24 stundir - 18.12.2007, Qupperneq 28

28 ÞRIÐJUDAGUR 18. DESEMBER 2007 24stundir
Eftir Hildu H. Cortez
hilda@24stundir.is
„Það er misjafnt hvað ég borða á
aðfangadag og fer eftir því hvar ég
er og með hverjum,“ segir Þorri.
„Ég held að ég eigi mér ekki einu
sinni neina uppáhaldsjólarétti og
er ekki einn af þeim sem verða að
fá rjúpur eða kalkún um jólin. Það
sem mér finnst skipta mestu máli
er félagsskapurinn. Ef hann er
góður þá er yfirleitt allt gott.“
Matargerð allan ársins hring
„Mér finnst gaman að prófa
eitthvað nýtt en svo má auðvitað
segja að jólin verði að vera hæfileg
blanda af hefðum og nýjungum. Á
jóladag hefur til dæmis alltaf verið
hangikjöt hjá mömmu minni og
ég sé ekki að það breytist neitt.
Það er fínt og tilheyrir jólunum.
Þannig að jóladagur er oft miklu
meira í föstum skorðum heldur en
aðfangadagur hjá mér. Á annan í
jólum hef ég síðan oft farið í
heimsókn til vina minna og þá er
bara eldað það sem mann langar
til, villibráð eða fiskur eða hvað
sem er.“
Þorri er mikill matgæðingur og
hefur meðal annars gefið út bækur
um vín og vínmenningu ásamt því
að starfa hjá Gestgjafanum. „Ég er
alltaf að stússa eitthvað í eldhúsinu
þannig að desember er kannski
ekkert svo frábrugðinn öðrum
tímum árs. Maður reynir kannski
að gera ekkert alltof mikið og flott
frá miðjum nóvember til þess að
það verði skemmtilegra í lok des-
ember.“
Ekki er bakað mikið af smákök-
um í eldhúsi Þorra fyrir jólin. „Ég
er ekki mikill smákökukarl. Ég fæ
smákökur þegar ég kem til
mömmu minnar og það dugir mér
alveg. Ég þarf ekkert mikinn
skammt af smákökum til þess að
komast í jólaskap og geri kannski
frekar konfekt eða sætar kökur,
nokkra bita til að eiga en það geri
ég endrum og eins og hugsa að ég
geri það núna.“
Aldrei hamborgarhryggur
Aðspurður um eftirminnilegasta
jólamatinn segir Þorri ekkert sér-
stakt koma upp í hugann. „Það er
ekkert sem hefur verið fullkomlega
afbrigðilegt. En ég hef prófað mig
áfram með allskonar mat. Ég hef
borðað grænmetismat á jólunum
og ég hef borðað villibráð. Ég hef
borðað allt held ég nema ham-
borgarhrygg og stefni ekki að því.
Mér finnst hann vondur matur og
finnst ekki að hann ætti að vera á
borðum og allra síst á jólunum.“
Inntak jólanna gleymist
„Mér finnst fólk ekki vera að
stressa sig á smákökubakstri og
matargerð um jólin, en það er að
stressa sig á ýmsu öðru. Íslend-
ingar reyna að gera allt of mikið
og leggja ekki áherslu á réttu hlut-
ina. Forgangsröðunin er ekki góð
finnst mér. Ég vildi gjarnan sjá
meiri afslöppun. Það tala allir um
að hafa rólegan desember en svo
gerir enginn neitt í því. Fólk vinn-
ur botnlaust, er hlaðið verkefnum
sem þarf að klára og ég held að
það sé að eyðileggja fyrir fólki.
Fókusinn er ekkert lengur á jól-
unum. Inntak jólanna virðist ekki
skipta neinu máli. Þetta er merki-
leg hátíð en fólk eyðir alltof mikl-
um peningum og er að stressa sig
á hlutum sem það á ekki að vera
að stressa sig á eins og að mála alla
íbúðina viku fyrir jól. Það á frekar
að njóta samverunnar og hafa það
gott.“
24 stundir/Jim Smart
Íslendingar eiga það til að gleyma um hvað jólin snúast
Best að snæða jólamat-
inn í góðum félagsskap
➤ Þorri Hringsson er myndlist-armaður en er einnig þekktur
mat- og vínáhugamaður.
