NT - 12.12.1985, Blaðsíða 8

Málsvarl frjálslyndls,
samvinnu og félagshyggju
Útgelandi: Nútiminn h.l.
Ritstj.: Helgi Pétursson
Ritstjómarfulltr.: Níels Árni Lund
Framkvstj.: Guðmundur Karlsson
Auglýsingastj.: Sleingrimur Gislason
Innblaðsstj.: Oddur Ólalsson
Skrifstolur: Siðumúli 15, Reykjavík.
Sími: 686300. Auglýsingasimi: 18300
Kvöldsimar: Áskrifl og dreiling 686300, ritstjórn
686392 og 686495, tæknideild 686538.
Setning og umbrot: Tæknideild NT.
Prentun: Bla&aprent h.f.
Kvöldsímar: 686387 og 686306 -
Verð í lausasölu 35 kr.og 40 kr. um helgar. Ásknft 400 kr.
V
Sannleikurinn
verður að koma í Ijós
■ Nú er Hafskipsmálið farið að taka á sig pólitískari
mynd en áður. Ljóst er að stjórnarandstaðan metur
meira að fá að rífast um það í þingsölum en að komast til
botns í málinu og er það slæmt þar sem ætla mætti að ein-
hugur gæti ríkt um það efni.
I utandagskrárumræðum á Alþingi s.l. þriðjudag fór
Ólafur Ragnar Grímsson hörðum orðum um tengsl
Sjálfstæðisflokksins við málið og nefndi því til sönnunar
ýmsa af forystumönnum flokksins og tengsl þeirra við
Hafskip. Aug,ljóst er að erfitt verður fyrir Sjálfstæðis-
flokkinn að verja bein og óbein afskipti sín af málinu og
á það eflaust eftir að valda flokknum verulegu tjóni og
álitshnekki.
Þetta er þó ekki kjarni málsins.
Hann er sá að sannleikurinn komi í ljós. Til þess að
svo megi verða þarf að rannsaka málið frá öllum hliðum.
Hver sé raunveruleg ástæða tapsins? Hvernig ^ar stjórn-
un fyrirtækisins háttað? Hafa einhverjir brotið lög og þá
hverjir og hvernig?
Eftir að niðurstaða hefur fengist verður að leggja hana
á borðið og skýra hana fyrir þjóðinni. Hún á fulla heimt-
ingu á að vita hverjir bera ábyrgðina og hver sé ástæðan,
þar sem henni er gert að greiða skuldirnar.
Stjórnarandstaðan leggur til að þingkjörin nefnd
rannsaki málið fyrir opnum tjöldum. Vitað er að þannig
rannsókn færi mest fram í fjölmiðlum en niðurstöðu væri
ekki að vænta.
Þess vegna beittu framsóknarmenn sér fyrir því innan
ríkisstjórnarinnar, að Hæstiréttur skipaði þrjá sérfróða
menn til að vinna samhliða skiptaráðanda að rannsókn
málsins. Enda þótt sjálfstæðismenn hefðu áður einungis
viljað að skiptaráðandi fjallaði um málið féllust þeir á
þessa tillögu framsóknarmanna.
Þessari nefnd verður m.a. falið að rannsaka tengsl við-
skipta Hafskips og Útvegsbankans og afskipti einstakra
manna af þeim viðskiptum, sögusagnir um vafasama
fjármagnsflutninga frá Hafskipum til annarra fyrirtækja
og orðróm um óhóflega eyðslu forráðamanna Hafskipa
svo eitthvað sé nefnt.
Vissulega verður erfiðara að fylgjast með daglegum
gangi rannsóknarinnar en spurningin er hvort ekki sé
æskilegra og eðlilegra að botn fáist í málið frekar en að
fjargviðrast um það daglega í fjölmiðlum.
