Morgunblaðið - 28.08.2004, Síða 6

FRÉTTIR
6 LAUGARDAGUR 28. ÁGÚST 2004 MORGUNBLAÐIÐ
„VIÐ erum eiginlega bara í sömu
stöðu og nemendur, við viljum fá skýr
svör frá ríkinu um það hvernig þessi
samningur verður og að hann verði þá
frágenginn.
Það er þrýstingur úr öllum áttum.
Skólarnir vilja hafa málin klár og
nemendur og maður skilur það. Þetta
er ófremdarástand, en það er ekki
hægt að höggva endanlega á hnútinn
fyrr en þessi samningur er kominn
endanlega í gegn hjá ríkinu,“ segir
Lúðvík Geirsson, bæjarstjóri í Hafn-
arfirði, um málefni tónlistarnemenda
sem stunda nám í Reykjavík en búa í
öðru sveitarfélagi.
Drög að samningi milli ríkis og
sveitarfélaga, sem felur í sér að ríkið
taki að sér stuðning við tónlistarnem-
endur á framhaldsstigi, er nú í vinnslu
hjá fjármálaráðuneyti og mennta-
málaráðuneyti. Til þessa hafa sveit-
arfélög stutt tónlistarnám og er það í
þeirra verkahring lögum samkvæmt.
Sveitarfélögin telja aftur á móti að
þar sem ríkið fari með framhalds-
menntun í landinu, eigi kostnaður af
tónlistarmenntun á framhaldsstigi að
vera í verkahring ríkisins.
„Mér finnst mjög leiðinlegt að
þetta skuli lenda á krakkagreyjun-
um,“ segir Sigurður Geirdal, bæjar-
stjóri í Kópavogi. Hann segir mjög
leiðinlegt að nemendur blandist inn í
þetta, en meðan ríki og sveitarfélög
benda hvort á annað eru nemendur í
óvissu um nám sitt.
Óeðlilegt af hálfu
Reykjavíkurborgar
Reykjavíkurborg studdi áður alla
þá nemendur sem stunduðu nám á
framhaldsstigi í tónlistarskólum
borgarinnar, en tilkynnti í fyrra að
því yrði hætt. Sigurður segir mjög
óeðlilegt af hálfu Reykjavíkurborgar
að segja þessu upp án þess að hafa
komist að samkomulagi um hvað tæki
við. Svona mál eigi að afgreiða án þess
að nemendur verði þess varir.
„Reykjavík sagði bara allt í einu
upp þessu samkomulagi, um að hver
borgaði fyrir þá nemendur sem hjá
honum voru, án þess að vera búin að
finna nokkurt samkomulag, hvorki
við ráðuneytið né aðra, og þá er farið
að ýta við nemendunum. Auðvitað
eiga yfirvöld bara að leysa þetta sín á
milli,“ segir Sigurður.
Lúðvík segir að Samtök sveitarfé-
laganna á höfuðborgarsvæðinu hafi
verið með þetta mál inni á borði hjá
sér á annað ár. Drög að samningi við
ríkið hafi verið tilbúin í vor. „Við sveit-
arstjórarnir í stóru sveitarfélögunum
höfum verið að bíða eftir því að það
komi einhver botn í það mál, áður en
við tökum endanlega ákvörðun um
aðra þætti málsins. Þannig hafa svör-
in verið gefin hér frá okkur, að málið
sé í biðstöðu. Það er ekki á fjárhags-
rammanum hjá okkur að við séum að
greiða fyrir eldri hópinn, en við ætl-
uðum að sjá niðurstöðuna út úr þess-
um endanlega samningi við ríkið,“
segir Lúðvík.
Hann segir að sveitarfélögin séu
ekki ánægð með ákveðna hluti í samn-
ingsdrögunum, eins og að ríkið greiði
eingöngu með þeim sem séu í val-
námi, sem hægt sé að fá metið í fram-
haldsnám. „Það eru ákveðnir hlutir
sem við erum ekki sátt við, en viljum
ná þessum málum fram, þannig að
það séu a.m.k .stigin fyrstu skrefin.
Meðan þessi samningur er ekki kom-
in í höfn, sem átti að vera fyrir löngu
síðan, samkvæmt öllum þeim loforð-
um sem gefin voru, þá erum við með
þetta í biðstöðu,“ segir Lúðvík.
„Ráðuneytin hafa lag á því að draga
öll mál sem kosta einhver útgjöld og
þeir lofuðu þessu í fyrra haust, aftur
um áramót, aftur í febrúar, aftur í maí
og enn er þetta ekki komið,“ segir
Sigurður.