➤ Þorri hefur starfað hjá Gest-gjafanum.
➤ Árið 2003 gaf Þorri út bókinaVín sem er handbók um vín
og vínmenningu.
ÞORRI HRINGSSON
Þorri Hringsson myndlist-
armaður segist sjaldan
borða það sama á að-
fangadag og telur að jól-
in eigi að vera hæfileg
blanda af hinu nýja og
gamla. Vaninn er þó að
fara í hangikjöt til
mömmu á jóladag.
Þorri Hringsson Borðar
hangikjöt á jóladag en hefur
snætt ýmislegt á aðfangadag.
„Nei, þú færð ekki uppskrift-
ina,“ segja bæði Björn og Sveinn
Christensen í Kjöthöllinni eftir
ítrekaðar tilraunir blaðamanns til
að fá uppskrift að ótrúlega bragð-
góðri, heitri lifrarkæfu þeirra
bræðra.
„Við höfum haldið vörð um
uppskriftina síðan 1971,“ segir
Björn og segist varla gefa hana
upp núna. Verslunin Kjöthöllin
hefur verið starfrækt síðan 1944
en faðir Sveins og Björns, Christi-
an Christensen, stofnaði hana og
tóku bræðurnir við rekstrinum.
Margir búa til eigin kæfu
Björn segir kæfuna njóta sívax-
andi vinsælda en uppskriftina
rakst hann á við nám í Dan-
mörku. Hann segir marga vilja
búa til eigin kæfu og þá eigi þeir
bræður allt til verksins.
„Að búa til kæfu er huggulegt,
þá kemur þessi fína lykt og
stemning í húsið. Við erum einir
af fáum sem erum með hakkaða
svínalifur og spekk fyrir þá er vilja
búa til eigin kæfu, við setjum þá
ýmislegt út í eftir óskum, til að
mynda lauk og fleira.“
Öl og rauðlaukur með
Björn segir nauðsynlegt að fá
sér öl með kæfunni. „Þá er gott að
hafa niðursoðinn rauðlauk ofan á
kæfuna og sumir steikja beikon
og sveppi til að færa með og öðr-
um finnst ómissandi að hafa rifs-
berjahlaup með herlegheitunum.“
Uppskriftin að heitu lifrarkæfunni, vel varðveitt leyndarmál frá 1971
Christensen-bræður í Kjöthöllinni
Fjölskyldufyrirtæki
Bræðurnir selja hinn vin-
sæla niðursultaða lauk.
24stundir/Frikki
SÓMABAKKAR
Nánari uppl‡singar á somi.is
*Gildir a›eins ef panta› er fyrir meira en 3.000 kr.
PANTA‹U Í SÍMA 565 6000 / FRÍ HEIMSENDING*
Vatnslosandi birkisafi
Birkisafinn frá Weleda hefur
verið vinsæll undanfarin misseri
enda er hann einkar góður
fyrir heilsuna. Birkisafinn hefur
sérstaklega verið vinsæll hjá
þeim sem vilja léttast enda
örvar hann vatnslosun og styður
við náttúrulega úthreinsun
líkamans, en eins og margir vita
er úthreinsun líkamans mikilvæg
fyrir líkamlega vellíðan og vert að
hafa í huga núna um hátíðarnar.
Birkisafinn losar bjúg.
Birkisafinn er unnin úr
þurrkuðum birkiblöðum.
Hægt er að fá birkisafann með
og án hunangs.
Þrátt fyrir að safinn sé kenndur
við birki bragðast hann síður
en svo eins og þessi ágæta
trjátegund. Þetta er bragðgóður
drykkur sem gott er að blanda
með vatni og eiga tilbúinn í
kæliskáp.
Útsölustaðir:
Heilsuhúsin, Fræið Fjarðarkaupum, Maður lifandi , Heilsuhornið Akureyri,
Blómaval, Lyfja og Apótekið, Lyf og heilsa og Apótekarinn , Sólarsport Ólafsvík,
Femin.is, Lífsins lind Hagkaupum, Lyfjaval, Barnaverslanir, Góð heilsa gulli betri,
Birkisafi örfar vatnslosun og er því hentug
lausn fyrir þá sem vilja missa nokkur kíló.
Losar bjúg - léttir á liðamótum
Græna torgið Nóatúni og sjálfstætt starfandi apótek