NT - 02.08.1985, Blaðsíða 24

NT - 02.08.1985, Blaðsíða 24
Við tökum við ábendingum um fréttir alian sólai hringinn. Greiddar verða 1000 krónurfyrirhverja ábendingu sem leiðir tii fréttar i blaðinu og 10.000 krónur fyrir ábendingu sem leiðir til bitastæðustu fréttar mánaðarins. Fullrar nafnleyndar er gætt NT, Sídumúla 15, Reykjavík, sími: 686300, auglýsingar 18300 Kvöldsímar: áskrift og dreifing 686300 é ritstjórn 686392 og 687695 • íþróttir 686495 Banaslys við Vík í Mýrdal: Ók f ramhjá brúnni og lést samstundis Grunur leíkur á ölvun ¦ Banaslysvarðáþjóðveg- inum rétt fyrir utan Vík í Mýrdal, aðfaranótt þriðju- dags. Mjólkurbílstjóri sem var á leið til vinnu sinnar klukkan sjö um morguninn varð var við fólksbifreið, sem farið hafði út af veginum við Uxafótarlæk, 2-3 kíló- metra frá Vík. Þegar farið var að grennslast fyrir um afdrif ökumanns, kom í ljós að hann var látinn. Reynir Ragnarsson lög- regluþjónn í Vík í Mýrdal sagði í samtali við NT í gær að grunur léki á að ökumað- urinn hefði verið undir áhrif- um áfengis. Hann sagði að greinilegt væri að ökumaður- inn hefði verið á miklum hraða og hefði bíllinn farið hægra megin við hægra brú- arhandriðið og kastast yfir árfarveginn og hafnað á brú- aruppistöðum hinum megin við brúna. Maðurinn var einn í bílnum og mun hafa látist samstundis. Síbrotamaður: A eftir að afplána fjórafangelsisdóma - verður í gæsluvarðhaldi þar til Hæstiréttur hefur fjallað um málið ¦ Síbrotamaður var úr- skurðaður í gæsluvarðhald í gær, allt fram til 2. október. Maðurinn var tekinn í íbúð víð Nýlendugötu fyrr í vikunni, grunaður um íícveikju og inn- brot í nokkur hús í götunni. Maðurinn hefur verið dæmd- ur fjórum sinnum frá því í desember síðastliðnum, en öll- um dómunum hefur verið áfrýj- að. Þórir Oddsson hjá RLR sagði í samtali við NT í gær, að um síbrotagæslu væri að ræða, þar sem ætlað væri að Hæstirétt- ur tæki til meðferðar áfrýjanir mannsins í september, og með gæslunni væri hægt að koma í veg fyrir að hann myndi fremja afbrot áður en Hæstirétturhefði fjallað um áfrýjanirnar. Samtals eru dómarnir sem maðurinn á yfir höfði sér um tvö ár. Hann hefur 11 sinnum verið úrskurðaður í óskilorðsbundið fangelsi. ¦ Halldór var skipaður í stöðuna af sjávarútvegsráð- herra. ¦ íslensku listakonumar Anna Þóra Karlsdóttir, Hildur Hákonardóttir, Áslaug Sverrisdóttir og Ása Ólafsdóttir, á bak við verk norska textfllistamannsins Lars Jörgen Falkenberg. NT-mynd: svemr. Silla bar hrosshár í pokum heim til mín Haiidór Árnason Samnorræn sýning textíllistafólks á Kjarvalsstöðum fískmatsstjóri ¦ Halldór Árnason, efna- og hagfræðingur, hefur verið skipaður fiskmatsstjóri. Um- sækjendur um stöðuna voru tveir, Halldór og Guðrún Hall- grímsdóttir, matvælaverk- fræðingur. Halldór var iðnráðgjafi hjá Samtökum sveitarfélaga á Aust- urlandi 1980 til 1982. Hann starfaði hjá iðntæknistofnun við samræmingu á störfum iðnráð- gjafa um allt landið á árunum 1982 til 1984. Þá sat hann í stjórn Kísilmálmverksmiðjunn- ar hf. og var formaður stjórna 1982 til 1983. Nú síðast var Halldór verkefnastjóri mark- aðsverkefnis sjávarútvegsráðu- neytisins. ¦ í Egyptalandi til forna var sagt að það væri svo erfitt að vera vefari að það væri jafnvel erfiðara en að vera kona. Konurnar - vefararnir - á Kjarvals- stöðum kíma og líta hver á aðra. Þær eru að kynna samnorræna sýningu á textflverkum sem opnar um helgina á Kjarvalsstóðum, og