Morgunblaðið - 28.08.2004, Blaðsíða 36

MINNINGAR
36 LAUGARDAGUR 28. ÁGÚST 2004 MORGUNBLAÐIÐ
✝ Jón Aðalbjörns-son fæddist á
Hvammi í Þistilfirði
29. september 1927.
Hann lést á Sjúkra-
húsi Húsavíkur 18.
ágúst síðastliðinn.
Foreldrar Jóns voru
Jóhanna María
Jónsdóttir, f. 27.
nóv. 1899, d. 6.
ágúst 1986 og Að-
albjörn Arngríms-
son, f. 8. mars 1907,
d. 23 jan. 1989. Jón
var elstur fjögurra
systkina en hin eru
Ari, f. 20. ágúst 1929, d. 4. mars
1986, Guðrún Ragnhildur, f. 20.
ágúst 1929, d. 5. mars 1944 og
Aðalbjörn Arnar, f. 14. apríl
1935.
Árið 1952 gekk Jón að eiga
grímur, f. 1. jan. 1957, kvæntur
Hildi Ingvarsdóttur og eiga þau
tvær dætur, Hlín og Ingibjörgu.
Áður átti Arngrímur Karl Huldar
og dóttir Hildar er Kolfinna. 5)
Eyþór Atli, f. 24. sept. 1962, í
sambúð með Svölu Sævarsdóttur.
Dóttir þeirra er Álfrún Marey,
dóttir Svölu er Karítas Ósk. 6)
Víkingur, f. 3. jan 1971, í sambúð
með Sigríði Hörpu Jóhannesdótt-
ur. Synir þeirra eru tvíburarnir
Birkir Mensalder og Heiðmar
Andri. Dóttir Hörpu er Hulda
Kristín.
Jón ólst upp við bústörf á
Hvammi og stundaði síðar nám
við alþýðuskólann á Laugum. Á
Þórshöfn var Jón vörubílstjóri til
margra ára, kvikmyndasýninga-
maður, starfsmaður Mjólkur-
stöðvar Þórshafnar og síðast um-
boðsmaður flugfélaganna og
starfsmaður Flugmálastjórnar
við Þórshafnarflugvöll á meðan
heilsan leyfði.
Útför Jóns verður gerð frá
Þórshafnarkirkju í dag og hefst
athöfnin klukkan 14.
Huldu Ingimars frá
Þórshöfn, f. 12. júlí
1934. Móðir Huldu
var Soffía Ingimars-
dóttir. Börn Jóns og
Huldu eru: 1) Soffía
Ragnhildur, f. 14.
apríl 1953, gift Ellert
M. Ólafssyni. Þau
slitu samvistum. 2)
María Jóna, f. 21.
apríl 1954, maki Hall-
grímur Ingólfsson,
þau eiga þrjú börn,
Önnu Ingibjörgu,
Huldu Ingimars og
Jón Inga. María átti
áður Steinbjörn sem ólst upp hjá
Jóni afa sínum og Huldu ömmu
til 16 ára aldurs. 3) Arnþrúður, f.
6. des. 1955. Fósturdóttir Jóns
Kristinssonar og Arnþrúðar Ingi-
marsdóttur ömmusystur. 4) Arn-
„Ég fer á námskeið,“ sagði ég til
skýringar við samstarfsfólk mitt í
Danmörku þegar við Maja, þá þar
búsett, vorum á leið heim á Frón að
leysa tengdaforeldra mína af í mán-
uð sem flugmarskálkar á Þórshöfn.
