NT - 22.06.1985, Blaðsíða 3
Laugardagur 22. júní 1985 3
Blaðamenn oftlega óvandaðir menn og:
„Harðræðið við handtökuna í
samræmi við hegðun Skafta“
- sagði Jón Oddsson í varnarræðu í Skaftamálinu
■ Jón Oddsson, verjandi
Guðmundar Baldurssonar lög-
regluþjóns flutti mál sitt fyrir
Hæstarétti í gær, þegar haldið
var áfram málflutningi í Skafta-
málinu. Jón fer fram á algera
sýknun ákærðu.
í upphafi máls síns gagnrýndi
Jón málflutning Pórðar Björns-
sonar ríkissaksóknara og sagði
Jón að mikillar hlutdrægni hefði
gætt í máli ríkissaksóknara. Jón
Oddsson vitnaði í þau ummæli
Þórðar sem NT hafði eftir hon-
um í gær. Óskaði Jón þess að
ríkissaksóknari gerði réttinum
nákvæma grein fyrir þessuni
orðum sínum. Ennfremur gagn-
rýndi Jón meðferð þessa máls,
sagðist hann ekki skilja hvers
vegna Þórður Björnsson byggði
málflutning sinn á allt öðrum
forsendum en vararíkissaksókn-
ari gerði í undirrétti.
Lögreglan önnum kafin
Jón Oddsson rakti málsatvik
og sagði flestar staðhæfingar
Þórðar Björnssonar úr lausu
lofti gripnar. Jón benti á að
verkefni þessara lögreglumanna
hefðu verið mörg þetta tiltekna
kvöld. Jón sagði orðrétt: „Þetta
var laugardagskvöld og mikið
vinnuálag á lögregluþjónunum.
Mér finnst rétt að hafa hliðsjón
af því þegar þetta mál er metið.“
I málflutningi sínum lagði
Jón mikið uppúr þeim atburð-
um er áttu sér stað í Þjóðleik-
húskjallaranum áður en lögregl-
an var kvödd á vettvang. Jón
sagði að það sem ríkissaksókn-
ari, Skafti Jónsson, kona Skafta
og vitni átakanna kölluðu smá
ryskingar væri í raun fólskuleg
árás Skafta á dyravörð. Benti
hann á að hálsbindi dyravarðar-
ins, sem var teygjubindi, hefði
slitnað í átökunum og að tölur
hefðu dottið úr skyrtu dyravarð-
arins. Auk þessa benti hann á
læknisvottorð sem staðfestir að
áverkar hafi verið á dyraverðin-
um.
Skafti var óður og veit ekki
hvað gerðist
Jón Oddsson sakaði Skafta
og konu hans um ábyrgðarleysi
gagnvart ungu barni sínu þegar
þau ákváðu að fara á skemmti-
stað og skilja barnið eftir í
umsjón afaþessogömmu. Þetta
kallaði Jón gáleysi af foreldrun-
um og gott dæmi um innræti
þeirra. Jón sagði að Skafti hafi
ekki verið ölvaður þetta kvöld
en allt geðslag hans hefði bent
til þess.
I máli verjandans kom fram
að dyravörður Þjóðleikhúskjall-
arans hefði sagt lögreglunni
málsatvik og að framferði
Skafta hefði verið slíkt að þessir
■ Verjendur ákærðu í sal Hæstaréttar. Frá vinstri: Svala Thorlacius verjandi Sigurgeirs Arnþórssonar,
Sveinn Snorrason verjandi Jóhanns Valbjörns Ólafssonar og Jón Oddsson verjandi Guðmundar.
Baldurssonar. NT-mynd: Sverrir
lögreglumenn hefðu ekki getað
gert annað en handtekið
manninn. Jón spurði hvað þarna
hefði gerst ef lögreglan hefði
ekki verið kvödd á staðinn.
Jón Oddsson, verjandi, sagði
að Skafti hefði verið í miklu
æðiskasti og gæti ekki munað
fyllilega eftir atburðunum.
Hann sagði að Skafti hefði ekki
borið kennsl á lögregluþjónana
þrjá eftir umræddan atburð og
að hann gæti ekki munað hvern-
ig lögreglubílnum hefði verið
lagt fyrir framan Þjóðleikhús-
kjallarann. Þetta kallað Jón
„Black Out" og sagði alþekkt í
læknavísindunum.
Blaðamenn angra oft
dyraverði
Jón Oddsson vakti sérstaka
athygli á því að Skafti Jónsson
væri blaðamaður og sagði hann
að oftlega veldust til þess starfs
óvandaðir menn á borð við
Skafta Jónsson. Menn sem með
drambsemi og frekju við náung-
ann stunduðu svokallaða rann-
sóknarblaðamennsku. Sagði
hann dyraverði og afgreiðslu-
fólk oftsinnis verða fyrir barð-
inu á þessháttar blaðamönnum.
Þegar rétti var slitið í gær
hafði Jón Oddsson ekki lokið
málflutningi sínum. Hann hafði
aðallega rætt um atvikin í og við
Þjóðleikhúskjallarann, hann á
eftir að ræða um flutning Skafta
á lögreglustöðina og dvöl hans
þar.
Um handtöku Skafta sagði
Jón að „ljóst er að harðræðið
við handtökuna var í fullu sam-
ræmi við hegðun Skafta Jóns-
sonar". Jón sagði að með að-
gerðum sínum liefðu lögreglu-
þjónarnir sýnt hversu góðir þeir
væru í starfi, því þeir héldu
Skafta til þess að hann bakaöi
ekki öðru fólki tjón.
Rétti verður fram haldið
næstkomandi mánudag klukkan
9.30.
■
FRONT LOADING
POVVEW
P/USEíSíftA
Rafbúð Sambandsins tryggir örugga þjónustu
skilar árangri
THOMSOIM
tæknisamvinna Japana,
Þjóðverja, Svía og Frakka
Ótal gerðir myndbandstækja bjóðast á íslenskum
markaði — mismunandi hvað varðar tæknibúnað,
verð og gæði. Kaupandann skiptir höíúðmáli að fá
tæknilega fúllkomið og öruggt tæki á sem lægstu
verði. Samvinna Japana, Þjóðverja, Svía og Frakka
hefúr einmitt gert það mögulegt Thomson mynd-
bandstækin eru tæknilega mjög fullkomin, framhlað-
in, með þráðlausa fjarstýringu, sjö daga upptöku-
minni, tölvustýringu með snertitökkum, myndspólun
fram og aftur á tíföldum hraða og fjölmörg atriði
önnur. Slíkt er sjálfsagt þegar tæki frá Thomson á í
hlut En þrátt fyrir ffamangreind atriði kostar þetta
fúllkomna tæki einungis 39.930 krónur.
Við spjöllum saman um
útborgun og greiðsluskilmála
— og komumst örugglega að samkomulagi.
n<i intíin
nJIFDVV
$ SAMBANDSINS s
ÁRMÚLA3 SÍMAR 6879/0-8/266 l