Pá er líka rétt að benda á að fram hefur komið að fleiri
fyrirtæki en Hafskip eru í vandræðum. Því var lýst yfir á
Alþingi að búast mætti við verulegum greiðsluerfiðleik-
um og jafnvel greiðsluþroti margra annarra þekktra
fyrirtækja.
Vonandi kemur ekki til þess, en fari svo er ljóst að
ekki verður hægt að kjósa þingkjörnar nefndir til að
rannsaka hvert og eitt mál út af fyrir sig, heldur verður
að treysta á dómskerfið og sérfróða menn til þeirra
hluta.
Búast má við að stjórnarandstaðan reyni að saka
Framsóknarflokkinn um linkind og undanlátssemi við
Sjálfstæðisflokkinn í Hafskipsmálinu, annað væri óeðli-
legt af þeirra hálfu.
Framsóknarflokkurinn er fullfær um að meta hvernig
best er hægt að ná fram réttlæti og þarf ekki að ganga í
smiðju stjórnarandstöðunnar til þess að leita ráða í þeim
efnum.
En þingmenn Framsóknarflokksins verða að gera sér
grein fyrir því að Hafskipsmálið snýst um fleira en
gjaldþrot. Það erpólitískt hitamál semm.a. varðarstarf-
semi banka, rekstrarform fyrirtækja, og hlutverk
embættismanna og því er nauðsynlegt að þeir ekki síður
en þingmenn annarra flokka taki virkan þátt í umræð-
unni og skýri afstöðu sína til þessara og annarra atriða
sem upp koma við umfjöllun málsins.
ffl 7 Fimmtudagur 12. desember 1985 8
Ll LÍ í tíma og ótíma
■ Búningsaöstaða er við hiið salernanna. Þetta er þeirri stétt, sem vinnur við hvað ströngustu hreinlætiskröf-
ur, boðið upp á.
UERT í LEIGU
HÚSNÆDI
Skipt um föt við hlið saurgerla
■ Hótel- og veitingaskólinn býr
við þröngan kost. Skólinn er í
leiguhúsnæði við Suðurlands-
braut. Hægt er að segj a skólanum
upp með sex mánaða fyrirvara.
Öll aðstaða er hin versta. Kokkar
og þjónar verða að skipta um föt
innan um saurgerla og annan
hugsanlegan óþrifnað á salernum
skólans.
NT birti nýlega frétt af ástand-
inu í skólanum og var þar rætt við
nema og kennara. Greinilegt var
á viðmælendum að heyra að á-
standið er vægast sagt fyrir neðan
allar hellur. Skólinn er ofsetinn
og áhöld, sem notuð eru við verk-
lega kennslu, eru engan veginn í
takt við nútíma matargerð.
Sverri boðið í mat
Nemar í skólanum gripu til
þess ráðs, að reyna að vekja at-
hygli á sínum málum með því að
bjóða ráðherra menntamála ' í
kvöldverð, þar sem kynna átti að-
stöðuna fyrir honum. Sex réttir
hurfu ofan í Sverri Hermannsson
áður en skólinn og aðstaðan var
skoðuð. Greinilegt er að áhugi
ráðherrans fyrir úrbótum á skóla-
húsnæðinu eru litlar. Hann mætti
rúmum klukkutíma of seint í
steikina, og var því fyrirhöfn
nemanna að mestu farin í súginn.
Ekki hefur heyrst frá ráðherran-
um síðan og því er enn spurning
hvort hann gerir það sem þarf, til
þess að skólinn fái eigið húsnæði.
Káliðerekki sopið....
Kálið er ekki sopið þó í ausuna
sé komið. Fyrirliggjandi er teikn-
ing af nýju húsi fyrir Hótei- og
veitingaskólann, og er gert ráð
fyrir því að húsið verði staðsett í
Kópavogi. Bæjarstjórn Kópa-
vogs hefur þegar samþykkt teikn-
inguna, og því boltinn í höndum
Sverris í ráðuneytinu. Um leið og
samþykki er fyrirliggjandi verður
hægt að hefjast handa um bygg-
ingu hússins sem er hið glæsileg-
asta.