Ég sagðist reyndar verða flugum-
ferðarstjóri (flyveleder!) sem varð
til þess að Danir úr okkar kunn-
ingjahópi flykktust ekki til Íslands
það sumarið. Gengu störf okkar við
flugafgreiðsluna á Þórshöfn áfalla-
laust fyrir sig en ekki var laust við
að við fyndum fyrir því að viðskipta-
vinunum líkaði betur að eiga við-
skipti við Nonna. – Það var víst auð-
sóttara hjá honum, að fá pakkana
afgreidda þótt ekki væri alveg til
fyrir kröfunni, en hjá okkur. Hann
hafði alltaf skilning á því t.d. að ef
varahlut vantaði í bát eða bíl, þá
varð viðkomandi að fá hann sama
hvaða vikudagur var og hvað klukk-
an var og Sparisjóðurinn ekki op-
inn! Þetta var fyrir plastkortavæð-
ingu, því atvinnutækin máttu ekki
standa aðgerðalaus og málinu var
þess vegna bjargað.
Æðruleysi og væntumþykja í
garð annarra eru þau orð sem koma
upp í hugann þegar finna skal orð
sem lýsa tengdaföður mínum, Jóni
Aðalbjörnssyni. – Jú og ekki má
gleyma … barnagæla, því Jón hafði
einstakt lag á börnum.
Æðruleysi Jóns sýndi sig í því að
hann virtist taka öllu sem að hönd-
um bar með jafnaðargeði. Þetta má
ekki skilja svo að hann hafi verið
skaplaus maður, það var hann ekki.
Hann barðist hetjulegri baráttu
við illvígan sjúkdóm í mörg ár og
var ekki annað hægt en að dást að
hörkunni og þrautseigjunni sem
hann sýndi oft í því sambandi.
Væntumþykjan kom fram hjá
honum í ást hans á eiginkonu, börn-
um og barnabörnum og ást hans á
heimahögunum, Þórshöfn og sveit-
um Þistilfjarðar, og þeim sem þar
búa.
Ég vil þakka tengdaföður mínum
það sem hann hefur verið mér og
mínum í gegnum tíðina.
Ég veit að hann varð hvíldinni
feginn og vona að hann njóti henn-
ar.
Takk fyrir allt.
Þinn tengdasonur,
Hallgrímur.
Elsku Nonni afi.
Þegar við sitjum hér systkinin
saman og hugsum til baka koma
upp ótal skemmtilegar minningar
frá Þórshöfn. Þú og flugskýlið áttu
alltaf svo vel saman og það var topp-
urinn að fá að fara með þér þangað.
Alltaf var nóg að dunda sér við, sópa
dauðar flugur úr gluggakistunum,
tala í talstöðina, fá að fikta smá í
tökkunum, kanna kríuvarpið og
fjöruna og síðast en ekki síst horfa á
þig taka á móti flugvélunum.
Morgunstundirnar með þér voru
okkur mjög dýrmætar. Alltaf varstu
fyrstur á fætur og tilbúinn með
heimsins besta hafragraut þegar við
vöknuðum. Að sitja með Gufuna í
gangi, eldsnemma morguns með
þér, var huggulegra en orð fá lýst.
Við þekkjum fáa sem geta talist
eins ljúfir og yndislegir. Takk fyrir
allt, elsku afi.
Þín barnabörn
Anna, Hulda og Jón Ingi
(Nonni litli).
Elsku afi. „Ég vildi að ég gæti
gert meira fyrir þig,“ sagðir þú við
mig í sumar þegar ég var að kveðja
þig eftir heimsókn austur á Þórs-
höfn. Ég svaraði því til að þú værir
alltaf að gera eitthvað fyrir mig og
hefðir komið mér til manns og fyrir
það væri ég þakklátur. Í huga mér
er heimurinn fátækari eftir að þú
kvaddir okkur, en öll erum við rík í
hjörtum okkar því ég veit að þeirri
manngæsku og elju sem bjó í brjósti
þér væri hverri manneskju hollt að
kynnast. Elsku afi, það er gott að
vita að þú heldur áfram að vaka yfir
okkur og ég veit að þér líður vel
núna. Ég fann ljóð sem ég setti sam-
an í desember fyrir u.þ.b. 15 árum,
en þetta ljóð samdi ég til þín, elsku
karlinn minn.