þær eru nýbúnar að segja frá því að aðeins örfáir karlmenn séu í sýningarhópnum. Áð þeirra mati eru eirikenn- andi fyrir sýninguna hin dökku form, sem er að finna í mörgum verkanna - svört, sterk hrynjandi. Og það séu engin ellimörk á henni að finna þó svo þetta sé í fjórða skiptið sem sýningin er haldin. Að vísu hafi sýningin ef til vill fengið á sig alþjóðlegan blæ. Þannig sé nú að efni og efnismeðferð textíllistafólks hafi breyst mikið frá því fyrir ellefu árum, er sýningin var fyrst haldín, en það komi henni ótvírætt til góða að það eru listamennirnir sjálfir, sem standa á bak við hana og velja verkin á sýn- inguna. Þeim finnst að sýning, sem þessi, hljóti að stuðla að því að vekja virðingu manna fyr- ir gömlum hannyrðum og leiða listamenn yfir í nútím- ann þó svo þeir styðjist við gömul verkfæri. Þær hafi til dæmis í auknum mæli á síð- ustu árum notað snældu og rokk, litun og svo vinni þær sjálfar pappír og lím til að nota við iðju sína. Þá hefur hrosshár orðið æ vinsælla. „Ég gleymi því ekki þegar hún Silla hljóp út í fjárhús og bar hrosshár í pokum heim til mín." Það er Hildur Há- konardóttir, sem skyndilega rifjar upp minningar. „Eg varð svo undrandi að ég gapti." Sýningin á Kjarvalsstöð- um stendur frá 3. til 25. ágúst og á henni eru 80 verk norrænna textíllistamanna. Þetta er í fjórða skiptið, sem sýningin er haldin, en Nor- ræni menningarmálasjóður- inn, Mennta- og Menning- armálaráðuneyti Norðurland- anna kosta hana, auk þess sem sýningarstaðirnir fella niður leigu á húsnæði. GolfleikariáAkureyri: „Drap" tvo tittlinga ¦ Hann uggði ekki að sér, auðnutittlingurinn, sem söng í tré sínu, er Sigurbjörn Sigfús- son, GK, sló upphafshögg sitt á fjórðu braut á landsmótinu í golfi á Akureyri. Pað var ekki fyrr en kúla Sigurbjörns small í eggjunum sex í hreiðri hans, að auðnutittlingurinn gerði sér ljósa hættuna sem fylgir því að búa rétt við golfvöll. Hvíti bolt- inn braut tvö eggjanna og tók fuglinn því illa, réðst að Sigur- birni og fylgissveinum hans er þeir hófu leit að kúlunni. Hún fannst svo í hreiðrinu og Sigur- björn tók víti fyrir þetta ein- staka upphafshögg. Loðnu land- að á Eski- f irði í dag ¦ Þrjú íslensk loðnuskip eru nú við veiðar á miðunum við Jan Mayen. Guðrún Þorkelsdóttir var f þann mund að fylla sig síðdegis í gær, og búist var við að úr henni yrði landað 600 tonn- um af loðnu áEskifirði í dag. Á miðunum voru einnig Gísli Árni og Svanur, en hvorugur hafði kastað nót- inni í gærdag. Að auki voru á þriðja tug norskra og danskra báta á miðunum.. Japanar skoða Þjóðarbók- hlöðuna ¦ Japanska fyrirtækið sem seldi Innkaupastofn- un ríkisins álklæðninguna sem sett var á Þjóðarbók- hlöðuna, hafa sent fulltrúa sinn hingað til að fram- kvæma frumrannsókn á gallanum sem fram hefur komið á klæðningunni. Klæðningin er enn í ábyrgð og var fyrsta rann- sóícnin framkvæmd í gærmorgun. Ásgeir Jó- hannesson forstjóri Inn- kaupastofnunar sagði NT að ekkert nýtt hefði komið fram við þessa rannsókn. Einungis var sendur einn maður til landsins, vegna þessarar frumrann- sóknar og á hann að kom- ast að því, hvers eðlis þessi galli er. Um miðjan mánuðinn koma síðan fleiri sérfræðingar frá Japan, til að meta skemmdirnar út frá niður- stöðum þessarar frum- rannsóknar.

x

NT

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: NT
https://timarit.is/publication/305

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.