Nemendur milli
steins og sleggju
Lúðvík segir að þegar samningur
við ríkið verði klár verði teknar end-
anlegar ákvarðanir um aðrar áherslur
í málinu. Sveitarstjórarnir á höfuð-
borgarsvæðinu hafi gert samkomulag
sín á milli um að standa þannig að
málinu.
„Við gerum okkur algjörlega grein
fyrir því að nemendur eru í þeirri
stöðu [á milli steins og sleggju]. Það
er í raun og veru sama staða og menn
voru í fyrir réttu ári síðan, þegar við
sveitarfélögin tókum af skarið og
ákváðum að taka allan kostnaðinn á
okkur, gegn því loforði að ríkið kæmi
inn í málið með samningi við okkur
fyrir þetta skólaár. Sá samningur átti
að vera klár í vor og drögin að honum
lágu þá fyrir, en allur þessi tími hefur
því miður liðið, án þess að hann sé
kláraður,“ segir Lúðvík.
Ófremdarástand
fyrir nemendur
Morgunblaðið/Þorkell
Drög að samningi um tónlistarnám
eru nú í vinnslu.
Sveitarfélögin halda að sér höndum meðan óljóst er
hvort verður af samningi við ríkið um tónlistarkennslu
BORGARFJARÐARSVEIT greiðir
ekki með nemendum í tónlistarnámi
utan sveitarfélagsins, hvort sem er á
grunn- eða framhaldsstigi, og hefur
þetta þá þýðingu að Björn Þor-
steinsson og kona hans Anna Guð-
rún Þórhallsdóttir greiða hátt í
hálfa milljón á ári með námi sona
sinna, sem sækja sitt nám til Reykja-
víkur. Þurfa þau að greiða þann
hluta sem á að koma í hlut sveitarfé-
lagsins, 288 þúsund krónur, til við-
bótar við hefðbundin skólagjöld.
Björn og Anna Guðrún eiga tíu
ára son í fiðlunámi og átta ára son í
píanónámi og keyra þá tvisvar sinn-
um í viku frá Hvanneyri til Reykja-
víkur, þar sem þeir sækja tónlistar-
tíma. „Fyrsta skólaveturinn eftir
þessa breytingu fengum við afslátt
fyrir seinna barnið, en það er sama,
það hleypur á hundruðum þúsunda
sem þarf að borga aukalega,“ segir
Björn.
Gætu þetta ekki ef þau
hefðu minni tekjur
Þau hjónin þurfa að borga 144
þúsund krónur með hvorum syni,
samtals 288 þúsund, til viðbótar við
reglubundin skólagjöld sem eru
samanlagt 150 þúsund. Alls greiða
þau því 438 þúsund krónur á ári fyr-
ir tónlistarnám sona sinna. „Þetta er
eitthvað á fimmta hundrað þúsunda
í heild, sem við þurfum að borga
með báðum börnum. Við hjónin er-
um bæði prófessorar hér við háskól-
ann og getum auðvitað bara neitað
okkur um að fara í útlandaferðir.
Þetta snýst allt um forgang í lífinu,
en auðvitað gætum við þetta ekki ef
við værum tekjuminni,“ segir Björn.
Hann segir að synir hans hafi í
upphafi sótt tíma í Tónlistarskóla
Borgafjarðar, sem þá hafi verið rek-
inn af miklum vanefnum og skort
viðunandi aðstöðu. Þeir hafi einnig
byrjað að sækja tíma hjá erlendum
kennara, sem var góður kennari en
talaði ekki íslensku á þeim tíma.
„Síðan þetta var hefur ýmislegt
batnað hér í Borgarfirði, en við
ákváðum á þessum punkti að fara
með krakkana til Reykjavíkur í
þennan sérhæfða skóla. Auðvitað
var það dýrara og kostaði ferðalög,
en við fengum þar mjög gott atlæti
fyrir okkar syni og íslenskumælandi
úrvalskennara sem við vorum mjög
ánægð með,“ segir Björn.
Hann segir að þegar aðstaðan í
Borgarfirði batnaði, hafi drengirnir
þegar numið í nokkur ár við skólann
fyrir sunnan og orðnir vanir
kennsluaðferðum þar og kennara
sínum. „Við viljum ekki slíta þessu
og viljum halda ótruflaðri fram-
vindu í námi okkar barna. Mér
finnst sem borgara í þessu landi að
það sé óréttlæti fólgið í því að geta
ekki boðið börnum sínum þá bestu
og sérhæfðu þjónustu á sviði tónlist-
armenntunar sem völ er á, bara af
því að maður er utanbæjarmaður og
ekki búsettur í höfuðborginni þar
sem fjöldinn er,“ segir Björn.