Í hafsins háu bárum
hæst þú ríst í raun
sem klettur í okkar sárum
þó sorgin heimti sér laun
þó hvassir vindar veittust
villtir að þinni strönd
þínar sterku hendur streittust
og stöðugt þær leystu bönd
yfir þér myrkvuð þoka
sem þakti öldunnar skell
allt útstreymi tókst að loka
af stalli enginn féll
þín hógværð hvatti okkur
og í huganum fann sér stað
ljós sem englalokkar
ég leita þér ávallt að
Þinn
Steinbjörn.
Þá er Jón föðurbróðir minn farinn
til fundar við forfeðurna. Hann lést
miðvikudaginn 18. ágúst eftir langa
og afskaplega erfiða baráttu við
Parkinsonsjúkdóminn.
Nonni Abba, eins og hann var
jafnan kallaður, var gæddur flestum
kostum sem prýtt geta einn mann.
Geðprýðismaður með eindæmum,
heiðarlegur, samviskusamur og
sanngjarn kjarkmaður. Hörkumað-
ur við alla vinnu. Góð er sagan af
Nonna þegar verið var að leggja
veginn upp á Heiðarfjall, akkorðs-
keyrsla og engan tíma mátti missa.
Eitthvað hafði akkorðið komið niður
á svefntíma síðustu nætur á undan,
þannig að hann var farinn að dotta á
leiðinni upp fjallið. Vill þá svo til að
bíllinn fór út af veginum, og allt sat
fast. Nonni vaknar við þetta og kall-
aði í dráttartæki, lét draga bílinn
aftur upp á veginn og hélt áfram að
keyra í akkorði. Seinna, til að fyr-
irbyggja svona atvik á löngum ferð-
um eins og í stauraferðum til
Reykjavíkur, kaus Nonni að hafa
með sér fylgdarmann. Oftar en ekki
fór með honum Óskar Jónsson sem
hélt Nonna vakandi með léttu spjalli
og kröftugum söng, eftir að hafa
gætt sér á sterkblönduðu söngvatni.
Nonni var frábær skytta og af-
bragðs veiðifélagi og stundaði veið-
ar eins lengi og heilsan leyfði. Eftir
að Nonni hætti að reka vörubíl, tóku
þau Hulda við starfi umboðsmanns
Flugleiða og við umsjón flugvallar-
ins. Sennilega hefur engin flugaf-
greiðsla á landinu haft lengur og
sveigjanlegar opið en flugafgreiðsl-
an í Háafelli. Þá hafði Nonni mikinn
áhuga á útgerð smábáta. Smásaman
fór sjúkdómurinn að herja á Nonna
með meiri þunga og dró mikið úr
líkamlegri getu hans til að vinna,
þrátt fyrir að áhuginn væri óend-
anlegur.
Með þessum orðum kveð ég mann
sem mér þótti ákaflega vænt um og
veit að hann er nú á góðum stað og
situr eflaust ekki aðgerðalaus ef ég
þekki frænda rétt.
Elsku Hulda, börn og barnabörn,
ykkur sendi ég mínar dýpstu sam-
úðarkveðjur Megi algóður guð vera
með ykkur öllum.
Ölver Hjaltalín Arnarsson.
JÓN
AÐALBJÖRNSSON
Hjartans þakkir til allra þeirra fjölmörgu sem
sýndu okkur samúð og hlýhug við andlát og
útför ástkærs eiginmanns míns, föður okkar,
tengdaföður, afa og langafa,
EIRÍKS ÁSMUNDSSONAR
frá Stóru-Reykjum,
Hamraborg,
Svalbarðseyri.
Innilegar þakkir til starfsfólks Heimahlynningar
fyrir einstaka alúð og umönnum svo og starfsfólks Sjúkrahúss Akureyrar.
Guð blessi ykkur öll.
