24 stundir - 01.02.2008, Page 10

Eftir Andrés Inga Jónsson
andresingi@24stundir.is
Sjálfsvígsárásarmaður banaði hér-
aðsstjóra Helmand-héraðs og
fimm öðrum í suðurhluta Afgan-
istans í gær. Á sama tíma koma
út tvær skýrslur sem vara við að
mikið verk sé eftir í uppbyggingu
landsins. Segja skýrsluhöfundar
uppbyggingarstarf geta mistekist,
þannig að Afganistan verði það
sem þeir kalla vanburða ríki og
skjól fyrir hryðjuverkamenn.
Helmand og herafli Breta
Héraðsstjórinn Pir Moham-
med var við bænir í mosku í Las-
hkar Gah, héraðshöfuðborg
Helmand, þegar sjálfsvígsárásar-
maður sprengdi sig í loft upp.
Auk Mohammeds létu minnst
fimm lífið og 11 særðust. Zabu-
hullah Mujahid, talsmaður talib-
ana, lýsti yfir að talibanar hefðu
staðið að verki.
Flestir þeirra 6.000 hermanna
sem Bretland hefur sent til Afg-
anistans starfa í suðurhluta
landsins og þar eru 2.500 her-
menn Kanada.
Um þessar mundir sætir stjórn
breska hersins mikilli gagnrýni
heima fyrir vegna þeirra nýliða
sem hún er að senda til Afganist-
ans. Hefur undirbúningur þeirra
verið skorinn við nögl og liðs-
sveitir smækkaðar, en þær munu
telja 550 menn í stað 650 áður.
Mikið verk fyrir höndum
Kanadíski forsætisráðherrann
varar við að stuðningi Kanada
við stríðið í Afganistan gæti lokið
á næsta ári. Þá lýkur verkefni
þeirra, sem Stephen Harper segist
ekki munu framlengja nema fleiri
NATO-ríki leggi baráttunni í
landinu til lið.
Vekur þessi þróun áhyggjur
höfunda tveggja skýrslna sem
komu út í gær. Þar var mikilvægi
þess að styrkja uppbyggingarstarf
í Afganistan tíundað.
„Ef uppbygging í Afganistan
misheppnast munu afleiðingarn-
ar meðal annars auka óstöðug-
leika á svæðinu, skaða baráttuna
gegn trúarofstækismönnum og
tefla í voða framtíð NATO sem
trúverðugu, samstilltu og máls-
metandi hernaðarbandalagi,“ seg-
ir James L. Jones, einn höfunda
annarrar skýrslunnar.
„Horfur á því að missa aftur
stóra hluta Afganistans í hendur
öfgahópa íslamista hafa breyst úr
því að vera ólíklegar yfir í að vera
mögulegar,“ segja skýrsluhöfund-
ar.
Bandaríska utanríkisráðuneytið
brást við með því að segja að ár-
angur hefði náðst í landinu síðan
stjórn talibana var steypt.
„Við vitum hvernig vanburða
ríki í Afganistan lítur út. Það var
Afganistan undir talibönum fyrir
2001,“ segir Sean McCormack,
talsmaður ráðuneytisins.
„Það hefur orðið raunveruleg
framþróun frá því hvernig Afgan-
istan var fyrir sex árum. Er mikið
verk fyrir höndum? Vissulega.“
Viðkvæm barátta
um Afganistan
 Hætt við að herlið NATO missi tök á uppbyggingu í Afganistan  Kanadastjórn hótar
að leggja herafla NATO í landinu ekki til fleiri hermenn
➤ Suðurhéruð Afganistans erumiðstöð ópíumræktar, sem er
mikilvæg fjáröflunarleið tal-
ibana.
➤ Á síðasta ári gerðu talibanar140 sjálfsmorðsárásir í Afgan-
istan, fleiri en nokkurt ár eftir
að stjórn þeirra var velt úr
sessi.
TALIBANAR Í AFGANISTAN
Nordic-Photo/AFP
Árásarstaður Lögregla skoðar
ummerki í moskunni þar sem hér-
aðstjóri Helmand var myrtur í gær.
10 FÖSTUDAGUR 1. FEBRÚAR 2008 24stundir
Biskupinn í Kantaraborg hef-
ur gagnrýnt reglur um áfeng-
issölu í Bretlandi. Nefndi
hann sérstaklega hversu slæm
áhrif það hefði haft á sam-
félagið að leyfa sölu áfengis
allan sólarhringinn.
„Það hefur dregið úr öryggi og
kurteisi á almannafæri á ýms-
um stöðum, þar á meðal í
Kantaraborg,“ sagði Rowan
Williams. „Hér ríkir menning
áfengismisnotkunar sem ekki
hefur verið tekist á við og er
sólarhringssalan aðeins topp-
urinn á ísjakanum.“ aij
Kantaraborg
Biskup ávítar
bytturnar
STUTT
● Aftökum fækkað Mahmoud
Hashemi Shahrudi, sem fer
með yfirstjórn dómsmála í Ír-
an, hefur gefið út tilskipun um
að opinberum aftökum verði
fækkað verulega. Dauðarefs-
ingu verði ekki beitt á al-
mannafæri nema brýnustu
nauðsyn beri til. Einnig verður
óheimilt að dreifa myndum af
aftökum.
● Róstur í Tsjad Uppreisn-
armenn stefna hraðbyri á
N’Djamena, höfuðborg Tsjad,
eftir að hafa náð borg í 300
kílómetra fjarlægð á sitt vald.
Hafa stjórnvöld sent herlið til
að stöðva 300 farartækja fylk-
ingu uppreisnarmanna.
● Helför úthýst Lögbann hefur
verið sett á sýningaratriði
sambahóps á kjötkveðjuhátíð-
inni í Ríó de Janeró í Brasilíu.
Hugðist hópurinn minnast
helfarar gyðinga í atriði sínu, en
það þótti dómara ekki sam-
ræmast anda hátíðarinnar.
Mig langar til að …
… nota tímann núna eftir hátíðarnar til að
koma mér í form eftir barnsburð. Ég er
svolítil dellukona og hef gaman af að taka
á hlutunum. Ég byrja líka í nýrri vinnu og
hlakka mikið til að fást við ný verkefni.
Eva Ýr Gunnlaugsdóttir, hjúkrunarfræðingur
Kellogg's Special K
kemur mér á sporið
Það er svo frábært þegar sólin hækkar á ný eftir hátíðarnar að hlaða batteríin
og finna kraftinn streyma um æðarnar. Fara á fullt í ræktina og rifja upp allt
sem ég auðvitað veit um næringu og hollustu. Kellogg's Special K er eitt af
því sem kemur mér auðveldlega á sporið á ný, bragðgóður en
fitusnauður morgunmatur, fullur af vítamínum og steinefnum.
Svo er líka frábært að eiga ljúffenga stöng af Special K
við höndina, ef mann langar í eitthvað sætara, bara
90 hitaeiningar.
F
í
t
o
n
/
S
Í
A

F
I
0
2
4
2
9
1