Hveragerði og Mosfellsbær
styrkja sitt fólk
Borgarfjarðarsveit hafnaði erindi
Björns og Önnu Guðrúnar um að
taka þátt í þeim þætti tónlist-
arkennslunnar, sem sveitarfélögin
eiga að greiða lögum samkvæmt,
þar sem námið fari fram utan sveit-
arfélagsins. „Ég hef að vísu hug á
því að endurnýja áreiti við þá, því ég
hef séð að sveitarfélög eins og
Hveragerði og Mosfellsbær hafa
ákveðið að styðja við bakið á sínum
nemendum, sem vilja leita til höf-
uðborgarinnar,“ segir Björn.
Hann segir mikilvægt að for-
eldrar geti valið hvar börn þeirra
sæki menntun. „Ef þú átt barn sem á
einhverja góða hæfileika á tilteknu
sviði finnst mér að þú eigir að geta
ræktað þá hæfileika með þeim með-
ölum sem standa til boða í samfélag-
inu, en búseta útiloki þig ekki frá
því að geta veitt börnum þínum til-
tekinn aðgang að þroskamögu-
leikum.“
Borgarfjarðarsveit greiðir ekki með
tónlistarnámi utan sveitarfélagsins
Greiða hlut
sveitarfélagsins
úr eigin vasa
MENNTAFÉLAGIÐ ehf. tók í gær
í notkun nýja véla- og siglingaherma
fyrir hönd Vélskóla Íslands og Stýri-
mannaskólans. Vélhermirinn er til
húsa í Véskólanum og uppfærsla
siglingahermis í Stýrimannaskólan-
um. Þorgerður Katrín Gunnarsdótt-
ir menntamálaráðherra ræsti af því
tilefni vélar í 200 metra gámaskipi í
vélhermi Vélskólans og stýrði skip-
inu inn í höfnina í Halifax með aðstoð
siglingahermisins.Kostnaður vegna
kaupa á tækjunum og uppsetning
þeirra nemur um 100 milljónum
króna og komu menntamálaráðu-
neytið og Ríkiskaup að gerð samn-
inga en rekstur skólanna er í hönd-
um Menntafélagsins ehf. Hluthafar í
Menntafélaginu eru Landssamband
íslenskra útvegsmanna, Samband ís-
lenskra kaupaskipaútgerða og Sam-
orka.
Vélskóli Íslands og Stýrimannaskólinn
Morgunblaðið/ÞÖK
Þorgerður Katrín Gunnarsdóttir menntamálaráðherra ræsir vélar gáma-
skipsins í Vélskólanum í gær og tekur stefnuna á Halifax.
Nýir véla- og siglinga-
hermar teknir í notkun
MAÐUR var í Héraðsdómi Reykja-
ness í gær sýknaður af ákæru fyrir
manndráp af gáleysi. Hann var hins
vegar fundinn sekur um ölvun við
akstur, dæmdur í 60 þúsund króna
sekt og sviptur ökuréttindum í hálft
ár. Maðurinn, sem er Þjóðverji, ók í
júlí í sumar bíl frá Kleifarvatni og
áleiðis vestur Krýsuvíkurveg í átt
að Hafnarfirði þar sem bifreiðin valt
út af veginum við Vatnsskarð með
þeim afleiðingum að farþegi í aft-
ursæti bifreiðarinnar kastaðist út,
hafnaði undir bifreiðinni og lést af
áverkunum nokkrum dögum síðar.
Fram kemur að áfengismagn í
blóði mannsins var 0,89‰. Í niður-
stöðum héraðsdóms segir, að þegar
öll atvik séu virt, þyki, þrátt fyrir
líkur á því að áfengisáhrif hafi skert
ökuhæfni mannsins, leika vafi á því
að hann hafi sýnt af sér slíkt gáleysi
við akstur umrætt sinn að nægi til
sakfellingar fyrir manndráp af gá-
leysi. Í því sambandi beri að líta til
þess að ekkert bendi til of hraðs
aksturs hans heldur virðist sem
hann hafi misst vald á bílnum er
hann tók að skríða í beygju á veg-
inum. Ber til þess að líta að lausa-
möl var mikil og maðurinn óvanur
slíkum aðstæðum. Segir loks að öll
þessi atriði og fram kominn vafa í
málinu beri að meta ákærða í hag.
Finnbogi H. Alexandersson kvað
upp dóminn.
Karlmaður sýknaður af ákæru