Hulda Magnúsdóttir,
Steinunn A. Eiríksdóttir,
Ásmundur Eiríksson, Unnur Þorsteinsdóttir,
Magnús Eiríksson, Guðrún Ólöf Pálsdóttir,
Steinar Ingi Eiríksson, Ólína Sigríður Jóhannsdóttir,
Ingþór Eiríksson,
Hrafnhildur Eiríksdóttir, Sigurður Bergþórsson,
Haukur Eiríksson, Bára Sævaldsdóttir,
barnabörn og barnabarnabörn.
Hjartans þakkir til allra sem sýndu okkur
samúð og hlýhug við andlát og útför okkar
ástkæra
EIRÍKS JÓNSSONAR
múrarameistara,
Rauðhömrum 12,
Reykjavík.
Sjöfn Jónsdóttir,
Jón Eiríksson, Ragnhildur K. Sandholt,
Yngvi Eiríksson Herdís Guðmundsdóttir,
Auður Eiríksdóttir, Ómar Runólfsson,
Garðar Eiríksson, Anna Vilhjálmsdóttir,
Kristinn Eiríksson Birna Ragnarsdóttir,
Sjöfn Eiríksdóttir, Thor Smitt-Amundsen
og fjölskyldur.
Innilegustu þakkir færum við öllum fyrir
auðsýnda samúð vegna fráfalls elskulegs
eiginmanns og vinar, föður okkar, tengda-
föður, afa og langafa,
STYRMIS GUNNARSSONAR,
Langholti 11,
Akureyri.
Sérstakar þakkir færum við deild 13-b og 14-g
Landspítala Hringbraut, lyfjadeild F.S.A. og heimahjúkrun Heilsugæslu-
stöðvar Akureyrar.
Guð gefi okkur öllum æðruleysi.
Kristín Sigurðardóttir,
Guðný Styrmisdóttir, Ásgeir Ásgeirsson,
Sigurður A. Styrmisson, Arnfríður Ólafsdóttir,
Birgir Rafn Styrmisson, Bára Ingjaldsdóttir,
Margrét S. Styrmisdóttir, Jón Ólafsson,
Sigurlína H. Styrmisdóttir,
Sigvaldi Már Guðmundsson, Agnes Jósavinsdóttir,
barnabörn og barnabarnabörn.
Innilegar þakkir til allra fyrir auðsýnda samúð
og hlýhug við andlát og útför elskulegrar sam-
býliskonu minnar, dóttur, systur, mágkonu og
frænku,
INGUNNAR BJARGAR ÓLAFSDÓTTUR,
Einholti 14b,
Akureyri.
Gissur Agnarsson,
Hjördís Jónsdóttir,
Ólafur Örn Ólafsson, Ása Ólafsdóttir,
Steinþór Ólafsson, Elín Gautadóttir,
Haraldur Ólafsson, Erna Arnardóttir
og frændsystkini.
Ástkær eiginmaður minn, faðir okkar, tengda-
faðir, afi og langafi,
SIGURÐUR ÓLAFSSON
flugstjóri,
Hamrahlíð 21,
Reykjavík,
verður jarðsunginn frá Fríkirkjunni í Reykjavík
mánudaginn 30. ágúst kl. 13.30.
Blóm og kransar vinsamlegast afþakkaðir.
Ingveldur Eyvindsdóttir,
Sigurður Ólafur Sigurðsson, Guðrún Lilja Ingvadóttir,
Katrín Guðrún Sigurðardóttir, Gísli Ólafsson,
barnabörn og barnabarnabörn.
Innilegar þakkir fyrir auðsýnda samúð og hlý-
hug við andlát og útför föður okkar, tengda-
föður, afa og langafa,
EINARS HALLGRÍMSSONAR,
Lindargötu 6,
Siglufirði.
Sérstakar þakkir til starfsfólks Heilbrigðis-
stofnunar Siglufjarðar.
Margrét Einarsdóttir,
Sigurbjörg Einarsdóttir, Þorleifur Karlsson,
Snorri Árnason, Jóhanna Sverrisdóttir,
afa- og langafabörn.