Jónasgrætur
Jónas Kristjánsson ritstjóri á
DV hefur grátið í fleiri mánuði
vegna frammistöðu matreiðslu-
manna á íslenskum veitingastöð-
um. Kannski þarna sé komin
skýringin á hryggðarmyndinni
sem Jónas hefur grátið yfir í dálk-
um sínum. Saurgerlar og úr sér
gengin áhöld fara ekki saman
með góðri matreiðslu. Ef skapa á
góða kokka og þjóna verður
þjálfun þeirra öll að vera í sam-
ræmi við það. Þetta er sú stétt,
sem á að leggja hvað mest upp úr
því að íyllsta hreinlætis sé gætt á
öllúm stundum. Heilbrigðiseftir-
litið hefur ekki litið í Hótel- og
veitingaskólann í mörg ár, en
nokkuð ábyggilegt er að húsnæð-
inu yrði lokað hið fyrsta.
Vilja fleiri nema
Á sama tima og Sverrir Her-
mannsson situr á umsókninni frá
skólanum eru meistarar í mat-
reiðslu að sækja um leyfi til þess
að hafa fleiri nema á sínum
snærum. Af þessu getur ekki orð-
ið þar sem skólinn við Suður-
landsbrautina er þegar orðinn
yfirfullur.
Á sama tíma og Sverrir situr
sem fastast á sömu umsókn og
Ragnhildur Helgadóttir hafði
velgt lengi með sitjandanum, tal-
ar sá fyrrnefndi um að setja á
stofn glæsilegan sjávarútvegs-
skóla. Vissulega er þörf á slíkum
skóla, en spurningin er hvort eigi
að hafa forgangsröð. Þegar litið
er til þess að Hótel- og veitinga-
skólinn hefur aldrei haft viðun-
andi húsnæði, vaknar spurningin
hvort ekki sé tími til kominn að
líta á þessa námsgrein með raun-
sæisaugum. Þetta er kannski ekki
alvöru nám í augum þeirra ráð-
herra sem setið hafa í mennta-
málaráðuneytinu. Ætli ráðherra-
veislurnar yrðu ekki sviplitlar ef
við mundum hreinlega leggja stétt-
ina af?
Fiskogflot
fyrirferðamenn
Ferðamannaiðnaðurinn er
inikið til óplægður akur hjá okkur
Islendingum, en þó búum við við
sérstakar aðstæður, þar sem við
ættum að geta nýtt okkur landið
og það sem það hefur að bjóða.
Flestir ferðamenn eta á veitinga-
stöðum, og margir hverjir eru
dýrir staðir. Með góðri úrvinnslu
úrvals hráefna er tryggt að fleiri
ferðamenn verða ánægðir og þar
með er stuðlað að frekari land-
kynningu. Við græðum ekki sem
skyldi á því að selja ferðamönn-
um fisk og flot eða pylsur.
Matvælaiðnaður
ísama skóiann
Teikningar að skóla þeim sem á
að rísa í Kópavogi, sýna mikið
hús, þar sem gert er ráð fyrir að
ýmsar greinar í matvælaiðnaði
hafi sitt athvarf við hlið kokka og
þjóna. Þegar þessum greinum
hefur verið skapað athvarf, er
einnig lagður grundvöllurinn að
aukinni fjölbreytni í fullunnum
matvörum sem kæmu lands-
mönnum til góða, og einnig mætti
horfa til markaða erlendis með
þær vörur í huga. Sterkur skóli af
þessari gerðinni myndi efla at-
vinnulíf, þegar fram í sækir. Sú
efling er þó alfarið háð því að
Sverrir Hermannsson taki um-
sóknina um skólahúsnæðið og í
það minnsta kanni hana og mögu-
leika sem standa opnir til þess að
ráða bót á vanda þeim sem kokk-
arog þjónar, þ.e. nemar, búavið.
Eggert Skúlason