsertinn gekk
samt mjög vel. Lítur Sade á sig
sem djasssöngkonu?
„Nei. Eg er soul-söngkona,
og hljómsveitin mín er soul-
hljómsveit. Ég veit að sumir
hafa lýst mér sem djasssöng-
konu, en djassgeggjarar held ég
að myndu ekki samþykkja
það.“
Þér hefur líka verið líkt við
Biliie Holliday.
„Já, ég veit. Ég held að það
sé ekki sanngjarnt gagnvart
henni. Hún var mjög, mjög
sérstök.“
Sade er nú á þriggja vikna
hljómleikaferðalagi um Japan,
og fer þaðan til New York í
sjónvarps- og útvarpsviðtöl.
„Erlend blöð hafa hingað til
tekið mér mjög vel,“ segir
hún. „Ég bara get ekki lesið
það sem stendur um mig. Ég
er núna að læra frönsku, jap-
önsku og hollensku svo ég geti
lesið það sem sagt er um mig
og oröið algjör egóisti"
Áður en þau fóru af stað
hljóðritaði hljómsveitin lagið
Smooth Operator í nýrri út-
gáfu og tóku um leið upp
„mjög sérstakt“ vídeó til að
auglýsa lagið. Það mun koma
út á fjögurra laga pötu ásamt
með glænýju lagi, instrúmental
lagi, og gömlu danslagi sem
heitir Spirit, og hefur aldrei
verið gefið út áður.
Einhverjar áætlanir um að
fara út í að leika?
„Nei, ég hef meiri áhuga á
því sem ég er að gera núna, þó
að ég muni sjást í mynd síðar
á árinu sem heitir Absolute
Beginners. Ég syng bara eitt
lag, sem heitir Killer Blow, og
ég samdi það með Simon Bo-
oth úr Working Week, og Gil
Evans útsetti blásturshljóðfær-
in.“
„Hljómleikar eru mér enn
mjög mikilvægir. Við verðum
á fjögurra vikna ferðalagi í
Bretlandi í október og spilum
aðallega í hljómleikahöllum.
Við munum einnig heimsækja
Skotland og írland, en þar
höfum við ekki spilað áður. Ég
hlakka mikið til að spila á
írlandi.“
Hélstu að það yrði eins auð-
velt og það varð að skipta úr
næturklúbbunum yfir í að vera
landsþekkt poppstjarna?
„Ég er enginn Boy George,
en lífsstíll minn hefur breyst.
Við vorum að tala um Amer-
íku og Japan, en það er mér
mikilvægast að ná árangri í
Bretlandi. Ég er ekki að
skrökva.“
Og ef Sade verður á toppn-
um í 20 ár, hvernig heldur hún
að málin þróist? Heldur hún
að hún fari sömu leið og Cilla
Black og Lulu að gera slappa
sjónvarpsþætti?
„Ég fæ mér stjörnustráð föt
og fer til Las Vegas."
Verður Sade þá Diana Ross
ársins 2001?
„Ég vona ekki. Hún lætur
taka myndir af sér hálfnaktri
og syngur í lögum með þungum
rokkgítarsólóum, sem er ekki
skemmtilegt. Þetta er mjög
sorglegt vegna þess að það sem
hún gerði í upphafi ferils síns
var mjög skemmtilegt, sérstak-
lega platan Love Twins sem
hún gerði með Marvin Gaye.“
Auðvitað er einn af kostun-
um við það að vera frægur
núna að geta lært af mistökum
þeirra sem á undan fóru. Ein-
hvern veginn er ekki auðvelt
að ímynda sér að Sade muni
fara að gera þessi sömu mistök.
■ Sade
SadeáWjóm'e'u